Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Sənan Ələkbərov Soruşur Yazılma Tarixi:05.08.2015 14:21:48

salam mən 2014 cü ildə MAHHAXQ kimi hərbi xidmətə başlamışam. amma bəzi səbəblərdən ailə probleminə görə öz könüllü ərizəmlə 2015 ci ildə 156 maddənin e bəndi ilə ordu sıralarından təxris olunnuşam. indi bilmək istəyirəm mən yenidən ordu sıralarına qayıda bilərəm yoxsa yox? diqqətinizə görə minnətdaram

Bildiririk ki, Ordu sıralarına yenidən qayıdaraq hərbi xidmət keçmək istəyinizlə bağlı aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
Nigar Ceferova Soruşur Yazılma Tarixi:05.08.2015 13:36:28

Salam men harbi hissaya komputerci kimi duzalmak isttram harbia havasim coxdu kima muraciat edim maslahat verinda mene zahmat olmasa

Bildiririk ki, «Hərbi vəzifə və hərbi xidmət haqqında» Azərbaycan Respublikasının Qanununun 36.1-ci maddəsinə əsasən həqiqi hər­bi xid­mə­tə qəbul üçün mü­əy­yən edil­miş tə­ləb­lə­rə cavab verən Azərbaycan Res­pub­lıka­sının və­tən­daş­la­rı bağlaşma əsasında aşağıdakı həqiqi hərbi xidmətlərə könüllü da­xil olurlar:
Müd­dət­dən ar­tıq həqiqi hər­bi xid­mə­tə – ən azı ümumi orta təhsilli, qanun­la müəyyən­ləş­dirilən müd­dət­li həqiqi hərbi xidməti ba­şa çatdır­mış hər­bi qulluqçular, 40 yaşınadək hər­bi və­zifə­lilər (zabit­lər­, gizirlər və miçmanlar istisna olmaqla), ha­be­lə 19 ya­şın­dan 40 ya­şı­na­dək qa­dın­lar;
Gizir­lə­rin və miç­man­la­rın həqiqi hər­bi xid­mə­tinə – ən azı tam orta təhsilli, azı bir il hərbi xidmət keçmiş əs­gər­lər, mat­ros­lar, ça­vuş­lar, 40 ya­şı­na­dək hərbi və­zifə­lilər (zabit­lər­ istisna olmaqla), ha­be­lə 19 ya­şın­dan 40 ya­şına­dək qadınlar.
Bu səbəbdən Siz yuxarıda qeyd olunan tələblərə cavab verdiyiniz halda, hərbi xidmət keçmək istəyinizlə bağlı Azərbaycan Respublikası Silahlı Qüvvələrinin və qanunvericiliklə nəzərdə tutulmuş digər silahlı birləşmələrin Komandanlıqlarına müraciət edə bilərsiniz.
Mirhüseyn Rzayev Soruşur Yazılma Tarixi:05.08.2015 13:18:08

salam mən NMR qeydiyyatındayam şəxsiyyət vəsiqəmi alamq üçün mənə ağ blet lazımdır onuda almaq üçün səfərbərlik və hərbi çağrış idarəsinə müraciət etdim amma vermədilər çünkü qeydiyyatda olduqumuz ev satılıb həmdə qeydiyyatda olduqumuz erazinin Jek müdürü arayış və ailə tərkibi vermir mənə dedilər get Bakıda qeydiyyata düş özümdə bakıda yaşyıram gəldim qeydiyyat üçün yer tapdım ammma götürmədilər çünkü Ağ blet lazımdır onuda heç yer vermir xaiş edirəm kömək edin ağ bleti alım tezliklə cavab gözləyirəm müraciətimi əsaslandırın

Bildiririk ki, sizin Naxçıvan Muxtar Respublikasının Səfərbərlik və Hərbi Xidmətə Çağırış üzrə Dövlət Xidmətinə müraciət etməyiniz tövsiyə olunur. 
Paşayev Emin Soruşur Yazılma Tarixi:05.08.2015 01:32:18

Salam. Bagışlayın narahat etdiyime görə. Deməli men iyul çağrışçısıydım. Paşayev Emin Xudayar oğlu 12.02.1994 təvəllüd Nizami rayonu SHXÇDX qeydiyatındayam. Men belə bir problemlə üzləşmişəm. Mənim ayağımda podaqra olduguna görə məni 23.07.2015 ci il tarixində qospitala aparıb orada həkim ekspertizasimmam keçirdiblər və həkimlərin nə diaqnoz qoyuldugunu mənə komisarlıq demir birce deyirlerki yararsızsan qet lazım olanda çağıracayıq. Mən bilmək istəyirəm mənim işimlə bağlı hansı qərar qəbul olunub əqər həqiqətəndə məni hərbi xidmətə yararsız sayiblarsa mən həkimlərin rəyi ilə tam olaraq narazılıq bildirmək istəyirəm və bununla əlaqədar olaraq öz şikayətimi bildirmək və bu qərara yenidən baxılmasını istəyirəm. Mən bununla əlaqədar hara müraciət etməliyəm. Mənim ayağımdan heç bir narazılığım yoxdur mən 21 ildir hec bir ağrı heç bir narahatçılığımda olmayıb ayağımnan. Zəhmət olmasa mənə kömək edərdiniz. Mən bu məsələ ilə əlaqədar kimə müraciyət edə bilərəmki bu qərar ləğv olunsun və mənim işimə yenidən baxılsın zəhmət olmasa cavablamdırardınız.

Məlum olmuşdur ki, Siz, 27.07.2015-ci il tarixdə nəzarət qaydasında Xidmətin Mərkəzi Hərbi-Həkim Komissiyasında şəhadətləndirilmiş və nəticədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “dinc dövr üçün hərbi xidmətə yararsız, müharibə dövrü üçün məhdud yararlı” hesab edilmisiniz. Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Bakı şəhəri Nizami rayon idarəsinə təqdim edildiyi halda mümkündür.
Yusif Usubov Soruşur Yazılma Tarixi:05.08.2015 01:23:18

salam men ali tesiliyem herbi xidmeti basa vurmusam. ehtiyyat zabit kursuna gedmek isdeyirem men ne edmliye bu barede xais edirem meni melumatlanirasiniz.

Bildiririk ki, «Hərbi vəzifə və hərbi xidmət haqqında» Azərbaycan Respublikasının Qanununun 36.1-cimaddəsinə əsasən, həqiqi hər­bi xid­mə­tə qəbul üçün mü­əy­yən edil­miş tə­ləb­lə­rə cavab verən Azərbaycan Res­pub­lika­sının və­tən­daş­la­rı bağlaşma əsasında həqiqi hərbi xidmətlərə könüllü da­xil olurlar.
Za­bit­lə­rin həqiqi hər­bi xidmətinə – hər­bi xidmət­də ol­ma­ğın son yaş həd­dinə çatmamış ehtiyatda olan za­bit­lər, ha­be­lə ilk za­bit hər­bi rütbə­si verilməklə 35 ya­şı­nadək həqiqi hərbi xidmətdə olan hərbi qulluqçular və ehtiyatda olan hərbi vəzifəlilər.  
Siz yuxarıda qeyd olunan tələblərə cavab verdiyiniz halda, zabit hazırlığı kursunda oxumaq istəyinizlə bağlı aidiyyəti üzrə Azərbaycan Respublikasının Müdafiə Nazirliyinə müraciət edə bilərsiniz.
Tagiyev Rovsen Soruşur Yazılma Tarixi:04.08.2015 22:29:58

Salam evvelceden size verdiyiniz aciglamaya gore tesekkur edirem bilmek isteyirem ki harici olkede oz hesabina ali tehsil univtrsitetlerine qebul olan telebelere yasadigi rayon herbi komissarligdan olkeden ciхmagina qadaga qoyula bilermi. cunki herbi komissarligdan bildirirler ki bu ilden hemin telebelere olkeni terk etmeye icaze verilmir

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  21-ci maddəsinə əsasən, xarici ölkələrdə əyani təhsilalma formasında təhsil alanlara ali təhsil pilləsində (bakalavriat) müvafiq təhsilini bitirənədək çağırışa möhlət verilir. Eyni zamanda bildiririk ki, sizin qəbul olacağınız ali təhsil müəssisəsindən arayış alaraq (arayışda ali təhsil müəssisəsinə daxil olduğunuz və bitirəcəyiniz tarix dəqiq göstərilməlidir) Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğunuz yerli idarə, şöbə və ya bölməsinə təqdim etməyiniz tövsiyə olunur.
Fariz Safarli Soruşur Yazılma Tarixi:04.08.2015 19:35:27

Salam,mən bu ilin iyul ayinda xidmetimi başa vurmuşam ve ehtiyata buraxilmişam,mən indi avqust ayinda ölkədən cixa bilərəmmi 1 həftəliy istirahət üçün ?

Bildiririk ki, hazırda hərbi xidmətini başa vuraraq ehtiyyata buraxılmış şəxslərin istirahət məqsədi ilə ölkə ərazisini tərk etməsinə məhdudiyyətin qoyulması nəzərdə tutulmamışdır.
Vüsal mehtiyev Soruşur Yazılma Tarixi:04.08.2015 16:44:08

Salam, men ali tehsilliyem. Herbi xidmetimi Leytenant olaraq basa vurmusam, hal-hazirda ehtiyatda olan Leytenantam, bilmek isterdim zabit kimi hansi qrumlarda xidmet ede bilerem?

Bildiririk ki, «Hərbi vəzifə və hərbi xidmət haqqında» Azərbaycan Respublikasının Qanununun 36.1-cimaddəsinə əsasən, həqiqi hər­bi xid­mə­tə qəbul üçün mü­əy­yən edil­miş tə­ləb­lə­rə cavab verən Azərbaycan Res­pub­lika­sının və­tən­daş­la­rı bağlaşma əsasında həqiqi hərbi xidmətlərə könüllü da­xil olurlar.
Za­bit­lə­rin həqiqi hər­bi xidmətinə – hər­bi xidmət­də ol­ma­ğın son yaş həd­dinə çatmamış ehtiyatda olan za­bit­lər, ha­be­lə ilk za­bit hər­bi rütbə­si verilməklə 35 ya­şı­nadək həqiqi hərbi xidmətdə olan hərbi qulluqçular və ehtiyatda olan hərbi vəzifəlilər.   
Siz yuxarıda qeyd olunan tələblərə cavab verdiyiniz halda, zabit kimi hərbi xidmət keçmək istəyiniz barədə Azərbaycan Respublikası Silahlı Qüvvələrinin və qanunvericiliklə nəzərdə tutulmuş digər silahlı birləşmələrin Komandanlıqlarına müraciət edə bilərsiniz.
Vusal Yusifov Soruşur Yazılma Tarixi:04.08.2015 15:03:46

salam. men Yusifov Vusal Refail oglu 1995 ci ilde zerdab rayonunda anadan olmuwam ve hal hazirdada zerdab rayon qeydiyatindayam.atam 1997 ci ilde rehmete gedib ve anamla ikimiz tek qalmiwiq.anam ise 1957 ci il tevellutdu ve ikinci qurup elildi.Men universitetit telebesiyem ve 2016 ci il mezuniyem.Universitetiti bitirdikden sonra esger gedesiyem.Ama meni narahat edecek meseleler var.Axi anamyawdi ve xesde qadindi men esgerlikde olduqum zamani ona baxacaq bawqa bir insan yoxdu.sualim beledirki menim kimi tek ogulun esger getmesi ne derecede duzgundur ve bu meselenin hellinde mene komeklik edesiz

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 19.1.1-ci maddəsinin tələblərinə əsasən, ailə vəziyyətinə görə həqiqi hərbi xidmətə çağırışdan möhlət himayəsində başqa övladı olmayan 1-ci qrup əlil ata, yaxud ana olan çağırışçılara verilir. Eyni zamanda bildiririk ki, hazırki ailə vəziyyətinizlə əlaqədar mövcud qanunvericilikdə sizə hər hansı güzəşt nəzərdə tutulmamışdır. 
Zaur Hüseynbəyli Soruşur Yazılma Tarixi:04.08.2015 14:43:59

Salam mən 18.04.1986-cı ildə Şəki şəhərində anadan olmuşam.Ali təhsilliyəm. 2008-ci ildə Azərbaycan Dövlət Neft Akademiyasını bitirmişəm.2008-2009-cu illərdə Həqiqi hərbi xidmətdə olmuşam.Hərbi xidmət dövründə Əfqanıstanda gedən Sülhməramlı əməliyyatlarda iştirak etmişəm.Səfərbərlik və Hərbi Xidmətə Çağırış üzrə Dövlət Xidmətində xidmət etmək istəyirəm.Bunun üçün Səfərbərlik və Hərbi Xidmətə Çağırış üzrə Dövlət Xidmətiinin Şəki bölməsinə müraciət etmişəm və 30.07.2015 -ci il tarxində Cənab General-Leytenant Arzu Rəhimovun qəbulundada olmuşam. Qəbuldan qayıtdıqdan sonra 30.07.2015 tarixində rəsmi ərizədə göndərmişəm.Lakin hələlik məlumat ala biləmişəm. Çox xahiş edirəm əgər mümkünsə mənə bu barədə məlumat verəsiniz. Qeyd etmək istəyirəm ki, Vətənimiz istənilən bölgəsində xidmət etməyə hazıram.Göstərdiyiniz diqqətə görə əvvəlcədən sizə dərin minnətdarlığımı bildirirəm.

Müraciətinizlə əlaqədar həftənin tək günləri Azərbaycan Respublikası  Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul edildiyiniz təqdirdə Siz Azərbaycan Respublikasının istənilən bölgəsində xidmət etməyə şərtsiz hazır olmalısınız.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.