Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Turan Soruşur Yazılma Tarixi:25.04.2017 11:27:18

Salam. Men ise qebulla bagli muraciet etmisdim ve fevral ayinin 2 si imtahan verdim. Muvafiq kecid balini yiga bilmediyim ucun qebul olunmadim. Ve men yeniden hazirlasmisam bu orqanda islemey isteyirem.Ali tesilliyem, Ixtisasim Kompyuter muhendisliyidir. Herbi xidmetdede olmusam. Musbet xasiyetnameynen bitirmisem Herbi xidmeti Bilmek isteyirem 2 ci defe nece imtahan vere bilerem?. xahis edirem mene komek ederdizde .

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, 02.02.2017-ci il tarixdə keçirilmiş müsabiqədə zəif nəticə göstərdiyiniz üçün, Sizin Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınız məqsədəuyğun hesab edilməmişdir.
Elvin Soruşur Yazılma Tarixi:25.04.2017 09:26:57

Salam mən Astara rayon səfərbərlikdən 2015 ci ildə kamsiyaya keçməyə çağırılmışam və o vaxtan mənə herbi qosbital 6 ay vere vere meni yubadir həm ürəkdən həmdə dəri xəstəliyim var dəri həkimi hələ xəstə olmağıma baxmayaraq mənə sen sağlamsan deyir baxmayaraq ki mənə dəri zöhrəvi dispanseri 62 c bəndi ilə kağız vermişdi götürüb meni təzədən kamiyaya salıb mənə bu səfərdə ürəkdən alti ay verir men onsuzda urek xestesiyemde ne alti ay verir ki, mənə hərbi bilet vermirlər mən xaiş edirəm araşdırılsın

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz razılaşdırılmış qrafikə əsasən şəxsi işinizlə birgə Xidmətin Mərkəzi hərbi həkim komissiyasına təqdim olunmusunuz və müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə, Siz, qeydiyyatda olduğunuz Xidmətin Astara rayon şöbəsinin hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. Əlavə olaraq bildiririq ki, barənizdə rayon çağırış komissiyası tərəfindən qəbul edilən qərar Xidmətin Mərkəzi hərbi həkim komissiyasında təsdiq olunduğu halda, Siz hərbi biletlə təmin olunacaqsınız.
Murad Soruşur Yazılma Tarixi:25.04.2017 01:01:23

salam men Memmedov Murad23.06.1996 ci il tevellduluyem , 2013 cu ilde orta mektebi bitirib unverstete qebul olmusam 2017 de yeni bu il bitirmeliydim ama kesrim cixdiqi ucun bitire bilmirem, men bu ay unversteti dondursam meni herbi xidmete aparacaqlar?yoxsa 6 ay mohlet verecekler ? Xais edirem sualimi cavablandirardiz

     Cavab: Bildiririk ki, Siz akademik məzuniyyət götürdüyünüz halda, 2017-ci ilin iyul çağırışı zamanı müddətli həqiqi hərbi xidmətə çağırışa cəlb edilə bilərsiniz.
Kamran Soruşur Yazılma Tarixi:24.04.2017 21:05:04

Salam men neqodniyam dovlet yoxlanisina Aprelin 5-i girmisem.Bilmek isteyiremki sonuncu Dovlet yoxlanisindan sonra qerar nece gun erzinde cixir tesdiglenir.Tesekkurler

Müraciətinizlə bağlı müvafiq araşdırmanın aparılması məqsədi ilə təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Röyal Soruşur Yazılma Tarixi:24.04.2017 20:45:56

Men tahirov Royal Qorxmaz oğlu 18.10.1998 ci ilde agdas rayonunda anadan olmusam hal hazirda agdas rayonu emirarx kendinde yasayiram men 18oktyabr 2016 ci ilde esgerliye düşürdüm amma tehsilim oldugu ucun eskerliye gede bilmedim ve 2017ci ilin iyun ayinin 14 u tehsilimi bitirirəm ve mene eskerliye ne vaxt gedecem hansi ayda mene cagiris gelecek onu bilmek isteyirem xais edirem bu suallarimi cavablayardiniz her sey ucun Təşəkkür edirəm

Bildiririk ki, Siz 2017-ci ilin iyul çağırışı zamanı ümumi əsaslarla müddətli həqiqi hərbi xidmətə çağırışa cəlb ediləcəksiniz.
Anar Soruşur Yazılma Tarixi:23.04.2017 16:14:51

salam. Sualim var size. men aprelde hidmete getmeliyem. burda yazilibki 20 sinen sonra cavablar cixacax kimin hara dusmesiyle bagli. Ama indiyene kimi cixmiyib hara dusmusem. Sorusmax istiyirem ki cavablar cixib? ve ya ne vaxt cixacax?

Bildiririk ki, vətəndaşların hərbi hissələrə təyin olunmaları haqqında növbəti məlumat 25 aprel tarixindən etibarən Xidmətin rəsmi saytında yerləşdiriləcəkdir.
Elçin Soruşur Yazılma Tarixi:23.04.2017 11:45:12

Salam.Mənim 27.06.1999 ad günümdür.İyunun 27-si 18 yaşım tamam olur.Mənim hərbi xidmətə çağrışım İyuldu yoxsa Oktyabr?.Zehmet olmasa cavab yazardızda

Bildiririk ki, 27.06.2017-ci il tarixdə 18 yaşınız tamam olduğuna görə 2017-ci ilin iyul çağırışı zamanı ümumi əsaslarla müddətli həqiqi hərbi xidmətə çağırışa cəlb ediləcəksiniz.
Səddam Soruşur Yazılma Tarixi:22.04.2017 22:05:19

Men hansi herbi hisseye düşmüşem.

Bildiririk ki, vətəndaşların hərbi hissələrə təyin olunmaları haqqında növbəti məlumat 25 aprel tarixindən etibarən Xidmətin rəsmi saytında yerləşdiriləcəkdir.
Araz Soruşur Yazılma Tarixi:22.04.2017 14:28:05

Salam,men 2016 cı il oktyabr ayında hərbi həkim komissiyasının qərarı ilə 6 ay müddətində herbi xidmətə müvəqqəti yararsız hesab edilmişem,bilmək istərdim ki,bu hal gələcəkdə təkrarlana bilərmi və ali təhsilli şəxslər gələcəkdə iş tapmaq üçün müsabiqə və vakansiyalarda iştirak edə bilərlərmi?yəni bu zaman məhdudiyyət qoyula bilermi?

“Hərbi vəzifə və hərbi xidmət haqqında” Azərbaycan Respublikası Qanununun 20.1-ci maddəsinə əsasən, tibbi müayinə zamanı müddətli həqiqi hərbi xidmətə müvəqqəti yararsız sayılmış şəxslərə sağlamlıq vəziyyətinə görə çağırışa möhlət verilir. Həmin Qanunun 20.2-ci maddəsinə əsasən, sağlamlıq vəziyyətinə görə çağırışa möhlət 3 il müddətinədək, hər dəfə 1 ildən artıq olmamaq şərti ilə verilir. 3 ildən sonra, sağlamlıq vəziyyətindən asılı olaraq möhlət almış çağırışçılar ya müddətli həqiqi hərbi xidmətə çağırılır, ya həm dinc dövrdə, həm də müharibə dövründə hərbi xidmətə yararsız hesab edilərək hərbi qeydiyyatdan çıxarılır, ya da dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilirlər. Müraciətinizdə qeyd etdiyiniz ikinci sualla əlaqədar bildirmək istəyirik ki, işçilərlə işəgötürənlər arasında yaranan əmək münasibətləri Azərbaycan Respublikasının Əmək Məcəlləsi ilə tənzimlənir, bununla əlaqədar olaraq  Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə (http://www.mlspp.gov.az) müraciət etməyiniz tövsiyə olunur.
ümüd Soruşur Yazılma Tarixi:22.04.2017 12:21:33

Salam men aprel cagiriscisiyam ama har duseceyim baresinde hecbir melumatim yoxdur aprelin 19 yasim 18 oldu orgenmek isdiyirem men har dusmusem

Bildiririk ki, vətəndaşların hərbi hissələrə təyin olunmaları haqqında növbəti məlumat 25 aprel tarixindən etibarən Xidmətin rəsmi saytında yerləşdiriləcəkdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.