Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Ziya Soruşur Yazılma Tarixi:21.04.2021 14:13:26

Bir böyrəyi olmayan vətəndaşlar hərbi xidmətə çağırılırmı?

“Anadangəlmə vahid (sağ və ya sol) böyrək” diaqnozla şəhadətləndirilən çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.
Yusif Soruşur Yazılma Tarixi:21.04.2021 14:06:22

Mənim anadan gəlmə daxili orqanlarımın yerdəyişməsi, ürəyimin sağda, qaraciyərin isə solda olmasi və ürək keçiriciliyinin pozulması halları olduğuna görə tez-tez yoruluram, boğulma və təngənəfəslikdən əziyyət çəkirəm. Hərbi komissiyaya çağırılmışdım ve 6 ay möhlət verildi yararsız olmağımla bağlı. Bir müddət keçdikdən sonra yenidən komissiyaya çağırılmış və 42 C maddəsi ilə 01.07.2023-cu ile qədər möhlət verilməyinə baxmayaraq dəfələrlə komissiyaya cagirilmisam. Bu xəstəliyim nəzərə alınmadan və heç bir müalicə almadigim halda 23.04.2021-ci il tarixi üçün hərbiyə çağırış vərəqəsi verilmişdir. Sizdən xahiş edirəm ki, hərbi komissiyanın yenidən şəffaf kecirilməsi üçün göstəriş verəsiniz.

Barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz Xidmətin Mərkəzi hərbi həkim komissiyasına təqdim olunmusunuz. Mərkəzi hərbi həkim komissiyasında şəhadətləndirilmiş və müayinə nəticəsində təyin olunmuş diaqnoza müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Sıradankənar hərbi xidmətə yararlıdır” hesab edilərək, Müdafiə Nazirliyinin 193 saylı hərbi hissəsinə təyin edilmisiniz.
Rüstəm Soruşur Yazılma Tarixi:21.04.2021 03:06:00

Mən hansı hərbi hissədə xidmət edəcəm?Çağırışçıyam amma heç bir məlumatım yoxdu.

Bildiririk ki, vətəndaşların hərbi hissələrə təyin olunmaları haqqında növbəti məlumat 22-25 aprel tarixindən etibarən sms vasitəsilə veriləcəkdir. Bununla yanaşı, Siz SHXÇDX-nin rəsmi saytında “Elektron xidmət” bölməsinə daxil olaraq özünüz haqqında məlumatları dəqiq, Xidmətin saytına daxil edərək xidmət edəcəyiniz qoşun növünü dəqiqləşdirə bilərsiniz. Əks halda Xidmətin qeydiyyatda olduğunuz struktur bölməsinə müraciət etməyiniz tövsiyə olunur.
TURAN Soruşur Yazılma Tarixi:19.04.2021 20:22:49

Salam,Mən keçən il imtahandan kəsilmişəm yenidən hazırlaşıram Doğum günüm 30.07.2003 Mən Hərbi Xİdmətdən möhlət ala bilərəmmi? möhlet almaq hüququm var? Necə edə bilərəm mənə deyə bilərsiz möhleti necə alım? Dəqiq keçən ilki məzunlara möhlet verirler ya yox?.Təşəkkürlər.

Bildiririk ki, 2020-ci ilin məzunu olan çağırış yaşlı vətəndaşlar Respublikanın ali və orta ixtisas təhsili müəssisələrinə 2021-ci ildə keçiriləcək qəbul imtahanlarında sağlamlıq və ya ailə vəziyyətinə görə möhlət hüquqları olduğu halda iştirak edə bilərlər.
Mirsadiq Soruşur Yazılma Tarixi:19.04.2021 17:25:09

Salam may ayinda 18 yasim tamam olur ve kecen ilin mezunuyam . Artiq 9 aydan coxdurki hazirlasiram mohlet huguguda yasli valideyn olanlara ve saglamliginda prablem olanlara verilir bes men ne etmeliyem ?

Bildiririk ki, 2020-ci ilin məzunu olan çağırış yaşlı vətəndaşlar Respublikanın ali və orta ixtisas təhsili müəssisələrinə 2021-ci ildə keçiriləcək qəbul imtahanlarında sağlamlıq və ya ailə vəziyyətinə görə möhlət hüquqları olduğu halda iştirak edə bilərlər.  
Nurlan Soruşur Yazılma Tarixi:08.04.2021 14:27:16

Salam. Mənim uzağı görmədə -4 miyopum var, əsgərliyə yararlı hesab edilirəmmi?

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 34-cü maddəsinin I qrafasının tələblərinə əsasən hər hansı gözün meridianlardan birində 3,0 DPTR-dən artıq və 6,0 DPTR-ə qədər yaxıngörməsi olan çağırışçılar “Hərbi xidmətə yararlıdır. A-3” hesab edilirlər.
Sərhəd Soruşur Yazılma Tarixi:07.04.2021 12:06:48

Salam, müddətli hərbi xidmətə çağırılarkən çağırışçı çalışdığı iş yerinə hansı məlumat və sənədləri (həmçinin nə zaman) təqdim etməlidir ki, ona həm orta əmək haqqının 3 mislindən az olmayaraq müavinət ödənilsin həm də iş yerində vəzifəsi saxlanılmaqla hərbi xidməti başa vuranadək işdən azad edilsin?

Bildiririk ki, müddətli həqiqi hərbi xidmətə çağırılmış vətəndaşlar hərbi xidmətə göndərilmələri barədə arayışı iş yerlərinə təqdim etdikdə qanunvericiliklə müəyyən edilmiş hüquqlardan istifadə edə bilərlər.        Eyni zamanda bildiririk ki, vətəndaşların müddətli həqiqi hərbi xidmətə göndərilməsinə dair arayışın verilməsi üçün müddətli həqiqi hərbi xidmətə göndərilən şəxsin ailə üzvlərinin (ata və ya ana-şəxsiyyət vəsiqəsi, həyat yoldaşı- nigah haqqında şəhadətnamə və şəxsiyyət vəsiqəsi, övladlar, qardaş və bacı müraciət etdikdə-doğum haqqında şəhadətnamə və şəxsiyyət vəsiqəsi ilə) Xidmətin qeydiyyatda olduğu struktur bölmələrinə və ya Asan xidmət mərkəzlərinə müraciət etmələri tövsiyə olunur.
Rəşad Soruşur Yazılma Tarixi:07.04.2021 07:31:52

Mən rayon həkim komisyasından və hematologiya inistutundan tam yararalı hesab olunmuşam mən gecikmək istəmirəm apreldə hərbi xidmətə cəlb olunmaq istəyirəm rayon komisarlığından deyiblər aparacağıq komisyamıza ama bilmirəm nə zaman vaxt gecikir mən aprel çağrışının 2 ci parriyasına çatacağam ?

Portala daxil olan müraciətinə əsasən bildiririk ki, səhhətinizlə əlaqədar 12.04.2021-ci il tarixdə Akademik Zərifə Əliyeva adına göz xəstəlikləri institutunda keçirilmiş müayinənizin nəticəsinə Səfərbərlik və Hərbi Xidmətə Çağırış üzrə Dövlət Xidmətinin Mərkəzi Hərbi-Həkim Komissiyasında baxıldıqdan sonra barənizdə qanunamüvafiq qərar qəbul ediləcəkdir. Səfərbərlik və Hərbi Xidmətə Çağırış üzrə Dövlət Xidmətinin Qobustan rayon bölməsinə müraciət etməyiniz məqsədəuyğundur.
Toğrul Soruşur Yazılma Tarixi:04.04.2021 19:10:21

Salam aleykum. Birinci qrafanın 20 maddəsi hansı xəstəlikdir?

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin “” 20-ci maddəsinə aşağıdakılar aiddir: Dərin, ağır və mülayim dərəcədə ifadə olunmuş əqli gerilik. Yüngül dərəcədə ifadə olunmuş əqli gerilik.
Köçəri Soruşur Yazılma Tarixi:04.04.2021 18:16:02

Salam Mənim Yaşım Aprelin 15 i tamam olur Aprelde Gedecem esgere yoxsa nevaxt?

Bildiririk ki, aprel ayında 18 yaşı tamam olan çağırışçılar  2021-ci ilin aprel çağırışı zamanı ümumi əsaslarla müddətli həqiqi hərbi xidmətə çağırışa cəlb ediləcəklər.  
Cədvəldə sətir sayı :13933

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.