Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
rəfail Soruşur Yazılma Tarixi:17.04.2020 22:59:10

MEN Rəfail həsənov may ayinin 18 ad gunumdu. Karona virus ile bagli cagrisin muddeti may ayinin 31 verildi. Men hacan gedecem ve cagrisim hacan gelecek? xais edirem bunla bagli meni xeberdar edin.

Bildiririk ki, 18 yaşı 2020-cu ilin may ayında tamam olmuş vətəndaşlar həmin ilin iyul ayında müddətli həqiqi hərbi xidmətə cəlb olunacaqlar   Əlavə olaraq qeyd edirik ki, Xidmətin yerli idarə, şöbə və bölmələrində 2020-ci ilin iyul çağırışına hazırlıq may və iyun aylarında aparılır.
Rauf Soruşur Yazılma Tarixi:17.04.2020 20:36:48

Salam men Memmedzade Rauf İbrahim oğlu 1989 ci ildə anadan olmuşam 2006 ci ildə Həqiqi herbi xidmətə çağirilmişam 2007 ci ildə hərbi xidmətimi bitirmişəm 2015 ci ildə Daxili işlər nazirliyin Daxili qoşunlarina daxili olmuşam 2018 ci ildə 3 il müddətimi bitrib təxris olmuşam sizdə xayiş edrem məndə Milli ordya işə qəbul edesiz mümkünsə ?

Portala daxil olan müraciətinizə əsasən bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçməsi Azərbaycan Respublikasının Müdafiə Nazirliyi, Azərbaycan Respublikasının Daxili İşlər Nazirliyi, Azərbaycan Respublikasının Fövqəladə Hallar Nazirliyi, Azərbaycan Respublikasının Ədliyyə Nazirliyi, Azərbaycan Respublikasının Dövlət Təhlükəsizliyi Xidməti, Azərbaycan Respublikasının Dövlət Sərhəd Xidməti, Azərbaycan Respublikasının Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Bu səbəbdən qeyd etdiyiniz məsələ ilə bağlı xidmət keçmək istədiyiniz qoşun növü üzrə aidiyyəti nazirliyə və ya müvafiq hərbi hissə komandanlığına müraciət etməyiniz məqsədəuyğundur.
ZAUR Soruşur Yazılma Tarixi:17.04.2020 13:05:42

Salam xaiş edirem mene veteran statusu almag ucun kömeklik edesiniz men 16 04 1994 çü ilde hegigi herbi xidmete cagrilmişam 20 10 1997 çi ilde texris olmuşam herbi xidmetim de ön çebhede xidmet etmişem ne ücün mene veteran statusu verilmir bu cox hagsizlidgi men veten ücün gencliyimi vermişem saglamligimi itirmişem indiye geder ne ucun mene veteran statusu vermirler.09038204 Zaur Memmedov Isgender

Bildiririk ki, “Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında Əsasnamənin və müvafiq vəsiqələrin nümunəsinin, eskizinin və təsvirinin təsdiq edilməsi haqqında” Azərbaycan Respublikası Nazirlər Kabinetinin 22 sentyabr 1995-ci il tarixli 216 nömrəli qərarına əsasən veteran adı və müvafiq vəsiqələri, vətəndaşların hansı qoşun növündə xidmət keçməsindən asılı olaraq tələb olunan sənədlər (nizami hissə üzrə əmrdən çıxarışlar və ya arxiv arayışları mütləqdir) əsasında Azərbaycan Respublikasının Müdafiə, Daxili İşlər, Fövqəladə Hallar, Ədliyyə Nazirliklərinin, Dövlət Təhlükəsizliyi, Xarici Kəşfiyyat, Xüsusi Dövlət Mühafizə, Dövlət Sərhəd, Səfərbərlik və Hərbi Xidmətə Çağırış üzrə Dövlət Xidmətləri nəzdində yaradılmış komissiyaların rəyi ilə verilir.             Odur ki, tələb olunan sənədlərlə xidmət keçdiyiniz qoşun növünün aidiyyəti komissiyasına müraciət etməyiniz məqsədəuyğundur.
Yusif Soruşur Yazılma Tarixi:17.04.2020 12:57:07

Salam. Mənim 17 yaşım var bir il bundan əvvəl vayınkomatdan qeydiyyatdan keçdim və həmin vaxtı şəxsiyyət vəsiqəmi nömrəsi başqa idi indi isə yeniləmişəm və bu saytda qeydiyyatdan keçəndən sonra köhnə vəsiqənin nömrəsini yazıldığını gördüm. Bunun nəyəsə ziyanı ola bilər?

Qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.
Fərhad Soruşur Yazılma Tarixi:16.04.2020 13:47:22

Salam.Menim qardassim N sayli herbi xidmetdedir.Men onun diplomunu ne vaxt ve hara gondermeliyem ki , esgerlik 1 illik olsun? zehmet olmasa melumat verersizde

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər. Ali təhsilli müddətli həqiqi hərbi xidmət hərbi qulluqçuları ali təhsil almaları barədə təhsil müəssisəsindən verilmiş dövlət nümunəli sənədin notarial qaydada təsdiq edilmiş kserosurətini xidmət etdikləri hərbi hissəyə təqdim etməlidirlər.
Xəyal Soruşur Yazılma Tarixi:16.04.2020 11:54:02

Ad ve soyad deyişdirildikde çagirişçi vesiqesi deyişdirilmelidirmi?ve 34ç maddesi nedir?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 8.3-cü maddəsinə əsasən, Azərbaycan Respublikası Ədliyyə Nazirliyinin və Naxçıvan Muxtar Respublikasının ərazisində Naxçıvan Muxtar Respublikası Ədliyyə Nazirliyinin rayon (şəhər) qeydiyyat şöbələri hərbi vəzifəlilərin və çağırışçıların öz soyadının, adının, atasının adının dəyişdirilməsinin, vətəndaşlıq vəziyyəti aktlarının qeydiyyatında onların doğum tarixi və yeri haqqında dəyişikliklər edilməsinin, habelə bu şəxslərin ölümünün qeydiyyatı barədə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə 7 gün müddətində məlumat verməlidir. Eyni zamanda, soyad, ad və ya ata adının dəyişdirilməsi ilə bağlı çağırışçı tərəfindən müvafiq sənədlərin hərbi qeydiyyatda olduğu Xidmətin yerli idarə, şöbə və bölməsinə şəxsən təqdim etməsi məqsədəuyğundur. Digər sualınızla əlaqədar bildiririk ki, Azərbaycan Respublikasının Nazilər Kabinetinin  29.02.2008-ci il tarixli 59 saylı qərarı ilə təsdiq edilmiş «Hərbi-həkim ekspertizası haqqında» Əsasnamə”nin “Xəstəliklər cədvəli”nin 34 “ç” maddəsinə: “Hər hansı gözün meridianlardan birində 3,0 DPTR-dən artıq və 6,0 DPTR-ə qədər yaxıngörməsi və ya hər hansı gözün meridianlardan birində 6,0 DPTR-dən artıq və 8.0 DPTR-ə qədər uzaqgörməsi, yaxud hər hansı gözdə iki əsas meridianda 2.0 DPTR-dən artıq və 4.0 DPRT-ə qədər refraksiya fərqi ilə hər növ astiqmatizm” aiddir.
Dilarə Soruşur Yazılma Tarixi:16.04.2020 03:33:42

Salam.Mən həqiqi hərbi xidmətə yəni işə qəbulla bağlı müraciət etmək istəyirəm.39 yaşım var ,tam orta təhsilim var, Şirvan iqtisadi və humanitar kollecini bitirmişəm.Bildiyimə görə 40 yaşa qədər qadınlar müraciət edə bilər.İşə necə qəbul ola bilərəm?Xahiş edirəm bir təlimat verin .Öncədən təşəkkür edirəm.

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Nəzərinizə çatdırırıq ki, hal-hazırda Səfərbərlik və Hərbi Xidmətə Çağırış üzrə Dövlət Xidmətində qadınlar üçün nəzərdə tutulmuş hərbi vəzifələr üzrə vakant yerlər olmadığı üçün, Sizin həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün deyil.
Elşən Soruşur Yazılma Tarixi:13.04.2020 22:58:41

Xahis edirem menim bu mesajima diqqet yetiresiniz men 13.09.2011 ci ilde pul ile Herbi bilet almisamHekim ve Vasitesi ile (Mehdud Yararli) ve men indi heqiqi herbi xidmete getmek isteyirem ve menden pul isteyirler getmeyimede Sumqayit herbi komissarliginda.Bir nece defelerle meni butun xestexanalara gonderdilerki get saglamliq haqqinda kagiz getir ve bir bir butun hekimlerden kecdim ve saglam oldugum baresinde kagizlar getirdim ama buna baxmayaraq yenede meni surundururler yeni qisacasi pul isteyirler.cox xahis edirem bu mesajimi cavablandirasiniz eyer cavab gelmediyi halda Mudafie Nazirliyine muraciet etmeli olacam.

Portala daxil olan müraciətinizə əsasən bildiririk ki, Siz hərbi xidmətə çağırılarkən 14.07.2011-ci il tarixdə Xidmətin Sumqayıt şəhər idarəsinin hərbi-həkim komissiyası tərəfindən «Xəstəliklər cədvəli»nin 17«b» maddəsi ilə «dinc dövrdə həqiqi hərbi xidmətə yararsız, müharibə dövründə məhdud yararlı» hesab edilmisiniz. 27.08.2018-ci il tarixdə Sumqayıt şəhər idarəsinə ərizə ilə müraciət edərkən tibbi şəhadətləndirilmək üçün 1 nömrəli Respublika Psixiatriya xəstəxanasına göndərilmisiniz. Sağlamlıq vəziyyətinin müayinə edilməsi aktında «hal-hazırda psixi xəstəlik aşkar edilmir. Anamnezində keçirilmiş nevrostik reaksiya» diaqnozu müəyyən edilmişdir. Qeyd olunan diaqnoz nəzarət qaydasında əlavə tibbi müayinədən keçirilərkən də təyin olunmuşdur.             Bildiririk ki, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında» Əsasnamənin 6.3-cü maddəsinə əsasən, «hərbi xidmətə yararsız hesab edilmiş vətəndaşlar dövlət səhiyyə sistemi müəssisələrində və ya digər tibb müəssisələrində müayinə nəticəsində onlarda əvvəllər müəyyən edilmiş diaqnoz dəyişdirildiyi və ya onlar sağlam hesab edildikləri halda təkrar şəhadətləndirilirlər». Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Bu səbəbdən qərarın Xidmətin Mərkəzi HHK-da təsdiq olunması üçün Sizə dəfələrlə xəbərdarlıq edilməsinə baxmayaraq komissiyaya getməkdən imtina edirsiniz.
Oruc Soruşur Yazılma Tarixi:13.04.2020 06:03:00

Salam . Mən martın ortaları Asan Xidmətə şəxsiyyət vəsiqəmi itirdiyim üçün yenisi almağa getmişdim . Dedilər sizin Hərbi Xidmətiniz görsədilmir . Mən Hərbi Bileti və Şəxsiyyət Vəsiqəmi itirmişəm sənədlər qarışıq. Gəldim Xəzər rayon Hərbi Komisarlığa. Ordakı şöbədə xanım komptuterde baxdı yoxdu. Arxivde demek olarki məndən başqa o vaxtı xidmətdə olanlar yoxdu. Mən 2005 oktyabrdan 2007 aprele kimi Naxçıvan MR Şahbuz rayonu 050 saylı hərbi hissədə qulluq eləmişəm. Özüm baş əsgər. 81 mm mina atıcı batareyanın baş tuşlayıcıyam. Dedilər ərizə yaz hərbi hissəyə bildirək ordan mənim hərbi xidmətdə olduğum barədə sorğu göndərsinlər. Artıq 1 aydı Xəzər Hərbi Komisarlığdan cavab yoxdu. Əlaqə nömrəmidə ərizə də qeyd etnişəm. Faksla hərbi hissəyə nə varki göndərmək. Orda hərbi hissəni gərargahının nizami hissəsinə. Xahiş edirəm mənə kömək görsədəsiz. Asan xidmətdə dedilərki haərbi komisarlığdan 1 kağız versinlərki bəli hərbi xidmətdə olub . Çünki mənim şəxsiyyət vəsiqəmdə hərbi xidmətdə olduğum qeyd edilib sadəcə olaraq təzə vəsiqələrdə nəsə başqacürdü. Xahiş edirəm mənə kömək edəsiz.

Portala daxil olan müraciətinizə əsasən bildiririk ki, xidmət illərinizin dəqiqləşdirilməsi ilə əlaqədar xidmət etdiyiniz qoşun növünün arxivinə sorğu edilməsi üçün Xidmətin Xəzər rayon idarəsinə müvafiq göstəriş verilmişdir. Səfərbərlik və Hərbi Xidmətə Çağırış üzrə Dövlət Xidmətinin Xəzər rayon idarəsi ilə əlaqə saxlamağınız məqsədəuyğundur.
Yusif Soruşur Yazılma Tarixi:12.04.2020 19:12:34

Salam.Mən Mingəçevir şəhəri qeydiyyatindayam...Sadəcə olaraq Mingəçevir şəhər hərbi hissəsinə verdiyim telefon nömrəmi dəyişmişəm.Sualim odur ki məni hərbi xidmətə cagirdiqda mənə nə formada məlumat veriləcək?Orda yaşamadığıma görə yenidən gedib yeni nömrəmi verməliyəm.Ya da bu telefonnan mümkündürmü?Yeni zəng vasitəsilə məlumat vermək olarmı?Zəhmət olmasa cavablandirin

Qeyd etdiyiniz məsələ ilə bağlı Xidmətin Mingəçevir rayon şöbəsinə müraciət etməyiniz tövsiyə olunur. 
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.