Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Həsənli Qurban Soruşur Yazılma Tarixi:10.01.2016 19:12:11

1) Birincisi, Leytenant rütbəsi almaq üçün hara və nə vaxt müraciət etməliyəm. Çağırış vaxtı , yoxsa çağırışdan əvvəl ? 2) Hərbi hava və ya Hava hücümdan müdafiə qoşunlarında Leytenant kimi xidmət keçə bilərəm mi? 3) Rütbə almaq üçün Tədris müddəti nə qədərdir ? İmtahan tədrisi bitirdikdən sonradır,yoxsa qəbulda? 4) Tədris vaxtı İyulda başlayacaq ,yoxsa çağırışdan əvvəl ? 5) Rütbə aldıqdan sonra hərbi xidmətin müddəti nə qədərdir? Mümkünsə müvafiq TTM-in ünvanı yazardınız.

Bildiririk ki, müraciətinizdə çağırışçı və ya hərbi vəzifəli olmağınız barədə məlumat qeyd etmədiyiniz üçün müraciətinizin ətraflı cavablandırılması mümkün deyil.
Rafiq Qarashzade Soruşur Yazılma Tarixi:10.01.2016 18:01:38

Salam.Efqanistanda sulh meramli quvvelerde herbi xidmet movcuddurmu? Movcuddursa nece qatilmag olar?

Bildiririk ki, Səfərbərlik və Hərbi Xidmətə Çağırış üzrə Dövlət Xidmətinin saytına daxil olan müraciətinizə baxılmışdır. Nəzərinizə çatdırırıq ki, qeyd etdiyiniz məsələ ilə əlaqədar aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
Nəsibov Nurlan Soruşur Yazılma Tarixi:10.01.2016 17:58:14

Salam bu 3cü dəfədi yazıram çox xaiş edirəm cavab vererdiniz mən Nəsibov Nurlan Aydın oğlu Qazax rayon hərbi komisarlığı tərəfindən bir il gecikdirmə ilə 21.01.2016 tarixinə həqiqi hərbi xidmətə çağrılmışam ama nə hərbi komisarlıqda nədəki sizin exidmetde hansi hərbi hissəyə düşdüyüm barədə məlumat yoxdu bu nece ola bilər.

Bildiririk ki, Sizin adınız Xidmətin Qazax rayon şöbəsi tərəfindən tibbi şəhadətləndirilməsi və öyrənilməsi başa çatdırılmış vətəndaşların dəqiqləşdirilmiş siyahısına daxil edilərək yanvar çağırışı ilə əlaqədar növbəti sərəncam verilməsi üçün təqdim olunacaqdır.
Güllü Bayramova Soruşur Yazılma Tarixi:10.01.2016 17:37:59

Salam. Mənim nişanlim iyul çağırışçısıdı. Ali tehsillidir. Leytenant kimi hərbidə qulluğ etmək istiyir. Ve leytenant kimi çalışmağ üçün müddət neçə ildir? Xahiş edirəm sualımı cavablandırasız. Təşəkkür edirəm.

Bildiririk ki, nişanlınızın leytenant kimi hərbi xidmət keçmək məsələsi ilə bağlı xidmətdə olacağı qoşun növünün komandanlığına müraciət etməsi tövsiyə olunur.
Ruzane Rustemova Soruşur Yazılma Tarixi:10.01.2016 15:09:36

Salam. Türk vatandaşı Azerbaycan da komutan olmag ısteyır.turkıyede hal hazırda komutan vezıfesındedı Ama bura geçiş etmek ısteyır.bunun üçün ne etmelı

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Bu Qanunun 36.2-ci maddəsinə əsasən bağlaşma əsasında həqiqi hərbi xidmətə, həmçinin əcnəbilər və vətəndaşlığı olmayan şəxslər qəbul olunurlar. Odur ki, qeyd etdiyiniz məsələ ilə əlaqədar aidiyyəti üzrə müvafiq dövlət orqanına müraciət etməlisiniz.
Kərimli Ramil Soruşur Yazılma Tarixi:10.01.2016 14:29:19

Salam. Men 2015-ci ildə ADİU bitirmişəm.Hərbi Xidmətdən müvəqqəti olaraq azadam. Könüllü olaraq Hərbi Xidmətə getmək istəyirəm və orada Leytenant vəzifəsində xidmət etmək istəyirəm.Xahiş edirəmki bu barədə mənə əfraflı yazasınız.Leytenantolmaq üçün herbide nece müddət olacağam.Əvvəlcədən təşəkkür edirəm

Bildiririk ki, müddətli həqiqi hərbi xidmətə göndərilməyinizlə bağlı Xidmətin qeydiyyatda olduğunuz yerli idarə, şöbə və ya bölməsinə, leytenant kimi hərbi xidmət keçmək məsələsi ilə bağlı isə xidmətdə olacağınız qoşun növünün komandanlığına müraciət etməyiniz tövsiyə olunur. 
Kamran Zeynalov Soruşur Yazılma Tarixi:10.01.2016 14:22:00

salam men bilmek isteyerdimki herbi xidmete yasti ayaqlilari aparillar? eger yararsiz yazsa hekim komisyasi bir muddetden sonra konullu herbi xidmete gede bilerem xahis edirem sualimi cavablandirasiz .

Çağırışçıların sümük-əzələ sistemi və birləşdirici toxumanın xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 68-ci maddəsinin I qrafasının tələblərinə əsasən yastıpəncəliyin dərəcəsindən asılı olaraq aparılır. Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
melahet memmedzade Soruşur Yazılma Tarixi:10.01.2016 13:25:35

Salam.gizirlik kurslari acilibmi?ve muddetden artiq heqiqi herbi xidmetden gedenler nece ay oxuyacaq bu kursu?

Bildiririk ki, “Gizir hazırlığı kursu” Silahlı Qüvvələrin Təlim-Tədris Mərkəzində təşkil edilir. Kursların nə vaxt və hansı müddətə keçirilməsi Azərbaycan Respublikasının Müdafiə Nazirliyi tərəfindən müəyyən edilir. Odur ki, qeyd etdiyiniz məsələ ilə əlaqədar aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
Rövşən Həsənov Soruşur Yazılma Tarixi:10.01.2016 12:23:44

Salam. Türkiyede tehsil alan tələbələrin möhlət hüququ almaları üçün hansı kriterin olması gərəklidir? Təhsil aldığı haqqında unverstetlərin verdiyi tələbə arayışı yeterlimidir?

Bildiririk ki, xarici ölkələrin təhsil müəssisələrində oxuyan vətəndaşlar təhsilə görə həqiqi hərbi xidmətə çağırışdan möhlət verilməsi üçün tərcümə olunaraq notarial qaydada təsdiq olunmuş təhsil haqqında arayışı Xidmətin qeydiyyatda olduqları idarə, şöbə və ya bölməsinə şəxsən təqdim etdikləri halda barələrində qanunamüvafiq qərar qəbul edilir.
Şahin mərdanov Soruşur Yazılma Tarixi:09.01.2016 22:50:47

salam mənim ali təhsilim var əsgərliyimidə hərbi polisdə qulluq etmişəm indidə 31yaşım var hərbiye zabit kimi işleye bilərəm?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında aşağıdakı həqiqi hərbi xidmətlərə könüllü daxil olurlar: 36.1.4. zabitlərin həqiqi hərbi xidmətinə - hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.