Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Elsen Sadixov Soruşur Yazılma Tarixi:10.09.2015 14:47:32

Salam baqisdayin nararahat etdiyim ucun zehmet olmasa cavab vererdiz seferberlik nece yasdan nece yasa qederdi ? Onceden tesekkur edirem

Hərbi vəzifəlilər 50 yaşları tamam olana qədər hərbi qeydiyyatda olurlar və bu müddət ərzində ölkədə səfərbərlik elan olunarsa onlar çağırıla bilərlər.
qocayev senan Soruşur Yazılma Tarixi:10.09.2015 14:45:50

salam,menim qardasim Qocali Abdurehman Mahir oqlu 19.09.1997 teveludlu,Yevlax R.H.K nan esgerliye yararsiz oldugu halda aparmaglarindan sikayetciyem.onu ilk yoxlamasinda yararsiz qebul etmisdiler,indi ise ona cagrilis gelmisdir. onun onurgasinda eyrilik.bir az qoz bel olmasi ve burda yaza bilmediyim prablemleri vardir.xais edirem bu meseleni aydinlasdirasiniz..

Məlum olmuşdur ki, 1997-ci il təvəllüdlü Qocalı Abdurəhman Mahir oğlu 2015-ci ilin oktyabr çağırışına hazırlıqla əlaqədar Xidmətin Yevlax rayon şöbəsinin hərbi-həkim komissiyasında tibbi baxışdan keçirilən zaman səhhəti ilə əlaqədar heç bir şikayət bildirməmiş, qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və nəticədə rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında Əsasnamə»nin «Xəstəliklər cədvəli»nin I qrafasına əsasən “Hərbi xidmətə yararlıdır. A-3” hesab edilmişdir.
Suleyman Memmedov Soruşur Yazılma Tarixi:10.09.2015 14:45:29

Salam.Men 2012-2014-cu iler erzinde N-sayli herbi hissede Nikadr Zabit islemisem ve 2014 - cu ilin aprel ayinda ehtiyata buraxilmisam.Bilmek isdeyiremki, men yeniden hemen herbi hisseye qayidib 3 ve ya 5 muddeti ile muqavile baglayib isleye bilerem konullu? Olarsa, nece etmeliyem?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.4-cü maddəsinə əsasən, zabitlərin həqiqi hərbi xidmətinə – hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar daxil olurlar. Vətəndaşların harada və hansı vəzifədə hərbi xidmət keçməyi qulluq (xidmət) etmək istədikləri Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, müraciətinizdə qeyd etdiyiniz məsələ ilə əlaqədar aidiyyəti üzrə qulluq (xidmət) etmək istədiyiniz müvafiq dövlət orqanına müraciət etməlisiniz.
Haciyeva Gunay Soruşur Yazılma Tarixi:10.09.2015 11:58:01

Ise qebul elaqedar elektron erizeni doldurdum erizenin tesdiqi haqqda ne zaman melumatlana bilerem

Özünüz barədə məlumat vermədiyinizə görə sualınızın cavablandırılması mümkün olmamışdır.
Leyla Muradova Soruşur Yazılma Tarixi:10.09.2015 11:47:42

Salam. 2014cu ilin oktyabrinda 1 illik geden esgerin 2015ci ilin oktyabrin 1i buraxacaglar? Yoxsa gecikme ehtimali var?

Bildiririk ki, Azərbaycan Respublikası Prezidentinin müvafiq Sərəncamına əsasən xidmət müddəti başa çatmış müddətli həqiqi hərbi xidmət qulluqçuları 2015-ci ilin oktyabr ayının 1-dən 30-dək ehtiyata buraxılacaqlar.  
Bəkirov Nizami Soruşur Yazılma Tarixi:10.09.2015 11:25:08

Salam. Oğlum 01.07.2015 tarixdə hərbi xidmətə çağrılıb. Hərbi hissədə tibbi yoxlama zamanı hipatit xəstəsi olduğundan şüphələnərək geri göndərilib. Hərbi komisarlığın göndərişi ilə Mərkəzi kilinik xəstəxanada yenidən yoxlanılıb və doğurdan da hipatit b xəstəlik daşıyıcısı olduğu müəyyənləşib. (Sonradan daha dəqiq müayinə olduqdan sonra xroniki hipatit b xəstəsi olduğu müəyyən edilib.) Bilmək istərdik ik, o sonrakı çağrışlarda hərbi xidmətə cağrılacaqmı.

Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər.
mammadov elsad Soruşur Yazılma Tarixi:10.09.2015 10:28:04

3 usag olani aparilar?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 19.1-ci maddəsinə əsasən, ailə vəziyyətinə görə müddətli həqiqi hərbi xidmətə çağırışa möhlət himayəsində aşağıdakı şəxslər olan çağırışçılara verilir:
19.1.1. başqa övladı olmayan I qrup əlil ata, yaxud ana;
19.1.2. 3 və daha çox uşaq;
19.1.3. I qrup əlil arvad;
19.1.4. 8 yaşınadək 3 və daha çox uşağı olan ana (ailədə ata olmadıqda) və ya ata (ailədə ana olmadıqda); 19.1.5. 18 yaşınadək və yaxud I qrup əlil qardaş və ya bacı, onları saxlamaq imkanına malik başqa ailə üzvləri olmadıqda.
Bu Qanunun 19.2-ci maddəsinə əsasən, çağırışçılara ailə vəziyyətinə görə müddətli həqiqi hərbi xidmətə çağırışa möhlət 35 yaşa qədər verilir. Bu yaşa qədər çağırışdan möhlət hüququnu itirməmiş şəxslər dinc dövrdə müddətli həqiqi hərbi xidmətdən azad olunurlar və ehtiyata keçirilirlər.
Elvin sadiqov Soruşur Yazılma Tarixi:10.09.2015 10:22:09

Salam men muddetden artiq xidmet etmek istiyirem, surucu kimi. Suruculuk kursu nece aydi. Agdamda 190sayli herbi hissede qulluq ede bilerem? Men zirehli texnikani yaxwi bilirem kursa getmiye bilerem?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1 maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçməyi qulluq (xidmət) etmək istədikləri Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, müraciətinizdə qeyd etdiyiniz məsələ ilə əlaqədar aidiyyəti üzrə qulluq (xidmət) etmək istədiyiniz Azərbaycan Respublikasının Müdafiə Nazirliyinə müraciət etməlisiniz.
kəmalə ələsgərova Soruşur Yazılma Tarixi:10.09.2015 09:54:07

Mən, Silahlı Qüvvələrdə 9 il hərbi xidmətdə olmuşam. Sualım belədir ki, mən də yenidən orduya yazıla bilərəmmi?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Nariman Vashiyev Soruşur Yazılma Tarixi:10.09.2015 08:52:48

salam men Vashiyev Nariman memmed oglu.bilmek istiyiremki herbi xidmeti basa vuranlari yeniden herbi xidmete cagirib neqeder xidmet elemelidir?esitdiyime gore cagiris baslanib bu duzdumu?

Xeyr, ölkəmizdə səfərbərlik üzrə çağırış başlamayıb, lakin Azərbaycan Respublikasının Prezidenti cənab İlham  Əliyevin təsdiq etdiyi plana əsasən 06-13 sentyabr 2015-ci il tarixlərində Silahlı Qüvvələrdə təlimlər keçirilib. Hərbi vəzifəlilər təlim müddətinə çağırıla bilər. 
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.