Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
SEVDA Soruşur Yazılma Tarixi:30.05.2020 20:54:06

Salam sualı oğlum yazır? Azərbaycan Respublikasında hərbi xidmətə çağırışın əsasları haqqında Azərbəaycan respublikasının qanunun, Ailə vəziyyətinə görə çağırışa möhlət verilməsi yəni 17-ci Maddənin tələblərinə uyuram. Belə ki, atam 2010-cu ildə vəfat edib, anam 1-ci qrup əlildir, bacım evlidir (Mingəçevirdə yaşayır), ailədə anam və mənəm. 35yaşına kimi möhlət hüququ sonunda verilən hərbi bilet necə qey ediləcək (yararlı və ya yararsız)? Ailə sayı artarsa ( məs. evlənsəm) möhlət hüququ pozulurmu?. Möhlət hansı hallarda pozulur? 17 maddənin təstiqi üçün hansı prosesləri, sənədləşdirmə işləri yerinə yetirməliyəm?

Bildiririk ki, Hal-hazırda Azərbaycan Respublikasında hərbi vəzifənin və hərbi xidmətkeçmənin hüquqi tənzimlənməsi “Hərbi vəzifə və hərbi xidmət haqqında” Azərbaycan Respublikasının 23 dekabr 2011-ci il tarixli 274-IVQ nömrəli Qanunu ilə müəyyən edilir.    ”Hərbi vəzifə və hərbi xidmət haqqında” Azərbaycan Respublikası Qanununun 19.1-ci maddəsinə əsasən, himayəsində başqa övladı olmayan I qrup əlil ata, yaxud ana olan çağırışçılara ailə vəziyyətinə görə müddətli həqiqi hərbi xidmətə çağırışa möhlət verilir. Həmin Qanunun 19.2-ci maddəsinə əsasən, çağırışçılara ailə vəziyyətinə görə müddətli həqiqi hərbi xidmətə çağırışa möhlət 35 yaşa qədər verilir. Bu yaşa qədər çağırışdan möhlət hüququnu itirməmiş şəxslər dinc dövrdə müddətli həqiqi hərbi xidmətdən azad olunurlar və ehtiyata keçirilirlər. Qanunun bu maddəsi ilə çağırışdan möhlət verilmiş çağırışçı yalnız möhlət verilməsinə əsas olmuş şəxsin (çağırışçının himayəsində olan şəxs) vətəndaşlıq və ya sağlamlıq vəziyyətində baş verə biləcək dəyişiklikdən sonra möhlət hüququnu itirmiş hesab edilə bilər. Çağırışçılara müddətli həqiqi hərbi xidmətə çağırışdan möhlət yaşadığı və ya olduğu yer üzrə rayon çağırış komissiyaları tərəfindən verilir. Odur ki, qeyd olunan məsələ ilə əlaqədar qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölməsinə müraciət etməyiniz tövsiyə olunur. 
Telman Soruşur Yazılma Tarixi:30.05.2020 02:08:51

Salam Men Azerbaycan Dovlet Deniz Alademiyasin bu il bitirdim ve Iyulda herbi xidmete cagirildim menim Herbi Deniz donanmasinda Xitmet etmeyim üçün ne etmeliyem ? Ixtusasimda Kapitan ve kapitanin novbe kömeycisidir xais edirem cavablandirasiz

Bildiririk ki, həqiqi hərbi xidmətə çağırılmış vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü xüsusi kompüter proqramı vasitəsi ilə aparıldıqdan sonra onlar təyin olunduqları qoşun növlərinin daxili bölgüsünə əsasən hərbi hissələrə təyin edilirlər.
Sahib Soruşur Yazılma Tarixi:27.05.2020 15:12:26

Dəflərlə müraciət etmişəm hər dəfə deyilib ki, karantin qurtardıqdan sonra uşağınız MHHK-yə təsdiq olunmağa göndəriləcəkdir.övladım Zəngilan qeydiyyatında olan 2002-ci il təvəllüdlü oğlum Nəsirli Novruz Sahib oğlu. Apreldə çağırışa düşürdü. Lakin SHXÇDX-nin Zəngilan rayon bölməsi tərəfindən Travmatologiya və Dəri Zöhrəvi Dispanserinə göndəriş verildi. Hər iki göndərişin nəticəsində həm ayağında həmdə dərisində xəstəlik olduğu üçün yararsız sayıldı. MHHK-na göndərilmir. Oğlum ali məktəbə sənəd vermək istəyir Tələbə olmaq üçün isə sənəd istənilir. Xahiş edirəm ki mənim uşağımın sənəd verilməsinə kömək edəsiniz.

Məlum olmuşdur ki, barəsində rayon çağırış komissiyası tərəfindən qəbul edilən qərarın təsdiq olunması üçün, 2002-ci il təvəllüdlü Nəsirli Novruz Sahib oğlu nəzarət qaydasında Xidmətin Mərkəzi hərbi həkim komissiyasında tibbi şəhadətləndirilmiş və nəticədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilmişdir. Əlavə olaraq bildiririk ki, N.S.Nəsirli müvafiq sənədlə təmin olunmuşdur.
Elnur Soruşur Yazılma Tarixi:26.05.2020 16:04:19

Salam bağışlayın narahat edirəm.Mənim ürəyim də 3 taylı qapağ yoxdu yəni yalnız 2 taylı qapağ var anadangəlmə belədir və dünya əhalisinin çox az hissəsində belə bir şey var.Lakin demək olar hər gün məşq edirəm futbol oynarkən belə daim qaçıram heç bir problem olmur uşağlığdan bununla bağlı heç bir şikayətim olmayıb.Boyum 1.80-dir kütləm 70 kqdan artığ olar və hərbi xidmətə getmək istəyirəm.İyulda getməliyəm.Bilmək istərdim ki mən yararlı sayılıram ya yox? Çox xahiş edirəm cavab yazasınız

Bildiririk ki, “Anadangəlmə ürək qüsuru: Bikuspid aortal qapaq” Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 80-cı maddəsinin “c” bəndinin I qrafasına əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.
Mətləb Soruşur Yazılma Tarixi:26.05.2020 13:57:29

Salam. Hər vaxtınız xeyir. Xarici ali təhsil müəəsisələrinin 4 cü kursu bu il koronavirus səbəbilə dayandırlmışdır. İmtahanlar oktyabr ayına salınmışdır. Bu zaman iyul çağırışı necə olacaq?

Bildiririk ki,mövcud normativ hüquqi aktların tələblərinə uyğun olaraq 2020-ci ilin iyul çağırışında vətəndaşların müddətli həqiqi hərbi xidmətə çağırışı iyul ayının 1-dən 30-dək keçirilməlidir. Ali təhsil müəssisələrini cari ildə bitirən və iyul çağırışına cəlb edilməli olan çağırışçılar barədə aidiyyəti dövlət qurumları tərəfindən qəbul olunacaq qərarlar nəzərə alınmaqla müvafiq tədbirlər həyata keçiriləçəkdir.
Azər Soruşur Yazılma Tarixi:26.05.2020 13:11:36

Salam mene verilmiş cağırış kağızında ayın 20 si yola düşmeliydim hele men aparmayiblar herbi xidmete hansi herbi xidmete düşdüyümüde demirler nece olacaq bele?

Qeyd etdiyiniz məsələ ilə bağlı Xidmətin qeydiyyatda olduğunuz Lənkəran rayon şöbəsinə müraciət etməyiniz tövsiyə olunur.
Tamerlan Soruşur Yazılma Tarixi:26.05.2020 12:43:40

Salam mən bu ilin iyul ayında hərbi xidmətə getməliyəm vaynkamatdan yoxlanışa keçərkən 2019cu il noyabrda qalxanvari vəzi əməliyyatı olmuşam və bir payı götürülüb dərman qəbul edirəm hal-hazırda.Məni Respublikanski xəstəxanasına göndərdilər orda müayinə olundum və dedilər qərarı rayon komissarlığına bildirəcik.Bilmək istərdim ki mən hərbiyə yararlıyam yoxsa yox? və bu qərarı xəstəxana verir yoxsa rayon komissarlığı?

Məlum olmuşdur ki, səhhətinizlə bağlı şikayətiniz nəzərə alınaraq, Siz Xidmətin Saatlı rayon şöbəsinin hərbi həkim komissiyası tərəfindən 20.05.2020-ci il tarixdə akademik M.Ə.Mirqasımov adına Respublika Kliniki Xəstəxanasına müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Akt”ı Xidmətin Saatlı rayon şöbəsinə daxil olduqdan sonra, rayon çağırış komissiyası tərəfindən Sizin həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Murad Soruşur Yazılma Tarixi:25.05.2020 17:22:51

Salam mənim 18 yaşım 20.06,2020 ci tarixdə tamam olur.Mən bu il yenidən hazırlanıb imtahan vermək istiyrdim ancaq covid-19 pandemiyasına görə imtahan vaxtları uzadıldı ancaq çağırış vaxtları uzadılmadı və mən imtaha ərizə verməkim mümkün olmadı yəni mən covid-19 pandemiyasına görə pis vəzyətə düşdüm Mənim imtahan verməyim mümükün deyil?

Bildiririk ki, 2020-ci ildə orta ümumtəhsil məktəblərini bitirən çağırış yaşlı vətəndaşlara Respublikanın ali və orta ixtisas təhsili məktəblərinə 2020-ci ildə keçiriləcək qəbul imtahanlarında iştirak etmələri üçün çağırışdan möhlət verilir. Bunun üçün onlar qəbul imtahanlarında iştirak etmələri barədə “Abituriyentin elektron ərzizəsi”nin surətini Xidmətin qeydiyyatda olduqları yerli idarə, şöbə və ya bölməsinə təqdim etməlidirlər. 2019-cu ilin məzunu olan çağırış yaşlı vətəndaşlar isə Respublikanın ali və orta ixtisas təhsili müəssisələrinə 2020-ci ildə keçiriləcək qəbul imtahanlarında sağlamlıq və ya ailə vəziyyətinə görə möhlət hüquqları olduğu halda iştirak edə bilərlər. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  12.4-cü maddəsinin tələblərinə əsasən, vətəndaşların müddətli həqiqi hərbi xidmətə çağırılması haqqında Azərbaycan Respublikasının Prezidentinin aktı qüvvəyə mindikdən sonra müddətli həqiqi hərbi xidmət keçməmiş, müddətli həqiqi hərbi xidmətə çağırışa möhlət hüququ olmayan və ya müddətli həqiqi hərbi xidmətə çağırışdan azad edilməyən çağırışçılar yaşayış yeri və ya olduğu yer üzrə hərbi qeydiyyatda olduğu, hərbi qeydiyyatda olmayan çağırışçılar isə yaşayış yeri üzrə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə gəlməlidirlər.
Orxan Soruşur Yazılma Tarixi:25.05.2020 11:33:58

Salam, 2020-2021-ci il tədris ili üçün ölkəmizdə magistratura səviyyəsi üzrə imtahana daxil olmuşam. İndi mənlə yoxlanış üçün əlaqə qurulmayıb magistraturaya imtahan verənlər iyul çağırışında yoxsa oktyabr çağırışında yoxlanışa çağırılır? Yoxlanışa görə mənimlə əlaqə qurulmamış özüm könüllü formada həkim ekspertizasından keçə bilərəm?(uzunmüddətli hipotireoz olmuşam, onun sənədlərini təqdim etmək istəyirəm)

Cari ildə ali təhsil müəssisələrinin bakalavriat səviyyəsini bitirdiyinə görə möhlət müddəti bitən çağırışçılar ümumi əsaslarla çağırışa cəlb edilir və hərbi həkim komissiyasında tibbi yoxlanışdan keçirilirlər. Magistratura səviyyəsinə qəbul üçün imtahanlarda iştirak edən çağırışçılar magistratura səviyyəsinə qəbul imtahanlarının nəticələri çağırış müddətində məlum olduğuna görə hərbi həkim komissiyasında tibbi yoxlanışdan keçməlidirlər.
Camal Soruşur Yazılma Tarixi:25.05.2020 02:51:59

Salam. Ali tehsilli şexslerde herbi xidmet muddeti ne qederdir?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər. Ali təhsilli müddətli həqiqi hərbi xidmət hərbi qulluqçuları ali təhsil almaları barədə təhsil müəssisəsindən verilmiş dövlət nümunəli sənədin notarial qaydada təsdiq edilmiş kserosurətini xidmət etdikləri hərbi hissəyə təqdim etməlidirlər.  
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.