Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Vəliyev Süleyman Soruşur Yazılma Tarixi:13.01.2016 16:03:25

Salam.Minimal mitral çatızmazlıq (hemodinamik əhəmiyyətli). Aorta, AQ-N, MQ qalınlaşması, ön tayının 1ci dərəcəli prolapsı.Bu diaqnoza uyğun olaraq mən hərbi xidmətə yararlı sayılıramml, yoxsa müvəqqəti möhlət hüququmu verilməlidir. Bəs onda möhlət müddəti nə qədərdir?

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən: ürək ritminin, keçiriciliyin davamlı pozulması və (və ya) I-II FS ürək çatışmazlığı ilə müşayiət olunan ürəyin mitral və ya digər qapaqlarının ilkin prolapsı, miokarditik kardioskleroz olan çağırışçılar “Sülh dövründə hərbi xidmətə yararsız, müharibə dövründə məhdud yararlı” hesab edilirlər. Çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
Memmedova Sebnem Soruşur Yazılma Tarixi:13.01.2016 10:05:40

Salam men herbide islemek isteyirem 28 yasim var hara muraciet etmeliyem?

Bildiririk ki, müraciətdə qeyd etdiyiniz məsələnin həlli aidiyyəti üzrə Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinin səlahiyyətindədir. Odur ki, aidiyyəti üzrə qulluq (xidmət) etmək və ya işləmək istədiyiniz müvafiq dövlət orqanına müraciət etməlisiniz.
Verdiyev elcin Soruşur Yazılma Tarixi:13.01.2016 01:22:13

Salam men verdiyev elcin 2008 ci ilde herbi xidmete cagrildim. Deri xesteliyim oldugu ucun herbi biletime yarasiz yazildi. Hal hazirda menim 25 yasim var ve men konullu herbi xidmete getmek isteyirem. Sehetimde hec bir problem yoxdu. Bir usaq atasiyam. Bu gun men Goy Gol rayon herbi komisarliga muraciet etdim. Mene bildirdiler ki sen ancaq 2017 ci ilde muraciet ede bilersen. Xais mene cavab yazin. Men ne etmeliyem ki bu ay herbi xidmete gedim???

Bildiririk ki, Azərbaycan Respublikası Nazirlər Kabinetinin 29 fevral 2008-ci il tarixli 59 saylı qərarı ilə təsdiq edilmiş “Hərbi həkim ekspertizası haqqında Əsasnamə”nin      6.3-cü maddəsinə əsasən, hərbi xidmətə yararsız hesab edilmiş vətəndaşlar dövlət səhiyyə sistemi müəssisələrində və ya digər tibb müəssisələrində müayinə nəticəsində onlarda əvvəllər müəyyən edilmiş diaqnoz dəyişdirildiyi və ya onların sağlam hesab edildikləri halda təkrar şəhadətləndirilirlər. “Hərbi vəzifə və hərbi xidmət haqqında” Azərbaycan Respublikası Qanununun            20.3 maddəsinə əsasən, təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Nəzərinizə catdırırıq ki, təkrar şəhadətləndirilmənin və tibbi müayinənin nəticəsinə uyğun olaraq Göygöl rayon şöbəsinin hərbi-həkim komissiyası tərəfindən dinc dövrdə həqiqi hərbi xidmətə yararlı hesab olunduğunuz təqdirdə ümumi əsaslarla müddətli həqiqi hərbi xidmətə cəlb ediləcəksiniz. Belə ki, bu Qanunun 12.2.1-ci maddəsinə əsasən, müddətli həqiqi hərbi xidmətə - Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları çağırılırlar. Odur ki, hərbi biletinizlə hərbi qeydiyyatda olduğunuz yer üzrə Xidmətin Göygöl rayon şöbəsinə şəxsən müraciət etməlisiniz.
Ibadov Togrul. Soruşur Yazılma Tarixi:13.01.2016 01:15:14

Salam. Menim Ali tehsilim var . seferberlik ve herbi xidmete cagiris uzre idare ve bolmelerde islemey isteyirem . Bilmek isterdim ali tehsili olan sexslere zabit derecesi verilir ?

Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, işə qəbulla əlaqədar müraciət edə bilərsiniz. Nəzərinizə çatdırırıq ki, vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölmələrinə mülki işə qəbulu ilə bağlı müraciətlərinə baxılması barədə qərar, yalnız onlar özləri haqqında ətraflı məlumat verdikdən sonra qəbul edilir. Namizədliklərinə baxılan vətəndaşların həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Test imtahanında namizədlərin ümumi bilik səviyyələri və dünya görüşləri yoxlanılır. Eyni zamanda bildiririk ki, hal-hazırda Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxılır.
Hesenov Huseyn Soruşur Yazılma Tarixi:13.01.2016 00:17:15

Salam. Menim onurqamda praturuzya var ve kifa skalyoz 2 ci derecelidi men bilmey istirem herbi xidmete yararliyam yoxsa yox indide tewekkurler

Çağırışçıların sümük-əzələ sistemi və birləşdirici toxumanın xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 68-ci maddəsinin I qrafasının tələblərinə əsasən yastıpəncəliyin dərəcəsindən asılı olaraq aparılır. Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
vali efecan Soruşur Yazılma Tarixi:12.01.2016 21:47:55

salam aleykum,gizirlik kursuna qebulda, hansi fenlerden imtahan verilir?

Bildiririk ki, “Gizir hazırlığı kursu” Silahlı Qüvvələrin Təlim-Tədris Mərkəzində təşkil edilir. Kursların keçirilməsinin qayda və şərtləri Azərbaycan Respublikasının Müdafiə Nazirliyi tərəfindən müəyyən edilir. Odur ki, qeyd etdiyiniz məsələ ilə əlaqədar aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
sarif hemzeyev Soruşur Yazılma Tarixi:12.01.2016 20:51:24

salam axwaminiz xeyir 11.05.1997 anadan olmuwam gozum zeyf di sag gozum amma esger aparirlar hekim bakiya goz hekimine yazmiwdi amma vayinkamat dedi gozun gorur 01.05.2016 paveska verdiler ki aparacuq getdim dediler zeng vuranda gelersen indi meni aparmalidilar ya yox hara duwduyumde yazilmayib bilmirem hara duwmuwem

Müraciətinizlə bağlı müvafiq araşdırmanın aparılması məqsədi ilə atanızın adı və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Bağırlı Əlimurad Soruşur Yazılma Tarixi:12.01.2016 20:15:40

İmtahan vermək uçun möhlət haqqında arayışı necə əldə etmək olar?

Qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və bölməsinə müraciət edə bilərsiniz. Eyni zamanda bildiririk ki,  respublikanın ali məktəblərinə qəbul imtahanlarında artıq bir dəfə iştirak etmiş vətəndaşlara hərbi xidmətə çağırışdan təkrar möhlət verilməsinə qanuni əsas yoxdur.    
Sahib Məmmədov Soruşur Yazılma Tarixi:12.01.2016 20:15:28

salam men herbi xidmete getmek isteyirem ama meni atamin 1 ci qrup elil oldugu ucun aparmirlar ama men valideyinlerimin raziligi ile getmek isteyirem atam ozude erize verir konullu herbi xidmete getmek isteyirem ama herbi kamisarliqda mene deyirler ki atan erize yazsada gede bilmezsen ama sonradan oyrendim ki atamin konullu yazdigi erize ile gede bilerem herbi xidmete men vetenimin bu dar gununde vetenime topagima dovletime xidmet etmek isteyirem ona grede mene hem herbi xidmete gedmeyim ucun omek etmeinizi hemde mene bir meslehet vermeyinizi yeni nece gde bileceyimi demeyinizi isteyirem

Bildiririk ki, ailə vəziyyətinə görə möhlət hüququna malik olan çağırışçıların könüllü şəkildə möhlət hüququndan imtina edərək müddətli həqiqi hərbi xidmətə göndərilməsi məsələsi mövcud qanunvericilikdə nəzərdə tutulmamışdır.
Cemil abdurahmanov Soruşur Yazılma Tarixi:12.01.2016 20:04:06

Salam men 25 yasim var muddetden artiq herbi xidmete qebul olmaq iusdeyirem bunu nece edim

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında aşağıdakı həqiqi hərbi xidmətlərə könüllü daxil olurlar: 36.1.1. müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar; Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.