Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Abuzər Soruşur Yazılma Tarixi:22.04.2016 08:03:57

Vusal. siradan kənar həqiqi hərbi xidmət varmi ? və siradan kənar əsgər gedənlarə xidmət vaxti hansi məhdudiyyət varmi ?

Bildiririk ki, sağlamlıq vəziyyəti ilə əlaqədar sıradankənar hərbi xidmətə yararlı hesab edilmiş çağırışçılar hava-desant qoşunları, üzən heyətlər, dəniz piyadası və xüsusi təyinatlı dəstələr istisna olmaqla digər qoşunlarda hərbi xidmət keçməyə yararlıdırlar.             Həmin çağırışçılar qeyd olunan qoşun növlərində arxa xidmət mütəxəssislərinin xidmət heyəti vəzifələrinə, inzibati-təsərrüfat və digər vəzifələrə xidmətdə olduqları hərbi hissə komandanlığı tərəfindən təyin edilə bilərlər.               
Elşən Soruşur Yazılma Tarixi:22.04.2016 06:08:22

Salam Snayper hazırlığı kursu ilə maraqlanıram. Şəxsi marağım və istəyim var. Yaxın gələcəkdə həmin kurslarda iştirak etmək istərdim. Özüm müddətli hərbi xidmət keçmiş əsgərəm. Tərəfinizdən belə tip kurslar təşkil olunursa, mümkünsə bu haqda ətraflı məlumat verin. Sağ olun.

Bildiririk ki, Azərbaycan Respublikası Nazirlər Kabinetinin müvafiq sərəncamına əsasən qeyd etdiyiniz ixtisas üzrə hazırlıq kurslarına yalnız növbəti çağırışda müddətli həqiqi hərbi xidmətə göndəriləcək çağırışçılar cəlb edilir. “Hərbi vəzifə və hərbi xidmət haqqında” Azərbaycan Respublikasının Qanununa əsasən çağırışçılar – ilkin hərbi qeydiyyata alınmış və ya alınmalı olan müddətli həqiqi hərbi xidmət keçməmiş 18 yaşından 35 yaşınadək Azərbaycan Respublikasının kişi cinsli vətəndaşları hesab edilirlər. Səfərbərlik və Hərbi Xidmətə Çağırış üzrə Dövlət Xidməti tərəfindən çağırışçı olmayan vətəndaşlar üçün snayper ixtisası üzrə ödənişli hazırlıq kursları təşkil edilmir. 
Leyla Soruşur Yazılma Tarixi:22.04.2016 02:44:09

Salam. Xaricde tehsil alan bir shexs eger xaricde tehsil aldigi olke daxilinde universiteti ve fakulteni deyishibse ve bu sebebden universiteti bitirme tarixi uzanibsa, esgerliye ilk defe chagirildigi muddetden de 4 il kechibse ve hele de xaricde universiteti bitirmeyibse novbeti (ikinci) chagirishda esgerliye getmek universiteti bitirmemish mecburidirmi?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 21-ci maddəsinə əsasən, qeyd olunan təhsil müəssisələrində təhsilini davam etdirmək üçün çağırışçılara möhlət yalnız bir dəfə verilir. Bakalavriat təhsil səviyyəsində təhsil alan tələbələrə təhsillərini dayandıraraq hər hansı ali təhsil müəssisələrində təhsillərini davam etdirmələri üçün çağırışdan təkrar möhlət verilməsi məsələsi mövcud qanunvericilikdə nəzərdə tutulmadığından onlar həmin qanunun 21.2-ci maddəsinə əsasən 6 ay müddətində xaric olunduqları ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar.
Tamerlan Soruşur Yazılma Tarixi:21.04.2016 22:53:36

Salam.Mən Türkiyədə oxuyuram.Lakin 2ci mövsümdə,maddi vəziyyətə görə,qeydiyyat vaxtini qaçirtdim.Yəni qeydiyyatdan keçə bilmədim.Ama universitetdən,mənə 2016-2017ci ildə,yenidən qeydiyyatdan keçə biləcəyim haqqinda sənəd verildi.İndi məni marağlandiran məsələ,Azərbaycana gəldiyim zaman,əsgərlik şöbəsinə onu göstərə bilərəm ki,əsgər aparmasinlar?.Tələbə biletim və tələbəlik haqqimda sənəd də var.İndi mən bunlar göstərsəm,əsgər gedəcəm yoxsa inşallah 2016-2017 qeydiyyatina girə biləcəm?

Bildiririk ki, Siz ümumi əsaslarla müddətli həqiqi hərbi xidmətə çağırışa cəlb ediləcəksiniz.
ULUXAN Soruşur Yazılma Tarixi:21.04.2016 21:45:47

Salam. meni aprel Ayinda Herbi Xidmete Cagriblar ama hansi casta dusheceyim hakkda hec bir melumatim yoxdu nece oyrene bilerem? menim cagrish vereqemde aprel aynin 2ne yazilmisdi soram dediler 20-i bilinecey uje 21di heckim hecne demir hec bilinmirde hara gedirem bir melumat vererdiz zehmet olmasa. Sheki rayon shobesinde qeydiyyatdayam.

Bildiririk ki, Siz müddətli həqiqi hərbi xidmət keçmək üçün 051 saylı hərbi hissəyə təyin edilmisiniz.
Ayan Soruşur Yazılma Tarixi:21.04.2016 20:35:38

Salam. 18 yaşı tamam olmuş bütün oğlanlar hərbi xidmətə getməlidir? Ailənin tək uşağı da? Universitetə 2-ci il qəbul olmaq istəyənlər üçün qaydalar necədir? Hansı təqdirdə hərbi xidmətə çağırılmır yaxud da təxirə salınır?

Bildiririk ki “Hərbi vəzifə və hərbi xidmət haqqında” Azərbaycan Respublikası Qanununun 3.2-ci maddəsinə əsasən 18 yaşına çatmış və sağlamlıq vəziyyətinə görə hərbi xidmətə yararlı vətəndaşlar müddətli həqiqi hərbi xidmətə çağırılırlar. - Çağırışılara həqiqi hərbi xidmətə çağırışdan möhlət təhsilə, ailə vəziyyətinə  və səhhətinə görə verilir. - Həqiqi hərbi xidmətə çağırış zamanı ailənin tək övladlrına hər hansı güzəştin şamil edilməsi mövcud qanunvericilikdə nəzərdə tutulmamışdır. - 2015-ci ildə orta ümumtəhsil məktəblərini bitirmiş və 2016-cı ilin aprel ayının 30-dan iyul ayının 30-dək 18 yaşı tamam olan, səhhəti ilə əlaqədar olaraq vaxtından əvvəl tibbi şəhadətləndirilməsi üçün Xidmətin qeydiyyatda olduqları yerli idarə, şöbə və bölmələrinə ərizə ilə müraciət edən çağırışçılar əlavə tibbi müayinəyə göndərildikdən sonra, “Sağlamlıq vəziyyətinin müayinə edilməsi aktı”nda hərbi xidmətə çağırışdan möhlət verilməsinə əsas verən diaqnoz qeyd edildikdə, onlar müvafiq arayışlarla təmin edilirlər.  
Şahmar Soruşur Yazılma Tarixi:21.04.2016 11:54:51

Salam. Qardaşım hərbi xidməti bitirib indi hal- hazırda hərbi biletdə xidmətə yararlı MD 3 sayılaraq həqiqi hərbi xidmətə göndərilmişdi. Bilmək istəyirəm ki MD 3 nədir? İşə niyə qəbul edilmir ?

Bildiririk ki, Xidmətin saytına etdiyiniz müraciətdə Azərbaycan Respublikası Nzirlər Kabinetinin müvafiq qərarı ilə təsdiq edilmiş “Hərbi həkim ekspertizası haqqında Əsasnamə” nin Xəstəliklər cədvəlinin hansı maddəsinə əsasən qardaşınızın hərbi xidmətə yararlı( 3-cü məhdudiyyət dərəcəsi ilə) olması və Xidmətin hansı yerli idarə, şöbə və bölməsi tərəfindən həqiqi hərbi xidmətə göndərilməsi  qeyd edilmədiyi  üçün cavablandırılması mümkün deyil. Yuxarıda göstərilən məlumat Xidmətin saytına ediləcək təkrar müraciətinizdə qeyd edildiyi təqdirdə qardaşınız barədə araşdırma aparılaraq Sizə ətraflı cavab veriləcəkdir.
Anar Soruşur Yazılma Tarixi:20.04.2016 21:00:39

Salam.Mən 15.04.2016-cı il tarixində SHXÇDX-in işə qəbul üçün test imtahanında iştirak etmişəm.Mümkünsə imtahanın nəticəsini və neçə bal topladiğımı yazın.

Bildiririk ki, 15.04.2016-cı il tarixdə keçirilmiş müsabiqənin nəticələrinə əsasən, Sizin Səfərbərlik və Hərbi Xidmətə Çağırış üzrə Dövlət Xidmətinə işə qəbul edilməyiniz məqsədəuyğun hesab olunmamışdır.
Vüsal Soruşur Yazılma Tarixi:20.04.2016 16:34:48

Salam. 2010 cu ilde Herbi Xidmeti bitirimishem, 2011 ci ilde Herbi bileti itirmishem. 2012 cu ilde Avtamabil qezasi elemishem Mashinimda Rehmete geden olub deye 263.2 madesi ile Icbari ish almiwam. Menteqe tipli ceza cekmede. Ceze Mudetinde mene Nizami rayon Herbi Kamisarliginnan Hec bir zeng xeberdarlig olmuyub, CEzam bitennen sora Ishe qebul olma ile bagli Herbi biletimi Yeniden Almag uchun muraciet etdim Nizami rayon vayenkamatina. Muvafiq senedleri verdim. Ve iwlemediyime gore mewqullugdan sened teqdim eledeim ishlemediyime dair. olarda aciga menim herbi biletime Ceza cekdiyimi yazarag meni adi Fehle ishlemeyime mane olurlar. Men hara gedirem 263.2 madesinnen xeberi olmuyanlar mene Cinayetkar kimi baxir. Men basha duwe bilmirem olar niye menim heyat sheraitime Ziyan verirler? Men Hec herbi Bileti itirmeseydim orda ele yazi olmuyacaydi. Cunki Azad olunannan sora hec bir zeng zad olmuyubki Getir Herbi biletini yazag. Niye bele ozbashinalig var? Men ne etmeliyem? Ve ya yazilmali idimi yeni herbi biletime o?

Səfərbərlik və Hərbi Xidmətə Çağırış üzrə Dövlət Xidməti rəisinin müvafiq əmri ilə təsdiq edilmiş “Azərbaycan Respublikası Silahlı Qüvvələrinin ehtiyatında olan əsgər, matros, çavuş, gizir və miçmanların hərbi qeydiyyatı və hərbi uçotu haqqında Müvəqqəti Təlimat”ın 14.3-cü bəndinə əsasən, yeni hərbi biletlərin doldurulması qeydiyyat kartaları əsasında aparılır. Qeydiyyat kartası hərbi vəzifəlilərin fərdi qeydiyyatının əsas qeydiyyat sənədidir. Qeydiyyat kartası fərdi olaraq tərtib olunur və hərbi vəzifəlilər barədə təsdiq olunmuş bütün məlumatlar qeydiyyat kartasında öz əksini tapır.  
Nicat Soruşur Yazılma Tarixi:20.04.2016 14:36:23

Salam aprel ayina olan son cagiriw siyahisi ne vaxd cixacag xaiw olunur deqiq bir cavab deyesiz bu ay aparacaglar yoxsa yox?

Bildiririk ki, vətəndaşların hərbi hissələrə təyin olunmaları haqqında növbəti məlumat 23 aprel tarixindən etibarən Xidmətin rəsmi saytında yerləşdiriləcəkdir.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.