Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Yasər Soruşur Yazılma Tarixi:05.02.2017 10:28:18

Salam.Mən 15 iyul 1994-cu il tarixinde Bilesuvar rayonunda anadan olmuşam.SHXÇDX-nin Bilesuvar rayon şobesi menim esger olmaq arzuma çatmağımıi gecikdirir.2012-2016-ci illerde BDU-de tehsil almişam.Universiteti bitirmeyimden 7 aydan çox muddet keçmesine baxmayaraq menim herbi xidmete yararli olub-olmamagim helede deqiqleşdirilmeyib.Mən nə etməliyəm?

Bildiririk ki, Siz Xidmətin Biləsuvar rayon şöbəsində tibbi şəhadətləndirilmiş və zərurət yarandığı üçün əlavə tibbi müayinəyə göndərilmisiniz. Müayinənin nəticəsi ("Sağlamlıq vəziyyətinin müayinə edilməsi aktı") Xidmətin biləsuvar rayon şöbəsinə daxil olduqdan sonra Sizin müddətli həqiqi hərbi xidmətə çağırışa cəlb olunma məsələnizə qanunvericiliyin tələblərinə uyğun olaraq baxılacaqdır. 
İlkin Soruşur Yazılma Tarixi:01.02.2017 14:01:46

Salam. Mən hərbidə maxe kimi qulluq etmək istəyirəm. Bunun üçün hara və hansı sənədlərllə yaxınlaşmalıyam. Yaşım 36 Bakı qeydiyatı. Təşəkkürlər.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçməyi Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Fövqəladə Hallar Nazirliyi, Dövlət Təhlükəsizlyi Xidməti, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, qeyd etdiyiniz məsələ ilə əlaqədar aidiyyəti üzrə qulluq (xidmət) etmək istədiyiniz yuxarıda qeyd olunan müvafiq dövlət orqanına müraciət etməlisiniz.
Gülnar Soruşur Yazılma Tarixi:31.01.2017 21:58:48

salam men 19yanvarda seferberlık işe qebul ücün imtahan verdım intahanda bıze dedılerkı müvafıq regıonal komısarlıga mektubla cvb verılecek men komısarlıqla elaqe saxlayıram mene deyılırkı mektub gelmeyıb bilmek isteyırem netıcem nedı? netıceler26da bılınecekdı xaiş edırem cvblandırın qebeleden yazıram sıze

Nəzərinizə çatdırırıq ki, 19.01.2017-ci il tarixdə keçirilmiş müsabiqənin nəticələrinə əsasən Sizin Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınız məqsədəuyğun hesab edilməmişdir.
Ramin Soruşur Yazılma Tarixi:31.01.2017 15:08:04

Salam,oğlum bu yaxınlarda məzuniyyətə gəlməlidir,biz Lənkəran rayonunda qeydiyyatdayıq amma Bakı şəhərində yaşayırıq.Bizə burda deyiblərki, məzuniyyətə gəldikdə qeydiyyatda olduğu rayon hərbi komisarlığında qeydiyyatdan keçməlidir.Biz rayonda yaşamırıq və oğluma 10 gün məzuniyyət vetlrilir onunda iki günunu yollarda keçirməlidir?Xaiş edirəm bu barədə bizə bir məlumat verərdiz.

Bildiririk ki, hərbi qulluqçular məzuniyyətin keçirildiyi yerə çatan kimi Səfərbərlik və Hərbi Xidmətə Çağırış üzrə Dövlət Xidmətinin hərbi qeydiyyatda olduğu  yerli idarə, şöbə və ya bölməsinə məzuniyyət biletini (vəsiqəsini) təqdim edərək hərbi qeydiyyata durmalı, qayıdanda isə qeydiyyatdan çıxmalıdırlar. 
XAN Soruşur Yazılma Tarixi:29.01.2017 19:59:08

Salam mən aprel ayın -1 çağrış gəlib ama mən bimirəm hara düşmüşəm internetdə yoxladım yazır belə bir çağrışçı tapılmadı zəhmət olmasa kömək edin mən hara düşmüşəm mən hal-hazırda məktəb oxuyuram 8-ci sinif mən bu il məktəbdən çıxacağam hərbi məni çağırma ehtimalı olacağ mı?

Bildiririk ki, sualınızla bağlı araşdırma aparılması üçün Xidmətin qeydiyyatda olduğunuz idarə, şöbə və ya bölməsinin adını qeyd etməlisiniz. 
Babək Soruşur Yazılma Tarixi:28.01.2017 12:42:42

Salam.Xahiş edirəm cavablandırasınız..Mən dekabr ayında təkrar olaraq vayenkamatda yoxlamadan keçmişəm.Yanvar ayının əvvəlində isə Hərbi Qospitala apardılar ,orda da yoxlandım.Hərbi biletimi verəcəklər mi? Həsənov Babək Yaqub oğlu--Nizami rayonu vayenkamatının qeydiyyatındayam

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz razılaşdırılmış qrafikə əsasən şəxsi işiniz ilə birgə Xidmətin Mərkəzi hərbi həkim komissiyasına təqdim olunmusunuz və müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdır. Barənizdə rayon çağırış komissiyası tərəfindən qəbul edilən qərar təsdiq olunduğu halda, Siz hərbi biletlə təmin olunacaqsınız. Əlavə olaraq bildiririk ki, müayinənin nəticəsi barədə məlumatı qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Bakı şəhəri, Nizami rayon İdarəsində əldə edə bilərsiniz.
Elvin Soruşur Yazılma Tarixi:27.01.2017 10:12:21

Salam. A-3 maddesi nedir?

Hərbi xidmətə çağırılarkən, hərbi xidmətə yararlı sayılmlış vətəndaşlar barəsində hərbi xidmətə yararlılıq kateqoriyası haqqında rəydən sonra həkim-mütəxəssis “Vətəndaşların sağlamlıq vəziyyətinə dair əlavə tələblər” cədvəlinin (Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin 3 nömrəli cədvəli) “a” bölməsinə müvafiq olaraq hərbi xidmətkeçmə üçün təyinatın (Qoşunların, hərbi hissələrin növləri) rəqəm göstəricisini müəyyən edir. “Hərbi xidmətə yararlıdır A-3” hesab edilmiş çağırışçılara bəzi qoşun növlərində xidmət keçməyə məhdudiyyət qoyulur (xüsusi təyinatlı hərbi hissələr, dəniz piyadası, hava desant, desant hücum heyəti və s.).
Nizami Soruşur Yazılma Tarixi:26.01.2017 16:53:38

Salam. Herdi bileti itirdikde hara müraciet etmeliyik? Ve herdi biletin yenisini hazırlamaq üçün ne qeder dövlet rüsumu ödenilir?

Mövcud qanunvericiliyin tələblərinə əsasən etinasız saxlanılması nəticəsində hərbi bilet korlandığı və ya itirildiyi halda inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 607-ci maddəsi) tələb olunan sənədlər əsasında hərbi vəzifəlilərin hərbi qeydiyyatda olduqları yer üzrə Xidmətin yerli idarə, şöbə və bölmələri tərəfindən təkrar (yeni) hərbi bilet verilir. Odur ki, təkrar (yeni) hərbi biletin götürülməsi üçün şəxsiyyət vəsiqəsi, DİN-nin aidiyyəti orqanından hərbi biletin itirilməsi və tapılmaması barədə arayış, 3x4 sm ölçüdə        2 ədəd fotoşəkillə birlikdə hərbi qeydiyyatda olduğunuz xidmətin yerli idarə, şöbə və bölməsinə şəxsən müraciət etməlisiniz.
Rabil Soruşur Yazılma Tarixi:26.01.2017 08:50:47

Salam mən Daşkəsən rayonunda yaşayıram sizin işə qəbul bölməsinə sənəd verdim amma təhsil haqqında sənədi göndərdim getmədi bunun səbəbini bilmək isdərdim və hansı rayona vakant yer olduğunu necə öyrənə bilərəm?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, yenidən həqiqi hərbi xidmətə (işə) qəbulla əlaqədar müraciət edə bilərsiniz. Nəzərinizə çatdırırıq ki, verdiyiniz digər suallın cavabı xidməti xarakter daşıdığına görə açıqlanılmır. 
ŞAHBAZ Soruşur Yazılma Tarixi:25.01.2017 12:02:19

Men sahbazli Sahbaz Mehman Oqlu 1999-cu ilde bilesuvar seherinde anadan olmusam seferberlik ve herbi xidmete cagris dovlet xidmetinin bilesuvar sobesinin hesabina bilesuvar rayonunda yerlesen suruculuk kursuna nece yazila bilerem bu haqda mene komeklik gostermenizi xayis edrem

Qeyd etdiyiniz məsələ ilə bağlı Səfərbərlik və Hərbi Xidmətə çağırış üzrə Dövlət Xidmətinin Biləsuvar rayon şöbəsinə müraciət etməyiniz tövsiyə olunur. 
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.