Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Hüseyn Soruşur Yazılma Tarixi:27.05.2016 15:32:37

Salam Mənim adım Hüseyndir Sizden maraqlanmaq isteyiremki Güclü Alergiyası olan ve heçbir anti-biotik derman ve iyne götürməyən tenginefes olan şəxsi əsgər aparmaq olar ya yox. Əvvəlcədən təşəkkür edirəm

Çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
Valeh Soruşur Yazılma Tarixi:25.05.2016 01:22:18

Salam men 2015 yanvar ayinda her bir sey normal olaraq herbi xidmete yollanmisam lakin orda 7 gun qaldiqdan sonra meni yeniden herbi komisarliga yollayiblar ordanda eve ve hal hazirda men evdeyem.ciyerimde problem oldugu bildirilir.lakin mene hec bir melumat verilmir ki gedecem ya yox...ama men gedmek isteyirem xais edirem mene etrafli cvb veresiniz..

Qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və bölməsinə müraciət etməyiniz tövsiyə olunur.  
Murad Soruşur Yazılma Tarixi:24.05.2016 22:46:37

Salam bilmək istərdim ki,HX ə çağırış vərəqəsi nə zaman gəlir, yəni ki həkimdən keçmək haqqında çağırış ? Mən bu barədə Səfərbərlik idarəsinə getmıliyəm yoxsa?

Bildiririk ki, 2016-cı ilin iyul ayında müddətli həqiqi hərbi xidmətə çağırılacaq vətəndaşlar may ayından etibarən Xidmətin qeydiyyatda olduqları yerli idarə, şöbə və  bölmələri tərəfindən tibbi şəhadətləndirilməyə cəlb olunurlar.
Məmməd Soruşur Yazılma Tarixi:24.05.2016 14:38:26

Salam.Mən aprelin 25 2016ildə təxris olmuşam) aprel doyüşlərində DMkonandiri və TKK vəzifəsində xidmət edmişəm) istəyirəm Lenkaran rayonunda herbi polisə düzəlmək) məni goturərlər?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1 maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. -       şəxsiyyəti təsdiq edən sənəd; -       ərizə və ya raport; -       şəxsən yazılmış tərcümeyi-hal; -       xidmət (iş və ya təhsil) yerindən xasiyyətnamə; -       təhsil haqqında sənədin surəti; -       doğum haqqında şəhadətnamənin surəti; -       nikah haqqında şəhadətnamənin surəti (evli olduqda); -       uşaqların doğum haqqında şəhadətnamələrinin surəti (uşaq olduqda); -       4 ədəd 3x4 sm ölçüdə və 2 ədəd 9x12 sm ölçüdə fotoşəkil; -       məhkumluğun olub-olmaması barədə arayış. Həqiqi hərbi xidmətə könüllü daxil olmaq istəyən şəxslər üçün tərtib edilmiş şəxsi işlərə bu Qaydanın 3.1-ci bəndində göstərilmiş müvafiq dövlət orqanları və ya hərbi hissə tərəfindən sağlamlıq vəziyyətinə görə hərbi xidmətə yararlı olması barədə müvafiq hərbi-həkim komissiyasının qərarı əlavə olunur. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Dövlət Təhlükəsizlik Xidmətinə, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
SAMİR Soruşur Yazılma Tarixi:24.05.2016 10:28:00

salam menim adim Samir soyadim Rzayevdi.Men aprel ayinda goygol rayonunda vaynkamaddan yoxlanisdan kecdim, sag gozum 93 faiz zeif gorur. Men iyul ayinda cagiris zamani esger gede bilerem?

Məlum olmuşdur ki, Siz, Xidmətin Göygöl rayon şöbəsinin hərbi həkim komissiyasında tibbi şəhadətləndirilmiş və nəticədə Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlı” hesab edilmisiniz.
XALİS Soruşur Yazılma Tarixi:24.05.2016 00:50:40

Salam..Men Qax rayonu Qum kendinden Xalis Huseynov 2012ci il yanvar ayinin 5i Azerbaycan Respublikasi Daxili Qosunlarina heqiqi herbi xidmete cagirilmisam..Herbi muddet dovrunde xesteliknen bagli avqust ayinda texris olunmusam ve herbi biletde tekrar kamisiya kecmeyim muddeti 2017ci ilin avqustunda yazilib..Hal hazirda tam mualice olunaraq hekim reyiyle saglamam..Sualim budurki men yeniden heqiqi herbi xidmetimi qaldigi muddetden tam basa vura bileremmi xidmeti herbi hissemde ve bunu herbi biletde gosterilmis hekim kamisiyasini tekrar kecme vaxtini erize yolu ile vaxtindan evvel kecib xidmeti davam etdire bileremmi? xahis edirem komeyliy gostererdiz..

Bildiririk ki, vaxtından əvvəl ordu sıralarından tərxis olunan vətəndaşların təkrar müddətli həqiqi hərbi xidmətə cəlb olunması mövcud qanunvericilikdə nəzərdə tutulmamışdır.
İsmayıl Soruşur Yazılma Tarixi:24.05.2016 00:00:27

salam. 21 yasim var 4cu kurs telebesiyem universiteti bitirirem . menle hemyasid olan dostlarim tanislarima cagiris vereqesi gelib bezilerine ayin evvelinen bezilerine ortalari hamisi poliklinikada qeydiyatdan kecibler. ama mene helede hec bir bildiris gelmiyib. xetai rayon qeydiyyatiyam.

Qeyd etdiyiniz məsələ ilə bağlı Xidmətin qeydiyyatda olduğunuz Xətai rayon idarəsinə müraciət etməyiniz tövsiyə olunur.
Vüqar Soruşur Yazılma Tarixi:23.05.2016 12:39:46

Salam.Mənim yaxınım bu il kolleci bitirir.Hazırda 21 yaşındadır.Təhsilini davam elətdirmək üçün Bakıda keçirilən Türkiyə dövlətinin qəbul imtahanına qatılıb.Bu yaxınlarda vayonkomat baxış keçirtmək üçün çağırmışdı.Qohumum təhsilini davam etdirəcəyini söyləyib lakin orada çalışan məmur ona qəbul olsanız belə sizi hərbi xidmətə aparacağıq deyib.Səbəbini sorunçub ona kollec bitirmisən və sənin ixtisasın var deyə qanunsuz cavab verib.İndi bilmək istərdik ki Hərbi xidmət və Hərbi vəzifə haqqında qanunun 5 ci fəslinin 21, 21.1.4, 21.1.5, 21.3 maddələrində göstərilən qanunlara bu kimi məmurlar tərəfində riayət edilməməsinə bizlər nə cür cavab verməliyik və şikayətimizi kimə bildirməliyik.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 21-ci maddəsinə əsasən, qeyd olunan təhsil müəssisəslərində təhsilini davam etdirmək üçün çağırışçılara möhlət yalnız bir dəfə verildiyi üçün yaxınınız təhsilə görə möhlət hüququ bitdikdən sonra müddətli həqiqi hərbi xidmətə çağırışa cəlb olunacaqdır və ona qəbul imtahanlarında təkrar iştirak etməsi üçün həqiqi hərbi xidmətə çağırışdan möhlət verilməsinə qanuni əsas yoxdur.
Nicat Soruşur Yazılma Tarixi:23.05.2016 11:57:15

Salam.. men herbiden 2013-cu ilde texris olmusham,bir neche hefte once menim herbi biletime seferberlik mohuru vurulub ve qirmizi rengli vereg tikilib...bilmek isterdim ki men qisamuddetlik olkeden kenara chixa bilerem? dovlet serhed xidmetinden mene her hansi bir problem yaradilmiyacaq seferberliye gore? evvelceden teshekkurler

“Azərbaycan Respublikasında səfərbərlik hazırlığı və səfərbərlik haqqında” Azərbaycan Respublikasının Qanununun  8-ci maddəsinə əsasən    :  
        8.1.1. səfərbərlik zamanı və müharibə dövrü üçün öz təyinatlarını müəyyən etmək məqsədi ilə çağırış vərəqəsinə əsasən Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) şöbə və bölmələrinə gəlirlər; 8.1.2. Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) şöbə və bölmələrindən aldıqları səfərbərlik sərəncamlarında, çağırış vərəqələrində və vəzifəli şəxslərin əmrlərində qeyd olunmuş tələbləri yerinə yetirirlər;   
         Qanunun tələblərinə uyğun olaraq  Sizə səfərbərlik sərəncamı verilmişdir və ölkədə səfərbərlik elan olunarsa üzərinizə düşən vəzifələri yerinə yetirməlisiniz.     
      Hal-hazırda səfərbərlik elan olunmadığı üçün Sizin xarici ölkələrə səfər etmənizə heç bir məhdudiyyət yoxdur.
Hüseyn Soruşur Yazılma Tarixi:22.05.2016 23:27:11

Salam men bilmek isteyirem qulaq perdesinin 1i yirtiq oldugu halda ,(digerinde problem yoxdu) esitmem normal oldugu halda herbi xitmete getmeyime mane olur? qanund bele bir madde var?...Men 2015ci il iyul cagirisinda herbi komisarliga cagirildigimda yoxlanisa gonderlidim qulagimda cirk olduguna gore mene yararsiz yazdilar. Men qulagimi mualice eledim. Indi ozumu tam saglam hiss eliyire ve esitmemde normaldi. Men vaxtindan evvel yoxlanisdan kecmek ucun herbi komisarliga muraicet edecem bilmek isteyirem ki getmek ehtimalim var? qanun bunua icaze verir? 1 qulaq persenin olmamsi mane olmur ki buna?...xahis edirem sulallarima etrafli cavab veresiniz. Tesekkurler

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.