Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Məzahir Əmirahov Soruşur Yazılma Tarixi:17.07.2015 23:26:11

Əmirahov Mahir 03.07.2015-ci il ağcabədi SHXÇDX tərəfindən hərbi xidmətə çağrılmışdı.Siyahıda adı çixmadığına görə komisarlıqdan bildirdilər ki, gedin gözləyin.Bilmək istəyirəm ki oğlum nəvaxt hərbi xidmətə gedəcək?

Bildiririk ki, çağırışçı Əmirahov Mahirin Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsinin çağırış komissiyasına müraciət etməyi tövsiyə olunur.
togrul ceferli Soruşur Yazılma Tarixi:17.07.2015 17:25:14

salam.men 2012 ci il herbi xidmete getmek ucun hekim komissiyasinda oldum.yoxlanis zamani 4-cu derece skalyoz xesteleliyi askarlanib.indi bu 2016-ci il oktyabr ayinda yeniden yoxlanisdan kececem.he kecen il 3 il yararsiz yaziblar.2016-ci il oktyabr cagirisinda yeniden herbi hekim komissiyasindan(vaynkamat zengilan) 3 il daha yararsiz olaraq yaza bilerler?

“Hərbi vəzifə və hərbi xidmət haqqında” Azərbaycan Respublikasının Qanununda sağlamlıq vəziyyətinə görə çağırışa möhlət 3 il müddətinədək, hər dəfə 1 ildən artıq olmamaq şərti ilə verilir. 3 ildən sonra, sağlamlıq vəziyyətindən asılı olaraq möhlət almış çağırışçılar ya müddətli həqiqi hərbi xidmətə çağırılır, ya hərbi xidmətə yararsız hesab edilərək hərbi uçotdan çıxarılır, ya da dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilirlər. 
Rüfət Soruşur Yazılma Tarixi:17.07.2015 17:01:25

Salam men bir evden 2 qardas eyni vaxta herbi xidmete yollana biler? Ekiz deyilik

Bildiririk ki, ailə vəziyyətinizlə əlaqədar sizə mövcud qanunvericilikdə hər hansı güzəşt nəzərdə tutulmayıb.           Eyni zamanda bildiririk ki, qardaşlar eyni vaxtda və eyni rayon çağırış komissiyası tərəfindən həqiqi hərbi xidmətə çağırılarlarsa, onlar bir qayda olaraq hərbi xidmət keçmək üçün eyni hərbi hissəyə göndərilirlər.
Zabit Məmmədov Soruşur Yazılma Tarixi:17.07.2015 16:18:00

Salam.İyun ayinin 5-in den işə qəbulla əlaqədar göndərilmiş sənədlərimə cavab gəlməyib.Məmmədov Zabit Yasəf oglu

Müraciətinizlə əlaqədar həftənin tək günləri Azərbaycan Respublikası  Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul edildiyiniz təqdirdə Siz Azərbaycan Respublikasının istənilən bölgəsində xidmət etməyə şərtsiz hazır olmalısınız.
Orxan Novruzov Soruşur Yazılma Tarixi:17.07.2015 13:35:53

salam,sualim budurki ikinci siyahi tebiiki med komissiya analizleri ile bagli gecikmelere gore yaradilir yaxud diger sebeblere gore mmeni maraqlandiran odurki ola bilerki ikinci siyahi oktyabr prizivine salinsin oktyabr da olmasa bes nevaxt bilinecekki 2ci siyahiya duwenlerin herbi xidmeti hara cekekcekler

Bildiririk ki, adları 2015-ci ilin iyul ayında müddətli həqiqi hərbi xidmətə göndəriləcək çağırışçıların 2-ci adlı siyahısında olanlar haqqında müvafiq məlumatlar artıq Xidmətin yerli idarə, şöbə və bölmələrində mövcuddur.    Eyni zamanda bildiririk ki, qeyd etdiyiniz məsələ ilə bağlı SHXÇDX-nin qeydiyyatda olduğunuz yerli  idarə, şöbə və ya bölməsinə müraciət etməyiniz tövsiyə olunur.
Fegan Ulusoy Soruşur Yazılma Tarixi:17.07.2015 10:48:25

Salam. Öd kisəsində müxtəlif ölçülərdə (4-8mm) daşlar olan şəxs hərbi xidmətə yararlı hesab olunurmu? Daşların bədəndə maddələr mübadiləsinin pozulması nəticəsində əmələ gəldiyini və qara ciyər, mədəaltı vəzlə sıx əlaqəli proses olduğunu nəzərə alsaq, bu şəxslərin hərbi xidmətə yararlı hesab olunması mümkündürmü? Sualıma qanunvericiliyə uyğun şəkildə aydınlıq gətirsəniz minnətdar olaram. Əvvəlcədən öz təşəkkürümü bildirirəm.

Stasionar müalicə tələb edən tez-tez (ildə 2 dəfə və çox) kəskinləşmələrlə müşayiət olunan xroniki xolesistitlərlə olan çağırışçılar Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 58 “b” maddəsinin I qrafasına əsasən “Sülh dövründə hərbi xidmətə yararsız, müharibə dövründə məhdud yararlı” hesab edilirlər.
Ramil Yusifov Soruşur Yazılma Tarixi:17.07.2015 10:27:33

Salam,mən çagırışçıyam.Adım Siyahıda 15.07.2015 tarixində Nazirliyə göndərilib.Ancag hələdə təyinat almamışam.Bu nəqədər müddət cəkə bilər?

Bildiririk ki, adları 2015-ci ilin iyul ayında müddətli həqiqi hərbi xidmətə göndəriləcək çağırışçıların 2-ci adlı siyahısında olanlar haqqında müvafiq məlumatlar artıq Xidmətin yerli idarə, şöbə və bölmələrində mövcuddur.    Eyni zamanda bildiririk ki, qeyd etdiyiniz məsələ ilə bağlı SHXÇDX-nin qeydiyyatda olduğunuz yerli  idarə, şöbə və ya bölməsinə müraciət etməyiniz tövsiyə olunur.
Babaxan Ehedzade Soruşur Yazılma Tarixi:17.07.2015 09:55:32

01.04.1994 il tarixinde Lenkeran weherinde anadan olmuwam.Ali tehsilliyem,lakin adim bu ilki caqiriwda olmadigi ucun erize yazib teqdim etmisem.Amma hansi qowuna dusmeyim barede hele de melumat elde ede bilmemiwem.2 adli siyahida oldugum ucun ola bilermi?

Bildiririk ki, sizin adınız 2015-ci ilin iyul ayında müddətli həqiqi hərbi xidmətə göndəriləcək çağırışçıların 2-ci adlı siyahısında mövcuddur. Eyni zamanda bildiririk ki, sizin SHXÇDX-nin Lənkəran rayon şöbəsinə müraciət etməyiniz tövsiyə olunur.
Fərid Rzayev Soruşur Yazılma Tarixi:17.07.2015 08:51:06

Salam men herbi xidmeti 2008-ci ilde bitirmisem.Gizir kimi herbi xidmete qayidmaq isteyirem.Buna nece nail olum?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.3-cü maddəsinə əsasən, gizirlərin və miçmanların həqiqi hərbi xidmətinə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Kamal Soruşur Yazılma Tarixi:17.07.2015 08:15:22

SALAM forma 7-ni tapa bilmirler komisarliqda ne etmeliyem yada hardan tapa bilerem?

Bildiririk ki, Xidmətin saytına etdiyiniz müraciətdə fikriniz tam və aydın şəkildə yazılmadığı üçün cavablandırılması mümkün deyil.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.