Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Firdovsi Soruşur Yazılma Tarixi:24.09.2018 17:48:32

Oktyabırın 2 də həqiqi hərbi xidmətə çağırılmışam. 9100 nömrəsinə şəxsiyyət vəsiqəmin nömrəsini göndərdim xidmət haqqı çıxıldı ancaq cavab mesajı gəlmədi.

         Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Seyran Soruşur Yazılma Tarixi:24.09.2018 15:14:05

2018-cı ilin may ayında övladım Səlimli Ülvi Seyran oğlu Suraxanı Rayon Səfərbərlik və Hərbi Xidmətə Çağırış İdarəsi tərəfindən varkasil xəstəliyi şübhəsi ilə əlaqədar Topşubaşov adına Elmi Cərrahiyyə Mərkəzinə göndərilmişdir. Həmin Mərkəz tərəfindən təsdiq edilmiş diaqnoza əsasən övladıma hərbi xidmətdən möhlət hüqüqu verilmişdir . Bu ilin sentyabr-oktayabr aylarında yenidən ümümi həkim yoxlamasından keçmək üçün övladım yenidən çağırılıb. Varkasil ilə əlaqədar yoxlamadan başqa digər yoxlamalara göndəriş verilib və bu yoxlamalardan sonra hərbi xidmətə yararlı olduğu haqqda qərar verilib . Bilmək istərdim ki, oğlum xəstəliklər cədvəlinin hansı bəndinə əsasən yararlı hesab edilib? ( məsəlçun A 3, A 2)

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 45-ci maddəsinin “ç” bəndinin I qrafasının tələblərinə əsasən I-II-ci dərəcəli varikosele hərbi xidmətkeçməyə mane olmur. Həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə xüsusi kompyuter proqramı vasitəsi ilə bölünür.
İlkin Soruşur Yazılma Tarixi:24.09.2018 00:00:58

Salam. Mənim sizə 2 sualım var. 1)Mən işə qəbul üçün müraciəti göndərmək istəyəndə yenidən parol istəyir. 2) müraciətə şəkil (təhsilimi təsdiq edən sənədin surətini) yerləşdirmək istəyirəm. Fayl maksimum 1mb ola bilər yazılır. Ancaq şəkil 1mb-dan azdır.

Siz sistemdə qeydiyyatdan keçərkən daxil etdiyiniz email (email aktiv olmalıdır) və şifrə vasitəsilə giriş etməlisiniz. Faylın həcmi isə 1 mb-dan çox olduqda sistemə yüklənmir. Əgər yenidən göndərə bilməsəniz müraciətinizi info@seferberlik.gov.az email ünvanına göndərin.
Qalib Soruşur Yazılma Tarixi:23.09.2018 14:09:36

Salam men wexsiyyet vesiqemin nomresin gonderdim 9100 Ama cavab gelmedi Xaiw edirem melumat verin

Bildiririk ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir. Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər. Əlavə olaraq qeyd edirik ki, çağırışçılar müddətli həqiqi hərbi xidmət keçmək üçün təyin olunduqları xidmət yerləri barədə sms vasitəsilə məlumatlandırılacaqlar.
Elşən Soruşur Yazılma Tarixi:22.09.2018 23:18:49

Salam men Elshen Orucov Agstafa rayonun vaenkomati meni Seferberlik hospitala (Nesimi bazari yaxinliginda olan) gonderdiler avqust ayinda yoxlaniwa getdim ve hospital gozumle bagli diaqnoz verdiler ve Zerife Eliyeva adina goz klinikasina gonderdiler ve sentyabirin 10 da men Zerife Eliyeva adina goz klinikasina getdim ve muayineden kecdim eger burda cavab yaxwi ve yararli cixsa meni yeniden Seferberlik hospitalina gondereceyler ? Qeyd edimki helede Zerife Eliyeva goz klinikasinnan cavab gelmiyib Agstafa rayonun vaenkomatina birde bilmek isterdim cavab hacan gelecey ? Xahiw edirem sualima cavab vererdiz ?

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, razılaşdırılmış qrafikə əsasən şəxsi işiniz Xidmətin Mərkəzi hərbi həkim komissiyasına təqdim olunmuş və şəhadətləndirilmə nəticəsində Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Hərbi xidmətə yararlıdır” hesab edilmisiniz. Siz, 2018-ci ilin oktyabr çağırışına cəlb olunacaqsınız.
Kamran Soruşur Yazılma Tarixi:22.09.2018 13:43:24

salam men oktyabrin 2si hərbi xidmete gedirem hara düşdüyümü ayin necesi mesaj gönderimki bilim hara düşdüyümü?

Bildiririk ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir. Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər. Əlavə olaraq qeyd edirik ki, çağırışçılar müddətli həqiqi hərbi xidmət keçmək üçün təyin olunduqları xidmət yerləri barədə sms vasitəsilə məlumatlandırılacaqlar.
Şahin Soruşur Yazılma Tarixi:22.09.2018 12:00:20

Salam men mektebi 2 il sonra bitirecem qiyabi üniversitet oxumaq isteyirem herbi mohlet huququ verilirmi.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 21.1.4-cü maddəsinə əsasən, ali təhsil müəssisələrində və onların filiallarında  əyani təhsilalma formasında bakalavriatda, magistraturada, doktoranturada, ali baza tibb təhsili və rezidenturada təhsil alanlara təhsilini bitirənədək həqiqi hərbi xidmətə çağırışdan möhlət hüququ verilir.
Vüqar Soruşur Yazılma Tarixi:21.09.2018 21:06:50

salam.hərbi hissədə xəstəliyə tutularaq xəstəliklər cədvəlinin 15 ci maddəsinin 2- ci qrafasına görə hərbi ucotdan çıxardılaraq hərbi xidmətə yararsız hesab olunaraq qeydiyatdan çıxardılan vətəndaş hansı halda hərbi xidmətini yenidən yerinə yetirə bilər.?Yerli bölmədə bele halın qanunvericilikdə nəzərdə tutulmadığı bildirilir .bu hansı hallarda mümkündür.?

“Hərbi vəzifə və hərbi xidmət haqqında” Azərbaycan Respublikası Qanununun 42.0.2-ci maddəsinə əsasən, hərbi qulluqçular xəstəliyə görə hərbi həkim komissiyası tərəfindən həm dinc dövrdə, həm də müharibə dövründə hərbi xidmətə yararsız sayıldıqda həqiqi hərbi xidmətdən istefaya buraxılırlar. Həmin Qanunun 2.0.12-ci maddəsinə əsasən, sağlamlıq vəziyyətinə görə həm dinc dövrdə, həm də müharibə dövründə hərbi xidmətə yararsız hesab edilmiş şəxslər hərbi qeydiyyata götürülməli olmayanlardır. Qeyd olunanlara əsasən, bu kateqoriyadan olan şəxslərin təkrar hərbi xidmətə çağırılması qanunvericilikdə nəzərdə tutulmamışdır.
Rizvan Soruşur Yazılma Tarixi:21.09.2018 18:55:12

Salam. Bu gun xestelik ile elaqeder meni 3 nomreli poliklinikaya yolladilar.Bilmek istiyirem eger eyni xestelik ile elaqeder hec bir irelleyis yoxdursa mene nece defe istiqamet verecekler?

Müraciətinizlə bağlı müvafiq araşdırmanın aparılması məqsədi ilə təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Nurlan Soruşur Yazılma Tarixi:21.09.2018 18:28:21

Salam.Müraciətim xidmətə işə qəbul ilə əlaqədardır.23 yaşım var.Hərbi mükəlləfiyyətli,Ali təhsilliyəm(BDU-Kimya).Xarici dil biliyim vardir.22 aprel 2018-ci il tarixdə Dövlət Qulluğuna qəbul imtahanında inzibati və yardımçı vəzifələrin təsnifat toplusuna uyğun olaraq 6-7-ci təsnifat üzrə ən yüksək BB1 sertifikatı əldə etmişəm və 5 il qüvvədə olma müddəti vardır.Bilmək istəyirdimki,işə qəbulla əlaqədar müraciət etdikdə musabiqə(test imtahanı) mərhələsindən azad olunub tək müsahibə mərhələsinə buraxılacağam? Növbəti sualım hansı sənədləri kadlar idarəsinə təqdim etməliyəm? Digər sualım isə leytenant rütbəsi üzrə vəzifəyə qəbul olunacağam yoxsa gizir? Öncədən təşəkkürlər

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxıldığına görə, Sizin həqiqi hərbi xidmətə qəbul olunmağınızla bağlı müraciətinizin müsbət həlli mümkün hesab edilməmişdir.
Cədvəldə sətir sayı :13967

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.