Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Şamil Soruşur Yazılma Tarixi:24.07.2016 11:53:07

Salam.Mən bu il iyulun 1 çağırışçısıydım.Sıradan kənar olduğumu öyrəndim.Bilmək istəyirəm mən nə vaxt gedəcəm? 25 iyul və ya başa vaxt.

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz, razılaşdırılmış qrafikə əsasən şəxsi işiniz ilə birgə 12.07.2016-cı il tarixdə Xidmətin Mərkəzi hərbi həkim komissiyasına təqdim olunmusunuz. Müayinənin nəticəsinə müvafiq olaraq Siz, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz, təkrar tibbi müayinəyə cəlb olunacaqsınız
RAHİL Soruşur Yazılma Tarixi:23.07.2016 21:04:45

salam men 25 i getmeliyem kagizda ele yaziblar. bugun hara dushduyumu komissarliqdan oyrendim ama deyiller gec gedessiz. oyrenmey istiyirdim deqiq ne vaxt gedecem?

Bildiririk ki, vətəndaşların hərbi hissələrə təyin olunmaları haqqında məlumat 25 iyul tarixindən etibarən Xidmətin rəsmi saytında yerləşdirilib.  Qeyd edirik ki, vətəndaşlar həqiqi hərbi xidmətə iyul ayının 1-dən 30-dək qeydiyyatda olduqları idarə, şöbə və ya bölmə tərəfindən əvvəlcədən təyin olunmuş qrafikə əsasən göndərilirlər.
Vüsal Soruşur Yazılma Tarixi:23.07.2016 19:05:25

999 sayli herbi hisse hardadir

Qeyd etdiyiniz məsələ ilə bağlı Müdafiə Nazirliyinə müraciət etməyiniz tövsiyə olunur.
Arif Soruşur Yazılma Tarixi:23.07.2016 13:56:54

Salam. Mən bu il Universitet bitirmişəm və bu ay qulluğa başlayıram. İngilis dili üzrə İELTS sertifikatım var və Rus dilini də bilirəm. Öyrənmək istəyərdim ki, mənim başqa ölkədə sülhməramlı və ya öz ölkəmdə leitinant kimi qulluq etmək şansım varmı varsa necə möraciət edə bilərəm?

Sülhməramlı Qoşunlar Müdafiə Nazirliyinin tabeliyində olduğu üçün qeyd etdiyiniz məsələ ilə bağlı Müdafiə Nazirliyinə müraciət etməyiniz tövsiyə olunur.    Leytenant kimi hərbi xidmət keçmək məsələsi ilə bağlı xidmətdə olacağınız qoşun növünün komandanlığına müraciət etməyiniz tövsiyə olunur.
Cavad Soruşur Yazılma Tarixi:23.07.2016 01:32:28

Salam. Mən Türkiyədə təhsil aliram. Bu il universiteti bitirdim. Lakin 2 ve 3-cü kurslarda iki fənnən kəsrim olduğu ücün diplomumu ala bilmədim. Kəsrlərimin olduğu 2 fənnən imtahan verməyim üçün 1semestr oxumağim mütləqdir. Təhsilimin bitmədiyi və bir semestr davam eləməyim barədə universitet rəsmi sənəd verib.Mən həmin sənədi tərcümə və təsdiq elətdirib Səfərbərlik və Hərbi Çağırış idarəsinə təqdim etmişəm. Lakin onlar bu sənədi qəbul eləməyərək mənə verilən möhlətin bitdiyini və mənim mütləq həqiqi hərbi xidmətə getməyimi bildirirlər. Belə olan halda Hərbi xidmətə gedərəmsə ali təhsilli yox orta təhsilli kimi getmis olaram və ən əsası təhsilim yarimçiq qalar.Qanunda nəzərdə tutulduğu kimi müvafiq təhsilini bitirənədək möhlət verilməlidir sözü bir semestr oxumaqima və əsas da diplomumu almağıma aid deyilmii? xahis edirəm bu barədə mənə məlumat verəsiniz.

Bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21.1.5-ci maddəsinə əsasən, xarici ölkələrdə əyani təhsilalma formasında təhsil alanlara ali təhsil pilləsinin bakalavriat, magistratura, doktorantura səviyyələrində. tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək həqiqi hərbi xidmətə çağırışdan yalnız bir dəfə möhlət verildiyi üçün ümumi əsaslarla müddətli həqiqi hərbi xidmətə çağırışa cəlb ediləcəksiniz.
Ənvər Soruşur Yazılma Tarixi:22.07.2016 21:28:05

Salam.Men cari ilin mezunuyam.Bu il 11-ci sinifi bitirmisem.1998-ci il tevelludluyem.Kolleclere qebul olsam mene mohlet huququ verilecekmi?Cox xahis cavab yazin.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 21.1.3-cü maddəsinə əsasən, orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara müddətli həqiqi hərbi xidmətə çağırışdan möhlət verilir.
Bürhan Soruşur Yazılma Tarixi:22.07.2016 20:26:15

Siyahıda mənim adıma 950 MN yazılıb MN müdafiə nazirliyi yəni milli ordu deməkdir?

Qeyd etdiyiniz məsələ ilə bağlı Müdafiə Nazirliyinə müraciət etməyiniz tövsiyə olunur.
Ağasəf Soruşur Yazılma Tarixi:22.07.2016 19:54:25

Salam. 22.07.2016-cı il tarixində mənə Yasamal rayon hərbi komissarlığından zəng edib dedilər ki, 999 saylı hərbi hissəyə düşmüsüz. Mənim hara düşməyim isə internetdə hələ çıxmayıb. Bildiyimə görə 25-dən etibarən çıxmalıdı. Mən indi komissarlığın dediyi hərbi hissəyə düşəcəm yoxsa 25-də saytda çıxan hərbi hissəyə? Xahiş edirəm sualımı cavablandırın.

Bildiririk ki, vətəndaşların hərbi hissələrə təyin olunmaları haqqında məlumatı 25 iyul tarixindən etibarən Xidmətin rəsmi saytından və yaxud Xidmətin qeydiyyatda olduğunuz yerli idarə, şöbə və ya bölməsindən əldə edə bilərsiniz.
ilkin Soruşur Yazılma Tarixi:22.07.2016 18:16:07

salam eleykim menim 3 aydiki sag dizimde zedem var cidii usde gel il yarimdiki qrijadan eleliyyat olmusam esgerliyime cagrilmagima 2 ay var men mualice almaq ucun vaxt goture bilerem

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Riad Soruşur Yazılma Tarixi:22.07.2016 17:27:49

Salam. Mən bu il İtalyada magistra daxil olmuşam, amma öncə hərbi xidmətdə olmaq üçün daxil olduğum universitetdən akademik məzuniyyət götürmüşəm. Hal hazırda isə həm saytda, həm də 9100 sms nömrəsində mənim adımda çağırışçı yoxdur yazılır. 25i sayta yerləşdiriləcək siyahıda olmasam oktyabr çağırışına qalacam? Xahiş edirəm bununla bağlı bir kömək edərdiniz, çünki əgər oktyabr çağırışına qalarsam 1 il sonra qayıtmağım da oktyabra düşəcək və mən magistr şansımı itirmiş olacam.

Sizin ünvanladığınız suala dəqiq və dolğun cavab verilməsi üçün  qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin idarə, şöbə və ya bölməsinin adını qeyd etməyiniz vacibdir.    
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.