Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Şahin Soruşur Yazılma Tarixi:13.03.2016 23:16:10

salam silahli quvvelerde gizir olmaq isteyirem hemde snayper qrupunda. neynemeliyem.? hansi senedler lazimdi bunun ucun.?

Bildiririk ki, Azərbaycan Respublikası Nazirlər Kabinetinin 2 fevral 2015-ci il tarixli 21 №-li qərarı ilə təsdiq edilmiş “Bağlaşma əsasında həqiqi hərbi xidmətə daxilolmanın halları və Qaydası”nın 3.4-cü bəndinə əsasən, şəxsi iş tərtib edilməsi üçün bu Qaydanın 3.1-ci bəndində göstərilmiş müvafiq dövlət orqanlarına və ya hərbi hissələrə aşağıdakı sənədlər (müvafiq dövlət orqanları tərəfindən xidmətə (qulluğa) qəbul edilməsi üçün qanunvericiliklə müəyyən edilmiş sənədlərdən başqa) təqdim edilir:
 -          şəxsiyyəti təsdiq edən sənəd;
-          ərizə və ya raport;
 -          şəxsən yazılmış tərcümeyi-hal;
-          xidmət (iş və ya təhsil) yerindən xasiyyətnamə;
-          təhsil haqqında sənədin surəti;
 -          doğum haqqında şəhadətnamənin surəti;
-          nikah haqqında şəhadətnamənin surəti (evli olduqda);
-          uşaqların doğum haqqında şəhadətnamələrinin surəti (uşaq olduqda);
-          4 ədəd 3x4 sm ölçüdə və 2 ədəd 9x12 sm ölçüdə fotoşəkil;
-          məhkumluğun olub-olmaması barədə arayış.
 Həqiqi hərbi xidmətə könüllü daxil olmaq istəyən şəxslər üçün tərtib edilmiş şəxsi işlərə bu Qaydanın 3.1-ci bəndində göstərilmiş müvafiq dövlət orqanları və ya hərbi hissə tərəfindən sağlamlıq vəziyyətinə görə hərbi xidmətə yararlı olması barədə müvafiq hərbi-həkim komissiyasının qərarı əlavə olunur. Əlavə olaraq bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.3-cü maddəsinə əsasən, gizirlərin və miçmanların həqiqi hərbi xidmətinə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçməyi Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, qeyd etdiyiniz məsələ ilə əlaqədar aidiyyəti üzrə qulluq (xidmət) etmək istədiyiniz müvafiq dövlət orqanına və ya hərbi hissənin komandanlığına müraciət etməlisiniz.
Sirac Soruşur Yazılma Tarixi:13.03.2016 22:35:45

men 1998 tevelludluyem aprelin 10u 18 yasim tamam olacaq.mektebi kecen il bitirmisem,bu il tqdk imtahanina girecem,herbi xidmetden nece icaze alabilerem?naxcivan ucotundayam.

Bildiririk ki, Tələbə Qəbulu üzrə Dövlət Komissiyasının ali məktəblərə qəbul imtahanlarında cari ildə tam orta təhsil müəssisələrini bitirmiş abituriyentlər və həqiqi hərbi xidmətə çağırışdan möhlət hüququ olan çağırışçılar iştirak edə bilərlər. 
Elnur Soruşur Yazılma Tarixi:12.03.2016 22:37:58

Salam. Anam məni tək böyüdüb. Atam yoxdur. Özümdən balaca bir bacim var. 2016-cı il aprel ayinda hərbi xidmətə çagırılmışam. Özüm Bakı qeydiyatındayam. Yaxın bölgəyə düşə bilərəmmi?

Bildiririk ki, həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində  Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında xüsusi kompüter proqramı vasitəsi ilə bölünür.      
     Eyni zamanda bildiririk ki, çağırışçıların gələcəkdə hansı hərbi hissədə xidmət keçməsi məsələsinə onların təyin edildiyi qoşunun komandanlığı tərəfindən qərar verilir. 
RƏQSANƏ Soruşur Yazılma Tarixi:12.03.2016 17:52:15

Salam. Men herbide maxe kimi işlemek isteyrem . Silahli Quvvelerde ya da Daxili Qoşunlarda. Bilmek isteyrem işe qebul varmi? Xahiş edirem mene kömeklik edesiz.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçməyi Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Dövlət Təhlükəsizlik Xidməti, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, qeyd etdiyiniz məsələ ilə əlaqədar aidiyyəti üzrə qulluq (xidmət) etmək istədiyiniz yuxarıda qeyd olunan müvafiq dövlət orqanına müraciət etməlisiniz.
İlkin Soruşur Yazılma Tarixi:12.03.2016 13:13:23

Salam mən ATibbU-da oxuyuram. Bu il aprelde bizim Rezidentura imtahanının 1-ci mərhələ imtahanıdı. Əgər 1-ci mərhələdən kecsəm mənə 2-ci mərhələdə iştirak etmək ucun mohlet veriləcək və iyulda yox oktyabrda cagırış gələcək. Bilmək istəyirəm ki hemin muddət icində, yəni iyuldan oktyabr ayina kimi olan muddətdə mən olkədən kənara cıxa bilərəm? Məlumat ucun deyim ki, Turkiyəyə getmək istəyirəm 1 həftəlik.

Bildiririk ki, qanunvericiliyin tələblərinə uyğun olaraq müddətli həqiqi hərbi xidmət hərbi qulluqçularına və çağırışa möhlət hüququ olmayan və ya çağırışdan azad edilməmiş vətəndaşlara ölkəni tərk etmək qadağandır.
Fuad Soruşur Yazılma Tarixi:12.03.2016 11:05:28

Salam. Iqtisad universitetinde oxuyuram.yayda esgerliye gedecem.leytenant kimi yeni 1 il 9 ay O duzdurki bu qayda artiq yoxdur? Yeni vaxti uzadilblar 2 il 6 aya qeder?

Bildiririk ki, qeyd edilən məsələ ilə bağlı xidmət edəcəyiniz hərbi hissənin komandirinə müraciət etməyiniz tövsiyə olunur. 
Ceyhun Soruşur Yazılma Tarixi:11.03.2016 20:57:09

Axşamınız xeyr bağışdıyın narahat edirəm.Mən 2017 ci ildə universiteti bitirib hərbide nikadr leytinant kimi xidmət etmək istəyirəm.Amma səhv etmirəmsə nikadr leyinantliqda bəzi dəyişikliklər edilib.Bu barədə məlumat verməyinizi xahiş edirəm

Bildiririk ki, Xidmətin saytına etdiyiniz müraciətdə fikriniz tam və aydın şəkildə  (dəyişiklik dedikdə nə nəzərdə tutulur) ifadə olunmadığı üçün cavablandırılması mümkün deyil. Xidmətin saytına ediləcək təkrar müraciətinizdə çağırışçı və ya hərbi vəzifəli olmağınız və hansı dəyişikliklər barədə məlumat əldə etməyiniz barədə qeydlər olduğu təqdirdə Sizə ətraflı cavab veriləcəkdir.  
Kamran Soruşur Yazılma Tarixi:11.03.2016 16:23:32

Salam Mən Təhsilimi 2017 ci ilin Iyunun 30 da bitirirem bilmək istərdim cagiriş ne vaxt gələcək ?

Bildiririk ki, sualınızın cavablandırılması üçün  doğum tarixinizi və Xidmətin qeydiyyatda olduğunuz idarə, şöbə və ya bölməsinin adını qeyd etməlisiniz. 
Nihad Soruşur Yazılma Tarixi:10.03.2016 21:08:59

Salam. Men aprelin 4u ucun emr almiwam. (Bineqedi). Menim qardawim ve qonwulardan bezileri. 2013cu ilde aprel ayinda herbi qulluga cagirilmiwdilar. Amma onlari iyul ayina saxlamiwdilar. Bir qonwumu ise iyulda getmeliydi oktyabra saxladilar. Qeyd edimki. Emrleride verilmiwdi. Indi bele birwey yene ola biler menim ucun? (qeyd edmki qalmax isdemirem) ve birde hansi herbi hisseye duwduyumu nevaxt oyrene bilerem?

Bildiririk ki, sualınızla bağlı araşdırma aparılması üçün Xidmətin qeydiyyatda olduğunuz idarə, şöbə və ya bölməsinin adını qeyd etməlisiniz. Digər sualınızla əlaqədar bildiririk ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir. Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər. Bu xidmətdən bütün mobil operatorlara məxsus nömrələri olan şəxslərin istifadəsi mümkündür. Eyni zamanda Siz qeydiyyatda olduğunuz yerli idarə, şöbə və ya bölməyə müraciət edə bilərsiniz.
Qüdrət Soruşur Yazılma Tarixi:10.03.2016 18:36:26

Salam mən bu il 4-cü kursda oxuyuram. Bu il inşallah iyul ayında əsgər gedəcəm. Biz bu il may ayinda Turkiyəyə imtahan vermeye gede bilerik?

Bildiririk ki, 2016-cı ilin iyul çağırışı zamanı həqiqi hərbi xidmətə çağırılacaq vətəndaşlara may ayında sərhədkeçməyə məhdudiyyət qoyulmur.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.