Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Emin Soruşur Yazılma Tarixi:10.07.2018 12:39:43

Salam mən hərbi xidmət keçmək üçün Dövlət Sərhəd Xidmətinə düşmüşəm və çağırışımı iyulun 10-a yəni bugünə veriblər. Ancaq mənim dişlərimdə yaranmış problemə görə ( 1 plomb, 1 qapaq və 1 əlavə diş) 2 gün əlavə müddət istəyirəm və bu problemimə görə mənə 2 gün müddətin verilməsini xahiş edirəm bu nə dərəcədə qiymətləndirilməlidir? Və mənə bu müddət verilməlidirmi? Xahiş edirəm tez cavablandırın. Çox sağ olun

Qeyd edirik ki, Siz, fərdi çağırış vərəqəsində göstərilən tarixdə qeydiyyatda olduğunuz Xidmətin yerli idarə, şöbə və ya bölməsində olmağınız tövsiyyə olunur və qanunvericiliyin tələblərinə uyğun olaraq ümumi əsaslarla müddətli həqiqi hərbi xidmətə çağırışa cəlb ediləcəksiniz.
Şamil Soruşur Yazılma Tarixi:10.07.2018 05:25:03

Salam artiq 3cu defedir yaziram sizə. Mən sifiliz xəstəsiyəm . Mənə mualice mohləti veriləcək?

Sifilisin tam müalicəsindən 12 ay sonra klassik seroloji reaksiyaların mənfiləşməsi baş vermədiyi halda, çağırışçılar Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.
Elxan Soruşur Yazılma Tarixi:10.07.2018 00:24:35

Salam.Qardasimin iyul ayinin 20 cagirisi olub amma hara dusduyunu hec cur oyerene bilmirik.Zehmet olmasa bize hansi bolgeye dusduyunu deyerdiz.

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 iyul tarixindən etibarən Xidmətin rəsmi saytında yerləşdiriləcəkdir.
Rəşad Soruşur Yazılma Tarixi:09.07.2018 23:12:59

Salam. Bakalavr təhsilini bu il bitirən 4-cü tələbəsi magistratura imtahanından uğurla keçmiş və buna dair sənədi hərbi komisarlığa təqdim olunmuşdu.Lakin qəbul olduğu universitetdə qeydiyatdan keçmədiyi üçün avtomatik qəbul olunmur.Buna görə həmin şəxs nə zaman hərbi xidmətə çağırılacaq yenidən.

Qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.  
Sənan Soruşur Yazılma Tarixi:09.07.2018 20:11:01

Salam Sualım Mən bilmək istəyirəm ki hansı hərbi hissəyə dusmusem? bunu cavablandirsaz sevinerem tesekurler

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 iyul tarixindən etibarən Xidmətin rəsmi saytında yerləşdiriləcəkdir.
Kənan Soruşur Yazılma Tarixi:09.07.2018 18:09:32

Salam.mənim sizə bir sualım olacaq.çiynimin üstündə ləkə var.vaykamant dan məni həkim yoxlanışa göndərdilər.mərkəzi komissiyadan belə yoxlandim..dedilər ki,yararlisan gede bilərsən.amma mənim hələdə harda qulluq edecəyim yer bilinmir.vaykamantdan da deyirlər ki,bu ayın 20-in dən sora gedəsən...bilmək istəyirəm ki nə vaxt mənim harda qulluq edəcəyim yer bilinəcək.çox xaiş bir məlumat verərsiz

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 iyul tarixindən etibarən Xidmətin rəsmi saytında yerləşdiriləcəkdir.
Cavidan Soruşur Yazılma Tarixi:09.07.2018 14:08:16

Salam.Menim Sexsi isimde ayaqimin duzluyune 68 c yazilib.Bu halda herbi xidmete gedecem?ve gelecekde polis orqanlarinda islemeyime mane deyil?

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 68-ci maddəsinin “c” bəndinə “Yastıayaqlılıq və ayağın digər deformasiyaları: funksiyaların cüzi dərəcədə pozulması ilə” aiddir. Bu diaqnozla çağırışçılar “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər. Qeyd olunan maddəyə əsasən işə düzəlmək işə götürən dövlət orqanının səlahiyyətlərinə aiddir. Bu səbəbdən aidiyyəti üzrə müraciət etməlisiniz.
NİCAT Soruşur Yazılma Tarixi:09.07.2018 09:57:14

Salam Meni iyulun 1ne cagirmisdilar butun hekimlerde yoxlayib amma hele aparmirlar

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 iyul tarixindən etibarən Xidmətin rəsmi saytında yerləşdiriləcəkdir.
Şükür Soruşur Yazılma Tarixi:09.07.2018 09:43:34

Salam. Men 24.06.1995 il de Bakı şəhərində anadan olmuşam. 2013 ci ilde Xestelikler cedvelinin 13 a maddəsinə gorə 6 ay möhlet hüququ verilirb. 2013ci ilde universitetə daxil olub 2017-ci ilde bitirmisem ve indiki tarixe qeder cagiris olmuyub. Bilmek isteyirem ki men 13 a maddəsinde olan xesteliye gore ucotdan cixarilmişam ? Cixarilmisamsa herbi bilet verilmeli deyil ki? ve niye cagirilmiram herbi komissarlig terefinden?

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13-cü maddəsinin “a” bəndinin I qrafasına əsasən çağırışçılar “Həm dinc dövrdə, həm də müharibə dövründə hərbi xidmətə yararsızdır” diaqnozu sizin hərbi biletinizin xüsusi qeydlər səhifəsində yazılaraq qeyd edilmişdir.  Odur ki, hərbi biletinizi təhvil almaq üçün şəxsiyyətinizi təsdiq edən sənədlə birlikdə hərbi qeydiyyatda olduğunuz Xidmətin Suraxanı rayon idarəsinə şəxsən müraciət etməyiniz tövsiyə olunur.
Kənan Soruşur Yazılma Tarixi:09.07.2018 09:24:18

Salam. Mən 2015 ci il oktyabr ayında cinayətlərində olan xəstəlik səbəbi ilə Hərbi Bilet əldə etmişəm (hərbi xidmətdə olmadan). Bu ilin oktyabr ayında mənim 3 illik möhlətim dolacaq və yenidən çağırılacağam. Mən artıq bir ildir ki Türkiyədə təhsil alıram, bakalavr pilləsi üzrə. Və bu ayın 20 si ölkədən çıxmaq istəyirəm. Bilmək istərdim ki mən ölkədən çıxmaq istəyəndə hər hansısa bir problem yarana bilərmi? Çağırışdan öncə ölkədən çıxma məhdudiyyəti varmı? Və varsa nə etməliyəm? İkinci bir sualım odurki, mən Türkiyədəki universitetdən vaykomanta vermək üçün kağız almışam ki, 4 il təhsilimj başa vurunca mənə möhlət versinlər. Qeyd etdiyim sənədi vaykomanta təqdim edərkən hər hansısa dövlət rüsumu ödəmək mıcburiyyətim varmı?

“Hərbi vəzifə və hərbi xidmət haqqında” Azərbaycan Respublikası Qanununun 2.0.10-cu maddəsinə əsasən, hərbi vəzifəlilər - ehtiyata keçirilmiş Azərbaycan Respublikasının vətəndaşlarıdır. Həmin Qanunun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Növbəti təkrar tibbi müayinədən 13.10.2018-ci il tarixdə keçirilməlisiniz. Həmin Qanunun 21-ci maddəsinə əsasən, təhsilə görə möhlət hərbi vəzifəlilərə deyil yalnız çağırışçılara verilir. Azərbaycan Respublikası Prezidentinin Fərmanı ilə təsdiq edilmiş "Giriş-çıxış və qeydiyyat" idarələrarası avtomatlaşdırılmış məlumat-axtarış sistemi haqqında Əsasnamə”yə əsasən Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti müddətli həqiqi hərbi xidmətə çağırılan vətəndaşlar haqqında məlumatların “Sərhədkeçməyə məhdudiyyət siyahısı”na daxil edilməsi və müvafiq əsaslar aradan qalxdıqda, məlumatların aktiv statusunun dəyişdirilməsini həyata keçirir. Əlavə olaraq bildiririk ki, çağırışçıların təhsilə görə möhlət hüququ əldə etmək üçün müvafiq təhsil müəssisələrinin arayışlarını Səfərbərlik və Hərbi Xidmətə Çağırış üzrə Dövlət Xidmətinin aidiyyəti yerli idarə, şöbə və ya bölməsinə təqdim etmələri ilə bağlı qanunvericilikdə heç bir dövlət rüsumu nəzərdə tutulmur.
Cədvəldə sətir sayı :13967

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.