Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Pərviz Soruşur Yazılma Tarixi:23.06.2021 19:29:55

Salam.ADNSU 4 kurs tələbəsiyəm.Mənə universitetdən arayış verilib ki, 2022 ci ilin iyul ayında məzun olacaq.Bu arayışı Səfərbərlik və Hərbi Xidmətə Çağırış üzrə Dövlət Xidməti rayon sobesine teqdim olunsun. Mən arayişı təqdim etdikdə bu arayışa baxmadılar.

Bildiririk ki, ödənilməmiş akademik kreditləri olan çağırışçılara müddətli həqiqi hərbi xidmətə çağırışdan möhlət verilməsi məsələsi mövcud qanunvericilikdə nəzərdə tutulmamışdır.
Niyaməddin Soruşur Yazılma Tarixi:23.06.2021 10:17:42

Mən 27 si Sentyabr başlayan döyüşdə oldum medal və döyüş İşdirakcısı vəsiqəsini vermədilər deyirlə 26 iyun verəcəklər düzdürmü və yaxud adıma medal olub olmadığını necə öyrənə bilərəm

Portala daxil olmuş müraciətinizə  baxılmışdır.            Bildiririk ki, hazırda müddətdən artıq həqiqi hərbi xidmətdə olduğunuz üçün aidiyyəti üzrə hərbi hissə komandanlığına müraciət etməyiniz tövsiyə olunur.  
Kamran Soruşur Yazılma Tarixi:22.06.2021 08:33:21

Mən 1 il əvvəl sağ əlimin baş barmağında ağır tramva əməliyyat olmuşam. Barmağım tamamilə qopmuşdu və plastik taxılaraq əməliyyat olundum. Bunu təstiq edən tibb universitetindən arayışım var. Amma buna baxmayaraq mənə bunun önemi olmadığını deyərək yararlı yazıldım və indi əsgərliyə çağırırlar.

Məlum olmuşdur ki, 2021-ci ilin iyul çağırışına hazırlıqla əlaqədar Siz qeydiyyatda olduğunuz Xidmətin Sabunçu rayon idarəsinin hərbi həkim komissiyasında tibbi baxışdan keçirilmiş və səhhətiniz ilə əlaqədar 3 saylı Şəhər Klinik Xəstəxanasına əlavə müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” qeydiyyatda olduğunuz Sabunçu rayon idarəsinə daxil olduqdan sonra, Sizin müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Rüfət Soruşur Yazılma Tarixi:21.06.2021 21:30:28

Salam. Mən bilmək istəyirdim ki, hərbi xidmətə getmək üçün yararlıyam ya yox? Bu rayon hərbi komissarlığında nə kimi qeyd olunub?

Barənizdə rayon çağırış komissiyası tərəfindən qəbul edilən qərarın təsdiq edilməsi üçün Siz şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız. Bu barədə Sizə Xidmətin Şirvan şəhər şöbəsi tərəfindən məlumat veriləcəkdir.
Rəsul Soruşur Yazılma Tarixi:21.06.2021 19:55:21

Salam. Bilmək istəyərdim ki, mən hərbi xidmətə yararlıyam ya yox? Mənə möhlət verilmişdir.

Bildiririk ki, səhhətiniz ilə əlaqədar aidiyyəti üzrə dövlət tibb müəssisəsinə əlavə müayinəyə göndəriləcəksiniz. Müayinənin nəticəsinə müvafiq olaraq hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Sənan Soruşur Yazılma Tarixi:21.06.2021 15:33:37

Salam. Mən həqiqi hərbi xidmətə yararlı olub olmadığımı necə öyrənə bilərəm?

“Hərbi vəzifə və hərbi xidmət haqqında” Azərbaycan Respublikası qanununun 21.1.4 maddəsinə əsasən əyani təhsilalma formasında bakalavriatda, magistraturada, doktoranturada, ali baza tibb təhsili və rezidenturada təhsil alanlara-təhsilini bitirənədək müddətli həqiqi hərbi xidmətə çağırışdan möhlət verilir.
Ramid Soruşur Yazılma Tarixi:19.06.2021 22:37:58

Salam 2021 ci il iyul ayinda herbi xidmete gedenler ali tehsilliler nece il xidmet edeceyler ?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər.
Sahil Soruşur Yazılma Tarixi:19.06.2021 07:26:31

Hara dusduymu oyrenmek isdeyirem

Azərbaycan Respublikasının Prezidenti İlham Əliyevin iyunun 17-də imzaladığı Azərbaycan Respublikası vətəndaşlarının 2021-ci il iyulun 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Sərəncama əsasən 2021-ci ilin iyul ayında müddətli həqiqi hərbi xidmətə göndəriləcək çağırışçılar iyunun 25-30 tarixlərində Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti  tərəfindən SMS vasitəsilə məlumatlandırılacaqlar. 
Zöhrab Soruşur Yazılma Tarixi:18.06.2021 01:33:21

Salam, men bu il bakalavr tehsilimi bitirirəm, mütləq həqiqi hərbi xidmət üçün müvafiq herbi komissarlığa çağırıldım, gözümdə yüksək dərəcəli miopiya və miopik asiqmatizm olduğuna görə Zərifə Əliyeva adına göz klinikasına müayinəyə göndərildim, 11,06,2021 tarixində müayinə olundum, nəticəni və hansı kateqoriyaya aid olduğumu öyrənmək istəyirəm

Bildiririk ki, Siz təhsilə görə verilmiş möhlət müddətinin bitməsi ilə əlaqədar Xidmətin qeydiyyatda olduğunuz Sabunçu rayon idarəsi tərəfindən 2021-ci ilin iyul çağırışına cəlb edilmiş, hərbi həkim komissiyasında tibbi şəhadətləndirilmiş və səhhətinizlə bağlı müvafiq tibb müəssisəsinə əlavə tibbi müayinəyə göndərilmisiniz. Tibb müəssisəsindən müayinə aktı Xidmətin Sabunçu rayon idarəsinə daxil olduqdan sonra təyin olunmuş diaqnoza əsasən barənizdə qanunamüvafiq qərar qəbul ediləcəkdir.  
Müşfiq Soruşur Yazılma Tarixi:17.06.2021 18:18:37

Salam mənim sağ gözüm -5 sol isə -3 dür bu halda hərbi xidmətə yararlıyam?

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 34-cü maddəsinin I qrafasının tələblərinə əsasən hər hansı gözün meridianlardan birində 3,0 DPTR-dən artıq və 6,0 DPTR-ə qədər yaxıngörməsi olan çağırışçılar “Hərbi xidmətə yararlıdır. A-3” hesab edilirlər.  
Cədvəldə sətir sayı :13933

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.