Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Mahir Soruşur Yazılma Tarixi:12.12.2021 22:08:21

Salam. Mən 3 cu derecesi yastıpencelik diaqnozu ile dinc dövrdə yararsız müharibə dövründe məhdud yararlı biletimi almışdım. Hal hazırda təkrar tibbi müayinə cagrilmisam. Sualım her iki ayağın 3 cu dərəcəli yastipencelik diaqnozu ile herbi xidmətə dinc dövrdə yararlı ola bilerem?Qeyd edimki təkrar müayinə üçün Sabunçu xestexasina deyil birbaşa herbi hospitala gonderirler.

“III (üçüncü) dərəcəli yastıayaqlıq” olan çağırışçılar Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 68 “c” maddəsinin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
Mədət Soruşur Yazılma Tarixi:12.12.2021 14:23:59

Salam Menim ayağımın altı düzdü, Mən Naxcivanskiyə vermək istəyirəm mən hərbi komisiyadan keçə bilərəm?

Çağırışçıların sümük-əzələ sistemi, birləşdirici toxumanın xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən onurğanın deformasıyası və funksiyaların pozulması dərəcəsindən asılı olaraq aparılır. Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və ya bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinə olunacaq və hərbi xidmətə yararlı olub-olmamağınız barədə rayon çağırış komissiyası tərəfindən qərar qəbul olunacaqdır. Əlavə olaraq bildiririk ki, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında Əsasnamə»nin «Xəstəliklər cədvəli»nə əsasən ştat üzrə “zabit” hərbi rütbəsi nəzərdə tutulmuş vəzifələrə hərbi xidmətə könüllü daxil olan və çağırış üzrə müddətli həqiqi hərbi xidmətə çağırılan vətəndaşlara sağlamlıq vəziyyətinə dair tələblər fərqlidir.
Kənan Soruşur Yazılma Tarixi:09.12.2021 08:11:22

Salam aleykum, Onurğamda problem olduğu üçün noyabrın 17-si 2-ci yoxlanışa çağrılmışdım amma cavabların nə vaxt bilinəcəyi haqqında məlumat verilmədi, bilmək istəyirəm yanvara kimi cavablar bilinəcək yoxsa aprelə kimi uzana bilər?

Barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz şəxsi işiniz ilə birlikdə Xidmətin Mərkəzi hərbi həkim komissiyasına təqdim olunmusunuz. Rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilmiş qərar Xidmətin Mərkəzi hərbi həkim komissiyası tərəfindən təsdiq edilmişdir. Bildiririk ki, şəxsi işiniz Xidmətin Xocalı rayon bölməsinə daxil olduqdan sonra Siz hərbi bilet ilə təmin olunacaqsınız.
Nurlan Soruşur Yazılma Tarixi:08.12.2021 19:11:20

Salam mən bilmək istəyirəm məni 2022 ci il yanvar ayında yenə hərbi xidmətə çağırcaqlar məni hərbi hospitala nə vaxt göndərəcəklər vayani bileti nə vaxt verəcəklər zəhmət olmasa deyərdizdə

Bildiririk ki, Siz barənizdə yekun qərarın qəbul edilməsi üçün şəxsi işiniz ilə birgə Xidmətin Şəki rayon şöbəsi tərəfindən Mərkəzi hərbi həkim komissiyasına təqdim olunacaqsınız.  
Orxan Soruşur Yazılma Tarixi:07.12.2021 12:00:18

Salam. Mən Qaraşov Orxan Mustafa oğlu. 1996-ci ildə Bərdə rayonunda anadan olmuşam. 2013-2017-ci illerde Bakı Dövlət Universitetinin Beynəlxalq Münasibətlər ve İqtisadiyyat fakültesinde təhsil almışam. 2018-2019-cu illərdə Daxili Qoşunların Lənkəran şəhərində yerləşən hərbi hissəsində hərbi xidmətdə olmuşam. Səfərbərlik Xidmətində zabit kimi işe qəbul olmaq istəyirəm. Mümkündürmü? Eğer mümkündürsə bu barədə mene məlumat göndərməyinizi xahiş edirəm.

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, ixtisasınız Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vakant vəzifələrin ixtisas profilinə uyğun olmadığına görə, Sizin həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün hesab edilməmişdir.
Uveys Soruşur Yazılma Tarixi:06.12.2021 14:55:40

Salam Mən Talasemiya Daşıyıcısıyam Mən Hərbi Xidmətə yararlıyam? Saglamam Yəni Sadəcə daşıyıcıyam

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Talassemiya xəstəliyinin gen daşıyıcısı” diaqnozla şəhadətləndirilən çağırışçılar “Həm dinc dövrdə, həm də müharibə dövründə hərbi xidmətə yararsızdır”   hesab edilirlər.
Qabil Soruşur Yazılma Tarixi:05.12.2021 11:28:51

Salam məni hərbi xidmətə aparmadılar deyirlər ki səhhətində prablem var. Ama mən könüllü olaraq getmək istəyirəm necə edim ?

Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşı tamam olana qədər hər 3 ildən bir təkrar tibbi müayinədən keçirilir və sağlam olduğu halda, müddətli həqiqi hərbi xidmətə yararlı hesab edilirlər. Bildiririk ki, Sizin vaxtından əvvəl təkrar tibbi şəhadətləndirilməniz, dövlət səhiyyə müəssisələrində, digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Xidmətin Lerik rayon şöbəsinə təqdim edildiyi halda mümkündür. Nəzərinizə çatdırırıq ki, hərbi xidmətə yararlılıq kateqoriyasından narazı olan vətəndaşlar barələrində çıxarılmış qərara yenidən baxılması məqsədilə, ərazi üzrə məhkəmə və hüquq mühafizə orqanlarına müraciət edə bilərlər.
Məhəmməd Soruşur Yazılma Tarixi:04.12.2021 22:14:14

Salam. Mənim 18 yaşım var.Mən xaricdə bakalavır təhsili almaq istəyirəmsə və Yanvar ayında qəbul gələcəksə bu səbəblə mənə möhlət verilməlidir?

Bildiririk ki, Siz notarial qaydada təsdiq olunmuş təhsil almağınız barədə arayışı Xidmətin qeydiyyatda olduğunuz struktur bölməsinə təqdim etdiyiniz halda “Hərbi vəzifə və hərbi xidmət haqqında “Azərbaycan Respublikası Qanununun 21.1.5-ci maddəsinə əsasən, Sizə təhsilə görə müddətli həqiqi hərbi xidmətə çağırışa möhlət verilməsi məsələsinə qanunamüvafiq qaydada baxıla bilər.
Mahmud Soruşur Yazılma Tarixi:04.12.2021 13:09:10

Salam.Mənim boyum 176 sm , çəkim 116 kg.3 Cü dərəcəli alimentar piylənməm var.Mən bu diagnoz ilə yararsızam hərbi xidmətə?19 yaşım var.Öncədən təşəkkür edirəm.

Hərbi xidmətə çağırış zamanı ilk dəfə III dərəcə alimentar piylənmə aşkar edilən vətəndaşlar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13 “ç” bəndi ilə 6 (altı) ay müddətinə hərbi xidmətə müvəqqəti yararsız sayılırlar. Zərurət olduqda, belə qərar təkrar çıxarıla bilər. Lakin müalicə səmərəsiz olduqda, vətəndaşlar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
Murad Soruşur Yazılma Tarixi:03.12.2021 23:43:01

Mən Necə Düzələ Bilərəm Hərbiyə ?

Portala daxil olan müraciətinizə baxılmışdır. Bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Bu səbəbdən qeyd etdiyiniz məsələ ilə bağlı xidmət keçmək istədiyiniz qoşun növü üzrə müraciət etməyiniz məqsədəuyğundur.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.