Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Səfər Soruşur Yazılma Tarixi:05.04.2018 15:41:31

Salam.Əgər bir çağırışçı hərbi hissəyə yola düşən gündən 2 gün qabaq su çiçəyi xəstəliyinə tutulubsa nə baş verir?

Çağırışçıda “Su çiçəyi” xəstəliyi aşkar olunduğu zaman mütləq tibb müəssisəsində həkim-mütəxəssis tərəfindən təsdiqini tapmalıdır və müalicə olunması üçün 30 gün möhlət hüququ verilir.
Qafar Soruşur Yazılma Tarixi:04.04.2018 22:13:57

Salam. Mənim Veteran vəsiqəm yenilənməsi üçün 2017-ci ilin təxminən oktyabr, noyabr ayından Xocalı Hərbi Kamisarlığı tərəfindən götrülüb və Müdafiə Nazirliyinə göndərilib. Bilmək istəyirəm ki, mənim vəsiqəm hazirdır? Hazırdırsa haradan götürməliyəm.

Bildiririk ki, Xidmətin Xocalı rayon bölməsi tərəfindən barənizdə toplanmış və qərar qəbul edilməsi üçün təqdim edilən sənədlərə Xidmətin Aparatı nəzdində fəaliyyət göstərən “Veteran adlarının və müvafiq vəsiqələrin verilməsi komissiyası”nda baxılmışdır. Təqdim olunan sənədlərdən məlum olur ki, Siz səhhətinizlə əlaqədar müddətli həqiqi hərbi xidmət keçməmisiniz (həm dinc dövrdə, həm də müharibə dövründə hərbi xidmətə yararsız hesab edilmisiniz) və döyüş əməliyyatlarında iştirakınızı təsdiq edən sənəd yoxdur. Bu səbəbdən komissiyanın müvafiq qərarına əsasən Sizə “Müharibə veteranı” adı və vəsiqəsinin verilməsi mümkün olmamışdır.
Vüsal Soruşur Yazılma Tarixi:04.04.2018 20:51:24

salam.mən işə qəbulla bağlı sual vermək istəyirdim.təhsil haqqında sənədin və hərbi biletin sürətini ncə əlavə edə bilərəm elektron müraciətdə

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla və ya poçt vasitəsilə, həqiqi hərbi xidmətə (işə) qəbulla əlaqədar müraciət edə bilərsiniz. Sənədlərin elektron formatda göndərilməsi zamanı hərbi biletin surəti tələb olunmur, təhsil haqqında sənədi isə skaner aparatı vasitəsilə komputerə köçürüb portalın “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümündə müvafiq hissəyə yükləməyiniz tövsiyə olunur. Ünvan: Bakı şəhəri, Səbail rayonu, Zərifə Əliyeva küçəsi – 30.
Elvin Soruşur Yazılma Tarixi:04.04.2018 15:09:00

Salam SHXÇDX - KÖNÜLLÜ ərizə qəbul edir?

Salam. Zəhmət olmasa sualınızı aydın yazın. Könüllü harda xidmət etmək istəyirsiniz. Müraciətinizi dəqiq və aydın yazın.
Cavid Soruşur Yazılma Tarixi:04.04.2018 14:32:41

Peşə liseyini bu il bitirirəm 18 yaşım var Universitetə sənəd verə bilməyim üçün mənə möhlət düşür?

Bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21-ci maddəsinə əsasən mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında, müvafiq icra hakimiyyəti orqanının müəyyən etdiyi elmi təşkilatda təhsilini davam etdirmək üçün çağırışçılara möhlət yalnız bir dəfə verilir. Siz qanunamüvafiq olaraq müddətli həqiqi hərbi xidmətə çağırışa cəlb ediləcəksiniz.
Elnur Soruşur Yazılma Tarixi:03.04.2018 22:14:39

Salam mənə aprelin 20si çağırış gəlib ama bilmirəm hara düşmüşem zəhmət olmasa mənə deyərdiz də

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 aprel tarixindən etibarən Xidmətin rəsmi saytında yerləşdiriləcəkdir. 
Fərman Soruşur Yazılma Tarixi:02.04.2018 09:34:18

Salam. 2000-ci ilin 30 iyun tarixində anadan olan şəxsə Ali məktəblərə sənədləri vermək üçün möhlət düşürmü? Düşürsə Möhlət arayışını haradan və necə almalıdır?

Bildiririk  ki, 2017-ci ilin məzunu olan çağıış yaşlı vətəndaşlar Respublikanın ali və orta ixtisas təhsili müəssisələrinə növbəti ildə keçiriləcək qəbul imtahanlarında  sağlamlıq və ya ailə vəziyyətinə görə möhlət hüquqları olduğu halda iştirak edə bilərlər.
Rauf Soruşur Yazılma Tarixi:01.04.2018 18:39:48

Salam hara düşdüyümü örgenmek isdeyirem dövlət sərhəd xidmətinə düşmüsüz yazılıb ,amma bilmirəm hansı rayona düşmüşəm

Bildiririk ki, “Dövlət sirri haqqında” Azərbaycan Respublikası Qanununa əsasən, qoşunların dislokasiyası (yerləşdiyi ərazi) barədə məlumat hərbi sahədə dövlət sirri təşkil edən məlumatlara aid edilir.           Azərbaycan Respublikasının qanunvericiliyinə əsasən, dövlət sirri təşkil edən məlumatların yayılması cinayət məsuliyyətinə səbəb olur. 
Elçin Soruşur Yazılma Tarixi:01.04.2018 18:39:19

Quba rayon şöbəsində qeydiyyatda olan Aydın Bəhrəmli Mirağa oğlu əsgərliyini hansı rayon və ya şəhərdə keçirəcək?

Bildiririk ki, “Dövlət sirri haqqında” Azərbaycan Respublikası Qanununa əsasən, qoşunların dislokasiyası (yerləşdiyi ərazi) barədə məlumat hərbi sahədə dövlət sirri təşkil edən məlumatlara aid edilir.           Azərbaycan Respublikasının qanunvericiliyinə əsasən, dövlət sirri təşkil edən məlumatların yayılması cinayət məsuliyyətinə səbəb olur. 
Həsən Soruşur Yazılma Tarixi:01.04.2018 18:32:05

Salam mən aprelin 20-si hərbi xidmətə gedirəm, sizin xidmətin saytına öz məlumatlarını dəqiq yazıram, belə çağrışçı olmadığını deyir. Bunun səbəbi nedir?

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 aprel tarixindən etibarən Xidmətin rəsmi saytında yerləşdiriləcəkdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.