Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Rasim Ismayilov Soruşur Yazılma Tarixi:11.12.2015 13:00:37

Salam . men 2014cu ilde ali mektebi bitirmisem . Hemin ili herbi xidmete getmeliydim ama qolumda olan probleme gore (dirsek sumuyun qirilmasi ile mil yerlesdirib qoluma) meni saxladilar. 6 aydan bir tramatologiya inistutunda ve ilde bir defe hosbitalda yoxlanisdan kecirem. indi ise iwlemek ucun menden vayenni bilet teleb olunur. Bilmek isteyirem herbi bilet mene ne vaxt verilecek? bunun ucun hansi orqana muraciyet elemeliyem?

Bildiririk ki, müraciətiniz əsasında konkret araşdırmanın aparılması üçün atanızın adı, təvəllüdünüz və hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsinin (şöbəsinin, bölməsinin) adının bildirməyiniz vacibdir.
Cəfərov Huseyn Soruşur Yazılma Tarixi:11.12.2015 11:54:38

Salam. Zəhmət olmasa sualıma ətraflı şəkildə cavab verəsiniz... Mən 2015ci il iyul çağırışında hərbi komissarlığa çağırıldim tibbi müayinədən keçdim qulağimda çirk və pərdə zədəli olduğu üçün hərbi xidmətə yararsız olduğum üçün aparmayıblar. Hərbi biletimi verdilər. Mən hər iki qulağimdan əməliyyat olmuşam indi tam saglamam. Mən hərbi xidmətə getmək istəyirəm ama hərb biletim var (yararsiz). Mən 2018ci ilin iyul ayını gözləməliyem? Hal hazırda hərbiyə yararliyam və getmək istiyirəm. Xahiş edirəm sualıma aydin şəkildə cavab verəsiniz... Minnətdaram

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
ismayilov elvin ilham oqlu Soruşur Yazılma Tarixi:11.12.2015 00:55:46

Men 20 yasim var pese mektebin 3 cu kaursunda oxuyuram 2016 ci ilin mayinda bitirirem mene esgerliye caqiriblar Men mektebi bitirib getmeliyem yoxsa yoX

Bildiririk ki “Hərbi vəzifə və hərbi xidmət haqqında “Azərbaycan Respublikası Qanununun 21.1.2-ci maddəsinə əsasən ilk peşə-ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış çağırışçılara 20 yaşınadək möhlət verilir. Sizin artıq 20 yaşınız tamam olduğuna görə ümumi əsaslarla müddətli həqiqi hərbi xidmətə cəlb edilirsiniz.
Emin Seferov Soruşur Yazılma Tarixi:10.12.2015 23:26:37

Salam, mən 2015 ci ilin avqust ayinda sumqayit weher hərbi komissarligina cagirlmişam həmən vaxt mende cekiyle bagli müvəqqəti problem olduğu üçün Bakı şəhəri saglamliq merkezi xəstəxanasına gonderildim ve cavablar vayinkamata geldi ordaki hekimlerde mene dedi herbiye yararlisan hec bir prablemin yoxdu seni herbiye aparmag vayinkamatin elindedi istese aparacag ve bugun vayinkamatda oldum 6 ay möhlət verildi ceki aTmagcun Yanvar ayında əsgər getməliyəm, halbuki hərbi komissarlıqdan mənə çağırış gəıməyib. indi mən neyniyim? 2016 -ci ilin yanvar ayinda mən əsgər gedə biləcəm ya yox? Ve bir weyide qeyd etmey isteyremki bizim yawadigmiz qesebede mennende cekide agir olan birin herbiye apardilar hemen wexs herbiye gedende 135 kilo idi amma mende ise ceki 129du boyda 185 ve meni nie herbiye aparmilar 6 ay mohlet verirler? Bu halda men ne etmeliyem ?

Məlum olmuşdur ki, Siz, 2016-cı ilin yanvar çağırışına hazırlıqla əlaqədar Xidmətin Sumqayıt şəhər idarəsinin hərbi həkim komissiyasında tibbi baxışdan keçirilmiş və  səhhətinizlə bağlı şikayətiniz nəzərə alınaraq aidiyyəti üzrə müayinəyə göndərilmisiniz. Müayinə nəticəsində təyin olunmuş diaqnoza müvafiq olaraq Siz, rayon çağırış komissiyası tərəfindən şəhadətləndirilərək Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz, təkrar tibbi müayinəyə cəlb olunacaqsınız. Əlavə olaraq bildiririk ki, hərbi xidmətə çağırış zamanı ilk dəfə III dərəcə alimentar piylənmə aşkar edilən vətəndaşlar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13 “ç” bəndi ilə 6 (altı) ay müddətinə hərbi xidmətə müvəqqəti yararsız sayılırlar. Lakin müalicə səmərəsiz olduqda, onlar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
Elnare Qurbanova Soruşur Yazılma Tarixi:10.12.2015 21:31:47

salam men 01.05.1987 ci il anadan olmusam ve ndi cagrilisa qatilib mudetden artiq herbi xidmete goturersiz meni?

Nəzərinizə çatdırırıq ki, hal-hazırda Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətində qadınlar üçün nəzərdə tutulmuş hərbi (mülki) vəzifələr üzrə vakant yerlər olmadığı üçün, Sizin həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün deyil.
Oruc Memmedov Soruşur Yazılma Tarixi:10.12.2015 21:19:06

salam men yanvar ayinda heqiq herbi xidmete caqrlimiwam bir dostum var iyul ayindada dostum herbi xidmete caqrilacaq bilmek isdeyirem o konullu olaraq menimle eyni vaxta herbi xidmete getmek isdeyir menimle bir herbi hisseye dusmeyi mumkundu ?

Bildiririk ki “Hərbi vəzifə və hərbi xidmət haqqında” Azərbaycan Respublikası Qanununun 3.2-ci maddəsinə əsasən 18 yaşına çatmış və sağlamlıq vəziyyətinə görə hərbi xidmətə yararlı vətəndaşlar müddətli həqiqi hərbi xidmətə çağırılırlar. Vətəndaşların könüllü olaraq müddətli həqiqi hərbi xidmətə göndərilməsi məsələsi mövcud qanunvericilikdə nəzərdə tutulmamışdır. Onu da nəzərinizə çatdırıram ki, yalnız qardaşlar eyni vaxtda və eyni rayon çağırış komissiyası tərəfindən həqiqi hərbi xidmətə çağırılarlarsa, onlar bir qayda olaraq hərbi xidmət keçmək üçün eyni hərbi hissəyə göndərilirlər.
Aysel Memmedova Soruşur Yazılma Tarixi:10.12.2015 21:16:25

Salam mənim 23 yaşım var.9 illik tehsilim var kompiyuteri bilirəm hərbiye işə düzəlmək istəyirəm.xaiş edirəm mənə kömək edəsiniz.hara və hansi sənədləri verməliyəm və hansi tarixədək lütfən cavab yazin

Bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununun 3.4-cü maddəsinə əsasən, siyahısı Azərbaycan Respubliaksının Nazirlər Kabineti tərəfindən təsdiq edilən hərbi uçot ixtisası olan 19 yaşəndan 40 yaşınadək Azərbaycan Respublikasının qadın vətəndaşları özlərinin razılığı ilə hərbi qeydiyyata götürülür və bağlaşma əsasında Azərbaycan Respublikasının Silahlı Qüvvələrində və ya Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə hərbi xidmətə qəbul edilirlər.
Bu Qanunun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətə könüllü daxil olurlar.
Odur ki, aidiyyəti üzrə qulluq (xidmət) etmək istədiyiniz Azərbaycan Respublikası MÜdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik orqanları, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Sabir Ebdulrehimli Soruşur Yazılma Tarixi:10.12.2015 20:04:00

Salam men muddetden artiq heqiqi herbi qulluqcu olmaq ucun kimlere muraciet etmeliyem ? Birde men Baki seheri qeydiyyatindayam Baki Korpusunda isleye bilerem ?

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 36.1.1 maddəsinə əsasən,  - Müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla) daxil olurlar.
Odur ki, harada və hansı vəzifədə hərbi xidmət keçməyinizlə bağlı istədiyiniz müvafiq hərbi hissəyə müraciət etməlisiniz.
Rahid Abasov Soruşur Yazılma Tarixi:10.12.2015 19:06:48

Salam,narahat edirem Bilmek isteyirem ki men universitetde oxuyuram,cagiris gelib unveristetden arayis alib vermisem.2019 da bitirecem unveristeti. Meni esger apara bilerler??

“Hərbi vəzifə və hərbi xidmət haqqında” Azərbaycan Respublikası Qanunun 21.1.4-cü maddəsinə əsasən, ali təhsil müəssisələrində və onların filiallarında əyani təhsilalma formasında ali təhsil pilləsində (bakalavriat), ali baza tibb təhsili və rezidenturada təhsil alanlara təhsilini bitirənədək həqiqi hərbi xidmətə çağırışdan möhlət hüququ verilir. Həmin Qanununun 21-ci maddəsinə əsasən qeyd olunan təhsil müəssisələrində təhsilini davam etdirmək üçün çağırışçılara möhlət yalnız bir dəfə verilir.
Fəxrəndə Əliyeva Soruşur Yazılma Tarixi:10.12.2015 19:01:38

Səfərvərlik və hərbi xidmətə çağırış hərbi xidmətə işə qəbulla bağlı testdə hansı fənlərdən düşür suallar.Hansi materiallardan istifadə etmək məsləhət görülür.

Bildiririk ki, müsabiqəyə (test imtahanında) müraciət edən vətəndaşların ümumi bilik səviyyələri və dünya görüşləri yoxlanılır.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.