Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Əfsun Soruşur Yazılma Tarixi:29.04.2016 15:51:10

Salam men baratov əfsun men sizde melimat almag isteyirem men iyul ayinin 29 zu 18 yawimi tamam edecem ve men iyul 29 ya -30 zu esgere gedecem mene deqiq melumat verin

Bildiririk ki, çağırış ayında 18 yaşı tamam olmuş çağırışçılar həmin gündən etibarən müddətli həqiqi hərbi xidmətə göndərilə bilərlər. Lakin həmin çağırış ayı üçün verilmiş tapşırıq yerinə yetirilərsə, bu çağırışçılar növbəti çağırış zamanı müddətli həqiqi hərbi xidmətə göndərilirlər.  
Vasif Soruşur Yazılma Tarixi:29.04.2016 11:16:18

Salam. Mən Ukranyada qiyabi təhsil alıram. Və mənə hərbi xidmətdən möhlət verilib. Mən 9 may 2016 -cı il də imtahanları vermək üçün Ukraynaya gedə bilərəm?

Bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21.1.5-ci maddəsinə əsasən, xarici ölkələrdə əyani təhsilalma formasında təhsil alanlara ali təhsil pilləsində (bakalavriat), tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək həqiqi hərbi xidmətə çağırışdan möhlət verilir.
Hacıbəy Soruşur Yazılma Tarixi:27.04.2016 09:57:25

salam menim bu gun 18 yasim tamam olub meni bu ay esgerliye goturmelidirler soruşmaq isteyirem ki hansi herbi hisseye duşmuşem cvb yazin

Bildiririk ki, Siz müddətli həqiqi hərbi xidmət keçmək üçün Dövlət Sərhəd Xidmətinin komandasına təyin edilmisiniz.
Xəyal Soruşur Yazılma Tarixi:26.04.2016 21:47:21

Salam mən 2007-ci ildə agciyer xesteliyi keçirmişəm və mualicelerle tam sagalmaq mumkun olmadi.buna gore herbi xidmete sulh dovrunde yararsiz, muharibe dovrunde qeyri mehdud yararli hesab edildim ve 2 il olar yoxlamada qanimda hepatit c ashkarlandi.bilmek isterdimki menim heqiqi herbi xidmete getmeyim mumkun deyil?Evvelceden teshekkurler.

“Hərbi vəzifə və hərbi xidmət haqqında” Azərbaycan Respublikasının Qanununda sağlamlıq vəziyyətinə görə çağırışa möhlət 3 il müddətinədək, hər dəfə 1 ildən artıq olmamaq şərti ilə verilir. 3 ildən sonra, sağlamlıq vəziyyətindən asılı olaraq möhlət almış çağırışçılar ya müddətli həqiqi hərbi xidmətə çağırılır, ya hərbi xidmətə yararsız hesab edilərək hərbi uçotdan çıxarılır, ya da dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilirlər. 
Camalə Soruşur Yazılma Tarixi:26.04.2016 21:35:30

Salam.Mən Camalə.30 yaşım var.Subayam.Hərbi kurs keçmək və işləmək istəyirəm.Amma hansı sənədlər lazım olduğunu və hara müracıət edəcəyini bilmirəm.Xahiş edirəm mənə köməklik edəsiniz.Çünki çox istəyirəm.

Bildiririk ki, Azərbaycan Respublikası Nazirlər Kabinetinin 2 fevral 2015-ci il tarixli 21 №-li qərarı ilə təsdiq edilmiş “Bağlaşma əsasında həqiqi hərbi xidmətə daxilolmanın halları və Qaydası”nın 3.4-cü bəndinə əsasən, şəxsi iş tərtib edilməsi üçün bu Qaydanın 3.1-ci bəndində göstərilmiş müvafiq dövlət orqanlarına və ya hərbi hissələrə aşağıdakı sənədlər (müvafiq dövlət orqanları tərəfindən xidmətə (qulluğa) qəbul edilməsi üçün qanunvericiliklə müəyyən edilmiş sənədlərdən başqa) təqdim edilir:
-       şəxsiyyəti təsdiq edən sənəd;
 -       ərizə və ya raport;
-       şəxsən yazılmış tərcümeyi-hal;
 -       xidmət (iş və ya təhsil) yerindən xasiyyətnamə;
-       təhsil haqqında sənədin surəti;
 -       doğum haqqında şəhadətnamənin surəti;
-       nikah haqqında şəhadətnamənin surəti (evli olduqda);
-       uşaqların doğum haqqında şəhadətnamələrinin surəti (uşaq olduqda);
-       4 ədəd 3x4 sm ölçüdə və 2 ədəd 9x12 sm ölçüdə fotoşəkil;
-       məhkumluğun olub-olmaması barədə arayış. Həqiqi hərbi xidmətə könüllü daxil olmaq istəyən şəxslər üçün tərtib edilmiş şəxsi işlərə bu Qaydanın 3.1-ci bəndində göstərilmiş müvafiq dövlət orqanları və ya hərbi hissə tərəfindən sağlamlıq vəziyyətinə görə hərbi xidmətə yararlı olması barədə müvafiq hərbi-həkim komissiyasının qərarı əlavə olunur.       
    Əlavə olaraq bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 3.4-cü maddəsinə əsasən, siyahısı Azərbaycan Respublikasının Nazirlər Kabineti tərəfindən təsdiq edilən hərbi uçot ixtisası olan 19 yaşından 40 yaşınadək Azərbaycan Respublikasının qadın vətəndaşları özlərinin razılığı ilə hərbi qeydiyyata götürülürlər və bağlaşma əsasında Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun yaradılmış başqa silahlı birləşmələrdə hərbi xidmətə qəbul edilirlər. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Dövlət Təhlükəsizlik Xidmətinə, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Elşad Soruşur Yazılma Tarixi:26.04.2016 21:09:51

Salam, bilmək istəyirəmki hərbi xidmət kecməkdən möhlət hüququ olan çağırışçılar təkrar tibbi müayinədən keçmək üçün neçə ildən bir təkrar tibbi müayinədən kecirilməlidirlər?. Əgər cağırışcı 14 may 2013-cü il tarixdə həkim komissiyası tərəfindən müayinədən kecirilirsə və hərbi biletdə 14 may 2016-ci il qeydilə hərbi biletə möhür vurulubsa aprel ayında həmin cağırışçı həkim müayinəsinə (müddət tamam olmayıbsa) dəvət oluna bilərmi? və birdə hərbi xidmətə yarasız hesab edilmiş şəxsin təkra müayinəsi zamani 35 yaşın tamam olmasına 6 ay qalmış müddətdə hərbi xidmətə çağrıla bilərmi? mükünsə ətraflı izahat verərdiniz

“Hərbi vəzifə və hərbi xidmət haqqında” Azərbaycan Respublikasının Qanununda sağlamlıq vəziyyətinə görə çağırışa möhlət 3 il müddətinədək, hər dəfə 1 ildən artıq olmamaq şərti ilə verilir. 3 ildən sonra, sağlamlıq vəziyyətindən asılı olaraq möhlət almış çağırışçılar ya müddətli həqiqi hərbi xidmətə çağırılır, ya hərbi xidmətə yararsız hesab edilərək hərbi uçotdan çıxarılır, ya da dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilirlər. “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər.
Cavid Soruşur Yazılma Tarixi:26.04.2016 14:25:58

Salam men Cavid Camaolv 28.12.1994 il tariximde dogulmuwam. Men mueyyen sebeblerden yeni qolumi. Sinmasina gore bu ile kimi esker gede bilmemiwem ammaki indi ozumu tam wekilde saglam hiss edirem vee qolum saglamdi ammaki yardimli rayon vayinkumati meni yararsiz yazib ammaki mem isteyiremkii herbiye gedim ver vetene qulluq edim sizden artiq derecede xaiw edirem menim herbi xidmetine getmeyimee komeklik edesiz vetene xidmet her bir kiwinin bircudur memde ureynen istiyiremki eskerliye gedem burda sizin cvb ala bilmesem sizden xaiw ediremki elaqe nomreme xeber edesiz 0707728887

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Yardımlı rayon bölməsinə təqdim edildiyi halda mümkündür.
Elnur Soruşur Yazılma Tarixi:26.04.2016 13:47:51

Salam. Mən ehtiyyatda olan tibb xidməti leytenantıyam (nekadr zabit). 2012ci ildə ordu sıralarından təxris olunmuşam. Bir neçə ay öncə qeydiyyat ünvanımı dəyişmişəm (asan xidmət vasitəsilə). Bununla bağlı məni yeni qeydiyyata düşdüyüm rayonun hərbi səfərbərlik idarəsindən çağırmışdılar. Bugün getdim orda da qeydiyyata düşdüm. Lakin hərbi biletimin içinə qırmızı rəngdə səfərbərlik sərəncamı qoydular. Soruşdum ki, bu nədr, dedilər biz bunu bütün ehtiyyatda olan hərbi qulluqçuların hərbi biletlərinə qoyuruq. Mənə də bir kitaba imza atdırdılar. Soruşmaq istəyirəm ki, bu nə kağızdır və nə üçün hərbi biletin arasına qoyulur. Mən artıq 4 ildir ki təxris olunmuşam, ancaq indi bu kağızı mənə verdilər. Mənası nə idi, anlamadım.

“Hərbi vəzifə və hərbi xidmət haqqında” Azərbaycan Respublikası Qanununun 45-ci maddəsinə əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırıla bilərlər.       Ehtiyatda olan zabitlər 55 yaşları tamam olana qədər hərbi qeydiyyatda olurlar və bu müddət ərzində ölkədə səfərbərlik elan olunarsa onlar çağırıla bilərlər.       Səfərbərlik üzrə çağırılacaq ehtiyatda olan zabitlərin hərbi biletlərinə səfərbərlik sərəncamı yapışdırılır, ona görə də Sizin hərbi biletə səfərbərlik sərəncamı yapışdırılmışdır.
Səxavət Soruşur Yazılma Tarixi:26.04.2016 12:12:27

Salam.Mənim hərbi biletimdə atamın adının 1 hərfi səhv (Tofiq-Tofil) yazılıb və buna görədə ümumvətəndaş passportu ala bilmirəm.Hərbi xidmətdə 2008-2009 cu ildə olmuşam.Özüm 2011-ci ilə qədər Sumqayıt şəhərində qeydiyyatda olmuşam, sonradan yaşayış yerimi dəyişdiyim üçün qeydiyyatımıda Xırdalan şəhərinə dəyişdirmişəm.Mən hara (Sumqayıt yoxsa Abşeron) müraciət etməliyəm?Hərbi bilet dəyişdirilməlidir yoxsa düzəliş olunacaq?Bu əməliyyat üçün hər hansı bir rüsum var?Varsa məbləği göstəməyinizidə xahiş edirəm?

Bildiririk ki, hərbi biletdə edilən düzəlişlər və ya əlavələr “Xüsusi qeydlər” bölməsində yazılır və Xidmətin yerli idarə, şöbə və ya bölmə rəisləri tərəfindən imzalanaraq möhürlənir. Odur ki, şəxsiyyət vəsiqənizlə hərbi qeydiyyatda olduğunuz yer üzrə Xidmətin yerli idarə, şöbə və ya bölməsinə şəxsən müraciət etməlisiniz. Əlavə olaraq bildiririk ki, mövcud qanunvericiliyin tələblərinə əsasən etinasız saxlanılması nəticəsində hərbi bilet korlandığı və ya itirildiyi halda inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 607-ci maddəsi) tələb olunan sənədlər əsasında hərbi vəzifəlilərin hərbi qeydiyyatda olduqları yer üzrə Xidmətin yerli idarə, şöbə və bölmələri tərəfindən təkrar (yeni) hərbi bilet verilir.
NƏRMİNƏ Soruşur Yazılma Tarixi:26.04.2016 11:00:09

Salam men herbiye ise qebul ucun hansi senedleri teqdim etmeliyem kadrlar vakansiyasi uzre

Bildiririk ki, Azərbaycan Respublikası Nazirlər Kabinetinin 2 fevral 2015-ci il tarixli 21 №-li qərarı ilə təsdiq edilmiş “Bağlaşma əsasında həqiqi hərbi xidmətə daxilolmanın halları və Qaydası”nın 3.4-cü bəndinə əsasən, şəxsi iş tərtib edilməsi üçün bu Qaydanın 3.1-ci bəndində göstərilmiş müvafiq dövlət orqanlarına və ya hərbi hissələrə aşağıdakı sənədlər (müvafiq dövlət orqanları tərəfindən xidmətə (qulluğa) qəbul edilməsi üçün qanunvericiliklə müəyyən edilmiş sənədlərdən başqa) təqdim edilir: -       şəxsiyyəti təsdiq edən sənəd; -       ərizə və ya raport; -       şəxsən yazılmış tərcümeyi-hal; -       xidmət (iş və ya təhsil) yerindən xasiyyətnamə; -       təhsil haqqında sənədin surəti; -       doğum haqqında şəhadətnamənin surəti; -       nikah haqqında şəhadətnamənin surəti (evli olduqda); -       uşaqların doğum haqqında şəhadətnamələrinin surəti (uşaq olduqda); -       4 ədəd 3x4 sm ölçüdə və 2 ədəd 9x12 sm ölçüdə fotoşəkil; -       məhkumluğun olub-olmaması barədə arayış. Həqiqi hərbi xidmətə könüllü daxil olmaq istəyən şəxslər üçün tərtib edilmiş şəxsi işlərə bu Qaydanın 3.1-ci bəndində göstərilmiş müvafiq dövlət orqanları və ya hərbi hissə tərəfindən sağlamlıq vəziyyətinə görə hərbi xidmətə yararlı olması barədə müvafiq hərbi-həkim komissiyasının qərarı əlavə olunur. Əlavə olaraq bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.3-cü maddəsinə əsasən, gizirlərin və miçmanların həqiqi hərbi xidmətinə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Dövlət Təhlükəsizlik Xidmətinə, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.