Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Mirislam İsmayılov Soruşur Yazılma Tarixi:17.08.2015 17:45:36

Salam bilmək istəyirdim ki mə nəqədər möhlət verilib ? İsmayılov Mirislam Mirkazım oğlu 27.10.1993 Hacıqabul rayonu

Bildiririk ki, 2015-ci ilin iyul çağırışına hazırlıqla əlaqədar Xidmətin  Hacıqabul rayon şöbəsində tibbi şəhadətləndirilmisiniz və Sizə səhhətinizlə əlaqədar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi həkim ekspertizası haqqında Əsasnamə”nin “Xəstəliklər cədvəli”nin müvafiq maddəsinə əsasən 6 ay müddətinə (07.01.2016-cı il tarixədək) həqiqi hərbi xidmətə çağırışdan möhlət hüququ verilmişdir.
kamran cebrayilov Soruşur Yazılma Tarixi:17.08.2015 17:05:11

Salam.men bilmek isterdim ki,men yastiayaqlliliq oldugu ucun herbiye yararli olmamisam aparmayiblar mene pensiye dusur?cox vacibdi

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə ünvanladığınız məktub araşdırılmışdır. Nəzərinizə çatdırırıq ki, mövcud qanunvericiliyə görə pensiya yaşı olmayan vətəndaşlara yalnız əlilliyə görə pensiya təyin oluna bilər.  
Nicat Babayev Soruşur Yazılma Tarixi:17.08.2015 15:50:37

Salam ,men Babayev Nicat Ilqar oglu 26.06.1997 tevelludluyem (Cagiris uzre Dovlet xidmetinin Xetai Rayon sobesinde qeydiyatdayam .Mene ne qeder Mohlet verilib ?

Qeyd etdiyiniz məsələ ilə bağlı Səfərbərlik və Hərbi Xidmətə Çağırış üzrə Dövlət Xidmətinin Xətai rayon idarəsinə müraciət etməyiniz tövsiyə olunur.
FERID MEHDIYEV Soruşur Yazılma Tarixi:17.08.2015 14:25:42

SALAM men MEHDIYEV FERID ZAKIR oglu men 1996 ci ilde anadan olmusam senedlerimi idman akademiyasina vermisdim ve kesildim meni oktyabr 1 cagrisa cagiriblar ve indi senedlerimi texnukuma vermisem ayin 19 cavablar cixacaq eger men texnikuma qebul olsam meni esgerliye gedecem?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsinə əsasən orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara təhsilini davam etdirmək üçün çağırışa möhlət verilir.  
Natiq eliyev Soruşur Yazılma Tarixi:17.08.2015 10:43:58

Salam,bagiwliyin sizede ezyet verirem,dostumun herbi bileti itib, onu yenisiyle evez etmek olarmi?

Bidiririk ki, itirilmiş və ya korlanmış hərbi biletlərin əvəzinə hərbi vəzifəlilərə yeni hərbi biletlərin verilməsi əvvəlki hərbi biletlərin itirilməsi və ya korlanması səbəbləri araşdırıldıqdan sonra verilir. Dostunuzun yeni hərbi biletlə təmin edilməsi üçün o, sənədləri ilə (şəxsiyyət vəsiqəsinin surəti, 3x4 ölçüdə 2 ədəd fotoşəkilvə ərizə) hərbi qeydiyyatda olduğu yer üzrə Xidmətin yerli idarəsinə (şöbəsinə və ya bölməsinə) müraciət etməlidir. Bundan sonra Xidmətin yerli idarəsi (şöbəsi, bölməsi) tərəfindən DİN-nin yerli orqanına itirilmiş hərbi biletin aşkar olunub-olunmaması barədə sorğu göndəriləcək. Cavab alındıqdan və hərbi qeydiyyat məlumatları tam toplandıqdan sonra o, qısa müddət ərzində hərbi biletlə təmin olunacaqdır.
Fərman Piriyev Soruşur Yazılma Tarixi:16.08.2015 20:13:16

Salam, bağışlayın narahat edirəm. Mən oktyabrda hərbi xidmətə getməliyəm. Boyum 166 sm, çəkim isə 44 kq-dır. Burada Rayonda xəstəxanada həkimdən soruşdum dedi ki, çəkim düşmür. Amma mən getməliyəm. Bunun üçün neyləməliyəm? Yəni çəki mütləqdir, yoxsa gözləyim çağırış vərəqəsi gəlsin gedim komissarlıqla danışım? Siz necə məsləhət bilirsiz?

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən yaxşı fiziki inkişafı və qidalanması, mütənasib bədən quruluşu olan, boyu 148 sm-dən və bədən çəkisi 45 kq-dan az olmayan çağırışçılar hərbi xidmətə yararlı hesab edilirlər.
Feqani Eliyev Soruşur Yazılma Tarixi:16.08.2015 17:04:20

Sualim budurki.Muddetden artiq heqiqi herbi xidmetci (maxe? Orta tam tehsillidrse zabit ola biler?

Mövcud hərbi qanunvericilikdə dinc dövrdə müddətdən artıq həqiqi hərbi xidmət qulluqçularına ilk zabit rütbəsinin verilməsi nəzərdə tutulmamışdır. Eyni zamanda Sizə «Hərbi xidmətkeçmə haqqında» Əsasnamənin 57-ci, 58-ci və 61-ci maddələrlə tanış olmağınızı tövsiyə edirik.
araz Soruşur Yazılma Tarixi:16.08.2015 14:13:05

salam. men biletden imtina elemek isdeyirem sebeb herbi bilete 14-b maddesi qoyulub ona gorede hec bir yer goturmurler ona gorede mene lazım deyil bilet onsuzda isim geder nece edim ki biletden imtina edim adıma bilet olmasın onsuzda o bilet saxta madde qoyulub sozy uzatmaq isdemirem esas o biletden canımı qutarmalıyam xais edirem komek edin tesekkür edirem

Bidiririk ki, müraciətiniz əsasında konkret araşdırma aparılması üçün soyadınız, atanızın adı, təvvəllüdünüz və hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarəsinin (şöbəsinin, bölməsinin) adını bildirməyiniz vacibdir.  
Nağıyev Zəka Soruşur Yazılma Tarixi:16.08.2015 12:49:34

Salam. Mən 2008-ci ildə xəstəliklə əlaqədar hərbi bilet aldım. 2014- ci oktyabrda tekrar yoxlamdada peçat vuruldu. İndi tamamilə sağalmışam və oktyabr ayında hərbi xidmətə gedmək istətirəm. Nə edim. hara müraciyyət edim.

Bildiririk ki, «Hərbi vəzifə və hərbi xidmət haqqında» Azərbaycan Respub­likası Qanununa əsasən «dinc dövr üçün hərbi xidmətə yararsız, müharibə dövrü üçün məhdud yararlı» hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Eyni zamanda nəzərinizə çatdırırıq ki, əvvəllər müəyyən olunmuş diaqnozunuz dəyişdiyi və ya sağlam hesab olunduğunuz halda, Siz yalnız öz arzunuzla vaxtından əvvəl təkrar tibbi müayinəyə cəlb oluna bilərsiniz. Odur ki, vaxtından əvvəl təkrar tibbi şəhadətləndirilməniz üçün hərbi qeydiyyatda olduğunuz Xidmətin yerli idarəsinə (şöbə və ya bölməsinə) müraciət edə bilərsiniz.
zamanli cavid Soruşur Yazılma Tarixi:16.08.2015 12:41:16

Salam, mən Zamanlı Cavid Ağa oğlu 1994- cü il təvəllüdlüyəm ( Çağırış üzrə Dövlət Xidmətinin Ucar rayon şöbəsi ). Mənə 6 ay möhlət veriblər Ucar rayon şöbəsindən soruşdum amma hansı xəstəliyə görə oldugunu demədilər. Sizə sualım belədir ki, mənə hansı xəstəliyə görə möhlət verilib ?

Sizin hərbi xidmətə çağırılmamağınız barədə müraciətinizə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində baxılmışdır. Bildiririk ki, siz 2015-ci ilin iyul çağırışına hazırlıqla əlaqədar Xidmətin Ucar rayon şöbəsində tibbi şəhadətləndirilərkən səhhətinizdə “keçirilmiş eksudativ plevritdən sonrakı vəziyyət” aşkar edildiyi üçün göndəriş vərəqəsi ilə ET Ağciyər Xəstəlikləri İnstitutuna müayinəyə göndərilmisiniz. Müayinə olunduqdan sonra siz Xidmətin Ucar rayon şöbəsinin çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin tələblərinə uyğun olaraq 3 (üç) ay müddətinə hərbi xidmətə müvəqqəti yararsız hesab edilmisiniz. Eyni zamanda bildiririk ki, sizin şəxsi işinizə SHXÇDX-nin Mərkəzi Hərbi Həkim Komissiyası tərəfindən baxıldıqdan sonra barənizdə qanunamüvafiq qərar qəbul ediləcəkdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.