Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Malik Soruşur Yazılma Tarixi:05.06.2014 06:39:18

Salam. mən ali təhsilimi bu il başa vururam. 1-ci kursda ali məktəbdə oxumağım haqda arayışı qeydiyyatda olduğum çağırış məntəqəsinə təqdim etmişəm. Amma hərbi xidmət öncəsi baxışdan keçərkən mənə bildirildi ki, mən ali məktəbdə oxumağım haqda olan arayışı təqdim etməmişəm və buna görə 1 il 6 ay xidmət etməli olduğum deyildi. Bu nə dərəcədə düzgündü və mən neynəməliyəm?

"Hərbi vəzifə və hərbi xidmət haqqında" Azərbaycan Respublikası Qanununun 38.1.1 maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər.\nBildiririk ki, müddətli həqiqi hərbi xidmət hərbi qulluqçuları təhsil müəssisəsindən verilmiş diplomun notarial qaydada təsdiq edilmiş kserosurətini xidmət etdikləri hərbi hissəyə təqdim etdikdə, onlar 1 ildən sonra ordu sıralarından tərxis olunurlar.
Orxan Soruşur Yazılma Tarixi:05.06.2014 03:57:19

Salam,\n\nMən bilmək istərdimki, hal hazırda xarici ölkədə oxuyan tələbəyə Azərbaycana qayıdıb hərbi baxışdan keçmək vacibdirmi. Təhsillə bağlı Azərbaycana qayıtmaq mümkün olmadığından nə etmək lazımdır? İkinci sualım təhsilini davam etdirən tələbələrə təhsilini başa vurana qədər möhlət verilirmi?

Xarici ölkədə təhsil alan tələbə ali təhsil müəssisəsini bitirdikdən sonra çağırışdan möhlət hüququnu itirərək, ümumi əsaslarla həqiqi hərbi xidmətə çağırışa cəlb olunaraq barəsində hər hansı qərar qəbul edildikdən sonra əlavə olaraq məlumatlandırılacaqdır.\nBildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 21.1.5-ci maddəsinə əsasən xarici ölkələrdə əyani təhsilalma formasında təhsil alanlara ali təhsil pilləssində (bakalavriat); tibb təhsil üçün ali baza tibb təhsili və rezidenturada (internaturada) təhsil alanlara təhsilini bitirənədək yalnız bir dəfə möhlər verilir.
Elcin Soruşur Yazılma Tarixi:04.06.2014 20:19:18

salam men iyulun 3-u cagiriwima gore esger gedirem menim atam veteran-dir bunun neyese komekliyi var ya yox bilmek isdediyim budur

Qeyd etdiyiniz məsələ ilə bağlı "Hərbi vəzifə və hərbi xidmət haqqında" Azərbaycan Respublikası Qanununda heç bir müddəa nəzərdə tutulmamışdır. Siz mövcud qanunvericiliyə uyğun olaraq ümumi əsaslarla müddətli həqiqi hərbi xidmətə cəlb ediləcəksiniz.
Orxan Soruşur Yazılma Tarixi:04.06.2014 18:57:38

Men Hesenli Orxan bu il ali tehsili bitirmisem ve iyul ayinda Şiran şəher herbi komissarligindan heqiqi herbi xidmete cagirilmisam ...Hal hazirda qardasim Daxili qosunlari n-sayli herbi hissesinde heqiqi herbi xidmetdedir. Bilmek isterdimki qardasim qulluq muddetini bitirmeden men herbi xidmete getdikde onun dusduyu eraziya ve ya Qulluq etdiyi qosunlarin herbi hissesinde herbi xidmet kece bileremmi?

Bildiririk ki, qardaşlar eyni vaxtda və eyni çağırış komissiyası tərəfindən həqiqi hərbi xidmətə çağırılırlarsa, onlar bir qayda olaraq hərbi xidmət keçmək üçün bir hərbi hissəyə göndərilirlər.
izzet Soruşur Yazılma Tarixi:04.06.2014 18:54:09

gorme qabiliyyetim 100/60-a dirsa mene herbide xidmet etmek olarmi?

Çağırışçıların gös və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 29-36-cı maddələrinin I qrafasının tələblərinə əsasən hər gözün görmə itiliyindən və funksiyalarının pozulma dərəcəsindən asılı olaraq aparılır.\nSiz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır.
Vusal Soruşur Yazılma Tarixi:04.06.2014 11:17:13

Salam..Meni iyul ayinin 2 si herbi xitmete cagiriblar..Men cebhe bolgəsinə getmek isteyirem konullu ön cəbhədə qulluq etmek istəyirəm.Necə kimə müraicət edim?

Bildiririk ki, Silahlı Qüvvələr və qanunvericiliyə uyğun olaraq yaradılmış başqa silahlı birləşmələrin komplektləşdirilməsi planlı şəkildə aparılır və xüsusi kompyuter proqramı vasitəsilə bölünür.
Seymur Soruşur Yazılma Tarixi:03.06.2014 19:55:03

Salam. Mən sizə iş üçün müraciət etmişəm.Tələb olunan bütün sənədləri Kadrlar şöbəsinə təqdim etmişəm. Amma imtahanın vaxtini bilmirəm. Əgər mümkündürsə imtahanın vaxtı dəqiqləçibsə bu barədə mənə məlumat verməyinizi xahiş edirəm. Sag olun

Nəzərinizə çatdırırıq ki, müsabiqəyə dəvət olunmağınız barədə Sizə məlumat veriləcəkdir.
kenan Soruşur Yazılma Tarixi:03.06.2014 19:33:11

salam men tek usaqam ne bacim var ne qardawim atam rehmete gedib men esger gedecem ya yox oo haqda melumat isteyirem anamda 2 qurup elildi

Qeyd etdiyiniz məsələ ilə bağlı "Hərbi vəzifə və hərbi xidmət haqqında" Azərbaycan Respublikası Qanununda heç bir müddəa nəzərdə tutulmamışdır. Siz mövcud qanunvericiliyə uyğun olaraq ümumi əsaslarla müddətli həqiqi hərbi xidmətə cəlb ediləcəksiniz.\nBildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 19.1.1-ci maddəsinə (başqa övladı olmayan I qrup əlil olan ata yaxud ana) əsasən ailə vəziyyətinə görə həqiqi hərbi xidmətə çağırışdan möhlət verilir.
Cavid Soruşur Yazılma Tarixi:03.06.2014 17:14:52

Salam. Men bu il iyul ayinda ali mektebi bitirib esgerliye gedecem.Bilmek isteyirem siradan kenar heqiqi herbi xidmet ne demekdir,ve sonra menim isle temin olunmamda manecilik toredecekmi?

Sıradankənar hərbi xidmətə yararlı və (və ya) müəyyən qoşun növündə hərbi xidmətə yararsız sayılmış hərbi qulluqçular həmin qoşun növündə arxa xidmət mütəxəssislərinin xidmət heyəti vəzifələrinə, inzibati-təsərrüfat və digər vəzifələrə təyin edilirlər.\nİşə düzəlmək işə götürən dövlət orqanının səlahiyyətlərinə aiddir. Bu səbəbdən aidiyyəti üzrə müraciət etməlisiniz.
Sarvan Soruşur Yazılma Tarixi:03.06.2014 15:51:36

Salam mən Ağstafa r. hərbi komisarlığından 05-07-2014-cü ilin çağırışcısıyam və ali təhsilliyəm amma mən oraya şəkil verdiyimdə qəbul etmədilər səbəb kimi bığ saxlamağım oldu, belə deyildi ki Azərbaycan ordusunda bığlı əsgər yoxdu. Mən bilmək isdəyirəm ki, bu nə qədər doğrudur və hansı qanunda var? Çünki mə bunu şəxsiyyətimə təhqir kimi qəbul etdim və buna cavab isdəyirəm. Qabaqcadan minnətdaram.

Azərbaycan Respublikasının 1994-cü il 23 sentyabr tarixli 887 nömrəli Qanunu ilə təsdiq edilmiş "Azəbaycan Respublikası Silahlı Qüvvələrinin Daxili Xidmət Nizamnaməsi"nin 362-ci maddəsinə əsasən üzün və başın vaxtında qırxılması, dirnaqların tutulması hərbi qulluqçuların vəzifəsidir. Sizin müraciətinizdə göstərdiyiniz məsələ qanunvericilikdə nəzərdə tutulmamışdır.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.