Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Araz Səmədzadə Soruşur Yazılma Tarixi:05.07.2015 22:27:51

Salam. Bu vaxta qədər adım nə hərbi komissarlıqda, nə də ki bu saytda çıxır. Mənim kimi bir neçə tanışım da var. Buna səbəb əlavə tibbi yoxlanış ola bilər? Yəni ola bilər ki həmin tibb müəssisələri sənədləri müvafiq dövlət orqanına gec göndərsinlər? Oktyabr çağırışına qalmaq ehtimalı nə qədərdi? Təşəkkürlər.

Müraciətinizlə bağlı müvafiq araşdırmanın aparılması məqsədi ilə atanızın adı, təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Elvin Mustafayev Soruşur Yazılma Tarixi:05.07.2015 19:33:13

SALAM MEN AILENIN TEK OGLUYAM BACIMDA YOXDU 2016 IYUL CAGRISCISIYAM BILMEK ISTEYIREM KI MEN ON CEBHEYE DUSE BILEREM YA GUZEST VAR ???

Bildiririk ki, ailənin tək övladı olan çağırışçılara mövcud qanunvericilikdə hər hansı güzəşt nəzərdə tutulmayıb. Eyni zamanda bildiririk ki, həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində  Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında xüsusi kompüter proqramı vasitəsi ilə bölünür.
Cahid İbrahimov Soruşur Yazılma Tarixi:05.07.2015 15:40:24

salam men iyul çağırışçısıya.menim qolumda xırda kesikler olduğu üçün Mingeçevir vayankamatı meni 1 sayılı pisixatriya xestesanasına gönderiş verdi ve men gedib o xestexanada 1 gün qaldım xestexanada heç bir yoxlanış olmadı. bir neçe hefte keçenden sonra vayankamata yaxınlaşdım ki xidmete ne vaxt gedirem vayantamat mene bildirdi ki sen yararsızsan ve men xidmete getmek isteyirem müharibe şeraitinde yaşıyam ölkemde layiqince xidmet etmek isteyirem. Vayankamata yaxınlaşıb bu sözleri deyirem ve menim heç kim qebul etmir xahiş edrem bu haqda mene melumat veresiniz

Məlum olmuşdur ki, Siz, 2015-ci ilin iyul çağırışına hazırlıqla əlaqədar Xidmətin Mingəçevir şəhər şöbəsinin hərbi-həkim komissiyasında tibbi baxışdan keçirilmiş və səhhətinizlə bağlı şikayətiniz nəzərə alınaraq aidiyyəti üzrə müayinəyə göndərilmisiniz. Müayinə nəticəsində təyin olunmuş diaqnoza müvafiq olaraq Siz, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz, təkrar tibbi müayinəyə cəlb olunacaqsınız.
Osmanov Qehreman Soruşur Yazılma Tarixi:05.07.2015 15:37:05

Salam men evin tek ovladiyam anamla yasayiram,atam rehmete getdib.Sualim budu ki evin tek ovladi herbi xidmete getmeme ehtimalim var ve bu qanun milli meclisde qebul olundu? Sualima cavaba verseniz sad olardim sagolun.

Bildiririk ki, mövcud qanunvericilikdə ailənin tək övladı olan çağırışçılara hər hansı güzəştin şamil edilməsi nəzərdə tutulmamışdır.
Atababayev Həmid Soruşur Yazılma Tarixi:05.07.2015 14:25:34

Salam, menim xidmət edəcəyim qoşun FHN-di. Universiteti bu il bitirmişəm, istəyirəm FHN-de Leytinantlıq üzrə oxuyum və müddətdən artiq Hərbi Xidmətimi çəkim amma bu barədə ətafli məlumatım yoxdu. Universitet diplomu ilə FHN-də Leytinantlıq üzrə oxuya bileremmi? bunun şərtləri hansılardı? Zəhmət olmazsa bu barədə ətrafli məlumat yaza bilərsinizmi? əvvəlcədən təşəkkürələr.

Qeyd etdiyiniz məsələ ilə bağlı xidmətdə olacağınız hərbi hissənin komandirinə müraciət etməyiniz tövsiyə olunur.
Memmedov Ayxan Soruşur Yazılma Tarixi:05.07.2015 13:17:31

Men bu il kollece daxil olmusam.Özum 1997- ci ildenem mene möhlet hüququ verilecek.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsinə əsasən orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara təhsilini davam etdirmək üçün çağırışa möhlət verilir.
Orxan Heyderov Soruşur Yazılma Tarixi:05.07.2015 13:13:53

Salam mehdudiyyetli yarali mudafie nazirliyinin qanunan hani herbi hiselerinde xidmet etmelidir

Bildiririk ki, həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində  Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında xüsusi kompüter proqramı vasitəsi ilə bölünür.
Samir Abdullayev Soruşur Yazılma Tarixi:05.07.2015 13:13:07

Salam.Mən ali təhsilliyəm 2008-ci ildə hərbi xidmətin doqquzuncu ayında TTm-də Leytenantlıq kursu keçmişəm amma rütbə ala bilməmişəm yenidən imtahan verə bilərəm

Bildiririk ki, qeyd etdiyiniz məsələ ilə əlaqədar Azərbaycan Respublikasının Müdafiə Nazirliyinə müraciət etməlisiniz.
Namiq Babayev Soruşur Yazılma Tarixi:05.07.2015 11:54:35

Salam. Xidməti uyğunsuzluqla Silahlı Qüvvələrin ehtiyyatına buraxılan şəxslərin yenidən hərbi xidmətə daxil olmasında mövcud çətinliklər yəqin hamınıza məlumdur. Səfərbərlik zamanı da yəqin biz kimi zabitlərə ehtiyac duyulmayacaq eləmi? Duyulacaqsa şəxsən məndən nə xidmət gözlüyürsünüz?

Bildiririk ki, xidməti uyğunsuzluğa görə həqiqi hərbi xidmətdən ehtiyata buraxılan vətəndaşların yenidən bağlaşma əsasında həqiqi hərbi xidmətə daxil olmaları aidiyyəti üzrə qulluq (xidmət) etmək istədikləri müvafiq orqanlar tərəfindən müəyyən edilir. Əlavə olaraq bildiririk ki, “Azərbaycan Respublikasında səfərbərlik hazırlığı və səfərbərlik haqqında” Azərbaycan Respublikası Qanununun tələblərinə əsasən, vətəndaşlar Хidmətin yerli idarə, şöbə və ya bölmələrindən aldıqları səfərbərlik sərəncamlarında, çağırış vərəqələrində və vəzifəli şəхslərin əmrlərində qeyd оlunmuş tələbləri yerinə yetirməlidirlər. Belə ki, ehtiyatda olan zabitlərin yaş həddi, hərbi uçot ixtisası, hərbi xidmət keçməsi və s. nəzərə alınmaqla səfərbərliyə və ya toplanışlara cəlb olunmaları barədə Xidmətin yerli idarə, şöbə və bölmələri tərəfindən məlumatlandırılacaqlar. Nəzərinizə çatdırırıq ki, səfərbərlik hazırlığı və səfərbərliklə əlaqədar üzərinə düşən vəzifələri yerinə yetirməyən vətəndaşlar Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar.
Kamal Həşimov Soruşur Yazılma Tarixi:05.07.2015 11:29:36

mənim yaşım 26 iyulda tamam olur çağrışçıyam bilmək olarmı nə vaxt əsgər gedirəm

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.3-cü maddəsinə uyğun olaraq iyul ayının 1-dən 30-dək çağırış günü üçün 18 yaşı tamam olmuş vətəndaşlar müddətli həqiqi hərbi xidmətə çağırılırlar. Qeyd etdiyiniz məsələ ilə bağlı dəqiq məlumat almaq üçün Xidmətin qeydiyyatda olduğunuz idarə, şöbə və ya bölməsinə müraciət etməyiniz tövsiyə olunur.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.