Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Sabanov Nurlan Soruşur Yazılma Tarixi:24.01.2016 18:34:52

Salam,epilepsiya xesteleri mialice olduqlarindan sonra 1-2 il xesteliyin elametleri olmadigda herbi xidmete yararli sayilirlar yoxsa epilepsiya xroniki xestelik olduguna gore dinc dovurde yararsiz,muharibe dovrunde mehdud yararli sayilirlar?

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 21-ci maddəsinin “b” bəndinin (tutmadan kənar vaxtda ruhi pozulmalar olmadan tək-tək və nadir epileptik tutmalar olduqda) I qrafasına əsasən “Sülh dövründə hərbi xidmətə yararsız, müharibə dövründə məhdud yararlı” hesab edilirlər.
Esgerov Ilham Soruşur Yazılma Tarixi:24.01.2016 17:44:56

Menim qardasim 1-ci berdeye dusmusdu sonra ise genceye aparacaqlarini dediler ve qardasim gedenden sonra xeber aldiq ki gedebeye apariblar indi ordadi ordan hara aparilaciqini öyrene bilerik balliqaya kendindedir

Qeyd etdiyiniz məsələ ilə bağlı qardaşınızın xidmət etdiyi qoşun növünün komandanlığına müraciət etməyinizi tövsiyə edirik.
sahin memmedov Soruşur Yazılma Tarixi:24.01.2016 16:42:26

Salam rezidenturada oxuyan telebe rezidenturada oxuyarken xarici universtetlerden birine qebul olarsa rezidenturani atib birbasa xarice gede biler yoxsa esgerliye getmelidi ondan sonra tehsilini xaricde davam etdirmelidir?

Sizin "Hərbi vəzifə və hərbi xidmət haqqında" Azərbaycan Respublikası Qanununun 21.1.4-cü maddəsinə əsasən rezidenturada təhsil almaq hüququnuz var. Xarici ölkənin təhsil müəssisəsində təhsil almağınız üçün isə Sizə həqiqi hərbi xidmətə çağırışdan təkrar möhlət verilməsinə qanuni əsas yoxdur.
Bildiririk ki, respublika daxilində rezidentura təhsilindən imtina etdiyiniz halda, möhlət hüququnuzu itirərək həqiqi hərbi xidmətə çağırışa cəlb ediləcəksiniz.
Əlimurad Bağırlı Soruşur Yazılma Tarixi:24.01.2016 12:19:00

3-cü dərəcəli piylənməyə görə mənim dostumu əsgərlyə aparmrlar.Bu nə dərəcədə düzgündür?

Hərbi xidmətə çağırış zamanı ilk dəfə III dərəcə alimentar piylənmə aşkar edilən vətəndaşlar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13 “ç” bəndi ilə 6 (altı) ay müddətinə hərbi xidmətə müvəqqəti yararsız sayılırlar. Lakin müalicə səmərəsiz olduqda, onlar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
Ehtiram Semedzade Soruşur Yazılma Tarixi:24.01.2016 01:07:03

Salam. Men 2015 iyun ayinda ag ciyer emeliyyati kecirmiwem. Hemin muddetde mene cemi 6 ay mohlet verdiler. Indi tezeden meni komisyyadan kecirdib herbi xidmete cagirirlar. bunun ne derecede duzgun oldugunu bilmek istiyirem. Mene en azi 1 il mohlet verilmelidirmi emeliyyatdan cixdigima gore ?

Cərrahi xəstəliklərə görə aparılmış operativ müdaxilələrdən sonra fəsadlaşmalar olmadıqda, müalicə müəssisəsindən çıxarıldıqdan sonra hərbi xidmətə çağırış zamanı vətəndaşların 3 ay müddətinədək müvəqqəti yararsızlığı haqqında qərar çıxarılır. Möhlət hüququ bitdikdə çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
Celal1919 Soruşur Yazılma Tarixi:23.01.2016 23:59:09

Salam size bir sual vere bilerem? Men cagirisci Cəlal Sarxanov sizin bu saytinizda adi soyadi yazdim vesiqeminin seriasin yolladim amma gonderdiyiniz cagirisci tapilmadi deyir amma Füzuli rayonu SHXÇDX-inin iscileri terefinden zeng olunub melumat verilibki cagirisci Cəlal Sarxanov 26_01_2016ci ilde herbi xidmete yollanilacaq bu necede duzgun fikirdir? Ve xidmet edeceyim region N-sayli NAXCİVAN M.R eraizde olacaq men AZERBAYCAN RESPUBLİKASİN VETENDASİ OLARAQ AZERBAYCANİN BUTUN REGİONLARİNDA XİDMET ETMEYE HAZİRAM Amma men 4İl mekteboxumuwam,evin tek ovladiyam ve valdeyinim QARABAG ELİLLİDİR niye on cehbede xidmet edirem? Sizden artiq derecede xais edirem oz yasli ANAMİN xaisin, GOZU YASLİ QALAN ANAMİ SOZLERİN size yazdim zehmet olamasa maraqlanin

Bildiririk ki, Siz 2016-cı ilin yanvar çağırışına hazırlıqla əlaqədar Xidmətin Füzuli rayon şöbəsinin hərbi-həkim komissyası tərəfindən tibbi şəhadətləndirilmiş və həqiqi hərbi xidmətə yararlı hesab edilərək, müddətli həqiqi hərbi xidmət keçmək üçün Azərbaycan Respublikası Müdafiə Nazirliyinin daxili bölgüsünə əsasən N  saylı hərbi hissəyə təyin edilmisiniz.
Ali isgenderov Soruşur Yazılma Tarixi:23.01.2016 21:06:11

Salam.Men esgerliyimi bitirdikden sonra zabit vezifesi ucun oxuya bilerem?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 30.1-ci maddəsinə əsasən, hərbi qulluqçuya və hərbi vəzifəliyə onun tutduğu vəzifədən, hərbi və ya xüsusi hazırlığından, hərbi xidmət müddətindən, ehtiyatda olma vəziyyətindən, qoşun növünə və ya xidmətinə mənsubiyyətindən və xidmətlərindən asılı olaraq müvafiq hərbi rütbə verilir. Odur ki, aidiyyəti üzrə qulluq (xidmət) etdiyiniz hərbi hissənin komandanlığına müraciət etməlisiniz.
Rəşad Babayev Soruşur Yazılma Tarixi:23.01.2016 19:32:33

Mən Babayev Rəşad Rasim oğlu 1982-il 16 yanvarda Bakı şəhərində anadan olmuşam. 1997-ci ildə Maliyyə İqtisad Kollecinin Maliyyə və Vergi Hüququ fakultəsinə daxil olmuşam. 2000-ci ildə həmin Kolleci bitirib heqiqi herbi xidmete getmişəm. 2001-ci ildə herbi xidmətindən çavuş rütbəsi ilə ehtiyyata buraxilmışam. 2003-cü ildə Azərbaycan Texniki Universitetinin Yerüstü Nəqliyyat vasitələri və Nəqliyyatın istismarı fakultəsinə daxil olmuşam. 2008-ci ildə həmin Universitetin Yol Hərəkətinin Təşkili üzrə bakalavr dərəcəsi almışam. 2004-cü ildən indiki zamana kimi fasilelernen Əmək və Əhalinin Sosial Müdafiəsi Nazirli yanında Dövlət Məşğulluq Xidmətində müxtəlif vezifələrdə işləmişəm. Hal-hazirdada orada işləyirəm. Azərbaycan Respublikasının vətəndaşı kimi vətənpərvər olduğuma görə zabit kimi hərbi xidmətə qəbul olmaq arzusundayam. Xahiş edirəm mənə zabit kimi xidmət keçməyimə köməklik göstərəsiniz. Əvvəlcədən öz minnətdarlığımı bildirirəm.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında aşağıdakı həqiqi hərbi xidmətlərə könüllü daxil olurlar: 36.1.4. zabitlərin həqiqi hərbi xidmətinə - hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Kamran Zeynalov Soruşur Yazılma Tarixi:23.01.2016 18:06:58

salam men bilmek isterdim herbi xidmete yararsiz sayilanlar. sonra herbi xidmete gede biler konullu

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Belə ki, bu Qanunun 12.2.1-ci maddəsinə əsasən müddətli həqiqi hərbi xidmətə - Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları çağırılırlar.
xasiyev elvin Soruşur Yazılma Tarixi:23.01.2016 16:14:20

salam men ediliye nazirliynde xidmet wtmisem 2015ci ilin oktyabr aynda ehtiyata buraxlmisam indi giZrlik kursu oxmaq isderem ve gizrliye yazlmisam indi bilmek isdeyrem gizrlik kursuna tam orta mekteb qurtarmis gencler gizirlik kursu oxuya bilermi ve gizrlilk kursna hansi ay qebul olnacaq

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında aşağıdakı həqiqi hərbi xidmətlərə könüllü daxil olurlar: 36.1.3. gizirlərin və miçmanların həqiqi hərbi xidmətinə - ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar; Əlavə olaraq bildiririk ki, “Gizir hazırlığı kursu” Silahlı Qüvvələrin Təlim-Tədris Mərkəzində təşkil edilir. Kursların nə vaxt və hansı müddətə keçirilməsi Azərbaycan Respublikasının Müdafiə Nazirliyi tərəfindən müəyyən edilir. Odur ki, qeyd etdiyiniz məsələ ilə əlaqədar aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.