Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
rəzi Soruşur Yazılma Tarixi:07.01.2018 20:51:39

Hara dusmusem

   Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
Tural Soruşur Yazılma Tarixi:06.01.2018 23:44:53

Salam . Mən isə qəbul olunmaq üçün hansı qaydada müraciət edə bilərəm? Zəhmət olmasa cavablandirardiniz.

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, 01.02.2017-ci il tarixdə keçirilmiş müsabiqədə zəif nəticə göstərdiyiniz üçün, Sizin Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün hesab edilməmişdir.
Həsənağa Soruşur Yazılma Tarixi:06.01.2018 20:10:39

Salam mən 18 inə çağırış veriblər ama hara düşdüyümü bilmirəm yoxlayıram deyir cağrişci barədə məlumat yoxdur mən bes necə oyrənə bilərəm?

   Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
Ruslan Soruşur Yazılma Tarixi:06.01.2018 16:09:44

MN-051 sayli herbi hisse daxili qosbunlarin tabeliyindedi yoxsa milli ordu?

Bildiririk ki, qeyd etdiyiniz məsələ ilə bağlı Azərbaycan Respublikasının Müdafiə Nazirliyinə müraciət etməyiniz tövsiyə olunur.
Məhərrəm Soruşur Yazılma Tarixi:06.01.2018 15:25:52

Mən Ehtiyatda Olan Hərbiçiyəm rutbəm Gizir...Mən SHXÇDX-in rayonlarinda yerləşən idarələrində hərbi qulluqçu kimi xidmət edə bilərəm? Bunun üçün nə etməliyəm.?

Nəzərinizə çatdırırıq ki, müraciətinizdə özünüz haqqında ətraflı məlumat vermədiyinizə görə barənizdə qərar qəbul olunması mümkün hesab edilməmişdir. Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, həqiqi hərbi xidmətə qəbulla əlaqədar müraciət edə bilərsiniz.
Əlirza Soruşur Yazılma Tarixi:05.01.2018 22:05:54

Salam. Könüllü hərbi xidmətə yollanma qaydaları necədir və bu xidmətdə olma müddətli həqiqi hərbi xidmət hesab olunurmu?

“Hərbi vəzifə və hərbi xidmət haqqında” Azərbaycan Respublikasının 2011-ci il 23 dekabr tarixli 274-IVQ nömrəli Qanununun 36.1-ci maddəsinə əsasən həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları müvafiq icra hakimiyyəti orqanının müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Müraciətinizdə qeyd etdiyiniz məsələ ilə bağlı Azərbaycan Respublikası Nazirlər Kabinetinin 2 fevral 2015-ci il tarixli 21 nömrəli Qərarı ilə təsdiq edilmiş “Bağlaşma əsasında həqiqi hərbi xidmətə daxilolmanın halları və Qaydası”nda ətraflı məlumat əldə edə bilərsiniz. Əlavə olaraq bildiririk ki, könüllü həqiqi hərbi xidmətə daxil olanların hərbi xidməti müddətli həqiqi hərbi xidmət müddətinə hesablanır. 
Rəşid Soruşur Yazılma Tarixi:05.01.2018 15:13:26

Salam.Adım Rəşid.İsmayıllı r.2016 cı ildə universiteti bitirmişəm.Tələbəçilik vaxtı ciyerime su gelib.Ancaq malice alıb sagalmışam.bir il yarım olar ki meni esger aparmıllar.3 defe herbi qospitalda olmuşam.herbi xidmete yarlı yazılsada delamda mene her defesinde 6 ay möhlət yazılır.Bu ne ilə əlaqədardır bilmək olar?Mənim hərbidən yayınmaq fikrim yoxdu.Ya əsgər gedim, ya da ki hərbi biletimi teleb edirəm.Biletim verilmediyine göre iş fealiyyetime mane olur.Cavablandırmagınızı xahis edirem.

Məlum olmuşdur ki, Siz, 26.10.2017-ci il tarixdə nəzarət qaydasında Xidmətin Mərkəzi hərbi həkim komissiyasında şəhadətləndirilmiş və nəticədə Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz, təkrar tibbi müayinəyə cəlb olunacaqsınız.
Eldar Soruşur Yazılma Tarixi:05.01.2018 15:09:26

Salam.Vaxt 31 dekabrı keçib amma hələdə mənə sms gəlmiyib ki,hansı hərbi hissəyə düşmüşəm.

   Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
Asim Soruşur Yazılma Tarixi:05.01.2018 09:23:34

Qadası, uşağa povestka ayın 8nə gəlib, amma hara düşüb demirlər.

Sizin ünvanladığınız suala dəqiq və dolğun cavab verilməsi üçün çağırışçının soyadını, adını, təvəllüdünü və Xidmətin qeydiyyatda olduğu idarə, şöbə və ya bölməsinin adını qeyd etməniz vacibdir. 
Elşən Soruşur Yazılma Tarixi:04.01.2018 16:58:56

Men Oktyabrın 8-i Bakıda qosbitaldan keçmişem o vaxtdan beri neçe defe germişem(bugünde) mene melumat verilmir deyirler haçan hazır olar herbi bilet deyerik menle gedenler alıblar hamısı herbi biletin halbuki bu ne derecede düzgündür? 4ay olur uje

Müraciətinizlə bağlı müvafiq araşdırmanın aparılması məqsədi ilə təvəllüdnüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.