Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
HƏSƏN Soruşur Yazılma Tarixi:24.09.2016 20:57:59

salam.men herbide hansi bolgede xidmet edecem.qeydiyyatim Gence seheridir.

Bildiririk ki,çağırışçıların təyin olunduqları hərbi hissə haqqında məlumatları 31 dekabr, 31 mart, 30 iyun, 30 sentyabr tarixlərindən etibarən Səfərbərlik və Hərbi Xidmətə Çağırış üzrə Dövlət Xidməti saytının “ Hərbi Xidmət “ bölümündən əldə edə bilərsiniz.
Röyal Soruşur Yazılma Tarixi:24.09.2016 11:11:45

Salam ali tehsilliyem ve herbi xidmetide leytnant kimi xidmet edib bitirmisem 2011_2013 ci illerde ve seferberlik ve heqiqi xidmete caqiris islemek isteyirem bunun ucun hansi senetler ve sizin ne kimi komeyiniz yol gostere bilersiniz .cox sevinerem

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, həqiqi hərbi xidmətə (işə) qəbulla əlaqədar müraciət edə bilərsiniz. Özünüz barənizdə təqdim etdiyiniz məlumatlar öyrənildikdən sonra həqiqi hərbi xidmətə (işə) qəbulla bağlı namizədliyinizə baxıla bilər. Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbula bağlı namizədliklərinə baxılan vətəndaşlar, Azərbaycan Respublikasının istənilən bölgəsində xidmət etməyə şərtsiz hazır olmalıdırlar. Əlavə olaraq nəzərinizə çatdırırıq ki, namizədliklərinə baxılan vətəndaşların Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Test imtahanında ümumi bilik səviyyələri və dünya görüşləri yoxlanılır.
Rauf Soruşur Yazılma Tarixi:23.09.2016 18:11:01

Mən Kərimov Rauf İlqar oğlu 25.09.1992 ci il tarixində Salyan rayonun Aşağıkürkənd kəndində anadan oluşam.1998-ci il tarixində Salyan rayonun Aşağıkür kənd tam orta məktəbinin 1-ci sinifinə qəbul olmuşam.2009-cu ilde həmin mektebin 11-ci sinifini bitirmişəm. 2010-cu il də Ali məktəbə imtan verərək Azərbaycan Müəllimlər İnstitunun Azərbaycan dili və Ədəbiyyat ixtisasına qəbul olmuşam.2014-cu ildə həmin Ali təhsilimi başa vuraraq iyul ayinin 24-u Hərbi xidmətə getmişəm.2015-ci ildə hərbi xidməti başa vurmuşam. 2015-ci ilin sentiyabr ayindan may ayina qədər Sabirabad rayonun İ.Musayev adina Sarxanbeyli kənd orta məktəbinfə müqavilə əsasinda kənd orta məktəbinə Azərbaycan dili və Ədəbiyyat müəllimi işləmişəm.Hal hazirda işsizəm.İstəyirəm ki Səfərbərlik və Hərbi Xidmətə Çağırış üzrə Dövlət Xidmətində mülki işçi kimi çalışam.Mən bunun üçün hara müraciət edim?Xahiş edirəm ki mənə cavab yazasınız.

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Müraciətinizlə əlaqədar həftənin tək günləri Səfərbərlik və Hərbi Xidmətə Çağırış üzrə Dövlət Xidmətinin kadrlar və kadr hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Ünvan: Bakı şəhəri, Səbail rayonu, Zərifə Əliyeva küçəsi – 30.
Xəqani Soruşur Yazılma Tarixi:23.09.2016 17:16:02

Salam.men sahbazov xeqani mahir oglu men apweron rayonun vayinkamatina gedim orda men kor bagrsaqimdan emelyat olduqum cun elmi cerahiye merkezine yoladlar gedib orda yoxlandim ustunden 2 hefte kecib meni vayinkamat cagrmiyib mende okdiyabir ayinda herbi xitmete gedmeyi isdiyrem neyneyim bun icin ?

Bildiririk ki, müayinənin nəticəsi («Sağlamlıq vəziyyətinin  müayinə edilməsi aktı») Xidmətin Abşeron rayon şöbəsinə daxil olduqdan sonra Sizin müddətli həqiqi hərbi xidmətə çağırışa cəlb olunma məsələnizə qanunvericiliyin tələblərinə uyğun olaraq baxılacaqdır.
Siyavuş Soruşur Yazılma Tarixi:23.09.2016 13:29:39

Salam. Sualım çağırışçılara möhlətin verilməsi ilə bağlıdır. Beləki, vətəndaşa Hərbi vəzifə və hərbi xidmətkeçmə haqqında AR Qanununun 21.1.3 maddəsinə əsasən möhlət hüququ verilmişdir. İndi həmin vətəndaş ali məktəbə daxil olmuşdur. Ona yuxarida qeyd olunan qanunun 21.1.5-ci maddəsinə uyğun olaraq möhlət hüququ verilə bilər mi? Təşəkkür edirəm.

"Hərbi vəzifə və hərbi xidmət haqqında” Azərbaycan Respublikası Qanununun 21.1-ci maddəsinə əsasən, mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında, müvafiq icra hakimiyyəti orqanı tərəfindən müəyyən olunmuş elmi təşkilatda təhsilini davam etdirmək üçün çağırışçılara möhlət yalnız bir dəfə verilir.
Ülvi Soruşur Yazılma Tarixi:23.09.2016 09:24:54

Salam men oktyabrin 3 ü esger gedirem nece öyrene bilərəmki hara düşmüşəm

Bildiririk ki,çağırışçıların təyin olunduqları hərbi hissə haqqında məlumatları 31 dekabr, 31 mart, 30 iyun, 30 sentyabr tarixlərindən etibarən Səfərbərlik və Hərbi Xidmətə Çağırış üzrə Dövlət Xidməti saytının “ Hərbi Xidmət “ bölümündən əldə edə bilərsiniz.
Rəhim Soruşur Yazılma Tarixi:22.09.2016 16:11:48

Salam mənim gözümün zəifliyi -2 dərəcədir. Mən bir neçə nəfərdən soruşmuşam ki gözü zəif olanları hərbi xidmətə aparırlar deyirdilər ki aparırlar. Məndə Hepatit C virusu var mən bu virusun 6 ildir daşıyıcısıyam yoluxucu deyiləm nə ağrım var nədəki bir problemim mən hərbi xidmətə getmək istiyirəm bilmək istiyrəmki aparırlar ya yox

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Nəzərinizə çatdırırıq ki, “C virus hepatiti” virusunun aktivliyini müəyyən edilməsi üçün çağırışçılara 6 (altı) ay müddətinə möhlət hüququ verilir. Möhlət hüququ bitdikdə çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması barədə rayon çağırış komissiyası tərəfindən qərar qəbul olunacaqdır. 
Sənan Soruşur Yazılma Tarixi:22.09.2016 15:19:16

Salam, Səfərbərlik və Hərbi Xidmətə Çağırış üzrə Dövlət Xidmətində həqiqi hərbi xidmətə qəbul olunmaq üçün hansı ixtisas sahibi olmaq lazımdır? Məsələn mən Dövlət Mədəniyyət və İncəsənət Universitetini Mədəniyyət meneceri ixtisası ürə bitirmişəm. Mən müraciət edə bilərəm?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, ixtisasınız Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vəzifələrin ixtisas profilinə uyğun olmadığına görə Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Rəhim Soruşur Yazılma Tarixi:22.09.2016 15:14:32

Salam menim gozum zeifdi -2 derecedi ama sorusmusam deyrler aparlar birde men de hepatit c var ama yoluxucu deilem dasiyicidi ma mende 6 ildiki var hec bir prablemmim ağrim yoxdu bilmek isterdimki hepatit olani aparlar men getmek istirem esgerliye

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Nəzərinizə çatdırırıq ki, “C virus hepatiti” virusunun aktivliyini müəyyən edilməsi üçün çağırışçılara 6 (altı) ay müddətinə möhlət hüququ verilir. Möhlət hüququ bitdikdə çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması barədə rayon çağırış komissiyası tərəfindən qərar qəbul olunacaqdır. 
Elmir Soruşur Yazılma Tarixi:22.09.2016 13:52:00

Salam, oktyabr çağırışçılarının siyahısı nə vaxt elan olunacaq saytda?

Bildiririk ki,çağırışçıların təyin olunduqları hərbi hissə haqqında məlumatları 31 dekabr, 31 mart, 30 iyun, 30 sentyabr tarixlərindən etibarən Səfərbərlik və Hərbi Xidmətə Çağırış üzrə Dövlət Xidməti saytının “ Hərbi Xidmət “ bölümündən əldə edə bilərsiniz.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.