SHXÇDX-nin Elektron xidmətləri

Sual/Cavab

HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın

Adı

Soyadı

Atasının adı

Şəxsiyyət vəsiqəsini seçin:

Şəxsiyyət vəsiqəsinin nömrəsi:

E-mail:

Sual:

Verilən suallar

Xalid Soruşur Yazılma Tarixi:04.04.2021 00:29:30

Universitetdə 3cü kurs tələbəsiyəm, akademik məzuniyyətə çıxıram. Nə qədər müddət sonra çağırış gəlir?

Bildiririk ki, yalnız müddətli həqiqi hərbi xidmətə çağırışla bağlı akademik məzuniyyət götürən çağırışçılar müddətli həqiqi hərbi xidmətə cəlb edilirlər. Qeyd etdiyiniz məsələ ilə əlaqədar Xidmətin qeydiyyatda olduğunuz yerli baş idarə, idarə, şöbə və ya bölməsinə müraciət etməyiniz tövsiyə olunur.

Vüqar Soruşur Yazılma Tarixi:03.04.2021 19:07:55

Salam. Peşə məktəbi oxuyub orta təhsili olan vətəndaşlara möhlət hüququ verilir?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1-ci maddəsinə əsasən, mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında təhsilini davam etdirmək üçün çağırışçılara möhlət yalnız bir dəfə verilir.

Qurban Soruşur Yazılma Tarixi:01.04.2021 12:24:36

Salam. Mən Zaqatala qeydiyyatındayam. Aprel çağırışı üçün rayonda tibbi yoxlanışlardan keçdiyim zaman sağ böyrəyimin anadangəlmə aşkar edilmədiyi diaqnozu qoyildu. Daha sonra 30 Mart tarixində Bakıda Respublika Kliniki Xəstəxanasında eyni diaqnoz təkrar qoyuldu. Mən aydınlaşdırmaq istəyirəm ki, bu diaqnoz ilə mən (tək böyrəklilik) əskərliyə yararlıyam ya yox? Sizin rayon şöbənizdə mənə konkret bu barədə bir şey deyilmir.

“Anadangəlmə vahid (sağ və ya sol) böyrək” diaqnozla şəhadətləndirilən çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.

Siyavuş Soruşur Yazılma Tarixi:31.03.2021 17:40:50

Mən yoxlanışlardan keçmişəm ama heç bir məlumat verilmir yararlıyam yararsızam. Nə vaxt öyrənəcəm?

Portala daxil olan müraciətinizin araşdırılması üçün ad, soyad, ata adı, doğum tarixi və hərbi qeydiyyatda olduğunuz ünvanın qeyd edilməsi zəruridir.

Şahman Soruşur Yazılma Tarixi:31.03.2021 17:35:29

Salam . Mən 2020 ci il iyul çağırışçısıyam , amma dişlərimdə və çənəmdə problem olduğu üçün çağırılmadım . Hanıs diaqnoz qoyulub mənə?

Portala daxil olan müraciətinizin araşdırılması üçün ad, soyad, ata adınız, doğum tarixiniz və hərbi qeydiyyatda olduğunuz ünvanı qeyd etməyiniz zəruridir.

Murad Soruşur Yazılma Tarixi:31.03.2021 17:31:55

Mənə hansı diaqnoz qoyulub ?

Portala daxil olan müraciətinizin araşdırılması üçün çağırışçının adı, soyadı, ata adı, doğum tarixi və hərbi qeydiyyatda olduğu ünvanın qeyd edilməsi zəruridir.

Zaminəli Soruşur Yazılma Tarixi:31.03.2021 15:10:01

Suallarıma gec cavab verirsiniz yada heç vermirsiniz. 2 ci partiya Üzrə Düşənlərin siyahısı nə vaxt çıxacaq? Aprelin 21 i əsgər gedirəm. Ama hələ yazılırki çağırışcı tapılmadı

Bildiririk ki, vətəndaşların hərbi hissələrə təyin olunmaları haqqında növbəti məlumat 22-25 aprel tarixindən etibarən sms vasitəsilə veriləcəkdir. Bununla yanaşı, SHXÇDX-nin rəsmi saytında “Elektron xidmət” bölməsinə daxil olaraq özünüz haqqında məlumatları dəqiq, Xidmətin saytına daxil edərək xidmət edəcəyiniz qoşun növünü dəqiqləşdirə bilərsiniz. Əks halda Xidmətin qeydiyyatda olduğunuz Sabirabad rayon şöbəsinə müraciət etməyiniz tövsiyə olunur.

Məhəmməd Soruşur Yazılma Tarixi:30.03.2021 20:22:08

Salam. Mən aprelin 5 i çağırışcıyam. Hərbi xidmətə Sərhəd qoşunlarına təyin olunmuşam. Mən öyrənə bilərəm ki hansı bölgəyə təyin olunmuşam?

Salam. Aidiyyəti üzrə Xidmət edəcəyiniz qoşun növünə müraciət edin.

Zaminəli Soruşur Yazılma Tarixi:30.03.2021 08:48:53

Salam Mən Klinikaya Göndərilmişdim Yoxlanışla Bağlı, Adım Çıxmadı Bu Saytda Hara Düşdüyüm ,Və Sms Də Gəlmədi.dedilər 2 ci Partiya Çıxacacaq adın , Bu 2 Ci Partiya Aprelin Neçəsi Çıxacaq? Qeyd edimki 21 Əsgər Gedirəm

Rəmzi Soruşur Yazılma Tarixi:29.03.2021 20:10:21

Salam. 2021 aprel cagiriscisiyam martin 27-si xidmet yerim haqqinda SMS gelmeli idi, ama gelmedi. Bunun haqqinda melumat almaq isteyirem. Həmzəyev Rəmzi Ramiz 01.04.2021 Şirvan

Bildiririk ki, müayinənin nəticəsi («Sağlamlıq vəziyyətinin müayinə edilməsi aktı») Xidmətin Şirvan şəhər şöbəsinə daxil olduqdan sonra barənizdə qanunamüvafiq qərar qəbul ediləcəkdir.

Cədvəldə sətir sayı :13933