Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Ruslan Soruşur Yazılma Tarixi:14.08.2013 16:29:39

Salam.Men Ali tehsilliyem, bu il universiteti bitirmisem ve magistraturaya daxil olmusam.16 Sentyabr 2013 cu ilden magistraturada tehsilme baslayacagam.Bilmek isterdim men iki il magistraturada tehsilimi davam etdire bileceyyemi, yoxsa oktyabr ayinda herbi xidmete cagrilacagam.Sag olun.Evvelceden tessekur edirem.

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 21-ci maddəsinə əsasən ali təhsil müəssisələrində və onların filiallarında əyani təhsilalma formasında (bakalavriat) təhsil alan çağırışçılara təhsilini bitirənədək yalnız bir dəfə möhlət verilir. Siz qanunla müəyyən olunmuş müddətli həqiqi hərbi xidmətinizi başa vurduqdan sonra təhsilinizi davam etdirə bilərsiniz.Yuxarıda göstərilənlərə əsasən Siz, 2013-cü ilin oktyabr çağırışında qanunvericiliyə müvafiq olaraq ümumi əsaslarla həqiqi hərbi xidmətə çağırışa cəlb olunacaqsınız.
Murad Soruşur Yazılma Tarixi:12.08.2013 14:58:27

salam. ad;m Əliyev Murad Taleh oğlu 12.08.1995 - ci ildə anadan olmuşam və hərbi xidmətə çağırış məntəqəsi Suraxanı rayonudur. Öyrənmək istəyərdim ki, mən hansı rayona düşürəm. (bu saytla yoxladim heç bir cavaba rast gəlmədim)

Çağırışçıların təyin olunduqları hərbi hissə haqqında məlumatları 30 sentyabr tarixdən etibarən şəxsi məlumatlarını daxil etməklə, Səfərbərlik və Hərbi Xidmətə Çağırış üzrə Dövlət Xidmətinin saytının "Hərbi xidmət" bölümündən əldə edə biləcəksiniz.
ayla Soruşur Yazılma Tarixi:12.08.2013 14:04:44

Salam menim qardasim esger gedib iyul ayinin 13 . Naxcivana DSX dusub. elaqemiz olmadigi ucun and icme gunun bilmirik. onu nece oyrene bilerik? adi QURBANOV MAARIF SAHIN OGLU/ 05/02/1994 .

Qeyd etdiyiniz məsəslə ilə bağlı Dövlət Sərhəd Xidmətinə müraciət etməyiniz tövsiyə olunur.
Muraz Soruşur Yazılma Tarixi:11.08.2013 13:19:16

salam. Mən 08.06.1996-cı il təvəllüdlüyəm. Mən 2013-cü ildə tələbə qəbulu üzrə imtahanda keçəmmədim. mən gələn il yani 2014-cü ildə TQDK-ya sənədlərimi verə bilərəm yoxsa, cagırışa düşürəm?

Bildiririk ki, 2013-2014-cü tədris ilində hər hansı ali təhsil müəssisəsinə qəbul olunmadığınız haıda, 2014-cü ilin iyul çağırışında qanunvericiliyə müvafiq olaraq ümumi əsaslarla müddətli həqiqi hərbi xidmətə çağırışa cəlb ediləcəksiniz.
Anar Soruşur Yazılma Tarixi:11.08.2013 09:14:23

Salam, men Informasiya texnologiyalari uzre mutexessisem, Oktyabr ayinda herbi xidmete gedecem, Bilmek isterdim bu cur mutexessisler nezere alinir bolgu zamani? Esger kimi, ya da zabit kimi, informasiya texnologiyalari uzre SQ-de ve ya bashqa strukturda xidmet etmek imkani varmi?

Bildiririk ki, həqiqi hərbi xidmətə çağırılmış vətəndaşların Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında bölgüsü zamanı xüsusi hərbi ixtisaslar üzrə hazırlanmış mütəxəssislərdən istifadə olunması nəzərdə tutulur.
Güldanə Soruşur Yazılma Tarixi:10.08.2013 16:27:47

Salam, mənim qardaşım oğlu hal-hazırda Haciqabulda DQ karantin dövründədir. Bilmək isteyirəm And İçmədən sonra onun yeri dəyişilə bilərmi?

Qeyd etdiyiniz məsələ ilə bağlı adı göstərilən quruma müraciət etməyiniz tövsiyyə olunur.
Namiq Soruşur Yazılma Tarixi:10.08.2013 13:40:03

Salam. Mәn qanunvericiliyә uyğun olaraq soyadımın sonluğunu dәyişmәk istәyirәm. Bilmәk istәyirәm ki, soyad sonluğunu dәyişdikdәn sonra yeni hәrbi bilet almalıyammı? Sağ olun.

Bildiririk ki, mövcud qanunvericiliyin tələblərinə əsasən, hərbi bilet həqiqi hərbi xidmətdə olan Azərbaycan Respublikası vətəndaşının şəxsiyyətini təsdiq edən yeganə müddətsiz sənəddir və hərbi vəzifəlilərin hərbi xidmətə münasibətini təyin edir. Bu səbəbdən Siz qanunvericiliyə uyğun soyadınızın sonluğunu dəyişdirdikdən sonra, hərbi qeydiyyatda olduğunuz Xidmətin yerli idarəsi (şöbəsi, bölməsi) tərəfindən hərbi biletinizdə müvafiq düzəlişlər ediləcək və hərbi biletin "Xüsusi qeydlər" bölməsində bu barədə qeydlər aparılaraq möhür və imza ilə təsdiq ediləcək.
Semedov Nicat Soruşur Yazılma Tarixi:08.08.2013 16:55:18

Men herbi xidmetde olmusam buna baxmayaraq yeniden herbi kamisarllga cagrlmls ve herbi biletim yeniden pecatlanmlsdlr. Bunun sebebini bilmek isterdim.

Bildiririk ki, müraciətiniz əsasında konkret araşdırma aparılması üçün atanızın adı, təvəllüdünüz və hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarısinin (şöbəsinin, bölməsinin) adını bildirməyiniz vacibdir.
Samir Soruşur Yazılma Tarixi:08.08.2013 14:25:08

salam men bilmek isteyirem ki,meni bu atpravka gedib gedmeyeceyimi sorusmaq isteyirdim doqulduqum tarix ise 17-07-1995

Siz qeydiyyatda olduğunuz idarə, şöbə və bölmənin çağırış komissiyası tərəfindən tibbi şəhadətləndirildikdən və öyrənildikdən sonra barənizdə qanunvericiliyə müvafiq olaraq qərar qəbul olunacaqdır.
araz Soruşur Yazılma Tarixi:08.08.2013 09:52:06

avusdun necesinde caqiris olacaq xais edirem yazardiniz

"HƏrbi vəzifə və hərbi xidmət haqqında" Azərbaycan Respublikası Qanununun 12.3-cü maddəsinə uyğun olaraq Azərbaycan Respublikasının Prezidentinin aktı əsasında ildə dörd dəfə - yanvar, aprel, iyul və oktyabr aylarının 1-dən 30-dək vətəndaşlar müddətli həqiqi hərbi xidmətə çağırılırlar.
Cədvəldə sətir sayı :13945

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.