Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Xəyal Soruşur Yazılma Tarixi:19.07.2017 17:51:35

20 si cağriş vereqesi verilib amma bu gunə qədər bilmirem hara duşmuşəm 20 si gunu də hərbi hissəyyə gonderilecəm bunu bilmək isterdim xahiş edirem bir cavab verəsiniz

Bildiririk ki, vətəndaşların hərbi hissələrə təyin olunmaları haqqında növbəti məlumat 25 iyul tarixindən etibarən Xidmətin rəsmi saytında yerləşdiriləcəkdir. 
Saləddin Soruşur Yazılma Tarixi:19.07.2017 17:12:33

Salam mən Sadıqlı Saləddin yazıb sizdən xaiş edirəm ki , qeydiyyatda olduğum Bakı şəhəri Yasamal rayonu N.Nərimanov 103 de yerləşən Səfərbərlik və Hərbi xidmətə Çagırış idarəsinə müraciət edəsiniz ki mənə tibbi muayinədən kecmək ücün sənəd versinlər cunki komisiyada mənim gozümdə problem ola ola məni muayinə etmedən yararlı yazdılar şikayət etdim baxılmadı .15.07.2017 tarixində müraciət etdikdə isə mənə deyildi ki gecikmisiz. Mənim gözümdə isə (R) S -6.50. C -2.50. A 160. S.E -7.75 (L) S -5.00. C -4.00 . A 180. S.E -7.00. Xaiş edirəm bu problemi həll edəsiniz .

Məlum olmuşdur ki, Siz, 2017-ci ilin iyul çağırışına hazırlıqla əlaqədar Xidmətin Bakı şəhəri Yasamal rayon idarəsinin hərbi həkim komissiyasında tibbi baxışdan keçirilmiş, qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və nəticədə rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında Əsasnamə»nin «Xəstəliklər cədvəli»nin I qrafasına əsasən “Hərbi xidmətə yararlıdır. A-3” hesab edilərək, sərəncamla Dövlət Sərhəd Xidmətinə təyin olunmusunuz. Əlavə olaraq bildiririk ki, səhhətiniz ilə əlaqədar xidmət etdiyiniz hərbi hissə komandirinə müraciət edə bilərsiniz.
Tural Soruşur Yazılma Tarixi:19.07.2017 15:17:30

salam. bildirirsiniz ki, vətəndaşların hərbi hissələrə təyin olunmaları ayin 25-i aciqlanacaq. amma mene herbi komisarliqdan bildirilib ki, ayin 20-i burda ol apaririq. hansi herbi hisseye teyin olundugum aciqlanmadan meni aparmaq huquqlari var? onceden teskkurler

Bildiririk ki, vətəndaşların hərbi hissələrə təyin olunmaları haqqında növbəti məlumat 25 iyul tarixindən etibarən Xidmətin rəsmi saytında yerləşdiriləcəkdir. 
Pərviz Soruşur Yazılma Tarixi:19.07.2017 13:06:51

Salam,Öd kisəsindən əməliyyat olunmuşam biri yəni daş olduğuna görə öd kisəsi götürülüb hərbi xidmətə yararlı hesab olunuram?xahiş eliyirəm mənə dəqiq cavab verin

Çağırışçıların “Öd kisəsinin çıxarılmasından sonrakı vəziyyət” diaqnozu ilə tibbi şəhadətləndirilməsi zamanı Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 58 “b” maddəsinin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” qərarı çıxarılır.  
Nurlan Soruşur Yazılma Tarixi:19.07.2017 11:17:31

Mene iyulun 15 cagiris vereqesi verilib amma hele hara dusduyum bilinmir.Ne vaxt bilinecek ? Zehmet olmasa cavab vererdinizde.

Bildiririk ki, vətəndaşların hərbi hissələrə təyin olunmaları haqqında növbəti məlumat 25 iyul tarixindən etibarən Xidmətin rəsmi saytında yerləşdiriləcəkdir.
Nemət Soruşur Yazılma Tarixi:18.07.2017 23:10:46

Salam hər vaxtınız xeyir .Məni mayın 27-si qeydiyyatda olduğum hərbi komissarlığ belimə görə həkimə göndərmişdi,amma o vaxtdan cavablar vaynkomata gəlib çıxmayıb.Çağırış vərəqəmdə iyun ayının 3-di.Belə çıxır mən hərbi xidmətə yararsızam?

Müraciətinizlə bağlı müvafiq araşdırmanın aparılması məqsədi ilə  təvəllüdünüz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Orxan Soruşur Yazılma Tarixi:18.07.2017 20:09:28

Salam.mən hansı hərbi hissəyə düşdüyümü bilməy istəyirəm.deyə bilərsiz?

Bildiririk ki, vətəndaşların hərbi hissələrə təyin olunmaları haqqında növbəti məlumat 25 iyul tarixindən etibarən Xidmətin rəsmi saytında yerləşdiriləcəkdir.
Rəşid Soruşur Yazılma Tarixi:18.07.2017 19:51:31

Salam, varikoz genislenme diaqnozu herbi xitmete cagirilmamaga sebeb ola biler mi?

II dərəcəli xroniki vena çatışmazlığı (uzunmüddətli yeriş və ya ayaq üstə çox dayanma zamanı ayaqlarda və baldırlarda əmələ gələn, gecə və ya gündüz istirahəti ərzində çəkilən vaxtaşırı ödemlərin olması) əlamətləri ilə müşayiət olunan varikoz xəstəliyi ilə çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 45-ci maddəsinin “c” bəndinin I qrafasına əsasən “Sülh dövründə hərbi xidmətə yararsız, müharibə dövründə məhdud yararlı” hesab edilirlər. Əlavə olaraq bildiririk ki, aşağı ətrafların vena çatışmazlığı əlamətləri olmayan (I dərəcə) varikoz xəstəliyi hərbi xidmətkeçməyə mane olmur.
Rəhman Soruşur Yazılma Tarixi:18.07.2017 17:36:50

ayin 25i saytiniza yerlerin yuklenmesi demek 25innen tez gede bilmerik demekdirde ele? yoxsa ola biler ki raon herbi kamissarligina sizden once siyahi gelsin ve biz xidmete baslayaq?

Bildiririk ki, vətəndaşların hərbi hissələrə təyin olunmaları haqqında növbəti məlumat 25 iyul tarixindən etibarən Xidmətin rəsmi saytında yerləşdiriləcəkdir.
İlham Soruşur Yazılma Tarixi:18.07.2017 17:15:27

Salam, mən ali təhsilimi başa vurmuşam və bu ay əsgər getməliyəm, lakin sənədlərimdə olan bəzi əksik məlumatlara görə sənədim ləngiyirdi. Bu hal artıq öz həllini tapdı və sənədlərim və özüm hərbi xidmət üçün tam hazır vəziyyətdəyəm. Lakin Ağdam şəhər komisarlığından bildirilir ki, adlar artıq göndərilib artıq gecdir. Bilmək istəyirəm, yenidən adların çıxması mümkündürmü? Mən, adımın çağırışçı kimi qeyd olunmasını istəyirəm. Əgər mümkündürsə mən ürəkdən gedib hərbi xidmətimi çəkmək, vətənimə xidmət etmək istəyirəm. Cavabınızı səbirsizliklə gözləyirəm.

Bildiririk ki, müayinənin nəticələri Xidmətin Ağdam rayon şöbəsinə geç daxil olduğuna görə Sizi 2017-ci ilin iyul çağırışına cəlb etmək mümkün olmamışdır.            Odur ki, Siz Xidmətin Ağdam rayon şöbəsi tərəfindən 2017-ci ilin oktyabr çağırışında   müddətli həqiqi hərbi xidmətə çağırışa cəlb ediləcəksiniz.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.