Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Ehsen mirzeyev Soruşur Yazılma Tarixi:18.02.2016 20:03:42

Salam menim buroxlarimda soyugdeyme olduguuna gore niqodnu oldum yeni herbi xidmete olmamisam ama indi heqqiqeten herbi xidmete olmag istiyirem bogazimda ki pirablemler yoxa cixib tam saglamam isteyirem xidmet edem

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
Zamiq Mirzeyev Soruşur Yazılma Tarixi:18.02.2016 19:15:17

Salam bilmek isteyirem ki, Masallí Rayonunun Xallícallí kendinde bir aylenin üç üzvü Abdullayev Şamxal Ramiz oğlu Abdullayev Behruz Ramiz oğlu Dayísí oğlu Quliyev Yağub Telman oğlu tam sağlam olduqlarí halda xestelik senedleri düzelderek xidmetden yayínírlar Abdullayev Behruz Ramiz oğlu Rusiyada yaşadíğí halda Masallí Rayonunun herbi hekim komisiyasíndan keçir ve xeste bilinir bu nece mümkün ola biler dünyanín bu vaxtínda bu qeder saxtakarlíq olarmí xahiş edirem cavab yazín

Xidmətin saytına daxil olan müraciətinizlə əlaqədar bildiririk ki, Abdullayev Şamxal Ramiz oğlu, Abdullayev Bəhruz Ramiz oğlu və Quliyev Yaqub Telman oğlu barələrində araşdırma aparılmış və qanunamüvafiq tədbirlər həyata keçirilmişdir.
Huseynaga Muradov Soruşur Yazılma Tarixi:18.02.2016 16:21:15

Azerbaycan Memarliq ve inwaat universitetin 3 kursda qiyabi tehsil aliram .atam vefat edib anam 2 qrup pensiya elilidir.men bilmek isteyirem ki,hal hazirda ordu siralairnda xidmet ede bilerem ve qutarinca mene zabit rutbesi verilecekmi?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 19.1.1-ci maddəsinin tələblərinə əsasən, həqiqi hərbi xidmətə çağırışdan ailə vəziyyətinə görə möhlət himayəsində başqa övladı olmayan 1-ci qrup əlil ata, yaxud ana olan çağırışçılara verilir. Zabit kimi hərbi xidmət keçmək məsələsi ilə bağlı xidmətdə olacağınız qoşun növünün komandanlığına müraciət etməyiniz tövsiyə olunur.
elvin xasiyev Soruşur Yazılma Tarixi:18.02.2016 15:40:16

salam xayis edrem sualmi cvb landrasiz menim herbi bilete A3 qerarna uyqun herbi xidmete yarali yazlib ozum edilliye nazirliynde zidmet etmisem 6ay posda cxmisam 12ay edilliye nazrliyinin muhafize alaynin komandri terefden 15boluyun kinoluq vezfesne teyin olmusam men bilmek isdeyremki bu A3 qerarna herbi xidmete yarali olan xidmeti basa vurmus vetendaslar gizirlik kursuna gedebilermi ve A3 qerari gizrlik kursna manecliyi varmi cox xayis cvb landrasiz sualmi tsk

Bildiririk ki, Xidmətin saytına etdiyiniz müraciətdə Azərbaycan Respublikası Nazirlər Kabinetinin müvafiq qərarı ilə təsdiq edilmiş “Hərbi həkim ekspertizası haqqında Əsasnamə”nin Xəstəliklər cədvəlinin hansı maddəsinə əsasən hərbi xidmətə yararlı (3-cü məhdudiyyət dərəcəsi ilə) olmağınız qeyd edilmədiyi üçün cavablandırılması mümkün deyil. Yuxarıda göstərilən məlumat Xidmətin saytına ediləcək təkrar müraciətinizdə qeyd edildiyi təqdirdə barənizdə araşdırma aparılaraq Sizə ətraflı cavab veriləcəkdir.  
Sarizade Nicat Soruşur Yazılma Tarixi:18.02.2016 15:03:49

Salam men leytenan Sarizade Nicat Fovqelade hallar nazirliyinden 2015 cil ilin aprel ayindan ehtiyata buraxilmisam ve zabit herbi bileti almaq ucun qeydiyyatda olduqum rayonun SHXCDX tinin bolmesine muraciyet etdim ve onlara artiq 10 aydiki gedib gelirem ve mene herbi bilet vermirler men hara oz wikayetimi bildire bilerem zehmet olmasa melumat vererdiz

Bildiririk ki, Xidmətin saytına etdiyiniz müraciətdə barənizdə məlumatlar     (atanızın adı, təvəllüdünüz, harada hərbi qeydiyyatda olduğunuz yer) qeyd edilmədiyi üçün cavablandırılması mümkün deyil. Yuxarıda göstərilən məlumatlar Xidmətin saytına ediləcək təkrar müraciətinizdə qeyd edildiyi təqdirdə barənizdə araşdırma aparılaraq Sizə ətraflı cavab veriləcəkdir.  
cahangir selimov Soruşur Yazılma Tarixi:18.02.2016 11:12:54

Salam . men universitetin 4 cu kursundayam . herbi xidmetde leytinant kimi qalmaq isteyirem . bunun ucun hansi sertler lazimdir ?

Bildiririk ki, leytenant kimi hərbi xidmət keçmək məsələsi ilə bağlı xidmətdə olacağınız qoşun növünün komandanlığına müraciət etməyiniz tövsiyə olunur.
Simran Samidov Soruşur Yazılma Tarixi:17.02.2016 22:44:08

Salam. Xaricde maqistratura oxuyanlara möhlet verilir?

Bildiririk ki, mövcud qanunvericilikdə magistraturaya qəbul olunanlara həqiqi hərbi xidmətə çağırışdan möhlət verilməsi nəzərdə tutulmamışdır.
Omur Omurlu Soruşur Yazılma Tarixi:17.02.2016 22:08:56

1998-ci il,dekabr ayiyam.17 yawim tamam olub.pripisnoy almaqa getdik bu hefte,dedilerki,gecikdiyinize gore ceza tetbiq olunur,cerime odeyeceksiz.bu niye beledirki? sual 2-ozel mektebde oxuduquma gore mektebden gondermeyibler vaxtinda,bu sebebden,neye gore valideyne xeber etmeyiblerki ovladinizi getirin filan vaxtda

“Hərbi vəzifə və hərbi xidmət haqqında” Azərbaycan Respublikası Qanununun 6.1-ci maddəsinə əsasən, hər il yanvar-mart ayları ərzində həmin il 16 yaşı tamam olan Azərbaycan Respublikasının kişi cinsli vətəndaşları yaşayış və ya olduğu yer üzrə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində ilkin hərbi qeydiyyata alınmalıdırlar. Azərbaycan Respublikası İnzibati Xətalar Məcəlləsinin 350-ci maddəsinə əsasən, ilkin hərbi qeydiyyata alınmalı olan vətəndaşların qeydiyyata alınmaq üçün fərdi çağırış vərəqəsində göstərilmiş müddətdə üzrlü səbəblər olmadan Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölməsinə gəlməməsinə görə xəbərdarlıq edilir və ya otuz manat miqdarında cərimə edilir.  
Rəsul Ələsgərov Soruşur Yazılma Tarixi:17.02.2016 21:35:25

Salam.Mənim 18 yaşım aprelin 19-u tamam olur.Məni hərbi Xidmətə nə zaman çağıracaqlar?Və məni nə zaman tibii yoxlamaya çağıracaqlar?

Bildiririk ki, 19.04.2016-cı il tarixdə 18 yaşınız tamam olduğuna görə 2016-cı ilin aprel çağırışına cəlb ediləcəksiniz. 2016-cı ilin aprel çağırışçıları fevral ayından etibarən tibbi şəhadətləndirilməyə cəlb olunduqları üçün Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.
Paşa Adıgözəlli Soruşur Yazılma Tarixi:17.02.2016 19:30:45

Salam. Mən Cəmşid Naxcivanski adına herbi liseyə qəbul olmaq istəyirəm. Amma bilmek isteyirem ki, leytenant rütbəsi neçə yaşda verilir?

Qeyd etdiyiniz məsələ ilə bağlı təhsil almaq istədiyiniz hərbi liseyə müraciət etməyniniz tövsiyə olunur. 
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.