Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Pərviz Soruşur Yazılma Tarixi:29.09.2016 21:29:04

Müdafiə Nazirliyi Hərbi hissəsinin 212 nömrəli hərbi hissəsi harada yerləşir?

Qeyd etdiyiniz məsələ ilə bağlı Azərbaycan Respublikası Müdafiə Nazirliyinə müraciət etməyiniz tövsiyə olunur.
Nail Soruşur Yazılma Tarixi:29.09.2016 21:12:00

salam.mənim çəkim 98 boyum 167 di.oktyabır cağırısıyam .eşitdiyimə görə cəkim çoxdu, ama həkim yararlısan dedi. çəki 98 boy 167 ilə yararlıyammi ?xahiş edirəm cavablıyardiz çox sağ olun

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən yaxşı fiziki inkişafı və qidalanması, mütənasib bədən quruluşu olan, boyu 148 sm-dən və bədən çəkisi 45 kq-dan az olmayan çağırışçılar hərbi xidmətə yararlı hesab edilirlər. Əlavə olaraq bildiririk ki, hərbi xidmətə çağırış zamanı ilk dəfə II-III dərəcə alimentar piylənmə aşkar edilən vətəndaşlar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13 “ç” bəndi ilə 6 (altı) ay müddətinə hərbi xidmətə müvəqqəti yararsız sayılırlar. Lakin müalicə səmərəsiz olduqda, onlar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
seyhun Soruşur Yazılma Tarixi:29.09.2016 20:32:53

salam.daxili qosunlar a dusmusem.ama hansi herbi hissedir bilmirem.yəni hansi rayondi.onu nece oyrene bilerem

Qeyd etdiyiniz məsələ ilə əlaqədar Azərbaycan Respublikası Daxili İşlər Nazirliyinə müraciət etməyinizi tövsiyə edirik.
Məhəmməd Soruşur Yazılma Tarixi:29.09.2016 20:30:13

Salam Magistratura təhsili üçün verilən möhlət hüququ xaricdə magistratura oxumağa gedəcəklərədə şamil edilirmi? Yoxsa ancaq Azərbaycanda Magistratura oxuyacaq tələbələrə möhlət hüququ veriləcək?

Bildiririk ki, xarici ölkələrin ali təhsil müəssisəsinin magistratura səviyyəsinə qəbul olan vətəndaşlar təhsilə görə həqiqi hərbi xidmətə çağırışdan möhlət verilməsi üçün tərcümə olunaraq notarial qaydada təsdiq olunmuş təhsil haqqında arayışı Xidmətin qeydiyyatda olduqları idarə, şöbə və ya bölməsinə şəxsən təqdim etdikləri halda barələrində qanunamüvafiq qərar qəbul edilir.
Sənan Soruşur Yazılma Tarixi:29.09.2016 19:36:55

Mənim yerim yenə çıxmadı.iyulda da belə oldu oktyabra qaldım bu nə deməkdir axı??? Binəqədi rayon şöbəsi Hacıyev Sənan Samir oğlu

Qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyinizi tövsiyə edirik.
eşqin Soruşur Yazılma Tarixi:29.09.2016 17:19:10

Salam mənim sol ayağım 3cü, sağ ayağım 2ci dərəclidi yastı pəncəlik var. Bilmək isdərdim mən esgər gedəcəm ya yox? Birdə oktyabrda gedənlərin hansı hərbi hərbi hissəyə düşəcəyi nəzaman bilinəcəy?

Çağırışçıların sümük-əzələ sistemi və birləşdirici toxumanın xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 68-ci maddəsinin I qrafasının tələblərinə əsasən yastıpəncəliyin dərəcəsindən asılı olaraq aparılır. Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Elçin Soruşur Yazılma Tarixi:29.09.2016 17:08:49

Salam sizden bir xahisim var idi zehmet olmasa Fərəcov Səbuhi Elhami oglunun herbi xidmeti harada qullug edeceyimi bilmek isterdim. tesekkurler sagolun

Qeyd etdiyiniz məsələ ilə əlaqədar vətəndaşın Xidmətin qeydiyyatda olduğu yerli idarə, şöbə və ya bölməsinə müraciət etməyiniz tövsiyə olunur.
Elvin Soruşur Yazılma Tarixi:29.09.2016 16:49:05

Salam mən bilməy istəyərəm ki məndə oktyabr ayının 3 nə çağırış vərəqi gəlib bilməy istərəm ki mən hansı hərbi hissəyə düşmüşəm.

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Röyal Soruşur Yazılma Tarixi:29.09.2016 15:51:14

Əskərliyə hara düşdüyüm baredə müəlumat almaq istəyirəm

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
AZAD Soruşur Yazılma Tarixi:29.09.2016 15:22:50

hara düşmüşük?

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.