Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Qurbanov ismayıl Soruşur Yazılma Tarixi:19.07.2015 20:38:42

Snayper kursuna nece yazıla bileremm?zehmet olmasa kömek edin.,elaqe nömresi varsa? zehmet olmasa

Azərbaycan Respublikası Nazirlər Kabinetinin müvafiq sərəncamına əsasən Xidmət tərəfindən qeyd etdiyiniz ixtisas üzrə hazırlıq yalnız çağırışçılar üçün təşkil edilir. “Hərbi vəzifə və hərbi xidmət haqqında” Azərbaycan Respublikasının Qanununa əsasən, çağırışçılar – ilkin hərbi qeydiyyata alınmış və ya alınmalı olan müddətli həqiqi hərbi xidmət keçməmiş 18 yaşından 35 yaşınadək Azərbaycan Respublikasının kişi cinsli vətəndaşları hesab olunur. Yuxarıda qeyd olunan şərtlər daxilində çağırışçı hesab edilirsinizsə, kurslara cəlb olunmaq üçün hərbi qeydiyyatda olduğunuz Xidmətin yerli idarə, şöbə və bölməsinə müraciət edə bilərsiniz.
Ibrahim Soruşur Yazılma Tarixi:19.07.2015 20:21:31

salam Menim 17 yawim var 2 ildirki verem xestesiyem Lakin xesteliyim normalawib lakin 3 il olar gozumden mualice aliram zerife eliyeva adina xestexanada Men esger gede bilerem?

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Anar eliyev Soruşur Yazılma Tarixi:19.07.2015 01:53:58

Men eliyev anar 1993,cu il tarixinde anadan olmuwam ve 2011aprelinde esger getmiwem 2012ci ilin oktuyab ayinda texris olmuwam men yeniden muddetden artiq herbici kimi gede bilerem suruculuk vesiqemde var surcu kimi xidmet ede bilerem

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1 maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçməyi qulluq (xidmət) etmək istədikləri Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, aidiyyəti üzrə qulluq (xidmət) etmək istədiyiniz müvafiq dövlət orqanına müraciət etməlisiniz.
Səmədov Əfqan Soruşur Yazılma Tarixi:18.07.2015 23:25:28

Men Səmədov Əfqan Sərdar oglu ehtiyatda olan leytenant kimi sentyabr 1999 -cu ilde herbi xidmətə cağırılmışam. Avqust 2011 -ci ildə baş leytenant kimi ehtiyyata təxris olunmuşam. 2015 ci ilin may ayında Müdafiə Nazirliyinin Eşya Emlak kommisiyasina konpensasiya ile əlaqədər muraciət etdim . Cavab geldi ki size konpensasiya düşmür. Bilmək isteyirem nə üçün.

Səfərbərlik və Hərbi Xidmətə Çağırış üzrə Dövlət Xidmətinə ünvanlanmış əşya-əmlak əvəzinə pul kompensasiyası verilməsi barədə müraciətinizə baxılmışdır. Nəzərinizə çatdırırıq ki, Siz Müdafiə Nazirliyi və ya ona tabe olan hərbi hissələrdə xidmət etdiyinizə görə aidiyyəti üzrə müraciət etməyiniz tövsiyə olunur. 
Ilkin Memmedov Soruşur Yazılma Tarixi:18.07.2015 22:18:24

Salam ,men bu il ali mektebi bitirmisem ve cagrisciyam,size sualim men herbide ali tehsilliler yararlana bildiyi leytinant kimi xidmet etmek ucun hansi proseslerden kecmeliyem,zehmet olmasa sualma biraz genis sekildee cavab vererdiz,onceden tesekkurler.

Bildiririk ki, qeyd edilən məsələ ilə bağlı xidmət edəcəyiniz hərbi hissənin komandirinə müraciət etməyiniz tövsiyə olunur. 
Şəbnəm Ələsgərova Soruşur Yazılma Tarixi:18.07.2015 20:01:58

Tanışım Abbasov Ələsgər Qoşqar oğlu bilmək istəyir ki, hansı hərbi hissəyə düşüb? Bu 2ci seferdir sorğu gönderirik ama cavab verilmir.İyulun 15 i cavablar çıxıb ama Abbasov Ələsgər Qoşqar oğlunun adı çıxmayıb.Xaiş edirəm sorğumuzu cavablandırardınız

Bildiririk ki, qeyd edilən məsələ ilə bağlı sualınızın cavablandırılması üçün çağırışçının SHXÇDX-nin qeydiyyatda olduğu yerli idarə, şöbə və ya bölməsinin adını Xidmətin portalına yazın.
Etibar Xasiyev Soruşur Yazılma Tarixi:18.07.2015 14:30:59

Salam men Xasiyev Etibar Alay oglu tevelludum 06.07 1992 ci ilMasalli rayonundanam may ayinda herbiye sened vermişem hec bir cavab yoxdur xaiş edirem bu haqda cavab veresiniz

Bildiririk ki, Azərbaycan Respublikası Müdafiə Nazirliyinin struktur bölmələrinə həqiqi hərbi xidmətə qəbul etmək, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin səlahiyyətlərinə aid olmadığına görə, aidiyyəti üzrə müraciət etməyiniz tövsiyə olunur.
Sahil Rustemov Soruşur Yazılma Tarixi:18.07.2015 13:05:31

Salam Aleykum Mən 1995 tevelkudlu 2013 oktyabr çagiriciyam. Amma çekiye gore 1 il mohlet verdiler...bu ilin martinda yene cagirdililar heminki kimi 1 il mohlet verdiler...qalmisham bele vayenni biletim yoxdu deye ish tapa bilmirem...48 kq 1.74 boyumdu.deirler ceki catmir..men neyniye bilerem indi.?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinə keçməlidirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar.
Elmeddin Necefov Soruşur Yazılma Tarixi:18.07.2015 00:50:29

Salam men iyul ayinda esgerliye getmeli idim amma sehhetimde olan probleme göre meni deri dispanserine gonderdiler ve vulqar psoriaz diaqnozu qoyuldu aktı herbi komissarloga teqdim etdim... mene bildirdiler ki si yararsizsiniz oyrenmek isteyirdim ki men oktyabr cagirisinda esger gede bileremmi? Psoriaz xesteliyine göre nece ay mualice üçün mohlet verilir? Oktyabr çağırısına düşmek isteyirem

Müraciətinizlə bağlı müvafiq araşdırmanın aparılması məqsədi ilə atanızın adı, təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Балабеков Курабек Soruşur Yazılma Tarixi:18.07.2015 00:04:30

salam,men ali tehsilliyem , serhed qowunlara duwmuwem,en tez ne qeder vaxtdan sonra zabitliye sened vere bilerem?

Bildiririk ki, qeyd edilən məsələ ilə bağlı xidmət edəcəyiniz hərbi hissənin komandirinə müraciət etməyiniz tövsiyə olunur. 
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.