Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Tusi Soruşur Yazılma Tarixi:20.06.2016 13:25:56

Salam mən damar genislənməsinden (cinsiyət orqanidan) cerrahiyə əmeliyati olmusam(4 il olar), birdə sag tərəfdə tamar genislənməsi var bu əsgərlik etməyimə mane olarmi ?

Kişi cinsiyyət orqanlarının xəstəliklərinə görə tibbi göstərişlər üzrə şəhadətləndirilənlərə cərrahi müalicə təklif olunur. Müalicənin nəticələri qeyri-qənaətbəxş olduqda və ya ondan imtina edildikdə şəhadətləndirilmə funksional pozulmaların dərəcəsindən asılı olaraq keçirilir. Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız barədə rayon çağırış komissiyası tərəfindən qərar qəbul olunacaqdır. 
Çinarə Soruşur Yazılma Tarixi:20.06.2016 10:55:10

Salam.Mənim qardaşım 2006-ci ildən bəri mənfi eynək istifadə edir.Hal hazirda gözünün görməsi -4.5 miyopiyadir.Belə halda o əsgərlik üçün yararlı sayılırmı?Əvvəlcədən təşəkkür edirəm.

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
Vasif Soruşur Yazılma Tarixi:20.06.2016 00:12:06

1.Sıradankənar hərbi xidmətə yararlılıq haqqında qərar hansı meyarlar əsasında verilir və məzmunu nədən ibarətdir? ,

Sıradankənar hərbi xidmətə yararlı və (və ya) müəyyən qoşun növündə hərbi xidmətə yararsız sayılmış hərbi qulluqçular həmin qoşun növündə arxa xidmət mütəxəssislərinin xidmət heyəti vəzifələrinə, inzibati-təsərrüfat və digər vəzifələrə təyin edilirlər.  
Fərid Soruşur Yazılma Tarixi:19.06.2016 21:08:34

Salam. Bu il magistraturaya qəbul olanlara möhlət hüququ veriləcək ? Milli Məclisin 16 iyul 2016ci il qərarına əsasən?

Bildiririk ki, hal-hazırda magistraturaya qəbul olunanlara həqiqi hərbi xidmətə çağırışdan möhlət verilməsi məsələsi mövcud qanunvericilikdə nəzərdə tutulmamışdır.
Süleyman Soruşur Yazılma Tarixi:19.06.2016 18:32:19

Salam.Mən ehtiyyatda olan zabitəm.İşlə bağlı e-xidmətdə yazmaq istədim amma bəzi problemlərlə üzləşdim.Məcbur qalıb bura yazdım.Xahiş edirəm məni,SHXÇÜDX-nə mülki vəya həqiqi hərbi xidmətinə işə qəbul edəsiniz

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Müraciətinizlə əlaqədar həftənin tək günləri Azərbaycan Respublikası  Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Test imtahanında ümumi bilik səviyyələri və dünya görüşləri yoxlanılır. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul edildiyiniz təqdirdə Siz Azərbaycan Respublikasının istənilən bölgəsində xidmət etməyə şərtsiz hazır olmalısınız. Ünvan: Bakı şəhəri, Səbail rayonu, Zərifə Əliyeva küçəsi – 30.
Çinarə Soruşur Yazılma Tarixi:19.06.2016 13:58:17

Salam.Mənim qardaşım Fətəliyev Yusif Rahim oğlu 2006 ci ildən bəri mənfi eynək istifadə edir.Hal hazirda görməsi -4.5 orta dərəcəli miopiyadir.Belə halda hərbi xidmət üçün yararlıdırmı?Əvvəlcədən təşəkkür edirəm.

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
Sahib Soruşur Yazılma Tarixi:19.06.2016 13:52:10

Salam. Men Iqtisad Universiteti 2ci kursda oxuyuram. turkiye unilerinden her hansi birine Yatay Kecid(perevod) olsam, orda bu uninin davami kimi 3cu kursdan oxumaga davam etsem, burdan attestati almali olacagam. Gedeceyim uninin arayisini aparib doguldugum yerde herbiye teqdim etsem. Bu veziyyetde serhedden kece bileceyem? tehsilime orda davam ede bilerem?

Bildiririk ki, Azərbaycan Dövlət İqtisad Universitetinin tələbəsi olduğunuz üçün təhsilə görə müddətli həqiqi hərbi xidmətə çağırışdan möhlət hüququna maliksiniz. Təhsilə görə möhlət hüququ olan vətəndaşlara sərhədkeçməyə məhdudiyyət qoyulmur. Eyni zamanda nəzərinizə çatdırırıq ki, “Təhsil haqqında” Azərbaycan Respublikası Qanununun 32.3.7-ci maddəsində təhsilalanın müəyyən edilmiş qaydada təhsil müəssisəsini və ixtisasını dəyişmək hüququ var.
Elşən Soruşur Yazılma Tarixi:19.06.2016 13:45:37

salam mən hərbi xidmətə könüllü necə gedə bilərem?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar.             Vətəndaşların harada və hansı vəzifədə hərbi xidmət keçməyi qulluq (xidmət) etmək istədikləri Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Dövlət Təhlükəsizliyi Xidməti (keçmiş Milli Təhlükəsizlik Nazirliyi), Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir.             Odur ki, aidiyyəti üzrə qulluq (xidmət) etmək istədiyinz müvafiq dövlət orqanına müraciət etməlisiniz. 
Araz Soruşur Yazılma Tarixi:19.06.2016 09:43:38

Salam.Mən Bakı İslam Universitetini bu il bitirib hərbi xidmətə yola düşəcəm.Hərbi xidməti bitirdikdən sora Leytnant kimi orduda qalmaq istəyirəm,amma bəzi məlumatlar aldımki Müdafiə Nazirliyi buna icazə vermir,rəsmi olaraq sizdən cavabı eşitmək istərdim.

Leytenant kimi hərbi xidmət keçmək məsələsi ilə bağlı xidmətdə olacağınız qoşun növünün komandanlığına müraciət etməyiniz tövsiyə olunur.
Dilqəm Soruşur Yazılma Tarixi:18.06.2016 19:28:46

Salam.Oğlum Hərbi komisarlıqda yoxlanışdan keçdi və ayaqında yastıpəncəlik aşkar olundu.Yastıpəncəliyin dərəcəsi müəyyən olunmadan çağırış vərəqəsi verilə bilərmi?

Çağırışçıların sümük-əzələ sistemi və birləşdirici toxumanın xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 68-ci maddəsinin I qrafasının tələblərinə əsasən yastıpəncəliyin dərəcəsindən asılı olaraq aparılır. Yastıpəncəliyin dərəcəsi müəyyən olunmadan çağırış vərəqəsi verilmir. Çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.