Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Emrah kahraman Soruşur Yazılma Tarixi:14.01.2016 23:32:31

Salam adim emrah men gürcüstanda oxuyuram universtet kağiz verdi ki hazirliqda oxuyursan ama bizim vayinkamat qebul elemedi ele bir şey ola biler?

Bildiririk ki, xarici ölkələrin təhsil müəssisələrində oxuyan vətəndaşlar təhsilə görə həqiqi hərbi xidmətə çağırışdan möhlət verilməsi üçün tərcümə olunaraq notarial qaydada təsdiq olunmuş təhsil haqqında arayışı (arayışda çağırışçının təhsil müəssisəsinə qəbul olunduğu, məzun olacağı tarix və bakalavr pilləsində əyani təhsil alması göstərilməlidir) Xidmətin qeydiyyatda olduqları idarə, şöbə və ya bölməsinə şəxsən təqdim etdikləri halda barələrində qanunamüvafiq qərar qəbul edilir.
amil ibadullayev Soruşur Yazılma Tarixi:14.01.2016 23:04:58

Men İbadullayev Amil Ekber oglu 1993 -ci ilde anada olmsam.Tam orta tesilliyem.Men sizden xahis edrem seferbeylik ve xerbi xidmte cagris uzre dovlet xidmtne ise xidmte qebul uycun lazim olan senedlerin siyahisi barede melumat vererdniz ve sened qeblu ne zamandan baslayir.Hansi unvanda olacaq.

Bildiririk ki, təhsiliniz Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vəzifələrin ixtisas profilinə uyğun olmadığına görə Sizin həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün hesab edilməmişdir.
Göyüşov Xəyal Soruşur Yazılma Tarixi:14.01.2016 21:56:13

Salam. Mənim 18 yaşım iyul ayının 19u tamam olur, bilmək istədiyim odurki məni iyul çağırışçıları ilə aparacaqlar ? Yoxsa oktyabr ? Təşəkkürlər..

Bildiririk ki,  Sizin 19.07.2016-cı il tarixdə 18 yaşınız tamam olduğuna görə 2016-cı ilin iyul çağırışı zamanı ümumi əsaslarla müddətli həqiqi hərbi xidmətə çağırışa cəlb ediləcəksiniz.
TOGRUL IBRAHIMOV Soruşur Yazılma Tarixi:14.01.2016 18:54:48

men 18 yasindayam menim ureyimde ritm bozuklugu var ureyim tes tes doyunur men goresen esgerliye gedecem yoxsa yox

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Rewad abdullayev Soruşur Yazılma Tarixi:14.01.2016 17:56:13

salam herbi xidmetden Milli qvardiyaya kecmek olur

Bildiririk ki, çağırışçıların təyin olunduqları qoşun növünün sonradan dəyişdirilməsi məsələsi mövcud qanunvericilikdə nəzərdə tutulmamışdır.
Gültəkin Əlizadə Soruşur Yazılma Tarixi:14.01.2016 15:17:32

Salam.Mən könüllü olaraq xüsusi kəşfiyyatda işləmək istəyirəm.Zəhmət olmasa məni məlmuatlandırardınız.

Bildiririk ki, qeyd etdiyiniz məsələ ilə əlaqədar aidiyyəti üzrə qulluq (xidmət) etmək və ya işləmək istədiyiniz müvafiq dövlət orqanına müraciət etməlisiniz.
suleyman esgerov Soruşur Yazılma Tarixi:14.01.2016 13:42:41

salam men herbi deniz quvvelerinde işe daxil olmaq isteyirem, bunun ucun hara ve hansi senedlerle muracirt edim.ali tehsilliyem, herbi xidmetde olmuşam.xaiş edirem cavablandırın

 Bildiririk ki, qeyd etdiyiniz məsələ ilə əlaqədar aidiyyəti üzrə Azərbaycan Respublikasının Müdafiə Nazirliyinə və ya HDQ-nin komandanlığına müraciət etməlisiniz.
Ruslan Ismayilov Soruşur Yazılma Tarixi:13.01.2016 20:31:30

Salam,menim dostum hekimden kecmis ve onun erizesine saglam yazilmisdir.Lakin sonradan melum olunmusdurki,o herbi xidmete yararsizdir.Yeni,ayaqalti ikinci dereceli olmus ve fiziki pozgunluq musahide edilmisdir.Lakin vaxt mehdudiyyeti oldugundan hec yere muraciet ede bilmemisdir.O,bu hefte erzinde herbi xidmete yollanmalidir.Bununla bagli kime muraciet ede biler?

 Bildiririk ki, qeyd etdiyiniz məsələ ilə bağlı dostunuzun Xidmətin qeydiyyatda olduğu yerli idarə, şöbə və ya bölməsinə müraciət etməsi tövsiyə olunur.
Vəliyev Süleyman Soruşur Yazılma Tarixi:13.01.2016 20:11:16

Salam. Mən Vəliyev Suleyman Elşən oglu 1994 tevellud. Yanvar çağırışında olmalı idim. Amma hərbi komissarlıqda siyahıda adım qeyd edilməyib. Bilmək istəyirdim mənim haqqımda verilən əmr nədir?

Bildiririk ki, qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.
Toğrul Cəfərli Soruşur Yazılma Tarixi:13.01.2016 17:26:29

Salam. Men Şuşa herbi kommisarligindan 3 ildirki saxlanmisam.saxlanmagima sebeb dalagimin boyumeyi olub.hekim kommisiyasindan her defe kecende bu diaqnoz qoyulub mene.ama mene herbi kommisarliqdan ne bir melumat verilir nede bir soz deyirler.mene herbi bilet (ne qodnu) verilmelidirmi? 3 defe saxlanmisam

Məlum olmuşdur ki, Siz, Xidmətin Şuşa rayon bölməsinin hərbi həkim komissiyasında tibbi baxışdan keçirilmiş və  səhhətinizlə bağlı şikayətiniz nəzərə alınaraq aidiyyəti üzrə müayinəyə göndərilmisiniz. Müayinə nəticəsində təyin olunmuş diaqnoza müvafiq olaraq Siz, rayon çağırış komissiyası tərəfindən şəhadətləndirilərək Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz, təkrar tibbi müayinəyə cəlb olunacaqsınız.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.