Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Fərid Soruşur Yazılma Tarixi:09.10.2016 13:03:34

Salam. Men hal hazirda idman akademiyasinin 2 kurs telebesiyem. Cox böyük arzumdur ki, akademiyani bitirdikden sonra hərbi xidmətimi könüllü olaraq Dövlət təhlükəsizlik xidmətinin hərbi hissəsində kecirim. Boyum 1.85 sm. Bunun ücün hara müraciət edim ? Yoxsa bu tesadüf neticesinde alina biler yalniz ?

Bildiririk ki, həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində  Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında xüsusi kompüter proqramı vasitəsi ilə bölündükdən sonra onlar həmin qoşun növlərinin daxili bölgüsünə əsasən hərbi hissələrə təyin olunurlar.
Fərhad Soruşur Yazılma Tarixi:09.10.2016 11:32:44

salam men 193 sayli herbi hisseye dusmusem bilmek olar ki haradadi?

Qeyd etdiyiniz məsələ ilə bağlı Azərbaycan Respublikası Müdafiə Nazirliyinə müraciət etməyiniz tövsiyə olunur.
Rasim Soruşur Yazılma Tarixi:08.10.2016 22:57:01

Həqiqi hərbi xidmətə hara düşmüşəm?

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 oktyabr tarixindən etibarən Xidmətin rəsmi saytında yerləşdiriləcəkdir.
Əmrah Soruşur Yazılma Tarixi:08.10.2016 10:49:46

hara duwmuwem?

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda, Xidmətin qeydiyyatda olduğunuz idarə, şöbə və ya bölməsinə müraciət etməyiniz tövsiyə olunur.
Kamran Soruşur Yazılma Tarixi:08.10.2016 09:02:12

Salam mən işə qəbul üçün müraciət etmək istəyirəm.

Nəzərinizə çatdırırıq ki, müraciətinizdə özünüz haqqında ətraflı məlumat vermədiyinizə görə barənizdə qərar qəbul olunması mümkün hesab edilməmişdir. Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, həqiqi hərbi xidmətə (işə) qəbulla əlaqədar müraciət edə bilərsiniz. Özünüz barənizdə təqdim etdiyiniz məlumatlar öyrənildikdən sonra həqiqi hərbi xidmətə (işə) qəbulla bağlı namizədliyinizə baxıla bilər. Əlavə olaraq nəzərinizə çatdırırıq ki, namizədliklərinə baxılan vətəndaşların Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Test imtahanında ümumi bilik səviyyələri və dünya görüşləri yoxlanılır.
orxan Soruşur Yazılma Tarixi:07.10.2016 11:30:23

Men unversiteti bu il bitirdim ve mohlet huququm basha chatdi.yashidlari iyul ayi uzre chagirishda herbi xidmete yola dushduler.menim ise herbi muaiyine vaxti ayaqalti duzluk oldugu uchun bakiya herbi muayinesine gonderish aldim,bakida gonderishden kecdikden sonra mene cavab gelmedi.baxmayaraq ki oktyabr ayi uchun esgerliye yola dushenler uchun chagirish gelib ama mene hele de chagirish ve ya tibbi ekspetizya reyi gelmeyib.qeydiyat yerim balaken rayon herbi komisarligi dogum tarixim 18.12.1994

Məlum olmuşdur ki, Siz, 2016-cı ilin oktyabr çağırışına hazırlıqla əlaqədar Xidmətin Balakən rayon şöbəsinin hərbi həkim komissiyasında tibbi baxışdan keçirilmiş və səhhətinizlə bağlı şikayətiniz nəzərə alınaraq aidiyyəti üzrə müayinəyə göndərilmisiniz. Müayinə nəticəsində təyin olunmuş diaqnoza müvafiq olaraq Siz, rayon çağırış komissiyası tərəfindən şəhadətləndirilərək Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlı” hesab edilmisiniz. Əlavə olaraq bildiririk ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz, razılaşdırılmış qrafikə əsasən şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız və müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdır. 
Kamran Soruşur Yazılma Tarixi:06.10.2016 15:46:53

Salam. Sorusmag isteyirem Heribi bilet itende hara muracet etmek lazimdir? Yeni herbi bilet almaqcun ..birde menim herbi biletimi kimse istifade ede bilermi? Xahis edirem sualmi etrafli cavablandirasiz

Mövcud qanunvericiliyin tələblərinə əsasən etinasız saxlanılması nəticəsində hərbi bilet korlandığı və ya itirildiyi halda inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 607-ci maddəsi) tələb olunan sənədlər əsasında hərbi vəzifəlilərin hərbi qeydiyyatda olduqları yer üzrə Xidmətin yerli idarə, şöbə və bölmələri tərəfindən təkrar (yeni) hərbi bilet verilir. Odur ki, təkrar (yeni) hərbi biletin götürülməsi üçün şəxsiyyət vəsiqəsi, DİN-nin aidiyyəti orqanından hərbi biletin itirilməsi və tapılmaması barədə arayış, 3x4 sm ölçüdə        2 ədəd fotoşəkillə birlikdə hərbi qeydiyyatda olduğunuz xidmətin yerli idarə, şöbə və bölməsinə şəxsən müraciət etməlisiniz. Əlavə olaraq bildiririk ki, hərbi bilet hər bir vətəndaşa onun hərbi uçot sənədləri əsasında fərdi olaraq yazılıb verilir. Bu səbəbdən Sizin itmiş sayılan hərbi biletiniz hüquqi sənəd kimi öz əhəmiyyətini itirmiş sayılır və kimsə istifadə edə bilməz.
Zəminə Soruşur Yazılma Tarixi:06.10.2016 14:20:34

Salam, Ali təhsilini dayandiran ve herbi xidmete getmek ucun herbi komissarliga hansi senedler teqdim olunmalidir? Təşəkkürlər

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.2-ci maddəsinə əsasən, ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar.
elnur Soruşur Yazılma Tarixi:06.10.2016 13:24:19

salam rusiya fedarasiyasinin vetendasin azerbaycanda heqiqi herbi xidmete yolanmasi ne derecede duzdur

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.9-cu maddəsinə əsasən, xarici dövlətin vətəndaşlığını qəbul etmiş, lakin Azərbaycan Respublikasının vətəndaşlığına xitam verilməmiş çağırışçılar ümumi əsaslarla müddətli həqiqi hərbi xidmətə çağırılırlar. Həmin qanunun 23.0.5-ci maddəsinə əsasən isə Azərbaycan Respublikasının vətəndaşlığına qəbul edilmiş və əvvəllər vətəndaşı olduğu ölkənin qanunvericiliyinə əsasən müddətli həqiqi hərbi xidmət keçmiş və ya müddətli həqiqi hərbi xidmətə çağırışdan azad edilmiş şəxslər müddətli həqiqi hərbi xidmətə çağırılmırlar.
Rəşad Soruşur Yazılma Tarixi:06.10.2016 13:05:09

Salam. Mən xidmət rəisinin qəbuluna yazılmaq istəyirəm. Bilmək olar qəbul nə vaxtdır?

Sizin Səfərbərlik və Hərbi Xidmətə Çağırış üzrə Dövlət Xidmətinin «sual-cavab» bölümünə göndərdiyiniz  müraciətinizə  tərəfimizdən baxılmışdır.             
Nəzərinizə çatdırırıq ki, Səfərbərlik və Hərbi Xidmətə Çağırış üzrə Dövlət Xidmətinin rəisi tərəfindən vətəndaşların qəbulu hər ayın sonuncu şənbə günü Xidmətin Aparatında həyata keçirilir. Qəbulda iştirak etmək üçün hər ayın sonuncu həftəsinin istənilən günü şəxsiyyət vəsiqəsi ilə birlikdə  Səfərbərlik və Hərbi Xidmətə Çağırış üzrə Dövlət Xidmətinin  Aparatına gəlməli (Bakı şəhəri, Səbail rayonu, Zərifə Əliyeva  küçəsi 30) və müvafiq qaydada qeydiyyatdan keçməlisiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.