Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Tural Soruşur Yazılma Tarixi:01.06.2018 22:45:08

mənim hərbi biletim yanıb. yeni hərbi bilet almaq üçün nə etməliyəm? xahiş edirəm mənə köməklik göstərərdiniz. öncədən təşəkkürlər.

Bildiririk ki, mövcud qanunvericiliyin tələblərinə əsasən etinasız saxlanılması nəticəsində hərbi bilet korlandığı və ya itirildiyi halda inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 607-ci maddəsi) tələb olunan sənədlər əsasında hərbi vəzifəlilərin hərbi qeydiyyatda olduqları yer üzrə Xidmətin yerli idarə, şöbə və bölmələri tərəfindən təkrar (yeni) hərbi bilet verilir. Odur ki, təkrar (yeni) hərbi biletin götürülməsi üçün şəxsiyyət vəsiqəsi, hərbi qeydiyyatda olduğunuz idarə, şöbə və ya bölmə rəisinin adına ərizə, 3x4 sm ölçüdə 2 ədəd fotoşəkillə, aidiyyəti üzrə şəxsən müraciət etməlisiniz. Əlavə olaraq, təbii fəlakət, yanğın və s. nəticəsində itirilmiş və ya korlanmış hərbi biletlərin əvəzinə yeni hərbi biletlər verilərkən yanğını və s. təsdiq edən orqanın arayışı əlavə edilir. Hərbi biletin korlanma və ya itirilmə şəraitinin yoxlanılması və təkrar (yeni) hərbi biletin verilməsinə əsas verən sənədlərin toplanılması müddətində hərbi vəzifəlilərə hərbi bilet əvəzi arayış verilir.
Aybəniz Soruşur Yazılma Tarixi:01.06.2018 16:53:55

Mən 06.01.2000-ci il təvəllüdlü Mahmudov Rüstəm Firuz oğlunun anasıyam. Oğlum ürəyində sanmcıdan ,döyüntüdən,tənginəfəslikdən,oynaqlarında ağrıdan tez yorulmasından səhhətində problemlər var. Onu bir necə dəfə müalicəyə aparmışıq. Lakin həkimin deməsinə görə bu uzunmüddətli müalicədir.2018-ci il aprel çağırışında hərbi xidmətə getməli idi. Onu həkim komissiyasından keçirəndə dedilər ki, ürək klapanlarında problemləri var və müalicəyə ehtiyacı var.Sonradan onu Bakı şəhərinə həkim komissiyasına apardım. Oradan oğlumun sağlam olması barədə cavab gəlib. Lakin mən bir ana kimi yenə oğlumun səhhətində problem olduğunu bilirəm.Oğlumun hərbi xidmətdən yayınmasının əleyhinəyəm.Sualım odur ki, yerli həkimlər övladımın müalicəyə ehtiyacı olduğunu dəfələrlə bildirsələr də nəyə görə onu iyul çağırışçısı kimi xidmətə aparacaqlar.İmkan versinlər,vaxt tanısınlar ki,övladımı mülicə etdirim,sonra hərbi xidmətə yola salım.

Bildiririk ki, barəsində rayon çağırış komissiyası tərəfindən qəbul edilən qərarın düzgünlüyünün yoxlanılması üçün, 2000-ci il təvəllüdlü Mahmudov Rüstəm Firuz oğlu nəzarət qaydasında Xidmətin Mərkəzi hərbi həkim komissiyasında tibbi şəhadətləndirilmiş və nəticədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Sıradankənar hərbi xidmətə yararlıdır” hesab edilmişdir. Övladınız 2018-ci ilin iyul çağırışına cəlb olunacaqdır.
Zaur Soruşur Yazılma Tarixi:31.05.2018 20:42:27

Salam. 3cu dereceli skalyoz xestesi herbiye yararlidir ya yox?

Nəzərinizə çatdırırıq ki, Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən onurğanın III mərhələ skoliozu olan çağırışçılar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
Araz Soruşur Yazılma Tarixi:31.05.2018 20:03:34

Salam. Mən həqiqi hərbi xidməti 2017-ci ildə başa vurmuşam. Ali təhsil aldığıma görə xidmət müddəti bir il olub. Hal- hazırda SHXÇDX-də öz xidmətimi leytenant rütbəsi almaqla davam etdirmək istərdim. Bunun üçün nə etməliyəm? Xidmətə qəbul ilə bağlı prosedurlar hansılardır? Öncədən təşəkkürlər.

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxıldığına görə, Sizin həqiqi hərbi xidmətə qəbul olunmağınızla bağlı müraciətinizin müsbət həlli mümkün hesab edilməmişdir.
Qurban Soruşur Yazılma Tarixi:31.05.2018 14:55:45

salam ayaqin 1 i 18mm 1 i de 22 mm men bilmek isteyirdim herbi xidmete yararli sayilir? zehmet olmasa cavablandirardinizda

Ayağın orta hissəsi oynaqlarının II mərhələ deformasiyaedici osteoartrozu olmadıqda çağırışçılar II dərəcəli yastıayaqlılıqla: boylama içəri tağın bucağı 141-155 dərəcə, tağın hündürlüyü 24-17 mm-dir, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin tələblərinə əsasən “Hərbi xidmətə yararlıdır. A-3” hesab edilirlər.
Vüsal Soruşur Yazılma Tarixi:31.05.2018 12:58:08

Salam.mən Səfərbərlik idarəsində imtahanda iştirak etdim.cavab gəlmədi imtahanla bağlı cavab deyərdiz mümkünsə

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Nəzərinizə çatdırırıq ki, 17.05.2018-ci il tarixdə keçirilmiş müsabiqənin nəticələrinə əsasən, Sizin Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul olunmağınız məqsədəuyğun hesab edilməmişdir.
Şəmistan Soruşur Yazılma Tarixi:31.05.2018 02:54:09

Salam. Gözüm də oftalmoloqun qoyduğu diaqnoza görə astiqatmitzm var. İyul çağırışçısıyam və 2015 də Naxçıvanski dən kəsilmişəm bu səbəbə görə ama vayenkom zabit normativlərinə yararsız əsgərliyə yararlı olduğumu söyləyir. İndi mən yararlıyam yararsız?

Məlum olmuşdur ki, səhhətinizlə bağlı şikayətiniz nəzərə alınaraq, Siz 2018-ci ilin iyul çağırışına hazırlıqla əlaqədar Xidmətin Binəqədi rayon idarəsinin hərbi həkim komissiyası tərəfindən aidiyyəti üzrə əlavə müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi aktı” Xidmətin Binəqədi rayon idarəsinə təqdim edildikdən sonra, Sizin həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Elmin Soruşur Yazılma Tarixi:30.05.2018 23:59:23

Salam. Mən Macarıstanda magistr təhsili üçün müraciət etmişəm. Cavablar isə avqust ayında diplomumu universitetə göndərdikdən sonra bilinəcək. Magistra müraciət etməyim və universitetin giriş imtahanını keçməyimi təsdiq edən sənəd vardır. Həmçinin məni hərbi komissarlığa çağırıblar və 3 iyul tarixinə çağırış veriblər. Mən magistrə müraciətlə bağlı sənədləri hərbi komissarlığa təqdim edib avqust ayınacan çağrışı təxirə sala bilərəm? Əgə bu mümkündürsə, lakin hərbi komissarlıqda mənə çətinlik yaradırlarsa, bununla bağlı hara müraciət etməliyəm?

Qeyd edirik ki, Siz, fərdi çağırış vərəqəsində göstərilən tarixdə qeydiyyatda olduğunuz Xidmətin yerli idarə, şöbə və ya bölməsində olmağınız tövsiyyə olunur və qanunvericiliyin tələblərinə uyğun olaraq ümumi əsaslarla müddətli həqiqi hərbi xidmətə çağırışa cəlb ediləcəksiniz.
Elsevər Soruşur Yazılma Tarixi:30.05.2018 22:08:40

Salam,men SHXCDX-nin mulki ise qebul olunmaqcun kecirilen test imtahaninda istirak etdim lakin muvafiq bali toplaya bilmedim.Sualim ondan ibaretdirki ikinci defe imtahanda istirak etmeyimcun ne qeder vaxt mehdudiyyeti qoyulur?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, 19.01.2018-ci il tarixdə keçirilmiş müsabiqədə zəif nəticə göstərdiyiniz üçün, Sizin Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınızla bağlı müraciətinizə yenidən baxılması məqsədəuyğun hesab edilməmişdir.
Tahir Soruşur Yazılma Tarixi:30.05.2018 21:51:10

Salam.adım tahirdir.hal hazırda işsizəm.boyum 1.73 çəkim 65.hərbi xidmətimi 03.01.2017-də bitirmişəm.atam xəsdədi.ailəni dolandıracaq gücü yoxdur.həbi xidmətimi gizir kimi davam etdirmək,və dövlətimə xidmət etmək isdiyirəm.0774773353,0503738466.xahiş edirəm ki müraciətimə baxasınız.

Nəzərinizə çatdırırıq ki, müraciətinizdə özünüz haqqında ətraflı məlumat vermədiyinizə görə barənizdə qərar qəbul olunması mümkün hesab edilməmişdir. Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, həqiqi hərbi xidmətə qəbulla əlaqədar müraciət edə bilərsiniz. Özünüz barənizdə təqdim etdiyiniz məlumatlar öyrənildikdən sonra həqiqi hərbi xidmətə qəbulla bağlı namizədliyinizə baxıla bilər.
Cədvəldə sətir sayı :13967

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.