Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nail Soruşur Yazılma Tarixi:05.12.2020 13:31:57

Salam, mən hal-hazırda ali təhsil müəssələrinin birində magistraturada oxuyuram. Bilmək istəyirəm mən magistraturanı bitirdikdən sonra hərbiyə necə yazıla bilərəm? Yəni magistraturanı bitirdikdən sonra hərbçi olmaq istəyirəm. Bildiyim qədərilə ali təhsillilər 2 il müddətində hərbi kurs keçərək leytenant rütbəsi alaraq hərbçi işləyə bilir. Mənim belə kursa müraciət etməyim üçün mütləqdir ki, mən magistrdan sonra əsgər gedim və yalnız bundan sonra həmin kursa müraciət edim?

Bildiririk ki, Azərbaycan Respublikası Silahlı Qüvvələrinin Təlim və Tədris Mərkəzində təşkil ediləcək növbəti “Ehtiyat zabit hazırlığı kursu”nda oxumaq üçün qanunvericiliklə nəzərdə tutulmuş müddətli həqiqi hərbi xidmətini başa vurmuş, ali təhsilli hərbi vəzifəlilər sırasından namizədlər seçilir. Siz yuxarıda qeyd olunan tələblərə cavab verdiyiniz halda, SQ TTM-də təşkil ediləcək növbəti kursda oxumaq üçün adınızın namizəd kimi siyahıya daxil edilməsi və hansı sənədlərin hazırlanaraq təqdim edilməsi barədə hərbi qeydiyyatda olduğunuz Xidmətin yerli idarə, şöbə və bölməsinə müraciət etməlisiniz. Nəzərinizə çatdırırıq ki, SQ TTM-də keçiriləcək “Ehtiyat zabit hazırlığı kursu”nun vaxtı və müddəti Azərbaycan Respublikasının Müdafiə Nazirliyi tərəfindən müəyyən edilir.  
Nərmin Soruşur Yazılma Tarixi:05.12.2020 12:08:57

Salam. Səfərbərliklə çağrılan çağırışçıların Cənab Prezidentin onların tərxis olunmaları ilə bağlı müvafiq sərəncamında kateqoriyalar göstərilmişdir.Bildirilmişdir ki ilk olaraq bu kateqoriyaya uyğun gələn çağırışçılar buraxılacaq.Bəs bu kateqoriyaya uyğun olmayan çağırışçılar nə zaman buraxılacaq? Bununla bağlı məlumat verməyinizi xahiş edirəm.

    Portala daxil olan müraciətinizə baxılmışdır.     
   Bildiririk ki, “Hərbi Xidmətkeçmə haqqında” Əsasnamənin 13-cü fəsilinin (müharibə dövründə hərbi xidmətkeçmənin xüsusiyyətləri) 186-cı maddəsinin (səfərbərlik elan edildikdə) “a” bəndinə əsasən, həmin müddət ərzində Azərbaycan Respublikası Silahlı Qüvvələri sıralarında xidmət edən bütün şəxslər, o cümlədən toplanışlara çağırılmış hərbi vəzifəlilər xüsusi sərəncam alınanadək saxlanılırlar.
Ziyad Soruşur Yazılma Tarixi:04.12.2020 11:49:09

Salam. Hərbi komissarlıq mənə C kateqoriyası yazıb. C kateqoriyası sülh dövründə hərbi xidmətə yararsız, müharibə dövründə məhdud yararlıdır. İndiki zamanda Azərbaycan respublikasında müharibə dövrüdür yoxsa sülh?

Portala daxil olmuş müraciətinizə əsasən bildiririk ki, Azərbaycan Respublikası Prezidentinin ölkədə qismən Səfərbərlik elan etməsi haqqında  28.09.2020-ci il tarixli fərmanı ilə Azərbaycan Respublikası ərazisində qismən səfərbərlik elan edilmişdir.             Onu da əlavə edirik ki, 10.11.2020-ci il tarixdə Azərbaycan Respublikası Prezidentinin imzaladığı üçtərəfli bəyanata əsasən vətən müharibəsinin başa çatdığı rəsmən elan edilmişdir.
Abı Soruşur Yazılma Tarixi:04.12.2020 02:20:18

Salam.Ali mekteb diplomu olan,boyu 1.67 cekisi 68 kg olan şəxs.Aprel ayinda hərbi xidmete çağirilarken Fövqalada Hallar Nazirliyine düşe biler?Zehmet olmasa cavablandirasiniz.

Bildiririk ki, həqiqi hərbi xidmətə çağırılmış vətəndaşların Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş “Hərbi-həkim ekspertizası haqqında Əsasnamə”nin sağlamlıq vəziyyətinə dair əlavə tələblər cədvəli nəzərə alınmaqla xüsusi kompüter proqramı vasitəsi ilə aparılır.
Rəvanə Soruşur Yazılma Tarixi:03.12.2020 10:20:17

Əsgər Allahverdiyevin adından.Salam mən 21 sentyabr səfərbərlik xidmətindən orduya cəlb olunmuşam və 27 sentyabr tarixində başlayan vətən müharibəsinin iştirakçısı olmuşam.Hal-hazırda ordu sıralarındayam.Cənab Prezidentimizin 01.11.2020 ci il tarixində imzaladığı bir qrup hərbiçilərin təxris olunması ilə bağlı sərəncamda göstərilən kateqoriyalara aid deyiləm,amma evin tək oğluyam.Bacılarım ailə qurub və ailəni saxlayan mənəm.Atam 2 ci qrup əlildir və ürək xəstəliyindən əziyyət çəkir.Öyrənmək istəyirəm ki,digər hərbiçilərin təxris olunması nəzərdə tutulurmu? Əgər tutulursa bu hansı tarixdə baş tuta bilər?

Portala daxil olan müraciətinizə baxılmışdır.         Bildiririk ki, 1 dekabr 2020-ci il tarixdə “Bir qrup hərbi qulluqçunun səfərbərlik üzrə hərbi xidmətdən tərxis edilməsi haqqında Azərbaycan Respublikası Prezidentinin Sərəncamı” imzalanmışdır. Sərəncama əsasən siz səfərbərlik üzrə hərbi xidmətdən tərxis olunanlar kateqoriyasına daxil deyilsiniz.         “Azərbaycan Respublikasında səfərbərlik hazırlığı və səfərbərlik haqqında” Azərbaycan Respublikasının Qanununun 18.1 maddəsinə əsasən səfərbərlikdən tərxisetmə Azərbaycan Respublikasının Prezidentinin qərarına əsasən Azərbaycan Respublikasının Nazirlər Kabinetinin müəyyən etdiyi qaydada və müddətdə həyata keçirilir.
Vasif Soruşur Yazılma Tarixi:02.12.2020 00:26:18

Salam .Mənim hərbi biletim həm sulh həm muharibə şəraitinde yararsiz hesab olunur.Xesteliyimlə bağlı ama indi mən tam sağlamam və hərbi xidmətə baş vurub Hərbi xidmətə getmək istəyirəm

Portala daxil olan müraciətinizə əsasən bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Bu səbəbdən qeyd etdiyiniz məsələ ilə bağlı qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölməsinə müraciət etməyiniz məqsədəuyğundur.
Kənan Soruşur Yazılma Tarixi:01.12.2020 23:34:30

Salam bilmek isdeyirem ki oktyabrin 9 dan geden ehtiyatda olan zabitler ne vaxt texris olunacaq artiq muharibe demek olar ki bitib helede texris olunmayiblar

Bildiririk ki, “Bir qrup hərbi qulluqçunun səfərbərlik üzrə hərbi xidmətdən tərxis edilməsi haqqında” Azərbaycan Respublikası Prezidentinin 01.12.2020-ci il tarixli sərəncamına əsasən hərbi xidmətə çağırılmış aşağıda qeyd olunan kateqoriyadan olan hər qulluqçular səfərbərlik üzrə hərbi xidmətdən təxris edilirər:
1. 3 və daha çox uşağı olan;
2. Himayəsində əlilliyi müəyyən edilmiş şəxs;
3. Himayəsində yetkinlk yaşına çatmayan bacısı və qardaşı olan şəxs;
4. Ailənin tək övladı olan; 
5. Ataları və qardaşları döyüş əməliyyatlarında, habelə hərbi     xidmət üzrə vəzifəsinin icrası zamanı həlak olmuş və ya vəfat etmiş;
6. Yaxın qohumları hərbi təxribatlar və Azərbaycan Respublikasını atəşə tutması nəticəsində həlak olmuş şəxs;
7. Əyani təhsil alan. 
Əlavə olaraq bildiririk ki, “Hərbi Xidmətkeçmə Haqqında” Əsasnamənin 186-cı maddəsinin a bəndinə əsasən səfərbərlik elan edildikdə həmin müddət ərzində Azərbaycan Respublikası Silahlı Qüvvələri sıralarında xidmət edən bütün şəxslər, o cümlədən toplanışlara çağırılmış hərbi vəzifəlilər xüsusi sərəncam alınanadək saxlanılırlar.
Hüseyn Soruşur Yazılma Tarixi:01.12.2020 19:04:29

Salam. Mənə bildiyim qədəri ilə A-3 kateqoriyası diaqnozu qoydular yoxlanışda. Bu diaqnozun açılımı, mənası nə deməkdir ?

Hərbi xidmətə çağırılarkən, hərbi xidmətə yararlı sayılmlış vətəndaşlar barəsində hərbi xidmətə yararlılıq kateqoriyası haqqında rəydən sonra həkim-mütəxəssis “Vətəndaşların sağlamlıq vəziyyətinə dair əlavə tələblər” cədvəlinin (Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin 3 nömrəli cədvəli) “a” bölməsinə müvafiq olaraq hərbi xidmətkeçmə üçün təyinatın (Qoşunların, hərbi hissələrin növləri) rəqəm göstəricisini müəyyən edir. “Hərbi xidmətə yararlıdır A-3” hesab edilmiş çağırışçılara bəzi qoşun növlərində xidmət keçməyə məhdudiyyət qoyulur (xüsusi təyinatlı hərbi hissələr, dəniz piyadası, hava desant, desant hücum heyəti və s.).
Amid Soruşur Yazılma Tarixi:01.12.2020 15:16:25

Salam. Men MAHHQ kimi islemisem. Meni 156 E bendi ile isden azad edibler. Men yeniden islemek isteyirem. Cox xahis edirem mene komeklik edesiniz men yeniden isleye bileremmi?

Portala daxil olan müraciətinizə Səfərbərlik və Hərbi Xidmətə Çağırış üzrə Dövlət Xidmətində baxılmışdır. Qeyd etdiyiniz məsələ ilə bağlı müvafiq qoşun növü üzrə aidiyyəti nazirliyə və ya hərbi hissə komandanlığına müraciət etməyiniz məqsədəuyğundur.
Toğrul Soruşur Yazılma Tarixi:28.11.2020 18:05:21

Salam aleykum. Üç il tamam olmamış təkrar tibbi müayinədən keçmək olar?

“Hərbi vəzifə və hərbi xidmət haqqında” Azərbaycan Respublikası Qanunun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Azərbaycan Respublikası Nazirlər Kabinetinin 2008-ci il 29 fevral tarixli, 59 nömrəli qərarı ilə təsdiq edilmiş “Hərbi-həkim ekspertizası haqqında” Əsasnamənin 6.3-cü bəndinə əsasən,  hərbi xidmətə yararsız hesab edilmiş vətəndaşlar dövlət səhiyyə sistemi müəssisələrində və ya digər tibb müəssisələrində müayinə nəticəsində onlarda əvvəllər müəyyən edilmiş diaqnoz dəyişdirildiyi və ya onların sağlam hesab edildikləri halda təkrar şəhadətləndirilirlər. 
Cədvəldə sətir sayı :13933

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.