Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Səid Soruşur Yazılma Tarixi:14.08.2017 18:25:20

Salam. Mən 11 illik bazada orta məktəbi bitirmişəm. Kolleclərə sənəd verməyə hazırlaşıram. Məni narahat edən məsələ isə 18 yaşımın tamam olmasıdır. Sualım ondan ibarətdir ki. əgər kollecə qebul olsam mənə hərbi xidmətə möhlət verilecək?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1.3-cü maddəsinə əsasən orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara müddətli həqiqi hərbi xidmətə çağırışdan möhlət verilir.
Elmira Soruşur Yazılma Tarixi:14.08.2017 12:15:02

Salav. Mən,baş gizir rütbəsində ehtiyyata buraxilmişam. Gizirin şəxsi vəsiqəsini təhvil verəndən sonra, əvəzinə nə almaliyam?

Bildiririk ki, mövcud qanunvericiliyin tələblərinə əsasən hərbi qulluqçular ehtiyata keçirildikdən sonra 7 gün müddətində yaşayış yeri üzrə hərbi qeydiyyata alınmaq üçün Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölmələrinə gəlməlidirlər. Ehtiyata keçirildikdən sonra hərbi qeydiyyat sənədləriniz (şəxsi iş) Xidmətin yerli idarə, şöbə və ya bölməsinə daxil olduqdan sonra Siz hərbi biletlə təmin olunacaqsınız.
Hüseyn Soruşur Yazılma Tarixi:14.08.2017 03:39:41

Cənnətov Hüseyn Nadir oğlu 03.08.1995 Bakı şəhəri Suraxanı rayonu hərbi komissarligi...qeyd edimki 7avqust tarixində yazdigim smsde bunlari qeyd etməmişdim..Yenidən həmən smsi yaziram. Salam.Mən iyul ayında hərbi xidmətə yollanacaqdim,amma 3dəfə həkim müayinəsindən sonra ayın axırı dəqiq qərarı öyrənmək üçün hərbi komissarlığa müraciət elədim.Lakin,mənə iyulda hərbi xidmətə getməyəcəyimi və ilk növbədə baş qospitala müayinə olmaq üçün aparacaqlarını dedilər.Artiq avqust ayının ortasına yaxinlaşiriq,amma hələ də bir xəbər yoxdur.Mənə nə dəqiq vaxt dəmirlər nə də başqa bir şey.Mümkun qədər maraqlanardiniz məsələynən.Vaxtim boşa gedir, bilmirem əsgərliyə gedəcəm ya yox,ona görə işimi tarazlıya bilmirəm.Təşkkürlər

Vətəndaşlara sağlamlıq vəziyyətinə görə hərbi xidmətə çağırışdan azad edilməsinin əsaslılığı yoxlanılması məqsədi ilə Səfərbərlik və Hərbi Xidmətə Çağırış üzrə Dövlət Xidmətin rayon idarə, şöbə və ya bölməsinin hərbi həkim komissiyasının qərarlarına Xidmətin Mərkəzi hərbi həkim komissiyası tərəfindən nəzarət qaydasında baxılır. Barənizdə  Xidmətin Suraxanı rayon çağırış komissiyası tərəfindən qəbul edilən qərarın təsdiq edilməsi üçün, Siz razılaşdırılmış qrafikə əsasən 26.09.2017 ci il tarixdə şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız. Şəhadətləndirilmə nəticəsinə müvafiq olaraq hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. .
Pərviz Soruşur Yazılma Tarixi:13.08.2017 16:46:22

mene verilen mohlet 02.11.2017 tarixinde bitir Bilmey istiyiremki men indi mualice olunmusam Tam saglamam Saglamlig kagizin versem Oktyabr Cagirisinda hekim komissiyasinda yoxlamadan kece bilerem yoxsa yamvara qaliram?

Bildiririk ki, Siz barənizdə yekun qərarın qəbul edilməsi üçün 13.07.2017-ci il tarixdə Xidmətin Şamaxı rayon şöbəsi tərəfindən Mərkəzi hərbi həkim komissiyasına təqdim olunmusunuz.          Müəyyən edilmişdir ki, Siz 02.08.2017-ci il tarixdə Xidmətin Mərkəzi hərbi həkim komissiyasının qərarı ilə  “Hərbi-həkim ekspertizası haqqında Əsasnamə”nin “Xəstəliklər cədvəli”nin müvafiq maddəsinə əsasən “3 (üç) ay müddətinə hərbi xidmətə müvəqqəti yararsız” hesab edilmisiniz.          Odur ki, Sizə sağlamlıq vəziyyətinizlə əlaqədar olaraq verilmiş möhlət hüququ bitdikdən sonra təkrar tibbi şəhadətləndirilməyə cəlb olunacaqsınız və müayinənin nəticələrinə əsasən barənizdə qanunamüvafiq qərar qəbul ediləcəkdir.
Gülnar Soruşur Yazılma Tarixi:12.08.2017 22:11:39

Salam. Mən bilmək istəyirdim işlə bağlı ərizə təqdim etdikdən sonra təxminən nə qədər vaxta cavab gəlir? Ümumiyyətlə hal-hazırda işə qəbulla bağlı müsabiqələr keçirilirmi? Əvvəlcədən minnətdarlığımı bildirirəm.

Bildiririk ki, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbul olunmağınızla bağlı noyabr ayında müraciət etməyiniz tövsiyyə olunur. Nəzərinizə çatdırırıq ki, özünüz haqqında (təvəllüd, ailə tərkibi, təhsil və təhsilə görə ixtisas, əmək fəaliyyəti) ətraflı məlumat təqdim etdikdən sonra barənizdə müvafiq qərar qəbul oluna bilər.
Sərvət Soruşur Yazılma Tarixi:12.08.2017 22:11:25

Salam mən 1 ci dərcə skalyozum var özüm Azerbaycan cenpiyonuyam idmanciyam yani mən bilməy istiyirəm mən əsgərliyə yaraliyam ? 10 sm 2xi dərcəyə kecmemiwem mualice aliram bilməy isyirəm əsgərliyə yaraliyam ? Xaiş edirəm dəqqiq cavab yazim ?

Hərbi xidmətə çağırış zamanı “I mərhələ skolioz” aşkar edilən vətəndaşlar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 66 “ç” bəndi ilə hərbi xidmətə yararlı hesab edilirlər.
Rövşən Soruşur Yazılma Tarixi:12.08.2017 17:18:54

Salam. Mən işləmək üçün hansi sənədləri toplamaliyam və hara müraciət etməliyəm? Zəhmət olmasa, məlumat verərdiniz.

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə işə qəbulla əlaqədar, barənizdə ətraflı məlumat verilməklə ərizə ilə müraciət etdikdən sonra namizədliyinizə baxıla bilər. Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin işə qəbulla əlaqədar müraciət və sənədlərin qəbulu” alt bölümünə daxil olmaqla, işə qəbulla əlaqədar müraciət edə bilərsiniz. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulla əlaqədar müraciətlərin sayı hal-hazırda çox olduğundan vətəndaşların bu məzmunda ərizələrinə baxılması 2017-ci ilin noyabr ayınadək müvəqqəti olaraq dayandırılmışdır. Göstərilən müddət bitdikdən sonra, istəyinizdən asılı olaraq Sizə yenidən Səfərbərlik və Hərbi Xidmətə Çağırış üzrə Dövlət Xidmətinə ərizə ilə müraciət etmək tövsiyə olunur.
Sadiq Soruşur Yazılma Tarixi:12.08.2017 16:59:35

Salam menim 24 yasim var. Ali tehsilliyem. Herbj xidmeti basa vurmusam . Bilmek isteyirdim ki men yeniden herbi xidmete qayitsam men lieutenant rutbesi ala bilecen ? Yoxsa MAHHX olacam. Evvelceden tesekkur edirem

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.4-cü maddəsinə əsasən, zabitlərin həqiqi hərbi xidmətinə - hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar daxil olurlar.            Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Dövlət Təhlükəsizliyi Xidməti, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət edə bilərsiniz.
Elvin Soruşur Yazılma Tarixi:10.08.2017 10:35:15

Salam.Mən bu il 9 illik təhsildən Kollece sənədlərimi vermək istəyirəm.Kollec bitirdikdən sonra nə qədər olacaq hərbi müddət? 1il, yoxsa,1 il 6ay?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər.     
Pərviz Soruşur Yazılma Tarixi:09.08.2017 17:25:45

Salam,Mene 3 ayliq mohlet verilib menim mohlet vaxtim ne vaxt bitir?vaxtykomat deyir biz bilmiriy senedlerin bize gelmeyib

Bildiririk ki, Siz barənizdə yekun qərarın qəbul edilməsi üçün 13.07.2017-ci il tarixdə Xidmətin Şamaxı rayon şöbəsi tərəfindən Mərkəzi hərbi həkim komissiyasına təqdim olunmusunuz.          Müəyyən edilmişdir ki, Siz 02.08.2017-ci il tarixdə Xidmətin Mərkəzi hərbi həkim komissiyasının qərarı ilə  “Hərbi-həkim ekspertizası haqqında Əsasnamə”nin “Xəstəliklər cədvəli”nin müvafiq maddəsinə əsasən “3 (üç) ay müddətinə hərbi xidmətə müvəqqəti yararsız” hesab edilmisiniz.          Odur ki, Sizə sağlamlıq vəziyyətinizlə əlaqədar olaraq verilmiş möhlət hüququ bitdikdən sonra təkrar tibbi şəhadətləndirilməyə cəlb olunacaqsınız və müayinənin nəticələrinə əsasən barənizdə qanunamüvafiq qərar qəbul ediləcəkdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.