Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Dünyamalı Soruşur Yazılma Tarixi:27.09.2018 15:53:15

Salam , Mən 22.12.1986 cı il təvəllüdəm . Hərbi xidmətdə olmuşam . Tam orta təhsilliyəm . Mən Sizin xidmətə müddətdən artıq hərbi xidmətə qəbul oluna bilərəm . Əvvəlcədən təşəkkür edirəm

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, hal-hazırda Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxıldığına görə, Sizin həqiqi hərbi xidmətə qəbul olunmağınızla bağlı müraciətinizin müsbət həlli mümkün hesab edilməmişdir.
Yusif Soruşur Yazılma Tarixi:27.09.2018 15:23:44

Salam. Men sexsiyyet vesiqenin nomresini 9100 gonderdim mene mesaj geldi yazildiki gonderilen sexsiyyet vesiqesine uygun cagrisci tapilmadi zehmet olmasa melumat vererdiz oktyabrin 1 esger gedrem

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 oktyabr tarixindən etibarən Xidmətin rəsmi saytında yerləşdiriləcəkdir.
Anar Soruşur Yazılma Tarixi:27.09.2018 15:03:14

Salam oktyabrin 2si cagirisimdi sentyabrin 25i telefonuma smsle MN 999sayli herbi hisseye teyin edilmisiniz yazildi Bilmey istirdim bu herbi hisse harda yerlesir xidmet edeceyim yer yeni

Bildiririk ki, “Dövlət sirri haqqında” Azərbaycan Respublikası Qanununa əsasən, qoşunların dislokasiyası (yerləşdiyi ərazi) barədə məlumat hərbi sahədə dövlət sirri təşkil edən məlumatlara aid edilir. Azərbaycan Respublikasının qanunvericiliyinə əsasən, dövlət sirri təşkil edən məlumatların yayılması cinayət məsuliyyətinə səbəb olur. 
Mehti Soruşur Yazılma Tarixi:27.09.2018 14:22:35

Salam Mən 1996 ci il təvəllüdlüyəm menim öd kisəmdə 6 mm polip olduğuna görə Sumqayıt şəhər hərbi komisarlıqı Məni Onkologiya mərkəzinə göndəriş verdi və orda yoxlanışdan keçdim təsdiq olundu ki mənim öd kisəmdə 6 mm polip var konsultasiyada oldum ve mənə bildirildiki biz aktı komisarlıqa göndərəcəyik ama ki yerli hərbi komisarlıqdan hələ ki bir xəbər yoxdur ki mən hərbi xidmətə yararlıyam ya yox deyə zəhmət olmasa cavab verərdiniz.

Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi aktı” Xidmətin Sumqayıt şəhər idarəsinə təqdim edildikdən sonra, Sizin həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
yusif Soruşur Yazılma Tarixi:27.09.2018 09:36:10

salam. men oktyabr ayinin 2sine herbi xidmete cagirilmisam, ama 2si cagirianlara hamisina hansi herbi hisseye dusduyu haqqda mesaj gelib, mene gelmedi. bu neye gore ola biler xahis cavablandirin.

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Vüqar Soruşur Yazılma Tarixi:27.09.2018 00:34:29

Salam. Menim oktyabrin 29 -u 18 yasim tamam olacag ama esgerliye cagiris vereqesi gelmiyib mene xais melumat verersiz

Qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.
Turqay Soruşur Yazılma Tarixi:27.09.2018 00:03:46

Salam. Men işe qebulla bağlı müraciet etmek isteyirem ancaq her defe bir problemle qarşılaşıram tercümeyi hal yazıram yadda saxla eliyirem cıxıb tezeden girende tapa bilmirem. Ali tehsili tesdiq eden senedi gonderirem 630 kn hecminde sistem qebul elemir. Daima yazır ki 1 mb ölçüsünü keçmemelidir. Her defe sayta daxil olanda xidmet reisinin adına erize göndermeliyem ki sonra anketi doldurum.

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Müraciətinizlə əlaqədar həftənin tək günləri Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbulu, keçirilən müsabiqənin (test imtahanı) və müsahibənin nəticələrinə, eləcə də fiziki hazırlıq göstəricilərinə (qəbul olunmuş normativlərə) uyğun olaraq müəyyən edilir. Test imtahanında ümumi bilik səviyyəsi və dünya görüşü yoxlanılır. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul edildiyiniz təqdirdə Siz Azərbaycan Respublikasının istənilən bölgəsində xidmət etməyə şərtsiz hazır olmalısınız. Ünvan: Bakı şəhəri, Səbail rayonu, Zərifə Əliyeva küçəsi – 30.
Elşən Soruşur Yazılma Tarixi:26.09.2018 21:22:38

Salam bagiwliyin narahat edirem Zerife Eliyeva goz klinikasina getdiyim cavablar saglam gelibdi indi gonderirler bu senedleri hospitala hekim eksperta bilmek isterdim cavab nece gune gelecey hospitaldan vaenkomata ? Zehmet olmasa xahiw edirem cavab vererdiz ? Men esgerliye getmek istiyirem bu oktyabr cagiriwina duwe bilerem ?

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, razılaşdırılmış qrafikə əsasən şəxsi işiniz Xidmətin Mərkəzi hərbi həkim komissiyasına təqdim olunmuş və şəhadətləndirilmə nəticəsində Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Hərbi xidmətə yararlıdır” hesab edilmisiniz. Siz, 2018-ci ilin oktyabr çağırışına cəlb olunacaqsınız.
Ruslan Soruşur Yazılma Tarixi:26.09.2018 21:14:58

İşə qəbul üçün müraciət ünvanlamışam müraciətimdə elaqə nömrəsi yerində ev nömrəmi göstərmişəm mənim müraciətimlə bağlı her hansı məlumat ve ya informasiya üçün 055 201 32 42 nömrəsinə məlumat vermeyinizi xahiş edirəm.

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla və ya poçt vasitəsilə, həqiqi hərbi xidmətə (işə) qəbulla əlaqədar (rəsmi ərizə ilə) müraciət edə bilərsiniz. Ərizəyə əlavə olunan İlkin sənədlər: - tərcümeyi-hal; - şəxsiyyət vəsiqəsinin sürəti; - diplomun sürəti (təhsil haqqında sənəd); - hərbi biletin sürəti. Ünvan: Bakı şəhəri, Səbail rayonu, Zərifə Əliyeva küçəsi – 30.
İlkin Soruşur Yazılma Tarixi:26.09.2018 21:03:20

Salam. Mən işə qəbul ilə əlaqədar sizə poçt və internet vasitəsilə ( mail) müraciət göndərmişəm. Bunun nəticəsini necə bilmək olar?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, ixtisasınız Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vakant vəzifələrin ixtisas profilinə uyğun olmadığına görə, Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Cədvəldə sətir sayı :13967

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.