Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Orxan Soruşur Yazılma Tarixi:05.05.2016 14:21:43

Salam zəhmət olmasa sualımı cavablandırardız. Mənim iki qardaşım hərbi xidmətdədir onların dekabırda 1 il 6 ayı tamam olur yanvarda təxris olurlar mən isə universitetdə 4-cü kursda oxuyuram. Bilmək istəyirəm ki, bu il iyulda mənidə hərbi xidmətə cağıracaqlar ya qardaşlarım təxris olunduqdan sonra məni hərbi xidmətə aparacaqlar?

Bildiririk ki, Siz təhsilə görə möhlət hüququnuz bitdikdən sonra müddətli həqiqi hərbi xidmətə çağırışa cəlb olunacaqsınız.
İbrahim Soruşur Yazılma Tarixi:05.05.2016 13:38:37

Salam. Gizirliyiyə əmr nə vaxt gələcək bilmək olar zəhmət olmasa ? Mən öz voinkomitatıma muraciət etmişəm bu barədə amma gözləyirəm hələdə.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikası Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Bu Qanunun 36.1.3-cü maddəsinə əsasən, gizirlərin və miçmanların həqiqi hərbi xidmətinə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar qəbul edilirlər. Nəzərinizə çatdırırıq ki, “Gizir hazırlığı kursu” Silahlı Qüvvələrin Təlim-Tədris Mərkəzində təşkil edilir. Kursların nə vaxt və hansı müddətə keçirilməsi, kurslara qəbulun qayda və şərtləri Azərbaycan Respublikasının Müdafiə Nazirliyi tərəfindən müəyyən edilir. Odur ki, Azərbaycan Respublikası Nazirlər Kabinetinin 2 fevral 2015-ci il tarixli 21 nömrəli qərarı ilə tədiq edilmiş “Bağlaşma əsasında həqiqi hərbi xidmətə daxilolmanın halları və Qaydası”nın 3.4-cü bəndində qeyd olunan sənədləri (müvafiq dövlət orqanları tərəfindən xidmətə (qulluğa) qəbul edilməsi üçün qanunvericiliklə müəyyən edilmiş sənədlərdən başqa) şəxsi iş tərtib edilməsi üçün aidiyyəti üzrə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsinə (şöbə və ya bölməsinə) təqdim etməlisiniz. “Gizir hazırlığı kursu”na qəbulun başlanması barədə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsi (şöbə və ya bölməsi) tərəfindən Sizə məlumat veriləcəkdir.
Fərid Soruşur Yazılma Tarixi:05.05.2016 12:49:33

Salam.1997 təvəllüdəm.BDU universitetində 2-ci kurs tələbəsiyəm.Mən əgər iyun ayında öz istəyimlə universitetdən çıxsam çağırış mənə 6 aylıq möhlətdən sonrakı vaxtda gələcəkdi?

“Hərbi vəzifə və hərbi xidmət haqqında “Azərbaycan Respublikası Qanununun 21.2-ci maddəsinə əsasən ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar. Bildiririk ki, 2016-cı ilin iyun ayında universitetdən xaric olduğunuz halda, 2017-ci ilin yanvar çağırışı zamanı müddətli həqiqi hərbi xidmətə çağırışa cəlb ediləcəksiniz. Lakin Siz oxuduğunuz təhsil müəssisəsindən xaric olunmanız barədə sənədi və təhsilinizi davam etdirməkdən imtina edərək hərbi xidmətə göndərilməyinizə dair notarial qaydada təsdiq olunmuş ərizəni Xidmətin qeydiyyatda olduğunuz idarə, şöbə və ya bölməsinə təqdim etdiyiniz halda, həqiqi hərbi xidmətə çağırışa cəlb edilə bilərsiniz.   
İSMAYIL Soruşur Yazılma Tarixi:05.05.2016 12:43:44

Salam Men ehtiyyatda olan bas leytinant Ismayilov Ismayil. ehtiyyatda olan artileriya zabitiyem. 35 yasim var. Yeniden xidmete getmek ucun hara ve nece muraciet edeceyimi bilmirem. Xahis edirem cavablandirasiniz.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.4-cü maddəsinə əsasən, zabitlərin həqiqi hərbi xidmətinə – hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar daxil olurlar. Odur ki, qeyd etdiyiniz məsələ ilə bağlı aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Elşən Soruşur Yazılma Tarixi:05.05.2016 11:01:02

Salam bilmək olarmı səfərbərlik elan olunacağı təqdirdə ehtuyatda olan lakin magistraturada əyani tələbələr, elmi işçilər səfərbərlikdən hər hansısa bir müddətə azad olunurlarmı

“Azərbaycan Respublikasında səfərbərlik hazırlığı və səfərbərlik haqqında” Azərbaycan Respublikasının Qanununun  15-ci maddəsinə əsasən    Səfərbərlik üzrə hərbi xidmətə çağırışdan  möhlət aşağıdakı vətəndaşlara verilir:   - müvafiq icra hakimiyyəti orqanının müəyyən etdiyi qaydada bron edilmiş şəxslərə; - səhhətinə görə hərbi xidmətə müvəqqəti yararsız hesab olunan şəxslərə altı ay müddətinədək; - müvafiq icra hakimiyyəti orqanı tərəfindən müəyyən edilən ayrı-ayrı kateqoriyalı vətəndaşlara.
Mehman Soruşur Yazılma Tarixi:04.05.2016 22:15:38

Mən bu gün SHXÇDX-də adımı könüllülər siyahısına yazdırdım. Mən indi işmlə əlaqədar qonşu ölkəyə gedə bilərəmmi? Yoxsa oturub gözləməliyəm? Çünki evin kommunal xərcləri var övladım və anam xəstədir. Burda da iş yoxdur. Zəhmət olmasa cavablandırın. AR-na xidmət edirəm.

Adınızın  könüllülər siyahısına daxil edildiyi Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğunuz rayon idarəsinə  (şöbəsinə, bölməsinə) gedəcəyiniz yer barədə məlumat verməlisiniz.        Ölkəmizdə səfərbərlik elan olunmadığı üçün vətəndaşların xarici ölkələrə səfər etmələrinə heç bir məhdudiyyət qoyulmayıb .
Azər Soruşur Yazılma Tarixi:04.05.2016 20:31:24

Salam Mənim 18 yaşım oktyabrın 12-si tamam olacağ Sizcə Məni Oktyabrda aparacağlar, yoxsa Yanvarda?

Bildiririk ki, 12 oktyabr 2016-cı il tarixdə 18 yaşınız tamam olduğu üçün 2016-cı ilin oktyabr çağırışı zamanı müddətli həqiqi hərbi xidmətə çağırışa cəlb ediləcəksiniz.
İbrahim Soruşur Yazılma Tarixi:04.05.2016 19:40:38

Salam. Mən aprel ayında öz voinkomitatıma muraciət etdim gizir kimi işləmək üçün məni qeyd elədilər və soruşdumki nəvaxt cağıracaqsınız dedilərki may ayında bizə əmr gələn kimi cağıracayıq. Bilmək istəyirdim ki bu əmr nəvaxt gələcək təxmini?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikası Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Bu Qanunun 36.1.3-cü maddəsinə əsasən, gizirlərin və miçmanların həqiqi hərbi xidmətinə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar qəbul edilirlər. Nəzərinizə çatdırırıq ki, “Gizir hazırlığı kursu” Silahlı Qüvvələrin Təlim-Tədris Mərkəzində təşkil edilir. Kursların nə vaxt və hansı müddətə keçirilməsi, kurslara qəbulun qayda və şərtləri Azərbaycan Respublikasının Müdafiə Nazirliyi tərəfindən müəyyən edilir. Odur ki, Azərbaycan Respublikası Nazirlər Kabinetinin 2 fevral 2015-ci il tarixli 21 nömrəli qərarı ilə tədiq edilmiş “Bağlaşma əsasında həqiqi hərbi xidmətə daxilolmanın halları və Qaydası”nın 3.4-cü bəndində qeyd olunan sənədləri (müvafiq dövlət orqanları tərəfindən xidmətə (qulluğa) qəbul edilməsi üçün qanunvericiliklə müəyyən edilmiş sənədlərdən başqa) şəxsi iş tərtib edilməsi üçün aidiyyəti üzrə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsinə (şöbə və ya bölməsinə) təqdim etməlisiniz. “Gizir hazırlığı kursu”na qəbulun başlanması barədə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsi (şöbə və ya bölməsi) tərəfindən Sizə məlumat veriləcəkdir.
Ülvi Soruşur Yazılma Tarixi:03.05.2016 22:38:42

Salam menim 15 yasim var,menim atam polisdir1970 tevellüddü.Seferberlik olsa atami apara bilerler? Atam Ağdamda doyüşlərdə vuruşub 23.07.1993.

Sizin atanız polis olduğu üçün Daxili İşlər Nazirliyinin xüsusi uçotundadır. Onların  səfərbərlik üzrə çağırılıb-çağırılmaması Daxili İşlər Nazirliyinin səlahiyyətindədir .
Röyal Soruşur Yazılma Tarixi:03.05.2016 22:03:13

Salam mən konullu olaraq hərbi xitmətə getmək istəyirəm.3 sayli orta peşə liseyində oxuyuram. 3-cu kurs-da . 3-sayli orta peşə liseyinə getdim mənə cixariş ve yaxud esgerliye getmeyime gore bir sened vermediler. Gəncə şəhəri Nizami rayon şöbəsinə getdim. deyir sen niye telesisen, ogrusan,ciqansan? Məni başlarından edirler. Mən hara müracit edim? Qeyd edim 12.10.1997 tarixinde dunyaya gelmisem

Bildiririk ki, Sizə 3 saylı peşə liseyində təhsil almağınızla əlaqədar Xidmətin Nizami rayon şöbəsinin çağırış komissiyası tərəfindən 30.06.2016-cı il tarixədək müddətli həqiqi hərbi xidmətə çağırışdan möhlət hüququ verilmişdir. Təhsilə görə möhlət hüququnuz bitdiyinə görə 2016-cı ilin iyul çağırışına cəlb ediləcəksiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.