Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Vusal zerbeliyev Soruşur Yazılma Tarixi:29.09.2015 13:06:01

salam milli orduda kemer yigiwdirilib ?

Sizin müraciətinzə Səfərbərlik və Hərbi Xidmətə Çağırış üzrə Dövlət Xidmətində baxılmışdır. Ünvanladığınız suala dəqiq və dolğun cavab verilməsi üçün kəmərin hansı orqanda yığışdırılmasını  (Azərbaycan Respublikasının Müdafiə Nazirliyində, Azərbaycan Respublikasının Daxili İşlər Nazirliyində, Azərbaycan Respublikasının Milli Təhlükəsizlik Nazirliyində, Azərbaycan Respublikasının Fövqəladə Hallar Nazirliyində, Azərbaycan Respublikasının Ədliyyə Nazirliyində, Azərbaycan Respublikasının Dövlət Sərhəd Xidmətində, Azərbaycan Respublikasının Xüsusi Dövlət Mühafizə Xidmətində və Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində) yazmağınız tövsiyə olunur. 
zamanov elnur Soruşur Yazılma Tarixi:29.09.2015 10:44:34

Salam, mən Zamanlı Cavid Ağa oğlu 1994- cü il təvəllüdlüyəm ( Çağırış üzrə Dövlət Xidmətinin Ucar rayon şöbəsi ). Ucar rayon şöbəsinə müraciət etdim ki, mənə nə qədər möhlət verilib dedilər ki cavab gələndə xəbər edəcəyik amma 3 ay keçib hələ heç bir xəbər yoxdur. Sizdən xahişim budur ki, mənə hansı xəstəliyə görə və nə qədər möhlət verilib ?

Bildiririk ki, siz 2015-ci ilin iyul çağırışına hazırlıqla əlaqədar Xidmətin Ucar rayon şöbəsində tibbi şəhadətləndirilərkən səhhətinizdə “keçirilmiş eksudativ plevritdən sonrakı vəziyyət” aşkar edildiyi üçün göndəriş vərəqəsi ilə ET Ağciyər Xəstəlikləri İnstitutuna müayinəyə göndərilmisiniz. Müayinə olunduqdan sonra siz Xidmətin Ucar rayon şöbəsinin çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin tələblərinə uyğun olaraq 3 (üç) ay müddətinə hərbi xidmətə müvəqqəti yararsız hesab edilmisiniz.      
Eyni zamanda bildiririk ki, sizin şəxsi işinizə SHXÇDX-nin Mərkəzi Hərbi Həkim Komissiyası tərəfindən baxıldıqdan sonra barənizdə qanunamüvafiq qərar qəbul ediləcəkdir.
Etibar Novruzov Soruşur Yazılma Tarixi:29.09.2015 09:55:24

Salam.Oglumun 18 yaşı 11 oktyabrda tamam olur buna baxmayaraq ona həqiqi hərbi xidmətə yola düşmək üçün oktyabr ayınnın 1 -nə çagırış vərəqəsi verilib. bu işin qanuna zidd oldugu haqqında nə məlumat verə bilərsiniz.Bizim pozulmuş hüquqlarımızın bərpası üçün kimə müraciət edə bilərikş

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.3-cü maddəsinə uyğun olaraq oktyabr ayının 1-dən 30-dək çağırış günü üçün 18 yaşı tamam olmuş vətəndaşlar müddətli həqiqi hərbi xidmətə çağırılırlar. Sizin övladınızın 18 yaşı tamam olandan sonra təyin edildiyi hərbi hissəyə göndərilməsi nəzərdə tutulmuşdur.
Cahangir Babaxanov Soruşur Yazılma Tarixi:29.09.2015 09:09:53

Salam xahiw edirem cavablandirasiz,men rasiyada dovlet universitetinde oxumuwam diplomuma aposti vurulub azerbaycandada notorusda tercume olunub verilib vayinkomata lakin tehsil nazirliyi terefinden tesdiq heleki olmayib bilmek istiyirem men 1 illik herbi xidmetde olacam?

Bildiririk ki, müddətli həqiqi hərbi xidmət hərbi qulluqçuları ali təhsil müəssisəsindən verilmiş diplomun notarial qaydada təsdiq edilmiş kserosurətini xidmət etdikləri hərbi hissəyə təqdim etməlidirlər.
Elvin Soruşur Yazılma Tarixi:29.09.2015 03:07:48

Salam men ayin 1 i esgerliye gedirem size sualik ise budur men evliyem ve 1 oglum var cox adam deyir 1 illiy cekecem esgerliy sizden xaiw edirem mene bu haqqda melumat veresiniz.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, müddətli həqiqi hərbi xidmət hərbi qulluqçuları: ali təhsili olanlar – 1 il, qalan bütün əsgərlər, matroslar və çavuşlar – 1 il 6 ay həqiqi hərbi xidmət keçirlər.       
Nəzərinizə çatdırırıq ki, hazırkı ailə vəziyyətinizlə əlaqədar sizə mövcud qanunvericilikdə hər hansı güzəşt nəzərdə tutulmayıb. 
Nahid Suleymanov Soruşur Yazılma Tarixi:28.09.2015 22:40:12

2014 iyul cagiriscilarinin texris olunmasi barede verilen qerarlar nece olacaq.deyilene gore dekabr 29 zu yecris olacaqlar bu barade ne deyetdiza

Bildiririk ki, 2014-cü ilin iyul ayında müddətli həqiqi hərbi xidmətə göndərilən və 1 il 6 ay hərbi xidmət keçməli olan vətəndaşlar 2016-cı ilin yanvar ayında ordu sıralarından tərxis olunacaqlar.
Ali sahverdiyev Soruşur Yazılma Tarixi:28.09.2015 22:23:26

2014 iyul cagiriscilari deyilenü göre dekabrın 29 zu texris olacaqlar.bu barade ne fikirler var.olacaq bele bor sey???

Bildiririk ki, 2014-cü ilin iyul ayında müddətli həqiqi hərbi xidmətə göndərilən və 1 il 6 ay hərbi xidmət keçməli olan vətəndaşlar 2016-cı ilin yanvar ayında ordu sıralarından tərxis olunacaqlar.
Sail Nəsibov Soruşur Yazılma Tarixi:28.09.2015 22:20:27

Salam. Bilmək istəyirəm Ali təhsilli 29.01.1986 təvvəlüdlü və 2008-2009 cu ildə hərbi xidməti əsgər kimi keçmis biri yenidən zabit kimi hərbidə isləyə bilər? Cox sag olun.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.4-cü maddəsinə əsasən, zabitlərin həqiqi hərbi xidmətinə – hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar daxil olurlar.
Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.  
Sayad Babakishiyev Soruşur Yazılma Tarixi:28.09.2015 22:13:34

salam vaxtiniz xeyir.Ali tehsilliyem 24 yasindayam cekim 103 boyum 171dir.3cu dereceli piylenme ile herbiden qalmisam...amma men herbi xidmeti basa vurmaqda israrliyam.bilmek isterdim 3 cu dereceli piylenmeden eziyyet cekenler herbi xidmete yararlidirlarmi?

Hərbi xidmətə çağırış zamanı ilk dəfə III dərəcə alimentar piylənmə aşkar edilən vətəndaşlar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13 “ç” bəndi ilə 6 (altı) ay müddətinə hərbi xidmətə müvəqqəti yararsız sayılırlar. Lakin müalicə səmərəsiz olduqda, onlar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
Tanrıverdiyev Çingiz Soruşur Yazılma Tarixi:28.09.2015 22:10:01

Mən Tanrıverdiyev Çingiz 1993 cü ildə hərbi biletimi itirmişəm.Hərbi bileti yenidən almaq üçün nə sənədlər lazımdı və hara müraciyət etməliyəm

Bildiririk ki, mövcud qanunvericiliyin tələblərinə əsasən etinasız saxlanılması nəticəsində hərbi bilet korlandığı və ya itirildiyi halda inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 355-ci maddəsi) tələb olunan sənədlər əsasında hərbi vəzifəlilərin hərbi qeydiyyatda olduqları yer üzrə Xidmətin yerli idarə, şöbə və bölmələri tərəfindən təkrar (yeni) hərbi bilet verilir.
Hərbi biletin korlanma və ya itirilmə şəraitinin yoxlanılması və təkrar (yeni) hərbi biletin verilməsinə əsas verən sənədlərin toplanılması müddətində hərbi vəzifəlilərə hərbi bilet əvəzi arayış verilir.
Bu səbəbdən mövcud sənədlərinizlə hərbi qeydiyyatda olduğunuz Xidmətin aidiyyəti idarə, şöbə və ya bölməsinə şəxsən müraciət etməlisiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.