Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Zeynəb Soruşur Yazılma Tarixi:04.01.2018 11:36:43

Salam. Skalioz adlanan xesdeliyi (onurğa əyriliyi) hansı derece ve ya neçe qradus olduqda cağırışçı herbi xidmete yararsız olur ?

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 66 “c” maddəsinin I qrafasına əsasən “Onurğanın II mərhələ skoliozu, əyilmə bucağının 11-25 dərəcə arasında olan” çağırışçılar “Dinc dövründə hərbi xidmətə yararsız, müharibə dövründə məhdud yararlı” hesab edilirlər.
Tural Soruşur Yazılma Tarixi:03.01.2018 19:04:22

Salam.mən.İslamov Tural. 8.11.1999. Qeydiyatda olduğum yer.Qəbələ rayon nic kəndi. 2018.yanvarn 3 paveska alandan sonra bakya yoxlanışa göndərilmişəm ürək döyüntüsünün çox olmasna görə.sizcə mən yanvar çagrışında əsgər gedəcəm?öncədən təşəkürlər.))

Məlum olmuşdur ki, Siz, 2018-ci ilin yanvar çağırışına hazırlıqla əlaqədar Xidmətin Qəbələ rayon şöbəsinin hərbi həkim komissiyasında tibbi baxışdan keçirilmiş və  səhhətinizlə bağlı şikayətiniz nəzərə alınaraq aidiyyəti üzrə müayinələrə göndərilmisiniz. Müayinə nəticəsində təyin olunmuş diaqnoza müvafiq olaraq Siz, rayon çağırış komissiyası tərəfindən şəhadətləndirilərək Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz, təkrar tibbi müayinəyə cəlb olunacaqsınız.
rəzi Soruşur Yazılma Tarixi:02.01.2018 22:46:47

Hara dusmusem

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
cavid Soruşur Yazılma Tarixi:02.01.2018 19:17:10

hansi herbi hissede xidmet edecem

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
Nurlan Soruşur Yazılma Tarixi:02.01.2018 18:26:23

Salam.Zaqatala qeydiyyatında olan vətəndaşam və ürəyimdən problem ola ola məni yanvar ayının 4-ü əsgərə aparırlar.Dəfələrlə yoxlanışdan keçmişəm hər keçdiyimdə də xəstə yazılıb.Göndəriş vərəqəsində sıradan kənar hərbi xidmət yazılıb.Bu qanuna uyğundur?

Barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz, şəxsi işiniz ilə birgə Xidmətin Mərkəzi hərbi həkim komissiyasına komissiyasına təqdim olunmuş və müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Sıradankənar hərbi xidmətə yararlıdır” hesab edilmisiniz. Siz, 08.01.2018-ci il tarixdə sərəncamla təyin olunduğunuz 193 saylı hərbi hissəyə təhvil verilmisiniz. Əlavə olaraq bildirirəm ki, səhhətiniz ilə əlaqədar xidmət etdiyiniz hərbi hissə komandirinə müraciət edə bilərsiniz.  
Hacıbala Soruşur Yazılma Tarixi:02.01.2018 17:46:16

Salam . Bayramla elaqeder vaynkamatlar ne vaxtdan işləyəcək?

Sizin Səfərbərlik və Hərbi Xidmətə Çağırış üzrə Dövlət Xidmətinin «sual-cavab» bölümünə göndərdiyiniz  müraciətinizə  tərəfimizdən baxılmışdır.              Nəzərinizə çatdırırıq ki, Azərbaycan Respublikası  Nazirlər Kabinetinin müvafiq qərarı ilə  01.01.2018-ci ildən  03.01.2018-ci il   tarixdək  bayram günləri ilə əlaqədar qeyri-iş günü  hesab edilmişdir.             Əlavə olaraq bildiririk  ki, 04.01.2018-ci il tarixdən  Səfərbərlik və Hərbi Xidmətə Çağırış üzrə Dövlət Xidmətinin tabeliyində olan struktur bölmələrində günün nizam qaydalarına uyğun olaraq iş vaxtı 09:00-dan 18:00-dək (şənbə günləri 09:00-dan 13:00-dək) həyata keçirilir. 
Seyidəli Soruşur Yazılma Tarixi:02.01.2018 15:43:34

Salam. Mənim sinəmdə anadangəlmə cüzi batiqliq var. Bunun mənə heçbir promlem yoxdu. Təngənəfəslik, ürəyim sıxma kimi hallar olmur. Birdə mən həkimlərdən çıxdım ventilyasiya pozğunlugu azca var. İndi mən əsgərliye gedəcəm? Yararlı (məhdud yararlı) sayılır? məlumat yazardız zəhmət olmasa.

Müraciətinizlə bağlı müvafiq araşdırmanın aparılması məqsədilə təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Zamiq Soruşur Yazılma Tarixi:02.01.2018 15:02:32

Salam. Bilmək olar Seferberlik ve Hərbi Xidmətə Çağrış üzrə Dövlet Xidmetinde zabit kimi işlemek istəyənlərin imtahani haçan keçiriləcək?

Bildiririk ki, Sizin həqiqi hərbi xidmətə (işə) qəbula bağlı Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə rəsmi müraciətiniz daxil olmamışdır. Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, həqiqi hərbi xidmətə (işə) qəbulla əlaqədar müraciət edə bilərsiniz. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulla əlaqədar müraciət etmiş və sənədlərinə baxıldıqdan sonra həqiqi hərbi xidmətə (işə) qəbul olunması məqsədəuyğun hesab edilmiş vətəndaşlar Xidmətin Aparatına müsabiqəyə (test imtahanı) növbəli qaydada dəvət olunurlar.
Xəyal Soruşur Yazılma Tarixi:01.01.2018 23:47:58

Hansi herbi hiseye dusduyum

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
tural Soruşur Yazılma Tarixi:01.01.2018 20:05:44

men hara dusmusem nece bilim yazin mene

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.