Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Murad Babayev Soruşur Yazılma Tarixi:12.08.2015 19:04:09

Salam.Iyul ayinda xidmete gedib geri gaytarilmisham,dediler oktabirda gediceysen.Xidmet etdiyim yer deyishile biler bu halda?

Bildiririk ki, həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində  Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında xüsusi kompüter proqramı vasitəsi ilə bölünür. Eyni zamanda bildiririk ki, siz 2015-ci ilin oktyabr çağırışına cəlb ediləcəyiniz halda bölgü aparılarkən sizin adınız yenidən xüsusi kompüter proqramına daxil ediləcək. 
ceyhun semedzade Soruşur Yazılma Tarixi:12.08.2015 17:36:26

salam men esgerliyde maxe veya giziri secmey istiyirem bilmey istiyirem men harda esger olmusam orda isleyecem yoxsa ozum secdiyim yerde

Bildiririk ki, müd­dət­dən ar­tıq həqiqi hər­bi xid­mə­t hərbi qulluqçusu və ya gizir kimi, o cümlədən harada və hansı hərbi hissədə hər­bi xidmət keçmək istəyinizlə bağlı aidiyyəti üzrə əvvəllər hərbi xidmət keçdiyiniz Azərbaycan Respublikası Silahlı Qüvvələrinin və qanunvericiliklə nəzərdə tutulmuş digər silahlı birləşmələrin Komandanlıqlarına müraciət edə bilərsiniz.  
Mübariz Mübariz Soruşur Yazılma Tarixi:12.08.2015 17:11:03

Salam hər vaxtınız xeyir.Özüm 11-ci sinifə kimi oxumuşam.Ali məktəbə qəbul olmamışam.Və 2013-cü il yanvar ayında daşkəsən rayonunda qulluq etmişəm və 2014-cü il iyul ayında xidmətimi başa vurmuşam.1 ildi maxe olmaq üçün hansı hərbi hissəyə gedirəmsə ora-bura göndərirlər.Dəqiq bir məlumat verən olmayıb mənə.Mən şəxsən özüm könüllü olaraq gədəbəy rayonunda müddətdən artıq həqiqi hərbi qulluqçu maxe kimi qulluq etmək istəyirəm.Hərbi qulluqçu kimi xidmət etmək üçün lazımi sənədlərin hamısını toplamışam.Sizdən öyrənmək istəyirəm ki, mən gədəbəydə hərbi qulluqçu kimi necə xidmət edə bilərəm?Öncədən məlumat verim hərbi komissarlığa da müraciət etmişəm bu barədə və mənə həkim yoxlanışından keçmək üçün sənədlər təqdim ediblər,hamısından da keçmişəm.Ama bilmirem hara gedim və sənədlərimi kimə təqdim edim?Təlim tədris mərkəzinə müraciət edim?yoxsa qulluq etmək istədiyim hərbi hissəyə müraciət edim?maxe qəbulu bağlanıbdı belə bir xəbər eşitmişəm ona görə bilmirəm hara müraciət edim.Sizdən çox xahiş edirəm bu sualımı cavablandırasınız və mənə kömək edəsiniz.sağolun.

Bildiririk ki, Gədəbəy rayonunda yerləşən hərbi hissədə müd­dət­dən ar­tıq həqiqi hər­bi xid­mə­t hərbi qulluqçusu kimi hər­bi xidmət keçmək istəyinizlə bağlı aidiyyəti üzrə həmin hərbi hissənin komandirinə və ya Azərbaycan Respublikasının Müdafiə Nazirliyinə müraciət etməlisiniz.
Zabit Məmmədov Soruşur Yazılma Tarixi:12.08.2015 14:31:53

Salam.Mən işə qəbul olmaq üçün müsabiqədə iştirak etdim lakin müsbət nəticə gostərmədim.Bilmək istəyirəm ikinci dəfə sənədlərimi verə bilərəm imtahanda iştirak etmək üçün?Növbəti imtahanin vaxtini öyrənmək istəyrəm.

Bildiririk ki, 28.07.2015-ci il tarixdə keçirilmiş müsabiqədə zəif nəticə göstərdiyiniz üçün, Sizin yenidən Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınızla bağlı müraciətinizin müsbət həlli mümkün hesab edilməmişdir.
Huseynov Emin Soruşur Yazılma Tarixi:12.08.2015 13:04:00

salam men oktyabrda esgerliye gedrem bilmek isdeyiremki pavisqaya qol hacan cekilmelidi

Bildiririk ki, siz oktyabr çağırışı zamanı SHXÇDX-nin qeydiyyatda olduğunuz yerli idarə, şöbə və ya bölməsi tərəfindən sizə göndərilən çağırış vərəqəsində göstərilən tarixdə orada olmalısınız. 
Mehdiyev Ayaz Soruşur Yazılma Tarixi:12.08.2015 10:38:46

salam. Mən hərbi xidməti bitrmişəm hal-hazirda 25 yaşım var ali təhsilliyəm. Zabit olaraq çalışmaq istəyirəm. Bu mümkündürmü? Mümkündürsə hansı orqanlara müraciət etməliyəm?

Bildiririk ki, «Hərbi vəzifə və hərbi xidmət haqqında» Azərbaycan Respublikasının Qanununun 36.1-cimaddəsinə əsasən, həqiqi hər­bi xid­mə­tə qəbul üçün mü­əy­yən edil­miş tə­ləb­lə­rə cavab verən Azərbaycan Res­pub­lika­sının və­tən­daş­la­rı bağlaşma əsasında həqiqi hərbi xidmətlərə könüllü da­xil olurlar. Za­bit­lə­rin həqiqi hər­bi xidmətinə – hər­bi xidmət­də ol­ma­ğın son yaş həd­dinə çatmamış ehtiyatda olan za­bit­lər, ha­be­lə ilk za­bit hər­bi rütbə­si verilməklə 35 ya­şı­nadək həqiqi hərbi xidmətdə olan hərbi qulluqçular və ehtiyatda olan hərbi vəzifəlilər.  
Siz yuxarıda qeyd olunan tələblərə cavab verdiyiniz halda, zabit kimi hərbi xidmət keçmək istəyinizlə bağlı aidiyyəti üzrə Azərbaycan Respublikası Silahlı Qüvvələrinin və qanunvericiliklə nəzərdə tutulmuş digər silahlı birləşmələrin Komandanlıqlarına müraciət edə bilərsiniz.
Tural Huseynli Soruşur Yazılma Tarixi:12.08.2015 00:27:13

Salam Men Herbi xidmete yararsiz,muharibe dovrunde mehdud yararliyam.Xesteliyim 2c maddesi yazilib.men nece bile bilerem o umumi maddelerdeki xesteliklerin adi,siralamasini?hara daxil olub baxa bilerem o maddelere?menim xesteliyimin drqiq adi nece gedir ve bawqa maddelerdeki xestelikler siralamayla necedi ?

Çağırışçıların həqiqi hərbi xidmətə yararlılığı Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin tələblərinə əsasən müəyyən  edilir.
Salmanov Kamal Soruşur Yazılma Tarixi:11.08.2015 22:45:52

salam men 1998 noyabr ayinin 29 anadan olnuwam zehmet olmasa deyerdiniz men ne vaxt herbi xidmete gedecem? zehmet olmasa soyluyerdiniz

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  12.2.1-ci maddəsinə əsasən, Azərbaycan Respublikasının 18 yaşına çatmış kişi cinsli vətəndaşları müddətli həqiqi hərbi xidmətə çağırılırlar. Eyni zamanda bildiririk ki, siz qanunvericiliyin tələblərinə uyğun olaraq 2017-ci ilin yanvar çağırışına cəlb ediləcəksiniz.
Samedov Cavid Soruşur Yazılma Tarixi:11.08.2015 22:16:00

Salam, menim teveludi 17.may.1996. Kecen il mende olmusdu tibb komissiya ama o vaxtda mende travma idi, ayagda sumuk travma idi ve meni goturmediler. Esedmisem her 3 il cagiris olur, mende ayag indi sagalib, men ozun tezden tibb komissiyasi kece bilerem yada 2017 ile geder gozdemeliyam (2014 tibb komissiya idi)?

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
vuqar hesenov Soruşur Yazılma Tarixi:11.08.2015 18:50:32

salam men hesenov vuqar mingecevir seherinde qaliram tesilim ortadi ozum 3 il herbilesdirilmiw muhavize desdesinde islemisem indiysise xidmetden artiq herbi qulluqcu gizir kimi islemek isdeyerdim sadece olaraq bilmek isdeyiremeki gizirlik kurslari ne vaxti baslayacaq.

Bildiririk ki, Səfərbərlik və Hərbi Xidmətə Çağırış üzrə Dövlət Xidmətinin yerli idarə şöbə və bölmələri tərəfindən hər il mütəmadi olaraq Silahlı Qüvvələrin Təlim və Tədris Mərkəzində gizir hazırlığı kursunda oxumaq üçün 28 yaşına qədər hərbi vəzifəlilər sırasından namizədlərin seçilməsi təşkil edilir. Odur ki, Siz 28 yaş həddini keçmədiyiniz halda, SQ TTM-də təşkil ediləcək növbəti kursda oxumaq üçün adınızın namizəd kimi siyahıya daxil edilməsi və hansı sənədlərin hazırlanaraq təqdim edilməsi barədə hərbi qeydiyyatda olduğunuz Xidmətin Mingəçevir şəhər şöbəsinə müraciət etməlisiniz. Eyni zamanda nəzərinizə çatdırırıq ki, SQ TTM-də təşkil ediləcək növbəti gizir hazırlığı kursunun nə vaxt təşkil ediləcəyinə aydınlıq gətirilməsi ilə bağlı Azərbaycan Respublikasının Müdafiə Nazirliyinə müraciət edə bilərsiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.