Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
İxtiyar Soruşur Yazılma Tarixi:12.05.2020 19:25:41

Salam mənim oğlum ayin 18 i hərbi xidmətə yola düşəcək bilmək istərdik nə sms gəlir nədəki saytda cavab çixmir ayin axri gedenler üçün demek olar ki cavab gelmeyib nə vaxt məlum olacaq bəs ?

Bildiririk ki, vətəndaşların hərbi hissələrə təyin olunmaları haqqında növbəti məlumat 22-25 may tarixindən etibarən sms vasitəsi ilə veriləcəkdir.            Əlavə olaraq qeyd edirik ki, həmin tarixdən özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.           Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Mətin Soruşur Yazılma Tarixi:12.05.2020 16:49:49

Salam,mənə iyul ayı üçün çağırış gəlib və mən universitetdə,4-cü kursda təhsil alıram,iyul ayında universitetə olan kredit borcumu ödəyib,sentyabr ayında diplom imtahanına girə bilərəm,mən oktyabr çağırışda xidmətə getməkçün nə etməliyəm,hansı sənədlər tələb olunur?

Bildiririk ki, təhsilə görə verilmiş möhlət müddəti bitdiyinə görə çağırışa cəlb olunan çağırışçılar çağırışa hazırlıq dövründə öyrənilmə zamanı tələb olunan qaydada tərtib olunmuş təhsilini bitirməməsi barədə təhsil müəssisəsindən verilmiş arayışı Xidmətin qeydiyyatda olduqlarlı yerli idarə, şöbə və bölmələrinə təqdim etdikləri halda, onlara çağırışdan möhlət verilməsi məsələsinə baxıla bilər.
Balabəy Soruşur Yazılma Tarixi:11.05.2020 20:54:02

Salam xaiş edirem mene kömey olun mene 2019cu ilde 20.3 madeni veribler 2020 ci ilin iyul ayinda bir ilim olur müraciyet edib vaxtindan evvel gede bilerem esge,gedirem deyirler mümkun deyil,xaiş edirem mene kömey olun esger gedmey isdeyirem könülü de olsa gederem

Bildiririk ki, Sizin vaxtından əvvəl təkrar tibbi şəhadətləndirilməniz dövlət səhiyyə sistemi müəssisələrində, digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Xidmətin yerli idarə, şöbə və ya bölməsinə təqdim edildiyi halda mümkündür. Qeyd edirik ki, vətəndaşların könüllü olaraq müddətli həqiqi hərbi xidmətə göndərilməsi məsələsi mövcud qanunvericilikdə nəzərdə tutulmamışdır.
Rövşən Soruşur Yazılma Tarixi:11.05.2020 14:28:53

Salam, mən Rövşən Müslumzadə. Mənim 25 yaşım var. Hərbi xidmətdə olmamışam, amma mənə vyeni bleti verilib. Biletdə göstərilən 56.b maddəsinə əsasən xidmətə getməmişəm. Bu maddə hansı xəstəliyi bildirir ?

Bildiririk ki, “Dişləmin aralanmasının 5 mm-dən artıq olması və ya N.İ.Aqapova görə, çeynəmə səmərərliyinin 60 faizdən az olması ilə səciyyələnən II-III dişləm anomaliyaları” Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 56-cı maddəsinin “b” bəndinin I qrafasına əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.
Famil Soruşur Yazılma Tarixi:11.05.2020 11:52:03

Salam mən bilmək istəyirəm ki may ayının 25i 18 yaşım tamam olur hərbi xidmətə getmək mümkündür

Bildiririk ki, 18 yaşı 2020-ci ilin may ayında tamam olmuş vətəndaşlar həmin ilin iyul ayında müddətli həqiqi hərbi xidmətə cəlb olunacaqlar. 
Üzeyir Soruşur Yazılma Tarixi:10.05.2020 10:43:44

Salam. Məni 14 May 2020 saat 9 üçün qeydiyyatda olduğum Balakən rayonu tibbi komissiyaya çağırılmışam. Mən təhsilimlə əlaqədar Bakı şəhərində yaşayıram. Mənim müəyyən psixoloji narahatlıqlarıma görə uzun məsafələrə qatar xaric digər avtobus, avtomobil və digər nəqliyyat vasitələri ilə gedə bilmirəm. Mövcüd Covid-19 pandemiyası ilə də əlaqədar bölgələrə gedən sərnişinlər üçün qatar reysləri dayandırılıb. Sualım olacaqdı bu vəziyyəti nəzərə alaraq olar mı ki mənim tibbi yoxlanışım yaşadığım Bakı şəhərindəki hər hansı bir tibbi komissiyada keçirilsin?

Bildiririk ki, Sizin hərbi xidmətə yararlılıq dərəcənizin təyin olunması məqsədi ilə Xidmətin qeydiyyatda olduğunuz Balakən rayon şöbəsinin hərbi həkim komissiyasında tibbi baxışdan keçirilməyiniz mütləqdir və ehtiyac olduğu halda müvafiq tibb müəssisəsində müayinə olunaraq hərbi xidmətə yararlı olub-olmamağınız barədə rayon çağırış komissiyası tərəfindən qərar qəbul olunacaqdır. Əlavə olaraq bildiririk ki, koronavirus (COVİD-19) pandemiyasına qarşı ölkə ərazisində keçirilən preventiv tədbirlərlə əlaqədar Bakı şəhərində yaşayan, lakin rayon qeydiyyatında olan 2020-ci ilin iyul çağırışçılarının Xidmətin qeydiyyatda olduqları struktur bölməsinə gəlmələrinin təmin edilməsi üçün onlar Xidmətin Bakı şəhərində yerləşən struktur bölmələri tərəfindən müvafiq çağırış vərəqəsi ilə təmin olunacaqlar.
Samir Soruşur Yazılma Tarixi:09.05.2020 20:44:59

Salam.Ehtiyatda olan baş leytenantam.Səfərbərlik və Hərbi Xidmətə Çagırış üzrə Dövlət Xidmətində işləyə və ya xidmət edə bilərəm?bunun üçün hara muraciət edə bilərəm?

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Nəzərinizə çatdırırıq ki, Sizin Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınız məqsədəuyğun hesab edilməmişdir.
Rəsul Soruşur Yazılma Tarixi:09.05.2020 20:33:45

Atam 1 qrup gözdən əlildir. Mənə vaynkamatdan dedilər ki qardaşının 18 yaşı olmalıdır ki sən əsgər gedəsən. Mən isə getmək istəyirəm. Bunu necə edə bilərəm?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 19.1.1-ci maddəsinin tələblərinə əsasən, həqiqi hərbi xidmətə çağırışdan ailə vəziyyətinə görə möhlət himayəsində başqa övladı olmayan 1-ci qrup əlil ata, yaxud ana olan, 19.1.2-ci maddəsinə əsasən himayəsində 3 və daha çox uşaq olan, 19.1.5-ci maddəsinə əsasən isə himayəsində 18 yaşınadək və yaxud 1-ci qrup əlil qardaş və ya bacı, onları saxlamaq imkanına malik başqa ailə üzvləri olmayan çağırışçılara verilir.           Əlavə olaraq bildiririk ki, ailə vəziyyətinə görə möhlət hüququna malik olan çağırışçıların könüllü şəkildə möhlət hüququndan imtina edərək müddətli həqiqi hərbi xidmətə göndərilməsi məsələsi mövcud qanunvericilikdə nəzərdə tutulmadığına görə Siz ailə vəziyyətinizə görə möhlət verilməsinə əsas verən xüsusatlarda dəyişiklik baş verdiyi və qanunla müəyyən olunmuş qaydada möhlət hüququnuzu itirdiyiniz halda müddətli həqiqi hərbi xidmətə çağırışa cəlb edilə bilərsiniz.
Vahid Soruşur Yazılma Tarixi:08.05.2020 21:28:25

Salam hörmətli cənablar, Oglumun 18 yaşı tamam olur. Hal-hazırda xaricdə ali təhsil alır. Möhlət hüququ almaq üçün hansı sənədləri, nə formada (tərcümə, notarial təsdiq və s.) təqdim etməli olacağım barədə məlumat almaq istərdim. Əvvəlcədən təşəkkür

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  21.1.5-ci maddəsinə əsasən xarici ölkələrdə əyani təhsilalma formasında ali təhsil pilləsinin bakalavriat, magistratura və doktorantura səviyyələrində, tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək müddətli həqiqi hərbi xidmətə çağırışdan möhlət verilir. Buna görə də xarici ölkələrdə təhsil alan vətəndaşlar həmin təhsil müəssisəsinin tərcümə və notarial qaydada təsdiq olunmuş arayışını Xidmətin qeydiyyatda  olduqları yerli idarə, şöbə və bölmələrinə şəxsən təqdim etdikləri halda, barələrində müvafiq qərar qəbul edilə bilər.
Fərid Soruşur Yazılma Tarixi:08.05.2020 21:11:33

Salam. Mən son kurs tələbə olduğum üçün hərbi xidmətə bildiyim qədərilə iyul ayında yollanacam. Bilmək istəyirəm ki, hərbi xidməti harada keçəcəyim və ya hansı qoşun növündə keçəcəyim haqqında məlumatı nə vaxt və haradan öyrənə biləcəm? Təşəkkür edirəm.

Bildiririk ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir.            Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər.            Əlavə olaraq qeyd edirik ki, çağırışçılar müddətli həqiqi hərbi xidmət keçmək üçün təyin olunduqları xidmət yerləri barədə sms vasitəsilə məlumatlandırılacaqlar.
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.