Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Rüstəm Soruşur Yazılma Tarixi:15.11.2016 23:52:37

Men bilmek isdiyirem ki, orta mekteb atestatı ile leytinantliqa qebul olmaq olar?

"Hərbi xidmətkeçmə haqqında" Əsasnamənin 58-ci maddəsinin tələblərinə əsasən, "leytenant" hərbi rütbəsi hərbi təhsil müəssisələrini bitirmiş və ya ali təhslli vətəndaşlara verilə bilər. 
Həmin Əsasnamənin tələblərinə uyğun olaraq orta təhsilli vətəndaşlara "leytenant" hərbi rütbəsinin verilməsi nəzərdə tutulmayıb.
Ramin Soruşur Yazılma Tarixi:15.11.2016 12:31:28

salam, mən 28.10.2016-cı il tarixidə sizin orqana həqiqi hərbi xidmətə, işə girməy üçün test imtahanında iştirak etdim. Cavablar üçün heçbir məlumat verilməyib. Mümkünsə İmtahan nəticələri barədə ətraflı məlumat verərdiz. Birdəki imtahandan keçə bilməsəm növbəti imtahanlarda yenidən iştirak etməy şansım var? Əvvəlcədən təşəkkürümü bildirirəm.

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Nəzərinizə çatdırırıq ki, 28.10.2016-cı il tarixdə keçirilmiş müsabiqənin nəticələrinə əsasən, Sizin Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul olunmağınız məqsədəuyğun hesab edilməmişdir.
Turan Soruşur Yazılma Tarixi:14.11.2016 20:00:56

Salam mən Əsgərli Turan Hacıəli oğlu oktyabr ayında əsgər getməli idim.Belimdəki sinir ağrılarına göre 3 ay möhlət verildiyini dediler.İndi mən bilmək istəyirəmki beldəki sinir ağrılarına göre yararsız oluram ?Hərbi xidmətə yararlıyam yəni bunu bilmək istəyirəm. Qeydiyyatda olduğum komisarlıq Bakı şəhəri Nizami rayon komisarlığı.

Məlum olmuşdur ki, Siz, 2016-cı ilin oktyabr çağırışına hazırlıqla əlaqədar Xidmətin Bakı şəhəri Nizami rayon idarəsinin hərbi həkim komissiyasında tibbi müayinədən keçirilmiş və müayinə nəticəsində təyin olunmuş diaqnoza müvafiq olaraq Siz, rayon çağırış komissiyası tərəfindən şəhadətləndirilərək Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 3 (üç) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz qeydiyyatda olduğunuz Bakı şəhəri Nizami rayon idarəsinin hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmamağınız barədə rayon çağırış komissiyası tərəfindən qərar qəbul olunacaqdır. 
Töhfə Soruşur Yazılma Tarixi:13.11.2016 19:17:56

Mənim dostum iyulda gedib esgerliye mezuniyyete ne vaxt buraxılacaq? Birde ki hansi rayona dusduyunu nece oyrene bilerem? İl yarimdisa iyulda gedibse noyabrda qayidir esgerlikden?

“Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər. Eyni zamanda bildiririk ki, sualınızın dəqiq cavablandırılması üçün dostunuzun soyadını, adını, atasının adını və Xidmətin qeydiyyatda olduğu idarə, şöbə və ya bölməsinin adını qeyd etməlisiniz.
Zaur Soruşur Yazılma Tarixi:13.11.2016 17:30:47

Salam mən 26.10.2016-ci il tarixdə -də işə qəbulla bağlı imtahan vermişdim nəticəsin nə cür bilmək olar ?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Nəzərinizə çatdırırıq ki, 26.10.2016-cı il tarixdə keçirilmiş müsabiqənin nəticələrinə əsasən, Sizin Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbul olunmağınız məqsədəuyğun hesab edilməmişdir.
Rəvan Soruşur Yazılma Tarixi:13.11.2016 13:40:32

Salam, mən tələbəyəm və 2017ci ilin iyul ayında hərbi xidmətə yollanacağam, mənə maraqlıdır ailəmiz iki nəfərdən ibarətdir anam və mən, atam rəhmətə gedib və anamda mənim qəyyumluğumdadır və anam təziqdən əziyyət çəkir bilmək istərdim mən hərbi xidmətə göndəriləcəyəmmi xaiş edirəm ətraflı məlumat verəsiniz öncədən təşəkkür edirəm.

Bildiririk ki, valideynlərindən birini itirmiş çağırışçılara müddətli həqiqi hərbi xidmətə çağırış zamanı hər hansı güzəştin şamil edilməsi mövcud qanunvericilikdə nəzərdə tutulmamışdır. “Hərbi vəzifə və hərbi xidmət haqqında” Azərbaycan Respublikası Qanununun 19.1.1-ci maddəsinin tələblərinə əsasən, həqiqi hərbi xidmətə çağırışdan ailə vəziyyətinə görə möhlət himayəsində başqa övladı olmayan 1-ci qrup əlil ata, yaxud ana olan, 19.1.2-ci maddəsinə əsasən himayəsində 3 və daha çox uşaq olan, 19.1.5-ci maddəsinə əsasən isə himayəsində 18 yaşınadək və yaxud 1-ci qrup əlil qardaş və ya bacı, onları saxlamaq imkanına malik başqa ailə üzvləri olmayan çağırışçılara verilir.
Ümid Soruşur Yazılma Tarixi:12.11.2016 11:41:50

Salam. Mənim hərbi biletimə, səfərbərlik sərəncamı verilməsi haqqında möhür vurulub. Alınması haqqında vurulmayıb. Yəni o qrafa boş qalıb. Mən indi ölkədən çıxa bilərəm?

"Azərbaycan Respublikasında səfərbərlik hazırlığı və səfərbərlik haqqında" Azərbaycan respublikasının Qanununun 8-ci maddəsinə əsasən:
Qanunun tələblərinə uyğun olaraq Sizə səfərbərlik sərəncamı verilmişdir və ölkədə səfərbərlik elan olunarsa üzərinizə düşən vəzifələri yerinə yetirməlisiniz.
Hal-hazırda səfərbərlik elan olunmadığı üçün Sizin ölkə hüdudlarını tərk etməyinizə heç bir məhdudiyyət yoxdur. 
Gülnar Soruşur Yazılma Tarixi:12.11.2016 01:27:19

men Qebele şeherınde yaşayıram Men bılmek isteyırem SHXCDX de işe sened vermek ücün men Qebeledekı herbı vayankomata senedlerımı teqdım etsem olurmu? yoxsa bır başa bakıya muracıet etmelıyemmı? 3cu sualımda eyer imtahannan kecersem emrım Qebele asan xıdmet merkezıne verıle bılermı? xaiş edırem cvb verın bununla sıze 2cı defedı yazıram cavablamırsınız

Bildiririk ki, ixtisasınız Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vəzifələrin ixtisas profilinə uyğun olmadığına görə, Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Gülnar Soruşur Yazılma Tarixi:10.11.2016 22:15:00

men Qebele Asan xıdmetde SHXCDX nece işe qebul ola bılerem? Kımya bıalogıya ıxtısasım 3 ıl stajım var özel klınıkada ressepş ve hal hazırda Qebele Asan xıdmet merkezınde konulluyem 2 aydan coxdurkı rus dılı ıng dılı orda

Bildiririk ki, ixtisasınız Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vəzifələrin ixtisas profilinə uyğun olmadığına görə, Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Namiq Soruşur Yazılma Tarixi:10.11.2016 12:55:45

Bələdiyyə sədri həqiqi hərbi xidməti keçməyibsə bu işdə işləyə bilərmi.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.2.1-ci maddəsinə əsasən, Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları müddətli həqiqi hərbi xidmətə  çağırılırlar. Eyni zamanda nəzərinizə çatdırırıq ki, Azərbaycan Respublikası Milli Məclisinin deputatı və bələdiyyələrə üzv seçilmək üçün namizədliyi qeydə alınmış şəxslərin seçki fəaliyyəti ilə əlaqədar (namizədliyi qeydə alındığı gündən seçkilərin nəticələrinin rəsmi dərc olunduğu günədək) müddətli həqiqi hərbi xidmətə  çağırışa möhlət verilir.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.