Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Xəyal Əliyev Soruşur Yazılma Tarixi:21.01.2016 14:29:16

Xahiş edirem mənim sualima cavab verin mən hərbi səfərbərlik xidmətinin Cəbrayil bölməsinin mənim haqqimda çıxardıqı qərəra ehtiraz edirəm mənim təkrar tibbi baxışa çaqrilmaqimi istəyirəm.Mən nə olur olsun vətənimə xidmət etmək estəyirəm xahiş edirəm mənə nə etməli olduqumu deyesiz.

Nəzərinizə çatdırırıq ki, Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində, digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Xidmətin Cəbrayıl rayon bölməsinə təqdim edildiyi halda mümkündür.
Şəmsəddin Əhmədov Soruşur Yazılma Tarixi:21.01.2016 13:03:58

Salam. Mən artıq ikinci dəfədir ki, müraciət edirəm və çox xahiş edirəm müraciətimə qanuna uyğun cavab verəsiz, Mən 1991-ci il təvvəllüdlüyəm. orta ixtisas təhsilim var,İxtisasca Yol Polisi vüfəttişiyəm.Bir neçə kurslarda təhsil almışam Kompuyuter və Mühasibat uçotu üzrə. Həqiqi hərbi xidmətdə olmuşam. Hal-hazırda musiqi məktəbində kərgüzar işləyirəm. Mən bilmək istəyirəm ki, SHXÇDX-ində və yaxudda yaşadığı Ağdam rayonunda yerləşən hərbi hissədə yuxarıda qeyd etdiyim ixtisaslarıma uyğun xidmətdən artıq hərbi qulluqçu kimi işləyə bilərəm? Və bunun üçün nə etməliyəm və hara müraciət edim?

Bildiririk ki, hal-hazırda Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxıldığına görə, Sizin müddətdən artıq həqiqi hərbi xidmət qulluqçusu qismində həqiqi hərbi xidmətə qəbul olunmağınızla bağlı müraciətinizin müsbət həlli mümkün hesab edilməmişdir. Əlavə olaraq bildiririk ki, Azərbaycan Respublikasının Silahlı Qüvvələrinə və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrə müddətdən artıq həqiqi hərbi xidmət qulluqçusu qismində həqiqi hərbi xidmətə qəbul etmək, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin səlahiyyətlərinə aid olmadığına görə, aidiyyəti üzrə müraciət etməyiniz tövsiyə olunur.
Xeyal Soruşur Yazılma Tarixi:21.01.2016 12:39:37

salam Herbi ekspertizada C 2 ne demekdi herbiye getmek olar ya yox

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 2-ci maddəsinin “c” bəndinə “Tənəffüs orqanlarının vərəmi (ağciyərin, bronxların, döşqəfəsidaxili limfa düyünlərinin, plevranın vərəmi): kliniki müalicə olunmuş” aiddir.
Vuqar Vahidli Soruşur Yazılma Tarixi:21.01.2016 12:20:28

Salam.menim himayemde ikinci qrup elil valideynim var .mene herbi xidmetden mohlet huququ verilirmi?

“Hərbi vəzifə və hərbi xidmət haqqında” Azərbaycan Respublikası Qanununun 19.1.1-ci maddəsinin tələblərinə əsasən, həqiqi hərbi xidmətə çağırışdan ailə vəziyyətinə görə möhlət himayəsində başqa övladı olmayan 1-ci qrup əlil ata, yaxud ana olan çağırışçılara verilir.
Elvin Quliyev Soruşur Yazılma Tarixi:21.01.2016 00:08:53

Salam menim 17 yawim var men konullu olaraq.Azerbaycan Respubilkasi Herbi mekteblerine gire billeremmi. Ve ya daxili qowunlara.xaiw edirem cavablandirasiniz

Qeyd etdiyiniz məsələ ilə bağlı Tələbə Qəbulu üzrə Dövlət Komissiyasına müraciət etməyinizi tövsiyə edirik.
Şəmsi Səmədov Soruşur Yazılma Tarixi:20.01.2016 23:06:48

Salam menim butun senedlerim hazirdir..gizirlik kursuna nece gede bilerem?

Bildiririk ki, Səfərbərlik və Hərbi Xidmətə Çağırış üzrə Dövlət Xidmətinin yerli idarə şöbə və bölmələri tərəfindən hər il mütamadi olaraq Silahlı Qüvvələrin Təlim və Tədris Mərkəzində “Gizir hazırlığı kursu”nda oxumaq üçün 28 yaşına qədər hərbi vəzifəlilər sırasından namizədlərin seçilməsi təşkil edilir. Odur ki, Siz SQ TTM-də təşkil ediləcək növbəti kursda oxumaq üçün adınızın namizəd kimi siyahıya daxil edilməsi və hansı sənədlərin hazırlanaraq təqdim edilməsi barədə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsinə (şöbə və ya bölməsinə) müraciət edə bilərsiniz. Eyni zamanda nəzərinizə çatdırırıq ki, SQ TTM-də təşkil ediləcək növbəti “Gizir hazırlığı kursu”nun nə vaxt başlayacağına və hansı müddətə olacağına aydınlıq gətirilməsi ilə bağlı isə aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
Habullayev nesini Soruşur Yazılma Tarixi:20.01.2016 22:42:36

Salam menim 55 cekim boyum 1.45 men egerden gelimiwem gizrye vermek istrem ve herbide iwlemek istrem masalli

Bildiririk ki, Səfərbərlik və Hərbi Xidmətə Çağırış üzrə Dövlət Xidmətinin yerli idarə şöbə və bölmələri tərəfindən hər il mütamadi olaraq Silahlı Qüvvələrin Təlim və Tədris Mərkəzində “Gizir hazırlığı kursu”nda oxumaq üçün 28 yaşına qədər hərbi vəzifəlilər sırasından namizədlərin seçilməsi təşkil edilir. “Hərbi vəzifə və hərbi xidmət haqqında” Azərbaycan Respublikasının Qanununun 36.1.3-cü maddəsinə əsasən, gizir­lə­rin həqiqi hər­bi xid­mə­tınə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla) könüllü da­xil olurlar. Odur ki, Siz yuxarıda qeyd olunan tələblərə cavab verdiyiniz halda, SQ TTM-də təşkil ediləcək növbəti kursda oxumaq üçün adınızın namizəd kimi siyahıya daxil edilməsi və hansı sənədlərin hazırlanaraq təqdim edilməsi barədə hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsinə (şöbə və ya bölməsinə) müraciət edə bilərsiniz. Eyni zamanda nəzərinizə çatdırırıq ki, SQ TTM-də təşkil ediləcək növbəti “Gizir hazırlığı kursu”nun nə vaxt başlayacağına və hansı müddətə olacağına aydınlıq gətirilməsi ilə bağlı isə aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
nurlan ezizov Soruşur Yazılma Tarixi:20.01.2016 22:40:44

salam.bilmey isderdim 2016 aprel ayi cagiriscilari ne vaxt herbi kamisyaya cagirlacaq

Bildiririk ki, 2016-cı ilin aprel çağırışçıları fevral ayından etibarən tibbi şəhadətləndirilməyə cəlb olunacaqlar.
zaur Soruşur Yazılma Tarixi:20.01.2016 21:13:40

salam. Men iyulda esger gedirem amma aprel ayinda 3gunluk imtahan ucun Gurcustana gedecem. men serhedi kece bilerem mi? birde men onurga yirtigi ile emeliyyat olunmusam bu halda heqiqi herbi xidmete gedirem mi yoxsa yararsiz sayiliram?

Bildiririk ki, 2016-cı ilin iyul çağırışı zamanı həqiqi hərbi xidmətə çağırılacaq vətəndaşlara aprel ayında sərhədkeçməyə məhdudiyyət qoyulmur. Siz 2016-cı ilin iyul çağırışına hazırlıqla əlaqədar Xidmətin qeydiyyatda olduğunuz yerli idarə, şöbə və ya bölməsində tibbi şəhadətləndirildikdən sonra hərbi xidmətə yararlı olub-olmamağınız barədə qanunamüvafiq qərar qəbul ediləcəkdir.
Sənan Şəfiyev Soruşur Yazılma Tarixi:20.01.2016 18:08:25

Salam bilmək istəyirəm ki, mənim möhlət hüququm nə vaxta kimidir? 09.12.1996 Qəbələ rayonu Şəfiyev Sənan Adil oğlu

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz, razılaşdırılmış qrafikə əsasən şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız və müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdır. 
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.