Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nicat Kerimov Soruşur Yazılma Tarixi:21.07.2015 19:38:07

Salam men 03.04.1997 teveludem iyul cagiriscisiyam 2inci serencamdayam buyun ayin21ridi bizim xidmet edeceyimiz qosun novleri bilinmir bu ne ile eleqaderdir ve havax bilinecek???

Bildiririk ki, adları 2015-ci ilin iyul ayında müddətli həqiqi hərbi xidmətə göndəriləcək çağırışçıların 2-ci adlı siyahısında olanlar haqqında müvafiq məlumatlar artıq Xidmətin yerli idarə, şöbə və bölmələrində mövcuddur.    Eyni zamanda bildiririk ki, qeyd etdiyiniz məsələ ilə bağlı SHXÇDX-nin qeydiyyatda olduğunuz yerli  idarə, şöbə və ya bölməsinə müraciət etməyiniz tövsiyə olunur.
Kənan Qasımov Soruşur Yazılma Tarixi:21.07.2015 19:34:29

Salam.Mən 21.07.2015 tarixinə paveska almişam.Amma hara düşməyim haqqinda məlumat yoxdu, hal-hazirda da evdəyəm.Mən bilmək isteyirəmki, bu ay əsgər gedəcəm, yoxsa yox?

Bildiririk ki, qeyd edilən məsələ ilə bağlı sualınızın cavablandırılması üçün təcili olaraq atanızın adını və Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğunuz yerli idarə, şöbə və ya bölməsinin adını Xidmətin portalına yazın.
Azər Əliyev Soruşur Yazılma Tarixi:21.07.2015 16:30:13

Salam.Men bu il turkiyede eyani tehsil alacam.Mene herbi xidmetden mohlet verilecekmi?Zehmet olmasa cavablandirardiz.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  21-ci maddəsinə əsasən, xarici ölkələrdə əyani təhsilalma formasında təhsil alanlara ali təhsil pilləsində (bakalavriat) müvafiq təhsilini bitirənədək çağırışa möhlət verilir. 
Mehdizadə Nəcəfəli Soruşur Yazılma Tarixi:21.07.2015 16:00:49

Salam mən iyulun 20 əsgərliyə getməlidim amma hələ də xəbər yoxdu mənə verilən kağızda iyulun 20 si yazilib. Mən bilmək istəyirəm ki iyulda gedecəm yoxsa oktyabra saxlayacaglar.

Bildiririk ki, adları 2015-ci ilin iyul ayında müddətli həqiqi hərbi xidmətə göndəriləcək çağırışçıların 2-ci adlı siyahısında olanlar haqqında müvafiq məlumatlar artıq Xidmətin yerli idarə, şöbə və bölmələrində mövcuddur.    Eyni zamanda bildiririk ki, qeyd etdiyiniz məsələ ilə bağlı təcili olaraq SHXÇDX-nin qeydiyyatda olduğunuz yerli  idarə, şöbə və ya bölməsinə müraciət etməyiniz tövsiyə olunur.
Kamal Səmədzadə Soruşur Yazılma Tarixi:21.07.2015 15:47:39

Salam. Mən eşitmişdim ki, Azərbaycanda hərbi kurslar açılıb və snayper, rabiətçilik üzrə təlim tədris olunur və mütəxəssis hazırlanır. Kurslar harada və neçə ay davam edir? Kurs bitəndən sonra həmən şəxs orduya cəlb olunur ya necə? Yəni hərbiçi olmaq arzusunda olmayan şəxs kursdan sonra mülki həyata qayıdır yoxs? orduya cəlb olunur. Bu haqda ətraflı və dəqiq məlumat almaq istəyirdim.

Qeyd etdiyiniz xüsusi hərbi ixtisaslar üzrə hazırlıq kursları Səfərbərlik və Hərbi Xidmətə Çağırış üzrə Dövlət Xidmətinin tabeliyində olan “Hərbi Vətənpərvərlik və Mütəxəssis Hazırlığı Mərkəzi” Məhdud Məsuliyyətli Cəmiyyətin Bakı şəhərində yerləşən filiallarında fəaliyyət göstərir. Bu ixtisaslar üzrə hazırlığa yalnız müəyyən edilmiş tələblərə cavab verən çağırışçılar cəlb edilir. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununa əsasən, çağırışçılar – ilkin hərbi qeydiyyata alınmış və ya alınmalı olan müddətli həqiqi hərbi xidmət keçməmiş 18 yaşından 35 yaşınadək Azərbaycan Respublikasının kişi cinsli vətəndaşları hesab edilir. Belə ki, çağırışçılar müddətli həqiqi hərbi xidmətə göndərilənə qədər xüsusi hərbi ixtisaslar üzrə cəlb edilir və hazırlanmış mütəxəssislər həqiqi hərbi xidmətə göndərildikdən sonra onlar Azərbaycan Respubilkası Silahlı Qüvvələri və qanunvericiliyə uyğun olaraq yaradılmış başqa silahlı birləşmələrin müvafiq qoşun növlərində verilmiş ixtisasa uyğun vəzifələrdə müddətli həqiqi hərbi xidmət keçirlər. Bu kursların tədris proqramı haqqında məlumat üçün Bakı şəhəri Nəsimi rayonu, Mərdanov qardaşları 99 ünvanında yerləşən “Hərbi Vətənpərvərlik və Mütəxəssis Hazırlığı Mərkəzi” MMC-nin İcra Orqanına müraciət edə bilərsiniz. 
Emin Soruşur Yazılma Tarixi:21.07.2015 14:40:08

Salam.bilmek isterdimki konkret olaraq 2 ci adli siyahida adi olanlar iyul caqrisinda esgerliye aparilacaq ya yox?xaiw edirem suala movzudan kenar cvb vermeyin.Biliremki melumatlar 20.07.2015 tarixinden etibaren bilinecek.

Bildiririk ki, adları 2015-ci ilin iyul ayında müddətli həqiqi hərbi xidmətə göndəriləcək çağırışçıların 2-ci adlı siyahısında olanlar 30.07.2015-ci il tarixədək hərbi xidmət yerində olacaqlar.
Abbasov Ələsgər Soruşur Yazılma Tarixi:21.07.2015 14:33:02

Salam bilmek isteyirdim ki Abbasov Ələsgər Qoşqar oglu cagirisda menim adim cixib yoxsa cixmiyib? xahis eliyirem sualimi cavablandirasiniz

Bildiririk ki, qeyd etdiyiniz məsələ ilə bağlı Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.
Cavid Misirov Soruşur Yazılma Tarixi:21.07.2015 13:59:38

salam. 30.10.1997 ci ilde anadan.olmusam.ad gunum oktyabrin 30 udu.oktyabrda esger gedecem yoxsa yanvarda

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.3-cü maddəsinin tələblərinə uyğun olaraq, oktyabr ayının 1-dən 30-dək çağırış günü üçün 18 yaşı tamam olmuş vətəndaşlar müddətli həqiqi hərbi xidmətə çağırılırlar. 
Behruz Qasimov Soruşur Yazılma Tarixi:21.07.2015 12:53:38

Salam Mən Qasimov Behruz İsa oğlu ali təhsilim var Dövlət Sərhəd Xidmətində zabit kimi xidmət ede bilərəm.Əgər mümkündüsə hara müraciət etməliyəm?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.4-cü maddəsinə əsasən, zabitlərin həqiqi hərbi xidmətinə – hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası-nın Dövlət Sərhəd Xidmətinə müraciət etməlisiniz.
Mehman Huseynov Soruşur Yazılma Tarixi:21.07.2015 12:16:01

Salam. Mehman Huseynov Mehdi oglu 02.07.1994 tevelludlu. Gence seheri Kepez rayonu. Men bilmek isdiyirem 2ci siyahida adim var eyer varsa neticeler ne vaxt cixacaq? Xais edirem cavablandirasiniz

Bildiririk ki, qeyd edilən məsələ ilə bağlı sizin Səfərbərlik və Hərbi Xidmətə Çağırış üzrə Dövlət Xidmətinin Gəncə şəhər Kəpəz rayon şöbəsinin çağırış komissiyasına müraciət etməyiniz tövsiyə olunur.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.