Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
RƏŞAD Soruşur Yazılma Tarixi:23.05.2017 10:48:39

salam men saytda qeydiyatdan kecib is ucun muraciet etmek isteyirem.qeydiyyatdan kecdim ama portala gire bilmirem.mailime tesdiq ucun hec bir seyde gelmiyib yeniden qeydiyatdan kecmey isteyende deyir qeydiyyatdan artiq kecmisiz.ama giris ede bilmirem.mene komey ede bilersiz?

Səfərbərlik və Hərbi Xidmətə Çağırış üzrə Dövlət Xidmətinin portalına daxil olmuş müraciətiniz tərəfimizdən araşdırılmışdır. Bildiririk ki, portala daxil olmaq üçün e-mail ünvanınızı daxil etməklə yeni şifrə əldə edə bilərsiniz. E-mail ünvanınızı daxil etdikdə yeni şifrə Sizin elektron poçtunuza göndəriləcəkdir. 
Nadir Soruşur Yazılma Tarixi:20.05.2017 18:33:11

Salam, bize qardasimin tekrar tibbi muayineden kecmesi ucun cagiris vereqesi gelib amma qardasim burada yasamir rosiyyadadir ve gelib getmeye imkani yoxdur.sizden xaisim budurki yol gosteresiniz ki biz ne edek?

Portala daxil olmuş müraciətinizə əsasən bildiririk ki, müraciətinizdə qardaşınızın adı, soyadı, atasının adı, təvəllüdü və hərbi qeydiyyatda olduğu Xidmətin yerli idarə, şöbə və ya bölməsi dəqiq göstərilmədiyi üçün barəsində araşdırma aparmaq mümkün olmamışdır.             Qeyd edirik ki, «Hərbi vəzifə və hərbi xidmət haqqında» Azərbaycan Respublikasının Qanununa əsasən, «dinc dövr üçün hərbi xidmətə yararsız, müharibə dövrü üçün məhdud yararlı» hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar.
Qoca Soruşur Yazılma Tarixi:20.05.2017 15:42:21

Zehmet olmasa menimde sualıma cavab vererdiz,men esgerliye getmek üçün ,aprel ayı qospitalda müayineden keçmişem mene 66c diaqnoz yazıblar 3 il möhlet,mende gedib bawqa yerde müayineden keçirem mende ele bir şey yoxdu,men kime müraciyat eliyim bununla baglı

Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikasının Qanununda sağlamlıq vəziyyətinə görə çağırışa möhlət 3 il müddətinədək, hər dəfə 1 ildən artıq olmamaq şərti ilə verilir. 3 ildən sonra, sağlamlıq vəziyyətindən asılı olaraq möhlət almış çağırışçılar ya müddətli həqiqi hərbi xidmətə çağırılır, ya hərbi xidmətə yararsız hesab edilərək hərbi uçotdan çıxarılır, ya da dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilirlər. Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (şöbəsinə, bölməsinə) təqdim edildiyi halda mümkündür. Əlavə olaraq bildiririk ki, hərbi xidmətə yararlılıq kateqoriyasından narazı olan ehtiyatda olan hərbi vəzifəlilər, barələrində çıxarılmış qərara yenidən baxılması məqsədi ilə, ərazi üzrə məhkəmə orqanlarına müraciət edə bilərlər.
Gülçin Soruşur Yazılma Tarixi:20.05.2017 10:47:42

Salam menim atam rehmete gedib.Qardasim tek usaqdi .Bilmek isteyirdim esger aparilir.Anam tekdi.yaninda hec kim yoxdu

Bildiririk ki, ailənin tək övladları həqiqi hərbi xidmətə çağırışa cəlb olunurlar və xidmətə göndərilən zaman onlara hər hansı güzəştin şamil edilməsi mövcud qanunvericilikdə nəzərdə tutulmamışdır.   Eyni zamanda qeyd edirik ki, həqiqi hərbi xidmətə çağırışdan ailə vəziyyətinə görə möhlət  “Hərbi vəzifə və hərbi xidmət haqqında” Azərbaycan Respublikası Qanununun 19-cu maddəsinin tələblərinə əsasən verilir.  
Ramil Soruşur Yazılma Tarixi:19.05.2017 23:48:33

Salam Bagiwdayin Narahat Edirem inwALLAH Iyul ayinda esger gedecem.. cagiriw vereqesi hacan gelecek ? bilmek olar? indiden tewekkur

Qeyd eydiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.    
Gülçin Soruşur Yazılma Tarixi:19.05.2017 22:46:02

salam,Menim atam rehmete gedib.Qardasim tek oguldu.Anam tekdi,Qardasim esger gedmeye biler?

Bildiririk ki, ailənin tək övladları həqiqi hərbi xidmətə çağırışa cəlb olunurlar və xidmətə göndərilən zaman onlara hər hansı güzəştin şamil edilməsi mövcud qanunvericilikdə nəzərdə tutulmamışdır.   Eyni zamanda qeyd edirik ki, həqiqi hərbi xidmətə çağırışdan ailə vəziyyətinə görə möhlət  “Hərbi vəzifə və hərbi xidmət haqqında” Azərbaycan Respublikası Qanununun 19-cu maddəsinin tələblərinə əsasən verilir.  
Günay Soruşur Yazılma Tarixi:19.05.2017 14:59:10

Salam,Mən Mingəçevir şəhər şöbəsində işləmiş və analıq məzuniyyətinə çıxan Abbasəliyeva Günay Hikmət qızı,artıq 7aydan çoxdur ki maliyyə idarəsi ilə problem yaşayıram.Bilmək istəyirəm niyə mənim sənədlərimi bu qədər vaxtdır heç cürə qaydaya salıb ƏƏSMN-nin maliyyəsinə göndərə bilmir?Hər dəfə fərqli bəhanələr göstərərək aylar keçirir.Bu haqda tədbir görülməzsə Cənab General Arzu Rəhimova yazılı müracətimi bildirəcəm

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin saytına ünvanladığınız müraciətə baxılmışdır.                                                                             Məlumat üçün bildiririk ki, sizə uşağın 3 yaşı tamam olanadək qulluğa görə müavinətin cari ay da daxil olmaqla ödənilməsi üçün sənədlər tərəfimizdən Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Hərbi Qulluqçular və Xüsusi Rütbəli Şəxslərlə iş İdarəsinə göndərilmişdir .             
Nicat Soruşur Yazılma Tarixi:18.05.2017 22:47:40

Salam men Sabirabad rayon qeydiyatindayam ama qeydiyatda oldugum unvanda hec kim yawamir..ozum bakida yawayiram 1995 ci il tevelludem ali tehsil aldigima gore getmemiwem heleki...unversiteti bitirmiwem cagiriw bilmirem gelib ya yox.nece bile bilerem ne vaxt getmeliyem herbi kamisiyaya ...melumat almag isteyirem

Qeyd etdiyiniz məsələ ilə bağlı təcili olaraq  23.05.2017-ci il tarixdə Xidmətin Sabirabad rayon şöbəsinə gəlməyiniz tövsiyə olunur.
RƏŞİD Soruşur Yazılma Tarixi:18.05.2017 21:23:56

Salam men atamin vefati ile eaqedar ona odenilecek muavinetin verilmesi ile elaqedar size muraciyet etmisdim cox sagolun ki verildi amma 3 ayliq emek haqinin 3 misli qederinde melumat verilmisdi 3 ayin da 3 misli men bileni 9 eleyir ama odenilen hesab cemi 564 AZN oldu

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin saytına ünvanladığınız müraciətə baxılmışdır. Məlumat üçün bildiririk ki, sizə ünvanladığımız 11.04.2017-ci il tarixli məktubumuzda qeyd etdiyimiz kimi işçinin vəfatı ilə əlaqədar əmək müqaviləsinə xitam verildikdə vəfat edənin vərəsələrinə orta aylıq əmək haqqının üç misli miqdarında müavinət ödənilir. Almasov Sabir Xudaverdi oğlunun vəfatı ilə əlaqədar mərhumun orta aylıq əmək haqqının üç misli miqdarında müavinət 04.05.2017-ci il tarixdə, Səfərbərlik və Hərbi Xidmətə Çağırış üzrə Dövlət Xidmətinin Maliyyə İdarəsinə təqdim etdiyiniz bank hesabına köçürülmüşdür. Səfərbərlik və Hərbi Xidmətə Çağırış üzrə Dövlət Xidmətinin mərhum Almasov Sabir Xudaverdi oğluna əmək müqaviləsi üzrə bütün növ öhdəlikləri tam şəkildə təmin olunmuşdur.
Nahid Soruşur Yazılma Tarixi:18.05.2017 16:39:20

Salam. Men bu il Bakı Mühəndislik Üniversiteti Kompyuter mühəndisliyi qurtarıram.Bilmək istərdimki 1 illik herbi xidmətde olarkən öz ixtisasimla bağlı işləyə bilərəm? Əyər olarsa ne etmək lazımdır?

Qeyd etdiyiniz məsələ ilə bağlı xidmət edəcəyiniz qoşun növünün komandanlığına müraciət etməyiniz tövsiyə olunur.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.