Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Kənan Soruşur Yazılma Tarixi:08.06.2021 19:38:48

Salam mən 01.07.2021-ci il çağrişcısıyam.Təhsilimi Avropada davam elətdirmək istəyirəm və Çexiyada universitetlərdən birindən tam qəbul sənədi almışam.Lakin qeydiyatda olduğum vaenkomat həmin sənədi şərti qəbul hesab edərək qəbul etmir.Mənim 4 cü kursu tam şəkildə bitirib diplomu almadıgımı və ona görə onlara istədikləri sənədi verə bilməyəcəyimi başa salmagıma baxmayaraq,yenədə həmin sənəd qəbul edilmədi.Bu halda nə etməliyəm?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  21.1.5-ci maddəsinə əsasən xarici ölkələrdə əyani təhsilalma formasında ali təhsil pilləsinin bakalavriat, magistratura və doktorantura səviyyələrində, tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək müddətli həqiqi hərbi xidmətə çağırışdan möhlət verilir. Bunun üçün xarici ölkələrdə təhsil alan vətəndaşlar həmin təhsil müəssisəsinin tərcümə və notarial qaydada təsdiq olunmuş arayışını Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduqları yerli baş idarə, idarə, şöbə və bölməsinə şəxsən təqdim etdikləri halda barələrində qanunamüvafiq qərar qəbul edilir.  
Tərlan Soruşur Yazılma Tarixi:05.06.2021 19:14:30

Salam mənim səhətimdəki problemə göre hərbi həkim komisiyası 2 dəfə 6 aylıq (ümumi 12 ay) müddətində möhlət veriblər. Möhlət oktyabrda bitir. Sualım ondan ibarətdi ki mən (hərbi xidmətə yararsız) hərbi bileti tələb edə bilərəm?

Portala daxil olan müraciətinizlə bağlı bildiririk ki, müraciətinizdə hərbi biletlə əlaqədar qeyd etdiyiniz məsələnin dəqiqləşdirilməsi və Sizə qanunvericilik çərçivəsində müvafiq köməklik göstərilməsi üçün şəxsiyyətinizi təsdiq edən sənədlə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və ya bölməsinə şəxsən müraciət etməlisiniz.
Leysan Soruşur Yazılma Tarixi:04.06.2021 20:31:43

Salam. Mən 2 aprel 2021-ci il tarixində Zərifə Əliyeva adına göz klinikasında göndərişə əsasən müayinədə olmuşam. Müayinənin nəticəsi Ağdam rayon hərbi komissarlığına və oradan da Ağdam rayon xəstəxanasına rəy üçün göndərilmişdir. 15 aprel 2021-ci ildə verilən rəyə əsasən sülh dövründə hərbi xidmətə yararsız, müharibə dövründə məhdud yararlı hesab edilmişəm. Sonra Ağdam rayon hərbi komissarlığında mənə deyildi ki, qərar verilmək üçün sənədlər hospitala göndəriləcək. Verilən qərarı bilmək istəyirəm. Çox sağolun.

Barənizdə rayon çağırış komissiyası tərəfindən qəbul edilən qərarın təsdiq edilməsi üçün Siz şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız. Bu barədə Sizə Xidmətin Ağdam rayon şöbəsi tərəfindən məlumat veriləcəkdir.
Toğrul Soruşur Yazılma Tarixi:03.06.2021 16:11:24

Salam.Xaiş edirəm sualıma cavab verin.Ağ ciyər xəstəliyi xəstəliklər cədvəlinin neçənci maddəsidir?

Çağırışçıların tənəffüs orqanlarının xəstəlikləri Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 2-ci maddəsinə əsasən aparılır.
Toğrul Soruşur Yazılma Tarixi:01.06.2021 19:34:39

Salam ağciyer xesteliyi xestelikler cedvelinin neçenci maddesidir

Çağırışçıların tənəffüs orqanlarının xəstəlikləri Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 2-ci maddəsinə əsasən aparılır.
Oktay Soruşur Yazılma Tarixi:30.05.2021 09:30:32

Mənim boyum 180, çəkim isə 120 kq-dır. Çəkimin artıq olması mənim üçün hərbi xidmətə getməkdə hər hansı bir problem yaratmayacaq ki? İyul çağırışçısıyam və mütləq qaydada hərbi xidmətə yollanmaq istəyirəm

Qidalanmanın vəziyyətini qiymətləndirmək üçün bədən çəkisinin indeksindən (BÇİ) istifadə olunur. Boy ölçüsü - 180,0 sm, bədən çəkisi – 120,0 kq olduğu halda bədən çəkisi indeksi (BÇİ) 35,0-39,9 bərabər və 18-25 yaşlı şəxslər üçün Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13-cü maddəsinin “ç” və “b” bəndlərinə əsasən “Endokrin sisteminin xəstəlikləri, qidalanma və maddələr mübadiləsi pozulmaları III (üçüncü) dərəcəli alimentar piylənmə”yə aiddir. Hərbi xidmətə çağırış zamanı ilk dəfə III (üçüncü) dərəcə alimentar piylənmə aşkar edilən vətəndaşlar “ç” bəndi ilə “6 (altı) ay müddətinə hərbi xidmətə müvəqqəti yararsızdır” sayılırlar. Zərurət olduqda, belə qərar təkrar çıxarıla bilər, lakin müalicə səmərəsiz olduqda, onlar “b” bəndi üzrə “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.
Taryel Soruşur Yazılma Tarixi:29.05.2021 14:00:48

Salam sualım belədir .Mənim atam 1-ci qrup əlil olduğu üçün mənə əsgərlikdən möhlət verdilər özümdə 4-cü kurs tələbəsiyəm .Mən dövlət qulluğuna imtahana hazırlaşıram və dövlət qulluğuna imtahan vermək üçün vayenni bilet lazımdır .İndi mənim ağ biletimə vurulacaq ailə vəziyyətinə görə möhlət vayenni bileti əvəz edəcək ?

Müraciətinizdə qeyd etdiyiniz məsələ ilə əlaqədar bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 19.1.1-ci maddəsinə əsasən himayəsində I qrup əlil ata, yaxud anası olan çağırışçılar ailə vəziyyətinə görə müddətli həqiqi hərbi xidmətə çağırışdan möhlət hüququna malikdirlər. Qeyd olunan Qanunun 6.5-ci maddəsinə əsasən, Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və bölmələrində ilkin hərbi qeydiyyata alınmış vətəndaşlara forması Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən olunmuş ilkin hərbi qeydiyyata alınma haqqında vəsiqə verilir. Məlumat üçün bildiririk ki, ilkin hərbi qeydiyyata alınma haqqında vəsiqə ehtiyata buraxılmaya qədər hərbi bileti əvəz edir.  “Dövlət qulluğu haqqında” Azərbaycan Respublikası Qanununun 27.1-ci maddəsinə əsasən, Azərbaycan Respublikasının 16 yaşına çatmış, irqindən, milliyyətindən, dinindən, dilindən, cinsindən, sosial mənşəyindən, əmlak vəziyyətindən, yaşayış yerindən, əqidəsindən, ictimai və digər birliklərə mənsubiyyətindən asılı olmayaraq müvafiq vəzifənin tələblərinə uyğun peşə hazırlığına malik olan və Azərbaycan Respublikasının dövlət dilini sərbəst bilən vətəndaşlarının dövlət qulluğuna qəbul edilmək hüququ vardır.
Tural Soruşur Yazılma Tarixi:28.05.2021 23:18:27

Salam. Mənim üst dişlərim yoxdur. Ailəliyəm bir övladim var 1 yaş 7 aylıq. Ailəmə baxan yoxdu özum baxiram orda burda işləyib hərbi xidmətə möhlət istəyirəm mümkündür?

Məlum olmuşdur ki, 2021-ci ilin iyul çağırışına hazırlıqla əlaqədar, Siz Xidmətin Qəbələ rayon şöbəsinin hərbi həkim komissiyasında tibbi baxışdan keçirilmiş qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və nəticədə rayon çağırış komissiyası tərəfindən Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Hərbi xidmətə yararlıdır” hesab edilmisiniz.
Yusif Soruşur Yazılma Tarixi:28.05.2021 15:04:00

Salam. 3 təxris, yəni 2021 yanvar, 2021 aprel, 2021 iyul təxrisləri eyni vaxtda buraxılacaq? Yoxsa yenə 6ay gec?

Bildiririk ki, mövcud vəziyyətlə əlaqədar yalnız 2020-ci ilin oktyabr ayında xidmət müddəti bitmiş müddətli həqiqi hərbi xidmət hərbi qulluqçularının ehtiyata buraxılması haqqında müvafiq sərəncam verilmişdir. 2021-ci ilin yanvar, aprel və iyul aylarında qanunla müəyyən edilmiş xidmət müddəti başa çatan müddətli həqiqi hərbi xidmət hərbi qulluqçuları isə xüsusi sərəncam verildikdən sonra ehtiyata buraxılacaqlar.
Yusif Soruşur Yazılma Tarixi:26.05.2021 15:42:34

Salam mən bu il İyul üçün hərbi xidmətə çağırılmışam. İyun ayinda 24 yaşım tamam olur. Bakalavr və magistr təhsili almışam. Mən bilmək iətəyirdim ki hərbi xidmətimi kadrdan kənar zabit kimi edə bilərəm mi? Əgər mümkündürsə tələbləri nələrdir?

Qeyd etdiyiniz məsələ ilə bağlı xidmətdə olacağınız qoşun növünün komandanlığına müraciət etməyiniz tövsiyə olunur.
Cədvəldə sətir sayı :13933

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.