Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Elşad Soruşur Yazılma Tarixi:03.09.2013 08:52:21

Salam. Mənim Sağ böyrəyimdə 2 ci dərəcəli genişlənmə var..\nOktyabr ayında gedəcəm hərbi xidmətə??\nyəni ümidim varmi gedim???\nVə könüllü Əsgər getmək deyə bir şey varmı??

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcəksiniz, ehtiyac olduğu halda dövlət səhiyyə müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin tələblərinə əsasən qərar qəbul ediləcəkdir.\n Azərbaycan Respublikası Konstitusiyasının 76-cı maddəsinin 1 hissəsinə uyğun olaraq Vətəni müdafiə hər bir vətəndaşın borcudur. Əlavə olaraq bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununda könüllü müddətli həqiqi hərbi xidmət nəzərdə tutulmamışdır.
Efsane Soruşur Yazılma Tarixi:03.09.2013 07:09:28

Salam.18 ay müddətinə gedən,Sərhəd qoşunlarında olan əsgər xidmətin 1 ili tamam olanda öz ərizəsi ilə kursdan keçib herbiçi kimi qala bilər?

Bildiririk ki, Dövlət Sərhəd Xidmətində və ya qanunvericilikdə nəzərdə tutulmuş digər silahlı birləşmələrdə hərbi xidmətdə olan əsgərlər öz arzusu ilə xidmətdə qalması üçün komanda üzrə raportla müraciət etməlidir.
azer Soruşur Yazılma Tarixi:03.09.2013 06:32:38

salam.Men Azer Gulmemmedli Ilqar ogul 04.08.1995-ci -ilde anadan olmuwam oktyabrda herbi xidmete cagirilmiwam isteyirem herbide gizir qalam nece edim ki herbide gizir qalim

Qeyd etdiyiniz məsələ ilə bağlı xidmət etdiyiniz hərbi hissənin komandanlığına müraciət etməyiniz tövsiyə olunur.
Damla Soruşur Yazılma Tarixi:01.09.2013 20:40:48

Salam. Menim qohumum iyul ayinda herbi xidmete cagrilib ama hara duwduyunu bilmirik. Onu nece oyrene bilerik?

Sizin qohumunuzun xidmət etdiyi hissə barədə məlumatı qeydiyyatda olduğu idarə, şöbə və ya bölmədən əldə edə bilərsiniz.
Orxan Soruşur Yazılma Tarixi:31.08.2013 13:53:17

Salam.Men Universiteti bu il bitirib Magistra qebul olmuwam.Oktyabrda esger gedecem.Universitet de mohlet vermesi ucun chastdan arayiw istiyir ki mohlet verilsin.Bilmek isterdim ki oktyabrda gedib arayiw alsam problem olmaz?

Siz, ali təhsil müəssisəsini bitirdikdən sonra çağırışdan möhlət hüququnu itirərək, oktyabr çağırışında ümumi əsaslarla həqiqi hərbi xidmətə çağırışa cəlb ediləcəksiniz. Qeydiyyatda olduğunuz yerli idarə, şöbə və bölmə tərəfindən oktyabr çağırışına cəlb edilməniz barədə verilmiş müvafiq sənədi ali təhsil müəssisəsinə təqdim etməlisiniz.
eyyub Soruşur Yazılma Tarixi:31.08.2013 09:00:38

Salam snayper kurslarının müddəti neçə ay olur.Başqa atıcı silahlar öyrədilir və yaş məhdudiyyəti var?kursu bitirənlərə sertifikat vəya diplom verilir?

Sualınıza cavab olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinin tabeliyində olan "Hərbi Vətənpərvərlik və Mütəxəssis Hazırlığı Mərkəzi" MMC-də təşkil ediləcək snayper kursunda hazırlıq müddəti 45 (qırx beş) gün planlaşdırılır. Kurslara müəyyən edilmiş tələblərə cavab verən, əsasən ilkin hərbi qeydiyyata alınmış 17 yaşına çatmış gənclər və 45 yaşınadək Azərbaycan Respublikasının vətəndaşları cəlb edilirlər. Hazırlıq müddətində snayper tüfənglərinnən atəş hazırlığı ilə yanaşı, xarici dövlətlərin silahlanmasında olan digər atıcı silahların taktiki-texniki göstəriciləri də tədris edilir. Hazırlıq kursunun yekununda dinləyicilərdən müvafiq məqbullar qəbul edilir və müsbət nəticə göstərənlərə sertifikat təqdim olunur.
Orxan Soruşur Yazılma Tarixi:31.08.2013 06:38:33

Salam.Men ali tehsilimi Ukraina Dovlet Universitetinde basha vurmusham.Diplomu tercume etdirib notariusda tesdiqlemishem.Herbi hisseye ne kimi senedler teqdim etmeliyem?Teshekurler.

"Hərbi və Hərbi Xidmət haqqında" Azərbaycan Respublikası Qanununun 38.1.1 maddəsinə əsasən, ali təhsilli çağırışçılar təqvim hesabı ilə 1 il müddətli həqiqi hərbi xidmət keçirlər. Bildiririk ki, müddətli həqiqi hərbi xidmət hərbi qulluqçuları təhsil müəssisəsindən verilmiş diplomun notarial qaydada təsdiq edilmiş kserosurətini xidmət etdikləri hərbi hissəyə təqdim etdikdə, onlar 1 ildən sonra ordu sıralarından tərxis olunurlar.
Sakina Soruşur Yazılma Tarixi:31.08.2013 05:48:45

oktyabr texrisinin vaxti ne zamandir?

"Hərbi vəzifə və hərbi xidmət haqqında" Azərbaycan Respublikası Qanununa uyğun olaraq Azərbaycan Respublikası Prezidentinin aktı əsasında ildə dörd dəfə - yanvar, aprel, iyul və oktyabr aylarının 1-dən 30-dək, qanunla müəyyən edilmiş xidmət müddətlərini başa vurmuş müddətli həqiqi hərbi xidmət hərbi qulluqçuları hərbi xidmətdən ehtiyata buraxılırlar.
Musviq Soruşur Yazılma Tarixi:30.08.2013 16:29:24

Arzu mellimin qebulunda olmag olarmi? Zehmet olmasa tez cavab verin

Nəzərinizə çatdırırıq ki, Səfərbərlik və Hərbi Xidmətə Çağırış üzrə Dövlət Xidmətinin rəisi tərəfindən vətəndaşların qəbulu hər ayın sonuncu şənbə günü həyata keçirilir. Qəbulda iştirak etmək üçün hər ayın sonuncu həftəsinin istənilən günü şəxsiyyət vəsiqəsi ilə birlikdə Səfərbərlik və Hərbi Xidmətə Çaöırış üzrə Dövlət Xidmətinin Aparatına gəlməli (Bakı şəhəri, Səbail rayonu, Zərifə Əliyeva küçəsi 30) və müvafiq qaydada qeydiyyatdan keçməlisiniz.
Rövşən Soruşur Yazılma Tarixi:30.08.2013 14:59:12

Mən 17 ildən çox xidmət etmişəm sonra məhkumluqla bağlı təxris olmuşam, hal hazırda xəstəyəm, hospitala getdim polkovnik Qarabekov mənə bildirdi ki, Səfərbərlik və Hərbi Xidmətə Çağırış Üzrə Dövlət Xidmətindən göndəriş almalısınız. Sonra şəhadətləndirilə və müayinə müalicə ola bilərsiniz. Bu sənədləri mən necə ala bilərəm.\n\n «Hərbi xidmətkeçmə haqqında» Əsasnamənin təsdiq edilməsi barədə\n\nAzərbaycan RESPUBLİKASININ Qanunu\n\n \n\n Azərbaycan Respublikasının Milli Məclisi qərara alır:\n\n 1. «Hərbi xidmətkeçmə haqqında» Əsasnamə təsdiq edilsin (əlavə olunur).\n 2. Bu Qanun dərc edildiyi gündən qüvvəyə minir.\n\n Azərbaycan Respublikasının Prezidenti Heydər ƏLİYEV\n Bakı şəhəri, 3 oktyabr 1997-ci il\n№ 377-IQ\n\n Azərbaycan Respublikasının \n1997-ci il 3 oktyabr tarixli, 377-IQ nömrəli Qanunu ilə \nTƏSDİQ EDİLMİŞDİR\n\n \n\n«Hərbi xidmətkeçmə haqqında»\nƏsasnamə\n\n163. Ehtiyata və ya istefaya buraxılmağa təqdim olunmazdan əvvəl hərbi qulluqçular (müddətli həqiqi hərbi xidmət hərbi qulluqçularında başqa) səhhətinə görə hərbi xidmətə yararlılıq səviyyəsini müəyyənləşdirmək üçün hərbi-həkim komissiyasının müayinəsinə göndərilir. Buraxılmanın səbəbləri müəyyənləşdiriləndən sonra onun nəticəsi nəzərə alınır. Bu məqsədlə hərbi-həkim komissiyasının müayinəsinə aşağıdakı hərbi qulluqçular öz xahişinə əsasən göndərilməyə bilərlər:\n\nHəqiqi hərbi xidmətdə son yaş həddinə çatmış və xidmət illərinə görə maksimal miqdarda pensiya təminatı hüququ olan şəxslər. ehtiyatda olmağın son yaş həddinə çatmış şəxslər. \n\n Bu Əsasnamənin 156-cı maddəsinin «ə» bəndi, 158-ci maddəsinin «b» bəndi ilə buraxılmaya təqdim olunanlar, habelə ehtiyatdan çağırılan və 156-cı maddəsinin «q» bəndi ilə buraxılmaya təqdim olunanlar adətən hərbi-həkim komissiyasının müayinəsinə göndərilmirlər.\n\n Hərbi qulluqçunun hərbi xidmətə, habelə suüstü gəmilərdə və xüsusi qurğularda xidmətə yararlılıq səviyyəsi Azərbaycan Respublikası Silahlı Qüvvələrində tibbi müayinə haqqında Əsasnaməyə uyğun, uçuş işlərinə yararlılıq səviyyəsi Azərbaycan Respublikası Silahlı Qüvvələri aviasiyasının uçuş heyətinin tibbi müayinəsi haqqında Əsasnaməyə uyğun həyata keçirilir.

Bildiririk ki, Müdafiə Nazirliyinin Mərkəzi Hərbi-Həkim Komissiyasına göndəriş verilməsi üçün hərbi tibbi sənədlərinizlə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsinə (şöbəsinə və ya bölməsinə) müraciət etməlisiniz.
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.